地產博客 > 文亮言 返回
瀏覽人次:30089    回應:43
文亮言
誰是最後轉軚的人
 
湯文亮博士
紀惠集團行政總裁
2015年10月30日

  8月中,在我的「細價樓爆煲論」認輸宴上,我對記者說,不出三個月內,全部唱好的評論員都會轉軚,有記者問,真的是全部,我老實回答,真的不會是全部,最低限度有三位不會轉軚,第一位就是我發表「細價樓爆煲論」時,以當時買樓好過六個月之後買樓來反駁我,累我輸了一餐認輸宴的一鳴兄,後來,他見勢色不對,索性連面書都關掉,我聽其他人講,一鳴兄關掉面書的理由是不想我難過,其實,不用為我擔心,我面皮幾尺厚,況且勝敗乃兵家常事,但我覺得一鳴兄不會轉軚,不過會重開面書,話現在賣樓好過六個月之後賣。

  我有一位本是同根生宗兄,在我發表三個月所有唱好的評論員都會轉軚之後,走去明報要求刊登我的言論是錯,樓市在三個月內不會爆煲,明報話,如果可以提及宗兄名字,就全文照登,當然,明報仲食住上,要求宗兄到我的會客室與我辯論,好彩宗兄沒有答應,否則,宗兄是我尊敬的人,我都唔知點講,講到底,大家是同姓兄弟,相煎何太急。

  還有一位老C,老C與我,亦師亦友,老C是老師,老C可能唔知道樓價指數或者受特殊成交價影響,當時,樓價還不斷創新高,樓市又怎麼會突然轉勢向下,但自從政府關注特殊成交價,老C在我的會客室表示,已經吩咐指數負責人對於那些創新高,要等待簽訂正式買賣合約才可以計算,如此一來,創新高就鮮有出現,反之劈價就連連不絕,老C見過世面,識得大體之人,知道樓市真正走勢,最近表示確認樓價下跌,老C此舉令人佩服,今次,老C轉軚,樓市走勢大局已定,待財金官員確認樓市下行,就有機會放寬逆週期措施,令樓市下跌速度減慢,此之謂軟著陸。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2015-10-30 09:09:18
“依傢買好過六個月之後買”就好似睇相佬話“雞在鴨先亡”一樣,可以有彈性解讀。
2. 神算 2015-10-30 09:23:22
刀兄,

呢度要小心言論,如果唔係比話做預言家啦!
3. 引刀一快 2015-10-30 09:32:14
To 2樓 神算兄

俾人話預言家都唔錯吖。
4. 西門吹雪 2015-10-30 10:05:28

其實二月講“依傢買好過六個月之後買”係對的~~

你諗下二月買,2018年2月後可能跌20%~而家買,三年後可能跌30%~~都係好D架 XDD

純粹亂講~好友勿插 XDDD

5. 望東樓 2015-10-30 10:16:56
刀兄,呢D就係中文嘅精粹啦。
6. 引刀一快 2015-10-30 10:22:45
To 5樓 PN兄

係語言偽術嘅精粹就真!
7. 引刀一快 2015-10-30 10:23:19
To 4樓 Simon1兄

精闢精闢。
8. 神算 2015-10-30 10:25:23
To 刀光,

其實唔做預測黎做planning, 點計數呢呵?
9. 引刀一快 2015-10-30 10:30:58
To 8樓 神算兄

咪係,呢個世界下一分鐘發生咩事,冇人可以100%肯定,地球要轉,大家都要一路估。
10. 自我陶醉 2015-10-30 10:50:08
8樓 神算兄

市場邊有得預測㗎! Planning係靠段估㗎嘛,最緊要有運,所以先要算下自己有冇運先。 

哈哈哈!
11. 望東樓 2015-10-30 10:56:35
哈哈查實同息落樓上,息上樓都係上;經濟好啲樓上,經濟差啲樓當然都係上一樣啦。都係念由心生,願望主宰思想。
12. 神算 2015-10-30 11:21:52
To 自我兄,

算過㗎啦,希望市場就啦,哈哈!
13. 歷史長河 2015-10-30 12:24:44
嘩,原來睇淡的師兄們在開會,師兄們所言甚是,唔打擾了,請繼續。閃
14. 馬馬馬 2015-10-30 12:35:16
其實中原放得風話想上市
都可見一斑了
15. 自我陶醉 2015-10-30 12:42:08
12樓 神算兄,

厲害,厲害!  真大師也!  相信市場自然會就住你運勢發展,祝長賺長有! 
16. 自我陶醉 2015-10-30 12:47:48
長河兄, 仲以為你無敵得滯,去咗憑欄㖭! 呵呵!
17. 待買樓 2015-10-30 12:59:57
有時人必須經歷過先深刻明白個中道理,我買股快十年,其中升跌教訓好多老前輩講過,但係唔經歷過系唔明。
18. 望東樓 2015-10-30 13:34:56
大家係度吹水,你睇相睇落都無問題。你可以話個市上落同息口無關,呢一點我好同意。但如果你今日話息口上就係經濟好,所以樓會好,聽日又同我講息口落又會QE,即係啲樓都係上,咁小弟個左腦就接受唔到。咁做同對住個鏡催眠自己無乜分別。雖則話呢個世界好多嘢都唔係講理由。
19. 西門吹雪 2015-10-30 14:05:45

