主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 29647    回應 : 18
文亮言
品酒論轉角之葡萄美酒夜,乾杯
 
湯文亮博士
紀惠集團行政總裁
2015年11月13日

  上星期五,明報在酒店搞咗個湯文亮會客室現場版,請了不少名人到場支持,而主角就是長居法國,對紅酒有深厚認識的陳增濤教授,而會客室當晚亦有一個名稱,叫「品酒論轉角」。

  有現場觀眾問,樓市有轉角,紅酒點會有轉角,其實,紅酒轉角比樓市來得早,跌得深,在政府推出辣招初期,金管局亦推出逆週期措施,有物業的人想借錢買樓是比較困難,有銀行推出酒花生意,借錢俾那些有物業的人買酒花,他們只需付500萬,便可以買價值1,000萬酒花,當時,紅酒在國內的強勁需求下,酒價日日升,紅酒界人士估計,那些人在五年之後收酒,酒價最少升一倍,據聞,有不少人買了酒花,

銀行做了不少生意,我當時寫了一篇文章「葡萄美酒夜,乾杯」來贈慶,今日,買了酒花的投資者收酒,原本價值1,000萬的紅酒,現在只值500萬,有利用銀行的酒花貸款的人,無端端揹起了
500萬債務,那些評酒家對於紅酒價不升反跌,出現轉角市的情況是很容易解釋,一句習主席打貪便可以,好彩,當日借錢買酒花的人只不過因應銀行要求而借錢,期間在銀行的物業又升值了不少,銀行是不會向他們追數,不過,又唔好彩,如果當日銀行借500萬,他們自己又出500萬買細價樓,今日所賺到的錢足夠買500萬紅酒有餘,就真真正正可以開番個「葡萄美酒夜,乾杯」party。

  再有現場觀眾問點樣用最簡單方法睇樓市轉角,我又用最簡單方法回答,睇銀行估價,如果銀行估價經常大幅高於成交價,樓市便開始轉角,這是一條通識題目,不過,暫時未係,箇中理由,大家想一想,或者,留意下一篇文章,品酒論轉角之醉臥沙場君,莫笑。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 望東樓 2015-11-13 09:15:46
好似對於市場『暫時性』逆轉響本網站有兩個標準答案:我揸佢幾年或幾十年,之後一定上;同埋只要我唔賣就唔蝕。
2. 丸子 2015-11-13 09:24:53
思考博士出的題目中,很有趣呢!
3. 西門吹雪 2015-11-13 10:15:49

回PN兄~~肯咁講既已經係較進化的了~~好多仲係講緊唔會跌~或者跌幾個體又再巴巴聲升過....

有時候真係唔知D信心0係邊度來~ XDDD

4. 西門吹雪 2015-11-13 10:21:02
其實如果係股市,出現呢種盲目看好既抗奮情況,就已經表示股災在即。可是,樓市這種情況已經維持左好幾年,唔知仲可以維持幾耐~~真係好難理解。
5. yyfan 2015-11-13 10:34:07
如果係投資名酒收藏又如何?三年前有位英國朋友話可以將酒抵押比銀行作融資,當年經濟差,好多有錢人用手頭名酒(主要是紅酒,因為有市場價作參考)作抵押品向佢惜錢,到期還唔到就收為己有,有D似當鋪
6. 中產求生隊長 2015-11-13 11:19:51
有幾個中產朋友的確見椒招後不買樓轉去投資紅酒之類或者買酒莊的另類投資,投資紅酒在大商家眼中實在不值一搏,初級投資者又去學炒酒花自然係中招收埸,想到華置劉君買粉紅鑚及藍鑚當禮物及投資成為一時佳話,同時完成單大Deal將商廈賣比恒大,股價又即時開十幾%,手法之高及財技之利害,實在令人偑服,不過猛虎不及地頭蟲,去到澳門搞投資就中哂招,可能去前冇請教一下博士人脈關係。我地飲红酒好過啦。
7. 小業主 2015-11-13 11:23:06
博士講左大半年話樓價會跌,一直半信半疑,直至最近打算將出租物業放盤放盤,才發現現在不單樓價巳跌,如果要成功把物業出售,要比市價低更多才能出售。所以,不能不驚嘆博士之預事如神。現在應驗博士之言,所有原先看好樓市的人都巳轉軚。只可以說之前懷疑博士的人,是以小人之心度君子之腹。現在看來巳錯過出貨的
8. 中產求生隊長 2015-11-13 11:44:46
有幾個中產朋友的確見椒招後不買樓轉去投資紅酒之類或者買酒莊的另類投資,投資紅酒在大商家眼中實在不值一搏,初級投資者又去學炒酒花自然係中招收埸,想到華置劉君買粉紅鑚及藍鑚當禮物及投資成為一時佳話,同時完成單大Deal將商廈賣比恒大,股價又即時開十幾%,手法之高及財技之利害,實在令人偑服。
9. 望東樓 2015-11-13 12:40:01
西門兄,查實上嚟呢到吹水你睇好睇淡都冇問題,因為個市唔會因為你一己意願而上升或者回落。但你至少比個合理因由咁大家先可以理性討論。我嚟呢度係想為自己觀點掃盲而唔係自我催眠。
10. CD ROM 2015-11-13 13:03:13
八掛想知, 紅酒慘烈d, 淨係茶葉慘烈d呢???
11. 亞細 2015-11-13 13:30:53
我想問下博士,幾時才可投資澳門物業?
12. 西門吹雪 2015-11-13 14:26:52

PN兄所言甚是~盲目看好看淡都係不智。

雖然小弟比較期望樓價下跌。但以現在情況,最多只能說輕微向淡,真正令樓市大跌既因素仍未見到。最唔底得個D日日話樓市長升長有,但又理據不足既人。

13. 中產求生隊長 2015-11-13 15:25:19
澳門物業有報導成交少又跌價三成,好多中產投資者都以為澳門樓好平有得玩,有D中產會在珠海、中山、橫琴,我個人覺得市場極細,得閒只可以當渡假,而且稅項多,玩唔過,除非想移民澳門。不知博士有何高見。
14. WIN 2015-11-13 17:16:41
今日博士贏晒!!!!!!!!
15. 真真薯片 2015-11-13 19:50:50
今朝睇呢篇文仲未上圖, 夜晚睇返上左

估唔到CCL仲有力彈, 在下同意西門兄講, 依家只係輕微向淡, 查實由貪憎出第一次辣招後. 港樓試過三次假跌, 結果都係大升收場, 今次同之前唔同既係, 以前既調整都係由政府出招引發, 今次係由股災引發, 結果有冇唔同仲要觀察
16. Joe 2015-11-13 23:07:27

樓市自金融海嘯以來,都未有一個像樣的調整,幾年前政府的不斷出招,只能令樓市暫時呆滯,根本不算調整,所以,樓市經歷09年至今多年的升幅,任何一個原因都成為樓市需調整的借口,就算沒有所謂股災,樓市都需要一個健康的回調,預期加息? 未來供應増加? 股災? 都只是大家馬後炮找來的借口罷了.....


17. 真真薯片 2015-11-14 01:10:02
博士雖然講中左個結果, 尤其係所有人三個月內睇淡, 係全中, 但係就唔中原因, 細價樓爆煲論既主角財務公司仲日日賣廣告叫人借錢, 好明顯財務公司call loan仲未發生
18. 引刀一快 2015-11-15 09:59:40
To  17樓 真真薯片兄

兩者互為因果,而且財務公司一樣要營運,冇可能因爲要call loan就唔賣廣告做生意,轉角之后會改變業務對象同放貸條件就真。