主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 29832    回應 : 12
文亮言
銀行估價怎可能不參考新樓價
 
湯文亮博士
紀惠集團行政總裁
2015年11月9日

  今年,樓市出現了一個怪現象,就是很多新樓盤,尤其是細價樓都與同區二手樓同價,很多人認為沒有唔妥,因為那些新樓是樓花,而二手樓可以即買即住,而且,新樓認購率偏高,往往超額幾十倍,很難有機會買得到,這個現象雖然怪,但並不是最怪,而最怪的我認為是銀行的估價往往比二手成交價更高,即是二手樓比新樓借得更多錢,但這個怪現象從來沒有人提及,銀行方面亦絕不擔心,因為按揭成數低,即使二手細價樓下跌三成,銀行仍然沒有風險,但銀行這樣做,無形中推高樓巿,只要物業代理向客戶說,業主要價雖然創新高,但仍然比銀行的估價低,這是非常有力賣點,如果物業代理說,買新樓比買二手樓便宜,相信那些創新高價就不會出現,我相信銀行是不會有心估價時不參考新樓價,但按揭成數太低,令銀行失去了警覺性,不知道估價推高樓價。

  一向以來,樓價指數公司都是以二手樓來制定樓價指數,新樓在出售時就算低於二手樓樓價,都不會影響樓價指數,遊戲規則早已釐訂,就算大家覺得唔妥都要接受,即使指數屢創新高,大家都冇權質疑,但大部分有心買樓的人都是精明消費者,他們以行動來拒絕二手細價業主要價,做成成交量非常之低,不過,依然有小部分人恐懼樓價會繼續創新高,又見到所買的單位樓價比銀行估價還要低,認為買到荀盤,對其他人提醒不放在心內,但當他們搬入新居後,才發覺還要用一筆錢裝修,又要付物業代理佣金,若果買新樓,不但同價,還免卻裝修費,不但毋需付物業代理佣金,還可以從他們取得回贈,大家認為,兩個同等背景的人,究竟買新樓的人開心,抑或買二手細價樓的人開心,相信不用我明言,但亦不能夠怪銀行估價,而是那些買二手細價樓的人沒有參考新樓售價,不過,樓市長遠必升,待新樓盤消化完畢,二手細價樓就會上升,但他們將會發覺,如果當時買新樓,最少有三成差别,就好似現在見到四五年前有部份買新樓的人,今日終於可以平手離場。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. big-nature 2015-11-09 08:45:44
博士真係好勤力!
係成功人士的典範!
Good!
2. LARRY 2015-11-09 08:48:41

好多成交后才公布的筍盘应该是没有在市场上公开放售一段时间的。

买到这些筍盘的业主才是最精明的买家。

3. 如是 2015-11-09 09:13:17

<待新樓盤消化完畢,二手細價樓就會上升>

似乎博士都覺得政府冇乜料到。

4. 引刀一快 2015-11-09 12:05:28
如是兄睇漏咗後面“ 但他們將會發覺,如果當時買新樓,最少有三成差别,
5. 引刀一快 2015-11-09 12:07:00
因爲“ 就好似現在見到四五年前有部份買新樓的人,今日終於可以平手離場。 ”

今日已經係二手。
6. 真真薯片 2015-11-09 12:32:28
若果買新樓,不但同價,還免卻裝修費,不但毋需付物業代理佣金,還可以從他們取得回贈,大家認為,兩個同等背景的人,究竟買新樓的人開心,抑或買二手細價樓的人開心,相信不用我明言

有一點要指出, 新樓價折實之後先同二手樓價錢接近, 而對用家黎講, 如果買新樓, 兩三年樓花期如果租樓住, 洗既錢應該同一二手樓差距差唔多, 當然, 租完兩三年收到新樓, 望落去新淨又豪華, 係會開心d既
7. 引刀一快 2015-11-09 12:38:02
真真薯片兄

一手樓有様好,唔會係因爲屋主住到倒霉行衰運而賣番岀嚟嘅貨色。
8. 真真薯片 2015-11-09 12:41:56
待新樓盤消化完畢,二手細價樓就會上升

似乎博士都認同過左呢浪供應高峰後供應將會無以為繼, 不過呢個高峰唔講得笑, 由於政府地照推, 新盤賣得慢, 再加上發展商劏細單位黎賣, 所謂未來四年八萬六個單位, 隨時變成四年十萬個, 如果配合一隻勁d既黑天鵝, 岩岩好2017梁特要競選連任, 新樓開價跌兩成都唔係天方夜譚
9. 真真薯片 2015-11-09 12:46:15
引刀兄,

上手業主住得好唔好, 可能要睇命格, 依家連兇宅都有得炒, 真係睇你點睇
10. 如是 2015-11-09 12:59:46
To 4/F 引刀兄好野,在下睇漏了,即係話二首樓要跌三成。
一手樓若跌兩成,咁咪。。。。
11. 打工仔 Andy 2015-11-09 20:30:28
銀行參考新樓及二手物業成交價, 十分合理! 
12. 香港仔 2015-11-09 22:58:18

希望湯博士能談論一下「團結香港基金」建議的補貼置業計劃。

他們建議公屋戶買返5折自己間公屋,這方法可行嗎和對長遠香港樓市的影響。

謝謝!!