主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 37183    回應 : 35
文亮言
現在說供應不足反而會令樓價下跌
 
湯文亮博士
紀惠集團行政總裁
2016年1月4日

  現在樓市下跌之勢已成,可以說大局已定,但睇好樓市的人仍然作最後反擊,除了說美國的加息速度緩慢,亦唔會加得太多之外,同時亦非常著重供應量,經常說2016年供應量比2015年還少,只有萬多個單位,企圖以供應不足令市民相信樓價仍然會上升,其實,在這資訊發達年代,大部份投資者及業主都知道,2016年新樓供應有二萬六單位,還未計2015年貨尾單位,供應早已大於需求,連政府亦要修改十年供應數量,亦沒有市民質疑政府,其實,不少業主亦希望政府能夠減少供應來穩定樓價,不過,基於大家平時都只是質疑政府是否能夠達標,所以亦不好意思說出來,唔質疑就即是默許,官員們應該明白。

  今日,仍然以供應不足堅持樓價仍然上升的人,他們自以為很聰明,其實是很蠢,他們不明白,在樓價上升的時候,說供應不足會令市民恐慌搶購,樓價繼續飆升,但當樓價下跌,說供應不足會令樓價繼續下跌,因為市民擔心,在供應不足的情況下,樓價都守不住,倘若他日供應充足,樓價又怎會不跌,所以,連有需要的人都暫時拒絕入市,成交量繼續下跌,沒有成交量支持,樓價亦繼續下跌。情況就好似一間公司因為多冗員而蝕錢,一般人認為,就算賣都唔會賣得好價錢,但投行睇這間公司有不同見解,雖然公司現在蝕錢,但新買家在接手之後,只要開除冗員,精簡架構,公司便會回復盈利,如果,投行職員發覺那間公司沒有冗員,架構非常精簡,不能夠再有改善空間,他們都費事搵買家,很多時,冗員都是買點,現在說樓價下跌是因為供應充足,只要政府稍為收緊,樓價就會平穩,甚至回復升勢,這個道理,現在仍然說供應不足的人是不懂的。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2016-01-04 10:27:26
沙發!
2. Desmond 2016-01-04 12:03:21
見到標題不太認同,看完內容後變了五五波。
3. 真真薯片 2016-01-04 13:01:16
在下估計好友既意思係樓市長線供應不足, CY連司法覆核地都要推, 即係就黎冇地推, 問題係發展高頂唔順劈價先, 定係CY冇地賣先?
4. 老餅 2016-01-04 13:02:02
我覺得其實現在供應足或不足都是次要的問題,香港人都不是傻仔,眼見樓市勢頭向下走,尖刀剛從高處掉下,怎會伸手去接,免得一手是血.
5. 神祈小子 2016-01-04 15:35:23
其實現況已看不到利好的因素,說供應不足、加息緩慢來支持入市信心的聲心愈來愈少,最重要是很多買家心態已轉變,要跌兩三成才考慮入市,買樓始終是人生大事,絕對要睇定(成交量、中原指數)才去馬。
6. 向饭民说不 2016-01-04 16:12:26
老餅,尖刀跌下,同时打散香港的就业市场,到时不是楼价问题,而是劳工市场,而是物贱斗穷人。
7. 老餅 2016-01-04 16:25:08
飯民兄,絕對同意你的觀點.
8. CD ROM 2016-01-04 18:11:01
呢個咪引刀兄既, 賺錢剛需剛剛需理念????????????
9. Desmond 2016-01-04 19:31:47
我並不覺得政府會沒地推出市場,香港是有土地的(例如郊野公園等),只是因為多方阻攔而暫時未動,遲幾年不夠地時就會強硬推出,就好像現時大學校委會主席人選一樣,在各方反對下政府仍是委任自已孰意的人選。
10. LYC 2016-01-04 21:47:34
博士已經轉軚睇好了!

