地產博客 > 文亮言 返回
瀏覽人次:42244    回應:67
文亮言
全民退保是一個騙局,騙年青人的局
 
湯文亮博士
紀惠集團行政總裁
2015年12月29日

  一向以來,在社會上討論全民退保的人不多,而且,討論的大多數是上了年紀,甚至已經退休的人,年青人幾乎絕跡,我估計政府早已不打算推行全民退保計劃,不過,為了應付社會上不同聲音,勉為其難做一些諮詢工作,見大局已定,林鄭立刻宣佈此項計劃已經被終結,無謂夜長夢多,計劃負責人周永新話政府所說的全民退保計劃是一個騙局,所做的諮詢是假諮詢,如果我是周老兄,一樣會發火,比政府玩咗幾年,又得不到社會認同,唔發火都唔得。

  有人會覺得很奇怪,點解全民退保得不到年青人支持,我都唔知點答,只能做一個實驗,叫那人在街上隨便搵一個年青人,叫他每月供款,話俾那個年青人聽,他的供款是有保障,再隨便指向一個嬰兒,話那個嬰兒他日會照顧那位年青人,結果會是怎樣,大家千祈唔好試,一定會被人話痴線,而且講痴線的人不用道歉。

  其實,周老兄話全民退保是一個騙局的確沒有錯,無論周老兄事前是否知道政府的計劃,他隻身演出就應記一功,政府可以拖咁耐,而最後又可以輕描淡寫取消計劃,就是周老兄忘我演出,如果不是有周老兄頂住,全民退保計劃由其他激烈政黨參與,話唔定又會用法援申請司法覆核,結果真的很難預計,如果通過,當然就大件事,就算唔通過,政府在自己打自己的情況下,又會用一大筆金錢,我認為全民退保,唔係唔好,年紀愈大,就有得保,年輕投保,年老就冇,騙局一個,叫全民退保。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2015-12-29 08:31:52
沙發!
2. 打工仔 Andy 2015-12-29 08:43:38
西方國家退休保障十足, 交税也十足!
香港地有人未有想過如何退休, 只想歡樂今宵, 有錢玩晒佢, 老左就揾人打救!
收租佬就靠自己, 不救人!
3. 引刀一快 2015-12-29 08:53:07
年老嘅時侯,都過咗2047喇,享受同大陸劃一嘅老人福利都唔定。
4. 引刀一快 2015-12-29 08:55:42
打工仔兄


好嘢!一句“收租佬就靠自己, 不人!”,呢個錯字玩得靚!
5. daga1iu 2015-12-29 08:58:31

公務員享用長俸,不是今天年輕人,納稅供養退休公務員嗎?

為什麼公務員享用長俸不用設資產審查呢?

退休公務員已經離開工作,對社會毫無貢獻,今天的年輕人為什麼要供養他們?

今天的年輕人要納稅供養退休公務員,但年輕人的父母卻得不到退休保障,真難明!!!!


明天林鄭月娥司長退休,我們納稅人是否要供養她?

 

 



6. 神算 2015-12-29 09:35:35
刀兄早晨!

話時話大陸有乜老人福利?是否劃一?
7. 凝風 2015-12-29 09:47:38
To 神算,

大陸都無,得一個"社保基金"。 每個打工仔都要供社保,老左到指定年輕,不用審查就每月派錢。

而家HK見大陸做得幾好,又想COPY一部份,個名叫"全民退保",希望政府對老人家不審查就每個月派錢。
錢從何來!?
市民供完強迫金,蝕到俾人XYZ。仲想市民俾?政府又唔想俾...只係講邊個出錢都難搞!
尼個資詢,擺出黎都知做樣。

To:周老兄 "認真便輸了!"
8. 路人 2015-12-29 09:55:00
周永新是大教授,周永康是大貪官,甘都寫錯?
9. kKH 2015-12-29 09:55:46
Admin, 是「周永新」
10. 江邊人 2015-12-29 09:56:11
To 5樓
我覺得你是指鹿為馬, 私人機構有13個月粮, 還有bouns, 公務員有嗎? 他們在工作時己交退保金, 享用長俸有何問題? 不是納稅人供養. 如果沒有長俸制度, 今天可能十個公務員有九個收黑錢. 
11. Alan Pepper 2015-12-29 09:57:14
可能周先生都做緊戲,唔係大家嚸落台?
12. Admin 2015-12-29 10:06:14
謝謝8,9樓, 已更正
13. 真真薯片 2015-12-29 10:23:30
講全民退保, 香港個方案連大陸都不如

大陸係你供左n年, 退休後唔理你有幾多錢, 就每個月比你直到老死, 如果成世人冇供過就冇得攞, 非常合理

香港建議用資產審查去分邊d人有得攞錢邊d冇, 係搵笨7, 大陸每日有150人落黎, 呢班人所有支產都係晒大陸, 保証全部符合資產審查, 政府係咪打算派錢比佢地所有人? 就算本地人, 返大陸開個戶口擺底d錢, 然後返黎話自己去澳門賭輸晒得唔得? 靠d人自律唔好呃政府同抽查即係同捉假結婚一樣, 1%都唔知捉唔捉到, 資產審查真係超搵笨

如果要搞, 應該學返大陸同其他國家, 有交過稅就有得攞褔利, 冇交過稅就冇, 有冇交過稅問稅局, 冇得呃, 咁先有得做
14. 凝風 2015-12-29 10:48:28
To 真真兄,

認同你講審查唔公平~

政府只係香港人居留身份問題都搞唔掂,搞稅局咪仲死得勁,再者稅網內既唔多。
衝醫院生仔,唔找數,又拿身份證。條數都未找就講權利拿福利。
唔找數唔發正式身份,直到找哂條數先俾返公民權利。(點知又有班人出黎話唔人道)
做咩都有人出黎搞事
15. Peter Pan 2015-12-29 11:00:37
真真薯片講得好, 完全同意 .
16. 神算 2015-12-29 11:33:44