回PN兄~~

看到PN兄多次發圖就知道你係理智分析的人~何必跟哪些人計較~

有時候真係唔明佢地...單單十年八載既勝利就沖昏頭腦。真正係唔見棺材唔流眼淚。十年八載連一個樓市週期還沒有到,就認為上升永無止境,真正短視。終有一天市場會讓佢地知道。

20. Peter Pan 2015-10-30 15:00:11

Simon :  

神回!  

14. Simon1 2015-10-29 10:15:25

河兄真神~~言談之間流露過人智慧~

小的當然不知魚之樂,我從未試過97買樓~~不過0309倒是試過~

 Simon 兄能夠捕捉03, 09年的黃金時機, 的確眼光獨到! 能分享一下嗎?  本人一直想買自住樓, target 港島東3房中價樓. 明年會是適當時機嗎?

21. CD ROM 2015-10-30 15:26:37
博士呢d預測咪無灣轉law, guts先win一杖~~~
22. 神算 2015-10-30 15:38:38
醉兄,

去咗憑欄任憑風吹浪打呀,應該會唔得閒。
23. 占士 2015-10-30 15:39:12

五中全會通過十三五規劃 開放二孩政策,有甚麼可以利好,大家可以自己想想,不過有位朋友就立即寫了首詞讓大家開心一下!

《沁園春-國家放寬生育二胎》

二胎如此兜騷,

引無數老漢竟折腰,

昔青春年少,

噴灑牆壁,

壯年計生,

夜夜戴套,

一朝人老,

放寬二胎,

黑了木耳軟了鳥!

俱往矣,

數風流人物,

還否能操?

24. 西門吹雪 2015-10-30 16:00:34

Peter 兄過獎了~

小的只是順勢而為。若說到分享萬萬不敢在這個高手雲集之地亂說。

至於買樓時機? 我都在這裡等緊博士同師兄們賜教,多看看文章加上自己既分析即可。一年後既事誰人知曉? 但如果以現今樓價,我是覺得唔底入市的,要是再升的話,只好輕嘆一句"這些機會不是我的"好了。

25. 望東樓 2015-10-30 16:59:54
西門兄,如果你真係正如你所講咁中咗呢兩大棍,而如果你其間出咗唔超過四招.咁我要恭喜你啦,因為你好可能擁有成為trader嘅特質,特別係dare to be different, 即係同群眾I mean 羊生羊女士對著幹.

不過話時話,09個轉好煆人買, 好難同銀行借錢.
26. 西門吹雪 2015-10-30 17:10:27

多謝PN兄讚賞~~

小弟豈敢自稱TRADER~只是我一直以股神為偶像。買股如是,買樓亦如是。

股市每幾年就一次~但係次次都大把人賴野,學極都唔精~次次都話今次唔同 =.=。

樓市週期長咁多,十幾廿年先來一次,試問又有幾多人有經驗和實力去面對。

27. 望東樓 2015-10-30 17:31:14
西門兄,冇錯,要驗證你係唔係x神最少要經歷一個full cycle而未敗。要不然我可能只係另一個神童x。

有慶趣可以睇吓『Market Wizard』呢本書。
28. 西門吹雪 2015-10-30 17:49:49
PN 兄,收到了。多謝賜教。小弟現在就去找找該書
29. Desmond 2015-10-30 18:38:10
年底時老師指數會跌至低於140嗎?
30. 打工仔 Andy 2015-10-30 20:17:21
可能睇下"誰到最後都不轉軚的人"仲好玩! 哈哈!
31. 自我陶醉 2015-10-31 08:29:31
24/26樓 Simon1兄,

永遠學不精的人多的是啊! 沒有他們,誰來在高位接你的貨呢? 其實佢哋有啲可能仲會好高興,好感謝你願意咁平賣畀佢㖭! 子非愚,豈知愚之樂?

樓價升,我就不會輕嘆了,真想看看它還能走多遠。1成?兩成? 定永遠升? 我倒想見識見識什麼是新常態,態有多新,態有多常,呵呵!




30樓 打工兄,

沒辨別方向能力嘅人,選擇了沒軚的車,所以無論前面的路是好路、爛路、灣路、甚至是絕路、懸崖,都只會機械式向前行,直至到達終點,又或炒車,邊有人會贏到佢哋呀? 

不過唔好以為我淨係講盲好,其實永遠等跌,同永遠等升嘅人都適用,請各位對號入坐,嘿嘿!


32. 打工仔 Andy 2015-10-31 11:54:06
自醉兄

現在二手樓成交極低都反映了實况, 當然市場上有很多人, 现在入市的可能