11. Rru 2016-01-04 22:42:12
https://www.facebook.com/CTimefans/videos/1047889755257224/
鄭生都唔同大陸玩,2016年人仔變垃圾,美國回到亞洲,中共甘多年gdp係時候爆,香港人記住持有美金或港元,


12. Tyy 2016-01-04 22:44:32
香港太多仆街發展商,建做垃圾劏戶樓,呢d樓最少會跌30%,最多人唔會住呢d樓
之前又有大財團成幢收購再改成酒店
13. 徒弟仔 2016-01-05 13:23:14

各位大大

小弟想問下, 而家係咪換樓時機?

背景:

我和太太月入共10萬, 80後(頭) 有一工人和一初生嬰兒, 現自住物業市價850-900萬, 580尺兩房, 還間了一小型工人房, 想係同屋苑換3房/套廁單位 (950-1100萬), 如賣出自住物業只能用500萬做首期(所以要超荀或低層先有機)

是否目前市況不就樓換樓(因傳統智慧是否升市換樓?)

各位大大覺得目前是否換樓時機?

14. 凝風 2016-01-05 15:35:19
To 13. 徒弟仔,

而家一動不如一靜啦~

1.現自住物業市價850-900萬 <==而家賣樓,賣唔賣到呢個價都成問題 (而家賣唔咬你一頸血就奇)
2. 唔係首置,你加大負債,你500萬未去到按揭5成,但你又清哂袋,一經濟下行,想有個錢旁身都難。
3. 有BB,你開支好快倍數咁上 (我係過來人)

所謂時機都要睇個人處境。
純粹個人意見,自己諗諗。
15. 無言 2016-01-05 15:39:31
To 13/f,

個人建意暫不要換,睇到年尾先。徐非有10~15%比市價折價。不過你要預現在層樓可否賣到你心中價位,個人議見。
16. 徒弟仔 2016-01-05 17:16:39

To 14. 凝風兄

我都自覺比較險....

可能要

1. 搬去第二區尺價低D :(

2. 銀行放寬50%按揭

17. 徒弟仔 2016-01-05 17:25:30

To 15. 無言兄

同意, 再睇睇年尾乜情況....

唔知閣下認為兩房換三房要係乜事況,乜條件先可以實現?                         

18. 凝風 2016-01-05 17:52:03
To 徒弟仔:

下行市況,我同意博士有講要賣走抗跌力較差既物業,買入優質物業。
而家見你咁講兩房一廳尼個價位,個地區應該唔差。
唔好為換而換,出入費好高,為左換間平尺價 或 低層,降左質素就唔抵。
你而家個價話賣左有500係手,你間野成800-900,我估你防守力應該唔錯。
BB仲細,空間無迫切加大,可以等等,我認同睇睇情況先。
仲有收入尼家野,下行經濟,收入幾多都可以隨時話無就無。(可能你係鐵飯碗)
我話睇處境既意思,你做咩決定你自己諗左家庭先,唔關樓市事。
有個BB,無錢係身,好無助的。

19. Alan Pepper 2016-01-05 22:14:58
To 13

如果只想改善生活空間,咁不如放租現有單位,再租大啲,風險及成本都比較低。呢兩年儲啲彈藥,買間又平又靚嘅新樓作投資,保持正現金流。

現在賣出應該唔着數。因為成本太貴。一買一賣四五十萬成本仲未計裝修。

還有,現在借錢很艱難,利息條件有冇咁好。

以上已集合其它網友的意見。小弟唔怕羞回應 😅😅
20. 引刀一快 2016-01-06 02:34:22
To 13樓 兄台

俾個未來化少少嘅提議你,去大陸買間交通方便,管理好嘅平屋,50-150之間嘅幅度,每月幾千供款,將屋內所有唔等駛嘢揾跨境搬屋公司攞晒過去,間屋就會即刻大咗。

50萬左右嘅屋,蝕晒都係50萬,你半年收入咋。
21. 徒弟仔 2016-01-06 12:28:25

To 18, 19, 20樓 師兄

同意, 因BB 還小, 不過我同太太年齡越大,怕供到退休都供唔完....我想呢個係好多70,80後既難題

現住地方是ok的,一來是我和太太由細到大都住係呢一區(以前住附近公屋), 二來自己兄弟姐妹和父母都住同一屋苑, 互相照應,唔同一齊住但都常常見面, 所以搬區都唔係太理想...

