地產博客 > 文亮言 返回
瀏覽人次:34270    回應:31
文亮言
值得推薦的文章
 
湯文亮博士
紀惠集團行政總裁
2015年10月22日

  我在10月10日寫了一篇「沒有真錢入袋,但有真錢支出的自住遊戲」文章,我認為值得推薦,不過,並不是這篇文章,而是這篇文章的回應,當中有一個用英文寫的回應講,不用理會那篇文章,只需讀回應,因為回應比文章精彩得多,我極之同意,我寫文章的目的是拋磚引玉,似乎目的已達。

  我寫了超過三千篇文章,除地產外,我已經將範圍拉得很闊,但奈何我個人能力有限,必需要靠網友為文章作出回應,而我又可以在回應中發掘新題材,文章才可以繼續寫下去,有一段時間,很多網友認為我的意見不對,或者是他們認為不對,而離我而去,回應驟然減少,如果我話冇所謂是呃人,但棄我去者,我的確唔介意,因為,我寫文章是將我所見到的事說出來,有些事一般市民未必會知道,我並不會因為網友離開而改變我的寫法,老實說,當時的回應只得三幾個,有不少仲帶有冷嘲熱諷的語氣,他們當然會話,樓價並未因我寫「細價樓爆煲論」而下跌,我認輸,但我只是認為半年時間是不足夠,只要多三個月,所有唱好的評論員都會轉軚,現在未夠三個月,已經有九成以上的評論員轉軚,而其他只不過是暫不表態而已。

  離我而去的網友被一個網站招攬,在他們來說,當然是開心事,於是不斷發表攻擊我的文章,其實,我始終不明白,我只是說出我的意見,點解要攻擊我,老實說,我並不是省油的燈,我律師追查到網站在加拿大BC的地址,還有很多敏感資料,我不適合在此發表,事情本來告一段落,但當樓市開始轉勢,這個網站突然關閉,使我覺得,好似被人打了一頓之後,條友見我回勇,勢色不對,立刻逃之夭夭,真吹脹,其實,我替以前的網友不值,他們有被人出賣感覺,或者,因為這件事他們有所反省亦是好事。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 望東樓 2015-10-22 08:37:02
博士,請問係第幾個回應?我溫唔倒任何一段有多過三行英文嘅回應。多謝
2. 歷史長河 2015-10-22 08:43:07
其實博士每日二,三篇文,實屬不易。如果篇篇高質素,應是不可能任務。博士海量。

另外,同推荐該文,回應豐富,題材涉獵廣泛 - 暴力,艷情,三國大戰,恩怨情仇,大師高人華山論劍........
3. 打工仔 Andy 2015-10-22 09:14:23
每天開工前必讀博士文章!
多謝博士 ! 加油!
4. 自我陶醉 2015-10-22 09:19:03
由始至終,有些人心胸狹窄,根本就容不下不同聲音,永遠原地踏步,可以不理。
5. 唔係卦 2015-10-22 09:22:03
網站關閉?Peter Paker走路?
6. 自我陶醉 2015-10-22 09:54:53
博士應該是指另一篇文章21樓的回應吧!

   
7. 西門吹雪 2015-10-22 09:59:39

自醉兄~

十分同意,好句~哪些心胸狹窄原地踏步的人 XDDD

依我記憶還有一個急不及待,第一個呼應哪編英文寫的回應的人在這裡呢~

P.S. 請勿對号入坐 XDDD

8. Sugar 2015-10-22 12:07:31

湯博士海量汪涵,相信酒量亦不淺......

為聊表敬意,在下已不惜掏乾腰包($600!!!)參加今晚力寶中心的品酒會,屆時舉杯向您致意!

P.S.在下就是坐在角落黑衫黑褲額頭上鑿住"Sugar"几個字嗰位^^


9. Alan Pepper 2015-10-22 14:53:27
在這裡學到嘢,多謝博士及各位專欄作者及網友
10. Peter Pan 2015-10-22 15:05:49

I hardly find the the replies to the essay dated 16/10 entertaining, especially the two flirting all the way through 46/F, 49/F-53/F and 55/F.  Dr. Tong's tolerance to those irrelevant and irritating replies has shown how us generous he his.


11. Peter Pan 2015-10-22 15:43:56

博士如何看這篇文章說樓市斷層的論點?

http://hk.apple.nextmedia.com/financeestate/art/20151022/19342195

貸評山下:樓市供應恐現斷層

先旨聲明,本文探討私樓的基本供求問題,和樓價不一定有即時的關係;打個比喻,一間企業就算有非常好的基本因素(fundamentals),如盈利增長等,都不一定等於其股價不會下跌,甚至猛跌,因為,所有人都知道,除了基本因素外,股價也極受其他因素影響,例如資金流、市場情緒、經濟周期等。同樣地,單從基本的供求關係,樓市有其有利的基本因素,但不等於樓價永遠不跌;不過,基本因素好但價格下跌,相對於基本因素差而價格下跌,投資的結論是完全不同的。


土地嚴重短缺

言歸正傳,根據政府的推算,未來10年,每年私樓的需求大約是1.9萬間;這些需求推算,包括了每年結婚、離婚、移民、出生和死亡率等。不過,就算達到了1.9萬伙,卻仍然不足以追落後,使多年來供不應求的額外等候需求消化掉;換句話說,1.9萬伙是基本盤,要遠超這個數,才能追上多年累積的需求差額。


