地產博客 > 文亮言 返回
瀏覽人次:40370    回應:17
文亮言

對手狠,要保住形勢,唯有更狠

 

湯文亮博士

紀惠集團行政總裁
2015年11月28日

  當大家認為長實的元朗新樓盤以同區十年樓齡折讓一成開價,已經是非常狠,主要因為長實在同區沒有大型新樓盤,可以不用顧及那些在過去一兩年以高價買入新樓盤業主的反應,沒有心理包袱,開價狠一些亦無妨,反觀新地,在長實開價後遲遲未敢開價,就是因為有心理包袱,當大家以為新地將會暫避其鋒,將銷售重心移往西環新樓盤,誰不知,新地突然以比同區十年樓齡折讓兩成開價,全世界人都跌晒眼鏡,我亦不例外,但我細心再想,兩位售樓主管的確將「狠」字訣發揮得淋漓盡致,長實開價狠,新地如果不退讓,見到對手狠,唯有更狠。

  我真的是與兩位主管的級數有一段距離,首先,我不敢開價那麼狠,而見到對手狠,我可能會選擇退讓,但我知道新地開價後,才知道我的想法是錯,如果退讓,以後,整個元朗區的銷售就歸長實,所以,為了保住形勢,開價唯有比對手更狠,事情發展下去,什麼結果都可以發生,我亦不敢胡亂推測。我只替今年買了樓的人不值,尤其是那些以創新高價買細價樓的業主,我不敢說他們有所損失,起碼銀行暫時仍然可以保住估價,不過,相信不用多久,銀行亦會降低,到那時候,有一種人將會以非常狠的姿態出現,唔使我講大家都知道應該是財務公司,他們以銀行將物業估價降低為理由,不但拒絕為客戶提供新的貸款,客戶不能以貸冚債,財務公司是會強迫他們出售物業,市場上將會有更多劈價盤出現,一定會有人懷疑,怎會有業主那麼狠心,劈價劈得那麼深,他們又怎會知道,這是因為借錢俾有物業的人非常狠,要將事情解決,業主唯有劈價,仲要劈得狠。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 歷史長河 2015-11-28 10:15:35
比同區十年舊樓折讓兩成?呎價2萬-3萬,西營盤樓開「半山精品價」喔!

  《經濟通通訊社26日專訊》新地(00016)西營盤新盤「King’sHill」
(明德山)公布首批50伙價單。價單包括高中低層、一至二房單位,定價介乎773﹒1萬元
至1554﹒1萬元,呎價介乎20843至30774元。
  其中,定價最低的單位扣除約11%折扣及現金回贈後,折實約688萬元,呎價約
19491元。
  項目提供方案一:提供25%二按,首兩年息率為P-2﹒85,期後以P計算;方案二:
高達淨樓價80%一按,首兩年息率為P-2﹒25,期後以P計算
  新地副董事總經理雷霆在記者會上表示,項目今晚起接受認購,會視乎反應於未來幾日公布
銷售安排。
  他形容,今次定價屬「半山精品價」,樓價較鄰近新入伙一房單位有近三成折讓。
  首批項目貨值約4﹒5億元,最快下周開售。(sc)
2. 真真薯片 2015-11-28 10:35:23
長河兄早晨

咁半山又唔同既, 在下反而覺得, 如果同區兩個大樓盤唔算太近都咁狠, 咁將軍澳南果八千個單位點搞?

比多幾個星期時間, 睇下超人係咪可以一q清元郎盤先啦, 個盤都係千五個單位左右, 如果係年頭, 三日就賣晒啦
3. 歷史長河 2015-11-28 10:38:00
薯片兄早晨,其實小弟對新盤冇研究,只是覺得每個公司有不同賬薄,不同算盤。外人看去,猶如盲人摸象也!
4. 元朗居民 2015-11-28 10:54:22

其實我覺得長實仍然不夠狠 , 世宙起在公屋朗晴邨傍 , 差不多零距離 , 附近又有好多黃色企街 ,  肯定會影响升值和租值 ,  所以開這個價只可以吸引到少數本區實客入票 , 大部份票都係來自外區客 , 未能令全元朗區嘩然 , 這個盤係先天不足 !

 

5. Alan Pepper 2015-11-28 12:16:12
長河兄,地區有別,供應亦有別。明德山只有共 166 伙,全區沒有新發展, 5分鐘地鐵到中環,中環 Young Middle Management 租首選啊。
6. Alan Pepper 2015-11-28 12:18:41
還有,$20000-$30000 實呎係市價啊,要跟寶翠及泓都比啊
7. yyfan 2015-11-28 12:20:06
長實生意涵蓋咁廣,其實地產只是其中一瓣食之無味 棄之可惜的業務,所以其做法一直同其他地產商唔同,大家無須諗得太多
8. Alan Pepper 2015-11-28 12:24:24

Sorry, 寶翠及寶雅

9. 歷史長河 2015-11-28 12:26:32
Alan兄,Fan 兄,非常認同。唔好過度解讀。
10. yyfan 2015-11-28 13:37:13
河兄,強如百業之母的銀行現在對個市都唔識睇,更何況一眾地產商,今年年頭收到各大銀行對未來兩年人仔睇法,各大行多數仲係睇升,依家咪證明錯哂,既然銀行都唔識睇,比著我係地產商,有人肯提早兩年俾錢埋單,梗係平少少都做啦,更何況所賺非淺
11. 世宙現場 2015-11-28 14:25:16
自己抽過環宇3次,緻藍天2次,都抽或㨂不到。
今次世宙水票約9000,比環宇第三次多少少。剛才中午一點到現場八卦一下,嚇了一跳!抽樓地方無曬人,已清場,情況遠比環宇第三次抽樓差好遠。同緻藍天完全無得比。
睇嚟,啲購買力唔知去咗邊?

12. 老餅 2015-11-28 23:23:36
睇個勢樓市有下行壓力,地產佬聞到D囉味,就早散貨早著,遲散貨D主管就訓唔著,因可能遲D折讓2成都清唔到袋.
13. 歷史長河 2015-11-29 00:46:25
多謝 Alan Pepper 兄提醒,我還以為博士講新地西營盤新盤明德山低開二成,原來博士係指新地另一元朗新盤。

以後看文會仔細D。
14. 引刀一快 2015-11-29 11:25:22
To 12樓 老餅兄

睇下D“盲好”冇嘢講就知道咩事喇,口講就話隨口嗡啫,要散貨嘅係實打實嘛,行動代表一切喇。
15. 西門吹雪 2015-11-29 12:13:30
今日星期日我想做下盲好 xDDD:

地産商d貨平賣,因為d貨差ma。一手冇人買,d人都要住架,二手一定升 XDDD

16. 引刀一快 2015-11-30 10:00:22
非常同意Simon1兄所言,真係喎!D人要住架嘛!唔買邊有得住呢?香港咁多人瞓街,香港出生率又因爲響應曾蔭權呼籲而大增,大陸專才又操兵落嚟,一手樓就話唔買啫,二手唔買點得呀。
17. 唯有更狠 2015-11-30 11:08:15

世宙減價4%加推截擊峻巒

長實地產(01113)元朗世宙及新地(00016)同區峻巒兩大新盤連環交鋒互撼,正當峻巒未開賣昨天已率先減價約1.5%,加推106伙,冀吸納世宙向隅客之際,長實昨晚突然公布新一批128伙價單,減價約4%留客,搶客戰況白熱化。兩盤雖減幅輕微,但情況罕見;業界認為,兩新盤互相「望住對方開價」,估計未來加推單位售價有機會進一步調低。