地產博客 > 文亮言 返回
瀏覽人次:32337    回應:17
文亮言
從美國加息看香港減辣
 
湯文亮博士
紀惠集團行政總裁
2015年12月23日

  美國加息,香港樓市大地震,劈價源源不絕,而且愈劈愈深,愈劈愈廣,不但細價樓劈價,中型住宅,豪宅都不時出現劈價成交,雖然劈價盤湧現,但二手成交慘不忍睹,在近幾個月,每個月都創新低,物業代理鬼殺咁嘈,其實,他們亦知道,成交量創新低乃是成交價創新高的反應,巿民拒絕高價入市,但有人將矛頭轉向政府,認為政府應該取消辣招,我笑看人生,政府從推出辣招的第一日,就已經沒有打算撤招,甚至在什麼情況下撤招,都沒有一個官員夠膽明確說出來,只有財爺在推出SSD的時候曾經含糊地表示,在適當時候就會撤招,什麼是適當時候,財爺沒有明確表示,撤招,大家死咗條心好過。

  反觀美聯儲局講加息,在伯南克時代已經表示,當失業率降至6.5%,就會考慮加息,當時,美國失業率是7.5%,不過,伯南克以至耶倫不斷搬龍門,將失業率要求不斷降低,最後鐵定當失業率降至5%便會加息,與此同時,耶倫再加多個龍門框,就是要通脹超過2%,美國真的是在失業率5%,以及通脹2.02%時加息,雖然伯老,魔女不斷搬龍門,甚至一個龍門有兩個龍門框,但始終有個龍門,但香港連龍門都沒有,官員們又怎會減辣,其實,訊息是非常清晰,只不過仍然有一些人收唔到,不斷要求政府撤招,當我們了解到美聯儲局做法,就知道政府是不會撤招,連減辣都不會,大家不如齊心協力,想其他辦法將成交量回復至正常,我個人睇法就是放寬逆週期措施,即是銀行放寬按揭成數,尤其是對首次置業的人,不過,我又擔心好心做壞事,眾所週知,樓市正在下跌,現在上車是非常危險,隨時損失全部資金,放寬首次置業人士按揭,就變成叫他們做炮灰,做官的確很難。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 無奈 2015-12-23 08:45:51
沙發先!
出遠門。

2. 無奈 2015-12-23 08:50:02
好一句沒有龍門。
什麼都不會撤,官員思維保守,不做不錯。樓價大跌可嬴民意,何況根本很難估樓市走向,豈能一錯再錯。嘻嘻。
3. 引刀一快 2015-12-23 08:58:50
無奈兄,一路順風!

我就一路順豐,網購買鏡頭。
4. 路過 2015-12-23 09:02:13
首次置業不是已經可以做九成按揭嗎?
5. 自我陶醉 2015-12-23 10:03:20
到地產商唔用加佣變回贈式嘅減價,正正式式下調單價,二手成交自然會增加。
6. 占士 2015-12-23 10:48:51
無奈兄,一路順風!
7. 凝風 2015-12-23 10:59:22
"雖然劈價盤湧現,但二手成交慘不忍睹,在近幾個月,每個月都創新低,物業代理鬼殺咁嘈"
其實除左高價問題,同時代表了香港物業資產質素高。
樹大有枯枝,總有借貸消費既人,但認真看看佔整體比率,不足以推倒樓市。
再看SSD,過往3年註冊成交(有限制只有這班人),也說明大部份人不受SSD限制。
為何不賣導致成交量低,愈唱談愈不賣!?
因為大部份業主(持有1至3個物業),多年來有一定儲備,不等錢用,經得起大上大落,反而一賣錢不見得多放在銀行怎處理,而且有機會做錯決定賣掉,將來再買就難。
政府對資產質素最重視,亦是不斷重複穩健發展之根源。
壓力測試實施多年,大大提升資產質素,才是淡風下成交量創新低是關鍵。
8. 真真薯片 2015-12-23 11:22:43
之前地代狂吹樓價會繼續無限升, 配合樓價指數不斷創新高, 逼買家無限追價, 後來發現吹得太勁, 令業主太心雄, 叫價太高太硬, 變成零成交, 地代自食其果

不過地代其實仲未放棄, 依家地代狂唱淡, 又係配合指數, 希望逼政府撤招, 等有樓既人可以買多幾層黎投資, 對地代黎講, 逼政府撤招比投資者入市好過等樓價跌返去可接受水平比用家入市, 因為依家樓價仍然係好高, 早買樓既賺價仲係極深, 靠呢班業主買多層投資遠好過靠用家入市, 你問地代鐘意招呼投資者定用家多d? 答案不問而知

如果政府撤招, 地代肯定又會全力鼓吹投資者入市, 到時指數又會配合爆升, CY都係地產界出身, 佢又點會唔知
9. 鄧學士 2015-12-23 12:48:10
同意薯片兄講法,若果比投資者擁有更多物業,到時又比佢地帶住走,控制啲價同租金。依家幾好,多番租盤同放盤。
10. 神祈小子 2015-12-23 13:32:53
下跌時人人心諗「遲買會平」的心態,就算放寬逆週期措施也很多人不會入市(仍會覺得跌),人的心理是不執輸(升市時)及怕取火棒(跌市),多從按自身能力買樓仲好。
11. 打工仔 Andy 2015-12-23 16:44:52
減辣?  今屆無可能!
12. Hw 2015-12-23 20:36:05
香港的死証,就是每一次樓市大調整,物業會進一步聚集在少數人手上,因為每一次樓災收死的,都是那些勉強上車或是炒技不精的弱者。

道理好簡單,有現契樓的,或是就快供完樓的炒家,有較強的執死雞的能力(銀行鍾意借錢俾有錢人)及勇氣(食過番尋味,EQ較高)。
13. HW 2015-12-23 20:43:37
【香港業權結構有幾壟斷?】
唔講唔知,在全城瘋狂爭買樓上車的時代,根據2014年官方數字,香港交差餉最多既法人#,第一個已經擁有全港近1.7萬個物業單位。單是頭10個擁有超過4萬個單位,頭100位則擁有約7.9萬個!

業權相對集中在一小撮人手上,辣招更本不能幫助改變此一現象。
14. 真真薯片 2015-12-23 21:13:41
啱啱上地代網睇, 市區大屋苑仲係叫緊兩房800萬, 三房過千萬

睇黎一方面絕大部份業主都係唔憂賣, 另一方面好多業主都覺得只要肯等多幾個月或者半年, 樓價就會重拾升軌, 如果CY撤辣, 就會比呢班業主又又又又又一次等到升返, 以後想壓樓價就更加難, 因為所有人都知, 只要死頂, 就一定win
15. 打工仔 Andy 2015-12-23 22:07:08
無奈兄

旅途愉快!
16. 打工仔 Andy 2015-12-23 22:13:34
真真薯片兄

有供應, 樓市會慢慢理顺, 市區始終供應少! 
17. 凝風 2015-12-24 12:02:43
資本主義社會的特色~
資本就是王道,有資本先有機會。
大把人無資本想發圍,咪高槓桿囉。
尼個世界無咁多傻人,特別去到樓咁大投資。
而家搏得既人,心諗本來無一物,輸盡輸D乜,點都搏一搏,單車變摩托。

資本主義>>>貧者愈貧,富者愈富。