地產博客 > 文亮言 返回
瀏覽人次:34728    回應:48
文亮言
城市論壇後記
 
湯文亮博士
紀惠集團行政總裁
2015年12月21日

  港台在星期五才通知我今日出席城市論壇,我收到通知後才發覺,無論以觀眾或者嘉賓身份,我從未到過城市論壇,如果港台在上星期通知,我就會在上星期日去一次,因為這是一個現場節目,冇得take 2,論壇在十二點開始,嘉賓最遲要在11:50分到場,我穩陣一些,十一點已經泊好車,很奇怪,九龍城在星期日原來很旺,很多人到此覓食,大多數都是潮州菜或者泰國菜,我當然是做完節目才去搵食。

  城市論壇是港台一個長壽節目,有超過二十個工作人員,我相信他們已經駕輕就熟,我是菜鳥,他們提點多一些,老施就不需要,大家在電視上睇到的並不是全部,我將他們的說話撮要,並且作出一些分析,但我預先聲明,這是我個人意見。

  老施旗幟鮮明,希望政府減辣,我認為沒有可能,樓市比最高峰時只不過下跌了6%,就算老施頭馬都話樓市未能確認下跌,在這情況下怎可能減辣,如果減辣之後樓價狂飆,要加辣就要通過立法會,死梗。預期人民幣貶值,老施認為減BSD可以吸引國內人在香港買樓,我認為如果預期人民幣貶值,將人民幣兌換港幣便可以,毋需買樓,何況現在大家都預計香港樓價有一定跌幅,千祈唔好以為國內人士咁蠢,我認為政府在任何情況都不會減辣,大家死咗條心,如果能夠放寬10%按揭,已經是最好禮物,星架坡的匯水加樓價,已經跌了四成,仍然不敢減辣,香港又怎會減辣。

  在節目開始前,我對工業總會郭振華先生說,在全盛時期,珠三角有八萬間香港人的工廠,現在只剩二萬八,郭生話三萬三,在節目中,主持人表示有人登報話輸了十五億港元Accumulator,有五千間工廠有問題,郭生話沒有這回事,我覺得很奇怪,現在不少豪宅劈價盤都是那些廠商擁有,在銀行工作的人知道這是事實,而我與郭生的差額正是五千間工廠,今個年關相當難過,郭生應承到我在明報的會客室,我會問清楚。

  還有一位嘉賓,經濟學家關生,他用了很多數據,但台下反應不大理想,可能太深奧,我都唔識,不過,在過去幾年,關生年年預測樓市下跌,樓市走勢年年升,與關生預測背道而馳,所以,號召力減弱,在我寫「細價樓爆煲論」之後,心想關生一定支持我,但結果佢又認為唔會爆煲,令我摸不著頭腦,我認為關生見解,充滿學術性,在大學發表比較適合。

  大家唔好以為城市論壇充滿暴力,其實是非常守規矩,每個政黨只可以派一人發問,限時三十秒,由主持人決定先後,他們很乖,好似小學生一樣,排排隊發問,絕不暴力,與鏡頭所見不同。老實說,今次唔夠喉,希望有下一次。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2015-12-21 08:47:20
博士
九龍城假日十分旺, 經常塞車, 你十一點泊車會d, 再遅少少九龍廣場車位都會滿。

學生發問都想買樓, 未有事業就想置業, 難怪公屋咁多人排!
2. Desmond 2015-12-21 09:01:02
香港人在珠三角開的工廠除了在數量上由八萬間減至二萬八千間(或三萬三千間)外,大部份工廠的人數都減少了,有很多幾千人的工廠都縮減規模或倒閉了。
3. Ca1on 2015-12-21 09:11:22
打工仔兄, 學生哥想識女仔, 而港父母教識港女對男人第一要求係要有樓有車(=有錢), 想買樓原動力就係來自呢種天生的男性本能.
4. 如是 2015-12-21 09:11:40
如果能夠放寬10%按揭,地產商會好開心,其次,是想放貨的炒家。
對於想首次買樓自住就唔多高興吧。
5. 引刀一快 2015-12-21 09:26:51
打工仔兄

我第四篇嘢,同學生置業有關,好惡寫。
6. 女Fa1 2015-12-21 09:30:43
昨天看到一半, 就趕著出門, 晚一點上網看重播
7. 真真薯片 2015-12-21 09:46:41
星期日九龍城好旺, 車位易爆, 係咪代表本地經濟, 尤其係中產揸車級既收入, 到呢一刻為止都未受影響?
8. 引刀一快 2015-12-21 10:01:33
To 8樓 PN兄

尋日返大陸,經過深圳灣,又見到逼爆過關嘅景象,真係好耐冇見。
9. 望東樓 2015-12-21 10:02:09
如果響聖誕節前星期日都唔爆嘅場(地方)就真係收得工。
10. 打工仔 Andy 2015-12-21 10:04:52
Carson 兄

好有道理喎! 有時睇電视都见到動物界雄性都要有個靓巢先可以追女仔! 哈哈哈!
11. 望東樓 2015-12-21 10:06:35
當年一入到U都係講四仔(唔係AV個隻),而家都係一樣。之不過手段相反,唔係努力向上游而係向下沉。
12. 打工仔 Andy 2015-12-21 10:07:58
引刀兄

加油加油! 小弟已經無乜墨水了! 哈哈哈!
我尋日都有來回深圳, 真係超多人!
13. KY 2015-12-21 10:18:41
Kwan Cheuk Chiu is a scholar only.  He does not know how the market runs.  His comment can be ignored TOTALLY.  It is so sad that there is no true elite, except such guys, willing to support C Y Leung.
14. 收買佬 2015-12-21 10:22:23
就算係03年的3-5月,九龍城週日都係人頭湧湧。

利申:由出世住九龍城,住到幾年前先搬家(但都係隔離區)
15. Ca1on 2015-12-21 10:58:51
臨近聖誕好多舖頭減價, 昨日一去海港城, 竟然重現大量內地遊客, 行了幾分鐘被行李箱差點車了好幾次, 舖頭人頭湧湧, 烏煙瘴氣, 結果頂唔順轉去第二個場. 排隊入停車場, 排足整條廣東道, 彷彿市道回到兩三年前一樣.
16. 真真薯片 2015-12-21 11:05:25
想睇自由行市道, 大家不妨求其上一個酒店app check價

在下睇一睇. 今個聖誕新年檔期, 三星酒店都叫價2000蚊以上一晚, 呢個價係市道非常非常好先有, 似乎加息確認後, 香港經濟先有一輪反彈, 彈完之後再算
17. Sugar 2015-12-21 11:18:44

我有睇.......博士都幾上鏡 , 施生氣勢逼人 ; 關生面有愁容 , 郭生謙謙君子!

也感覺到博士似乎仍不夠喉 , 唔知論壇完咗有冇同施生再過招???^^

18. Alan Pepper 2015-12-21 11:40:39
關生是否關焯照?佢係憤世中年的,唱跌咗咁多年終於俾佢估中了!