主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26585    回應 : 22
文亮言
銀行才是進擊的大佬
 
湯文亮博士
紀惠集團行政總裁
2016年1月18日

  在過去幾年,樓價不斷上升,政府雖然推出辣招,很可惜,不但治唔到本,連標都治唔到,反而金管局的逆週期措施有效,不過,就傷害了銀行業業務,但我又聽不到有任何銀行家呼籲金管局放寬逆週期措施,唔通銀行唔想做生意,與此同時,逆週期措施助長了財務公司業務,長此下去,財務公司便會替代了銀行位置,點解銀行唔擔心,我相信大家都感覺到很奇怪。

  其實,銀行家亦感覺到樓價太高,趁機收緊高成數按揭,既然財務公司如此勇猛,索性將生意讓給財務公司,而且,銀行家知道,財務公司本身沒有專業估價部門,主要是倚賴銀行的估價(跟銀行合作的測量師行),結果就是銀行的估價是非常進取,估價比新買樓宇成交價還要高,買樓的人開心,財務公司又可以多做生意,銀行可以說是成人之美,但對於銀行有什麼好處,大家都百思不得其解。

  我估計銀行家是等待樓市終極一跌,或者叫爆煲,除了那些將物業按在財務公司的業主遭受損失外,財務公司亦有可能未能及時收回欠債而遭受損失,有一些資歷淺的財務公司可能要結業,到那時候,金管局有機會放寬逆週期措施,由逆七變逆五,逆四,銀行在過去幾年所損失的生意,尊嚴,地位,一次過奪回來,幸存的財務公司實在難擾其鋒,他們會發覺,銀行始終是大佬,而且是一個韜光隱晦,但有機會便反守為攻,一個進擊的大佬,如果事情真的是如我所料,財務公司之敗,是敗在錯用銀行的估價報告,一個不但比成交價,甚至比新樓還要高的估價報告,樓價一直上升,客戶生存,財務公司仍然可以生存,一但樓價下跌,就會潰不成軍,與客戶一起變成一個雙輸結果,銀行家終於收拾舊山河,朝天闕。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 無奈 2016-01-18 08:55:22
沙發,再勝工仔兄一丈
2. 真真薯片 2016-01-18 09:04:36
財務公司都威左好多好多年了, 唔少做到肚滿腸肥, 就算爆煲都唔易死, 係近年新開果d差少少

其實會唔會有部份財仔原來係有銀行背景? 咁就咩市都可以做到生意?
3. 無奈 2016-01-18 11:58:01
銀行掘個坑比財仔連人帶馬跌入去?商場即是戰場!
4. 凝風 2016-01-18 12:01:00
銀行估價進取?
其實反觀咁多次跌市,銀行次次調整估價都慢,只係而家冰封市成交少,調整更慢。

博士何意說"終極一跌",銀行準備大勝財仔呢?
其實而家制度下資產質素還會有"終極一跌"的可能嗎!?
尼個不是好友淡友問題,而是邏輯問題。
其實博士講早前的過度消費既觀點,釘契問題我都同意。
宏觀"部份小業主"真係守唔到,大業主&市場完全絕對有速度既承接力接平貨。
5. 凝風 2016-01-18 12:04:01
韜光養晦的,還有一堆閒資在手上的人!等待時機~
6. 凝風 2016-01-18 12:04:02
韜光養晦的,還有一堆閒資在手上的人!等待時機~
7. Tony lam 2016-01-18 13:00:06
我睇銀行未有老湯諗得咁高深、亦冇動機扇D財仔、既然買樓要落咁多part、估高D借多D有乜鑊呢?咁辣嘅招下、重估低D ? 真係跌市個時銀行過瘾咩  ? 再玩底出係借多D比大客仔、好似上市公司咁、再由佢地散比財仔或直接自己成幢買、息口好過自己直接同老散Deal啦!估高D亦客觀地谷高個市、銀行本身都安樂D啦!銀行家都係打工啫、最緊要自己揸莊時精彩、炸彈等下家接咗先爆、呢D係世道宿命、花到荼蘼實會謝。
9. 西門吹雪 2016-01-18 13:18:28
Tony兄,其實我都係咁諗。銀行估大d咪做多d生意law,邊有博士講咁高將。

