主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 48971    回應 : 28
文亮言
幾時可以買樓
 
湯文亮博士
紀惠集團行政總裁
2015年12月15日

  有年青朋友問我幾時可以買樓,我唔識得答,就算答都要非常小心,因為每一個人的能力都不同,要求也不同,是否進取,或者比較保守一些,所得的結果也不一樣,所以,我很少答某一個人幾時應該買樓,幾時買,他們應該比我清楚,或者,他們心目中已經有一個答案,我就算答,如果與他們心目中的答案不吻合,他們一定要求我解釋清楚,沒完沒了的事,我亦懶得回答。

  今次有多少不同,因為我正在寫物業投資者筆記(4)角動量守恆,幾時買樓可以從成交量睇到,十一月份二手樓成交量少於二千,做物業代理當然辛苦,但如果不是二手細價樓樓價屢創新高,令到二手樓業主心熊,就算不創新高,都要高價才願意出售,成交量就不會如此偏低,這亦是市場向高樓價說“不”的反應,所以,當成交量回升,即是業主肯降價,我估計,當二手樓成交量回復至每月四千宗或以上,就可以考慮買樓,但先決條件就是樓價最少要保持平穩,如果成交量大,而樓價又下跌,表示大量業主願意劈價出售物業,在這情況之下就要多等一會,待成交量增加,樓價上升時才入市,勝算就會大得多。

  大家千祈晤好祈望可以在樓價在最低時才入市,可以做其撈底王,做撈底王其實是損失了無數機會,就算真的是撈底,亦可能得不償失,太唔值得,所以,打算買樓的人首先要心裡有數,是他們自己條數,當樓價下跌到不但可以負擔,甚至游刃有餘的時候,就要準備買樓,買樓之後,亦要有心理準備接受樓價繼續下跌,如果沒有這種心理質素,就千祈唔好買樓,既然要自怨自艾,倒不如安慰自己,話樓價長遠必升,咁就會開心得多,做人開心就好,唔需要諗咁多。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2015-12-15 09:39:22
沙發先!
2. 新抱仔 2015-12-15 09:56:20
買樓真的要計清楚自己的負擔能力,可以才去馬。別人根本不會知道自己的財政情況,很難給予意見
3. 自我陶醉 2015-12-15 10:05:58
我覺得有急切自用必要,又買得起,又唔會為樓價跌而擔心的話,幾時都可以買樓。如果只係為咗怕執輸先去買,就真係要諗清楚喇!
4. 打工仔 Andy 2015-12-15 10:14:20
其實係, 有自用需要又有能力買, 仲要捱到價, 自已計清楚條數, 可以買的!
5. yyfan 2015-12-15 11:18:01
如果要問人幾時可以買樓,佢就幾時都唔應該買樓
6. 歷史長河 2015-12-15 11:18:31
幾時買?錢夠時即可買,除非你自認叻到可以預測後市。下篇文章詳敘。
7. 珍惜香港 2015-12-15 11:50:43
8. 歷史長河 2015-12-15 11:57:49
True
9. 博士粉絲 2015-12-15 12:19:04
我雖不是經常看博士論文,但偶爾一看,覺得博士真好,起碼願將心得和大眾share,善哉善哉!
10. 跌打佬 2015-12-15 12:45:07
謝謝湯博士的文章

在這裡看了文章都已一年以上, 幸好得到湯博士''細價樓爆煲論''的啟發而暫緩入市

 這裡的文章有很多寶貴知識, 作為物業初哥受益不少

11. 自我陶醉 2015-12-15 13:12:17
昨日想去銀行撞吓買澳洲紙個亞婆,恭喜佢投資嘅澳洲紙升番少少。點知,見到一件有趣的事,想同這裡的智者分享:

昨日,有位唔知地頭嘅年青人,行經一幢危樓面前,有位老伯同年青人講:“後生仔:前面幢樓好危險,唔趕時間的話盡量唔好行嗰邊。”  當時,有途人經過,聽到老伯的話,就同年青人講:“嘻! 我日日都行呢條路,唔見我有事? 都唔知慳番幾多時間,除非佢叻到知道幢樓幾年幾月幾日幾點冧啫! ” 年青人聽了半信半疑……待續

12. 神祈小子 2015-12-15 13:55:16
從成交量再睇下形勢是否劈價後才評估到要否入市(當然是有住屋需要),多謝博士提點。
13. 2011年開始 2015-12-15 14:48:32
現在出現何熊輝先生講的情況,鋸齒形成交,低層平過市價,高層優質單位高過市價.
14. 引刀一快 2015-12-15 15:54:54
自我陶醉兄

呢個世界,有好多人,平日与普通人無異,其實係變形俠醫,帝國大廈冧落身上都不損分毫。
15. 自我陶醉 2015-12-15 17:36:43
14樓 引刀兄

咁勁!  我都想學喎!
16. 打工仔 Andy 2015-12-15 17:44:49
自醉兄

引刀兄可能係講緊佢自已! 哈哈!
17. 自我陶醉 2015-12-15 18:01:58
打工兄,你下次見到佢,記得試下佢係咪真係咁堅!  哈哈!
18. CD ROM 2015-12-15 18:26:56
張家輝話: 買得起, 就係買樓時機!!!

如果係自用兼有自住需要, 唔買要比租果隻, 我真心同意的~~~
19. 歷史長河 2015-12-15 19:15:15
CD 兄,張家輝?佢copy 我?
20. 引刀一快 2015-12-15 19:49:43
長河san

佢買樓兼媾埋鄭秀文,仲有A.BB做便宜女,邊個copy邊個都有數維喇,哈哈哈哈
21. 歷史長河 2015-12-15 19:59:48
刀兄,無論佢溝女幾叻,厘句係我先講吧?你可以做證,厘度大部分網友都可以做證。
22. 引刀一快 2015-12-15 20:14:00
To 15樓 自我陶醉兄 16樓 打工仔兄

我無意中試過喇,以爲自己係變形俠醫,起碼都係變形金剛喇,結果個心痛咗幾年,眼光光睇住好多機會流走咗,先至知道自己只不過係變形蟲咋!


23. 打工仔 Andy 2015-12-15 20:30:48
吓 !
24. 引刀一快 2015-12-15 20:39:07
長河san

張家輝套戲喺2014年,睇怕你講得俾佢早。
25. 自我陶醉 2015-12-15 20:43:42
引刀兄,

當你去到一年入一間嘅境界時,我保證你一定唔會再痛。努力啊! 呵呵!
26. 引刀一快 2015-12-15 20:43:42
自我陶醉兄

我怕到時,一年入一間精神病院咋!
27. 無常 2015-12-15 23:58:29
自住角度,既買得起,不用左撲右撲,給自己安樂舒適既家,如是貴少少也值,千金難買心頭好

投資角度,當還聽到未來還要用郊野公園黎起樓,繼續地少人多,供不要求…
28. CD ROM 2015-12-16 17:01:09
刀兄, 呢d戲你都有睇, 估你唔到, Haha~~~~  ABB, 真係load 1 load先知你講乜...

我係飛機上睇的, 真係因為當日張家輝係d trainer度講呢句野, 先揀來睇的~~~~

當然, 最後係無乜相關內容的啦....... 

長河兄, 有時間你都可以睇睇~~~