我地唔係公務員但都係專業人士,收入和穩定度還過得去, 3,4年前都換過樓, 當時升市+按揭無咁多限制, 因此整個換樓過程是很順利的, 不過而家無咁容易lu.... 一買一賣洗好多錢!!

至於返大陸買個單位, 呢樣嘢對我黎講係新思維, 值得參考 :)



22. 打工仔 Andy 2016-01-06 13:20:50
TO 21樓 徒弟仔師兄

如果方便, 登記返個網名, 會有更多的交流!
23. TO 打工仔 師兄 2016-01-06 13:46:50
OK!!!!!
24. 徒弟仔 2016-01-06 13:48:15

TO 打工仔 師兄


OK!!!!! 跟各位師兄 學嘢 :)

25. 打工仔 Andy 2016-01-06 13:57:26
徒弟仔兄

的確快手! 好野!!!
26. 徒弟仔 2016-01-06 14:01:18

打工兄,

我的case, 能否指點一下迷津?

27. 打工仔 Andy 2016-01-06 14:18:04
徒弟仔兄

只得5M唔夠買10M 樓,
印花38萬, 加埋其他洗费及裝修要有6M 先夠!
只能上50%會, 300期, 月供3萬
你應該過到压測, 不過暫時, 一動不如一靜, 等等先!

有無諗過储多點子彈, 日後直接買三房,
现有的兩房留返來收租!
28. 徒弟仔 2016-01-06 14:21:42

To 27. 打工仔

當然想keep 住而家呢間, 因為放了好多我同太太既心機搞裝修, 會好唔捨得.

但直上3房好難储到幾球....

可能要储返百零萬先有得稔...

29. 打工仔 Andy 2016-01-06 14:33:38
徒弟仔兄

明白!
正正揾錢不容易, 所以更加不用急慢慢來! 
30. 引刀一快 2016-01-06 14:47:02
To 28樓 徒弟仔

既然唔捨得間屋,即係有好多回憶喇,買間大陸屋頂住先,好多阻椗但係又唔捨得揼嘅嘢,全部可以攞晒過去,仲有個渡假嘅地方。

樓市下走,呢間大陸屋嘅樓款,可能完全係推遲換樓慳番嚟嘅,將來分分鐘唔駛賣走原來果間,慢慢你就會明。
31. 徒弟仔 2016-01-06 14:47:28

打工仔兄


明白, 多謝指點

32. 凝風 2016-01-06 16:07:42
尼度好多收租佬,睇佢地討論,都有獲益。
我尼D都係新手收租佬...大家交流一下~

引刀兄~
求賜教買大陸樓有D咩條件、限制。有咩要特別注意~
如買黎收租,點搵管理公司打理。有咩風險問題~
33. 徒弟仔 2016-01-06 16:35:22

各位大哥,

買樓收租, 今年係咪時機? 小弟對東區情有獨鍾


34. 凝風 2016-01-06 19:50:50
To 徒弟仔,

好難講係咪機會,有時間落去地代識下人,拿下電話、卡片。
有熟人好辨事,有荀盤自然你先知。
博士都有講,你對地代好$_$,自然有你好處。

好市、差市都有荀盤,問題係輪唔輪到你遇到,或許地代對你好到送上門問你要唔要。
35. 打工仔 Andy 2016-01-06 22:21:56
凝風兄

同意呀! 地代其實係收租佬嘅合作伙伴!  大家都要有好嘅關係呀!