不過,諗深一層,博士之前講既野成日都中。之前好多我吾信既野都發生左。所以家下佢講咩我都信了。哈。
10. 打工仔 Andy 2016-01-18 13:34:29
無奈兄

我今早掛住出文!
11. Tony lam 2016-01-18 14:02:26
1哥、老湯如果冇料、我都冇咁好氣係度吹水啦、客觀睇法一樣、解讀過程唔同啫、咁先可以互動啟發嘛!呢D就係水唔會白吹嘞!
12. 望東樓 2016-01-18 14:26:07
正正因為博士講啲財仔二按,我就上網睇咗一啲關於靄華押業上載聯交所嘅資料同埋彭博一啲簡單財務分析。發覺按揭以經成為佢啲嘅主要業務同財務來源。最近仲做咗幾單比較大(相對佢哋嘅b/s size)一按添。

有趣嘅係佢哋嘅est。2016 P/E係四倍。
13. Tony lam 2016-01-18 14:26:30
我D摸底做法,上星期尾我56買咗一注#5、打算向下跌5%再買二注(53左右)、再落5%就買三注(50左右)、再落就撟手座船(座艇?)等收息,唔知夠on居未 ? 有冇高手可指点吓?
14. 西門吹雪 2016-01-18 15:42:26

Tony兄~小弟覺得唔好越跌越買。通常如果想摸底,最好唔好等某個價入,因為熊市低處未算低。即使到價,一般我會等一個較好既反彈信號。一支十字星,正搥頭,或者破腳穿頭都係有效既反彈信號。

話說回來,56蚊買大象都唔衰得去邊(近7%回報)。不過,就是今日百貨公司打7折,難保聽日唔會打6折既意思者。無人可以知道最底係幾折,因此分注買亦係正確 。

15. Tony lam 2016-01-18 16:30:21
1哥 多謝!!!原意係想座船滋游吓、得閒發吓牙痕、又強化咗經常性入息、就算得5厘都好過博命、最過瘾係唔洗報税!真正嘅叻income、点睇?
16. 一周 42 項 拍賣 2016-01-18 16:45:37
 本 周 42 項 物 業 推 出 拍 賣
  (星島日報報道)本周將舉行兩場拍賣會,提供至共約四十二項物業拍賣,當中不乏法院令物業及銀主盤。

  忠誠拍賣周三推出二十三項物業,包括住宅、工廈、農地、車位等多類型物業。其中,深井青山公路麗都花園四座十四字樓D單位,承法院令,五百五十五方呎,開價三百六十萬元,呎價六千四百八十六元,低市價約一成半。

  尖沙嘴金巴利道金閣大廈十五字樓B室,承法院令,八百六十四方呎,開價八百五十萬元,呎價九千八百三十七元。

  黃開基拍賣同於周三推出十九項物業拍賣。當中,元朗孖峰嶺路二十三號翠峰十座一字樓,為交吉住宅,一千零四方呎,開價五百六十三萬元,呎價僅約五千六百零七元,較市價平約兩成。另

荔枝角泓景臺七座三十七字樓H室,為交吉住宅,四百六十九方呎,開價五百四十八萬元,呎價約一萬一千六百八十四元。
17. 地產小子 2016-01-18 16:52:02
文章見報日就是渣打馬拉松比賽日,在面對政治、經濟、樓市等全面低氣壓的情況下,渣馬能否令人更欣賞香港實在成疑。不過,很多事情都有兩面,當全民都開始相信樓市轉勢之時,有志上車的人士就要開始儲定錢,靜候入市時機。
世事無常,湯文亮去年發表「細價樓爆煲論」,由去年被指吹牛到今年陸續獲得讚賞;社會由去年年頭的「有樓先嫁」,到今日開始擔心樓奴的財力,都印證着變幻才是永恒這個道理。
從前樓宇價值被地產代理「吹得燦爛」,除了居住,還是身份象徵、投資升值首選,即使劏房也昇華至千萬身價,新居屋即使再差也被搶購一空;到了現在風水輪流轉,一手豪宅流標或要減價才獲承接,多個新盤錄得撻定,不少二手樓要劈價才有承接,六位數二手公屋亦開始重現。
不少股樓名家都估計樓市不會跌超過15%。不過,專欄作家高明在某紙媒上的一句「買樓係投資,啲人升先會想買!」才是重點。從前香港人相信香港長遠不斷變好,所以即使樓價屢創新高,仍願以畢生積蓄築起血肉長城;如今香港的法治甚至人身安全都受到威脅,主流香港人開始對香港前途失去信心,這個轉變也許會令更多人攜同資金逐漸離開,對香港經濟與樓市帶來重大不穩定因素。現在打算置業的朋友,要留意「早買早享受,遲買平幾球」的可能性。
兩年前,友人曾笑言本欄於跌市時可以介紹「如何用四百萬住一千呎」,這個笑話數年後也許成為新常態。

