主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 35636    回應 : 14
文亮言
現在賣樓好過六個月之後賣
 
湯文亮博士
紀惠集團行政總裁
2015年11月4日

  在我發表「細價樓爆煲論」時,一鳴先生突然興起,針對我的細價樓爆煲論而說,當時買樓好過六個月之後買,老實說,當時我見細價樓熾熱,所以才發表爆煲論,我亦知道即使有爆煲論,甚至政府出招,樓市仍然會上升一段時間,六個月之後樓價高於我發表爆煲論的時候,不過,關鍵並不是六個月之後的樓價,而是樓市是否會出現下行軌跡,如果相信一鳴先生的說話而買了樓的人,我認為是今次樓市運行週期的輸家,一鳴先生當然沒有問題,他只不過是隨便說說,如果市場發展與他所說的不符,索性關閉面書,待那些人連投訴的機會也沒有,結果,一鳴先生是贏了,我是輸了,六個月後的樓價的確比我發表爆煲論的時候為高,不過,很可惜買家受制於SSD,不能出售新買的物業,亦即是不能抽身離開樓市下行軌跡,最後都會受到傷害,他們想問一鳴先生以後怎樣做都不能,因為一鳴先生的面書已經關閉。

  有人問我現在是否應該賣樓,我認為如果沒有迫切性,或者是自住的話,就千祈唔好賣樓,如果有迫切性,例如已經買了新樓,但因為新樓屬第二個物業,很難搵銀行承做足額按揭,而必須賣走現有的物業,就應該立刻賣,最低限度現在賣好過六個月之後賣,如果買的是新樓但仍未入伙,則售後租回,預鬆些少時間,俾高多少租金,有租約,亦不難搵買家,六個月之後就算情況不繼續轉壞,賣樓的人一定比現在多,要以好價出售就會比較困難,有人話行船爭解纜,我覺得用來形容一定要賣樓的人都幾貼切。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2015-11-04 08:33:07
早前買左新樓快要上會, 如果留到今日先想沽出迎接新樓, 呢 d 叫做"搏命" 真係要自己執生了!
2. 如是 2015-11-04 08:46:54
現在賣樓好過六個月之後賣,尤其是大西北細價樓,好戲即將上演。
4. 神算 2015-11-04 09:27:12
自住就唔好賣啦!未上車就要睇定啲。
5. 中產求生隊長 2015-11-04 09:35:44
看完習總的十三五大規劃及有關香港的地位,以中國能夠維持未來五年GTP的增長,又見CY急急腳出來出口術,我開始不擔心香港的樓市會變差,各位中產亦不必看得太淡,一於學博士早前話斎,實行做埋長揸策略委員會。
6. 真真薯片 2015-11-04 10:33:43
在下覺得, 大部份買左新樓等入伙既業主, 除非真係上唔到會, 否則一定唔會賣舊樓, 結果可能係借財仔又好, 搵父母兄弟姊妹加名一齊供又好, 總之點都頂硬上上左會先講

新樓同舊樓賬面都有龐大利潤, 做咩要賣? 放租唔好? 香港既長線投資者係絕對唔會賣樓, 除非層樓為佢帶黎實質虧損, 有好貴holding cost, 或者比債主/銀行迫賣, 否則冇人會賣樓, 博士咁講係過份為香港業主擔心, 好易又比人鬧
7. 中產求生隊長 2015-11-04 11:37:13
今年最大的輸家應該會是今年賣樓以為樓價將會跌三到五成,資金轉入股市期待等着買番的小業主,亦都往往是比大戶作為點心的小投資者。
其實這批人士通常會自覺投資觸角敏鋭及可以捕捉到樓市及股市的轉角位。不過這種太過危險的投機往往都呈相反結果。
8. 西門吹雪 2015-11-04 11:56:23
阿隊長兄咁睇好樓市,現在入反幾個細價房來投資咪拾到law。吾係身為隊長得間自住樓就已經買吾起牙馬?定係你心底裡冇你口講睇得咁好?
9. 神算 2015-11-04 14:44:02
真片兄,

我相信湯生一路以來都係講緊换樓人士,而唔係話一開始就諗住增加第二個物業嘅人。换樓客是希望改善空間及生活,若基於種種理由而沒有將舊樓沽出,現在可能已經過咗最佳時間。
10. 真真薯片 2015-11-04 21:27:00
神算兄,

D人買左新樓又新舊樓都升左, 換樓都變成投資, 高位止賺係非常高深既藝術, 唔係咁多人做得到
11. 神算 2015-11-04 23:25:21
真兄,

問題係如果你一開始就諗住hold兩間,就要有唔同操作,條數要計清楚,所以係兩個唔同部署。夾硬上好易去咗「瀨野」站。
12. 引刀一快 2015-11-05 20:35:00
To 6樓 真真薯片兄

就算作爲長綫投資者,一樣要搵資金去投資,其實任何投資都以獲利為前提,有人話賣樓係殺鶏取卵,但係若果殺一雞可以換來幾隻鷄仔,將來得卵以倍數計,呢個先係更切合投資得利嘅理念,一隻雞,生蛋嘅日子唔係永遠嘅。
13. 向饭民说不 2015-11-05 21:19:29

利申下啦,引刀,你那年卖左自住楼。

引刀这类人,才是投机界高手,敢玩沽空,小弟知道沽空好多年,so far 都吾敢玩。因为相信一旦玩沽空,就容赌博无分别。

15. 引刀一快 2015-11-07 01:58:46
向飯

我都不知幾想賣自住樓呢。

有冇聽過有種溪流魚叫香魚?過咗當造時間,養得再大都賣唔起價,要等下個循環。
16. 路人甲乙丙_ 2015-11-07 08:32:43
回13樓
無知冇辦法,亂咁嗡。咩叫沽空都吾知。
沽空吾一定係投机,可以係保本技兩。。。吾一定係無貨沽空,例如你有貨吾想賣,外幤又好,股票又好,可以沽空對沖風險,吾識係度糟,好似d無知市民以為沽空呀,期權呀是高風險野。識玩反而可以控制風險。。。