地產小子
http://propertykids.blogspot.hk/ 
18. 西門吹雪 2016-01-18 17:12:10

回TONY兄~正是如此~~佢派近HK$4蚊息,4/56 = 7.14%,係NET INCOME來,最多收小小手續費而已。再跌都無咩所謂,過幾年一百蚊賣吧~

不過溫馨提示佢亦有可能供股~記得不要去太盡呵~~就算真係供,都係之前講7折6折既問題者。

1哥就不敢當,哪個1字係因為Simon被用了,隨便加上的,稱我Simon小弟已經可以了~~

19. 老餅 2016-01-18 19:16:42
有個問題有冇C兄可以分享一下,D股票吹水佬話,股票上升時可以加注,下跌時就唔好溝淡否則越溝越傑,又話月供股票是一個很好的平均買入,咁股票下跌時又每月供股票,咁究景是越溝越傑定係好的平均投資呢?
20. Tony lam 2016-01-18 20:08:28
老兄 你唔覺D友一味人噏佢跟噏嘅咩!我2000年開始放胆收貨、當時咪正正當頭跌、到14年12月先賣第一件,咪正正當頭起、股票就15年3月左右清倉、咪又當頭起時、上星期又入貨又當頭跌、今次就輸贏未知、關鍵係自己籌碼自己心水、唔洗比D爬仔影響。
21. Tony lam 2016-01-18 20:34:22
老兄 越溝越杰,係冇紀律,唔睇荷包、冇賭嘅天份、落注第一步唔係估輸贏幾多先、係睇可以擺幾多落去、再講点分段或者晒冷、重要係擺哂就停決不加注、綽頭股博唔到大毛就要捨得、高息有實際業務嘅就可以捱吓。
升時我就一路計數、永唔諗摸頂沽、升到啱心水時走减D,再升到預期以上時清倉、D神話股老散冇幾個可以負轆、個別執到嘅會比人吹到全民得咗㗎。
22. 【豪宅按爆】天璽八按盤變銀主 「蝕到賣唔到」 2016-01-18 21:36:45

九龍站再有豪宅遭按爆。消息指,天璽星鑽璽低層E室「八按盤」,實用831方呎,去年7月放盤開價2,700萬元,上月初減價540萬元,以約2,160萬元易手,呎價25,993元,內地業主劈價兩成,連使費蝕逾100萬元。

但有指該業主資不抵債,由於賣樓不夠還債,最終「蝕到賣不到」,被逼取消交易,單位並已淪為銀主盤。


土地註冊處資料顯示,該單位現由一名持中國護照姓鄭的內地客持有,於2010年4月以2,180萬元購入,由中銀香港承造一按。但在2012年至2014年期間,內地業主將物業七度按畀「財仔」,最高更涉及四按,包括2014年10月向一名姓周的疑似內地客私人借貸940萬元。有代理證實該天璽豪宅已淪為銀主盤,現於市場開價2,300萬元放售。

九龍站近期交投淡慘,上月僅6宗買賣,本月暫錄3宗。由於該天璽交易最終告吹,促成交易的地產經紀變白做,佣金見財化水。

23. 老餅 2016-01-18 22:34:20
Tony 兄,完全明白.