短期供應落後

可悲的是,政府經過近幾年的努力,甚至被稱為盲搶地後,這幾年的私樓落成量,都仍然低於1.9萬伙這個基本盤,例如2012和2013年的落成量,都低於1萬間,而2014年則有約1.5萬伙。2014年情況稍為改善,其中主因是受惠港鐵(066)上蓋物業,不過,港鐵物業已經落成得七七八八,難以長久支撐供應,而且,現時單位面積越來越小,但整體供應的單位卻仍然不夠數,可知土地供應的短缺有多嚴峻。
雖然政府曾說未來3至4年的潛在供應量有8.3萬伙,但這個潛在供應量,包括已有的貨尾單位等;筆者認為,未來幾年,包括2015年的私樓落成量,都仍然不會達到1.9萬伙這個基本盤。因為這幾年的施工量,就是未來幾年的落成量,而這幾年的平均施工量(不計算港鐵部份),就只是大約維持於每年1萬伙左右。可以預期,在未來的3至5年,落成量仍然會稍低於每年1.9萬伙的目標。
不過,筆者最擔心的,不是未來3至5年的供應量(短期),而是5至10年(中期)之後的供應量可能會更低,甚至出現樓市供應斷層。未來幾年的落成量,可以從現時的施工量看到,而未來幾年的施工量,就可以從過去幾年的賣地量看到;因為,隨着未來港鐵物業供應無幾,而私人改用途申請幾乎停頓,未來落成和施工,都要靠賣地表中所賣出的熟地(或可快速改劃的「生地」)。由於之前10年造「新地」幾乎停止,政府所剩的儲備不多,能放進賣地表的都已經放進去,甚至不能放進去的都「勉強」放進去(包括那些還未改劃用途的,或未好好作整體規劃的政府用地和綠化地帶,引起了城規會中不少的爭議和司法覆核);可以預期,當賣地表中的存貨在未來幾年內耗盡後,就要靠中期的新造土地,如洪水橋新區等。如果這些新發展區稍有延遲,中期供應斷層隨時出現,到時候發展商手上的農地或更奇貨可居,和政府的補地價談判也更有優勢。

黃元山
大學教授、國際投行前董事總經理
本欄隔周四刊出

12. 西門吹雪 2015-10-22 17:51:01
其實我都幾認同香港地少人多,土地供應永遠不夠。所以住宅既內在價值其實係不斷慢慢上升。這亦係很多支持樓市既人的論據。持有二卅年必賺。

但係樓市短時間既升跌,又會遠超這個內在的價值。有時是高過,有時是低過。今天的樓價到底是高過,還是低過這個無形的內在價值?你自己估下。
13. 引刀一快 2015-10-22 17:54:00
有錢人買唔買,同老百姓夠唔夠錢買,就係直接影響呢個斷層出現與否嘅因素。(假設斷層論成立的話)

大陸經濟同步下墜,但係到底係斷層還是長遠大蕭條,尚有待商榷,呢個未知,亦令到樓市前景有不明朗因素。
14. RY 2015-10-22 18:44:03
當日我由在Yahoo睇博士文章,揾揾下黎到呢度,就留底了。因為我也是被回應者們吸引,好多智者。睇湯博士文章,同意與否不重要,睇到做第十個人的勇氣。冇人日日講你知其他市場內外的事嘛,不同層次不同資料。無可否認博士的影響力,有時打強心針,有時駛小心船。我真心求教,在此時此刻,一眾小業主除了守,忍,如唔賣仲有乜進攻?我哋d收租佬,收住租,又儲住彈藥,等機會中。格言:邊個心急,邊個少bargaining power.
15. Eric Wong 2015-10-22 19:25:35
博士,支持你,獲益不少。大家繼續努力。
16. 惜緣 2015-10-22 22:13:48
每天拜讀博士的文章已成習慣, 老土都要講句, 真的獲益良多。 我記得法子兄曾經講過,每日都睇博士的文章送早餐,在下亦一樣。
17. 按居 2015-10-23 01:40:55
博士,唔講都唔知個篇文章已累積三百多個回覆。

睇珍港自醉爭拗投資和投機的分別真令人嘆為觀止!有如academics 拗 legal term & concept 一樣咁認真。

其實我仍然很懷念當年看「湯文亮劍法」的日子。依我所見攪攪震的只有某人兄。你嗰套「劍法」頂多算是去球場一心只想睇比賽但著咗白衫黑褲行咗入去巴西球迷嗰邊。可算是失策但不能説是對著幹。(當然咁樣行入球場後果可大可小!)

再之後懶人兄沒有再留言,我衷心相信他不是嬲或怕了你,只是不想再有誤會而失去你這個亦師亦友。我更相信他仍是每日拜讀你的文章。

博士你經常說鏡子程式很幫到你,現在可否在眾網友中找出一面鏡子,話俾你聽可知當時你的脾氣頗大,或多或少嚇退了部分網友留言的意慾。

最近有人說你的網誌以「人次」x「其資產值」應該是全港之冠,我絕對認同。當你「爆煲論」實現之時勢必服眾領導群雄。

若再而半年內你套「湯文亮劍法」能重出江湖、高談闊論,那麼你必能再上一步:得民心、平天下!

若有冒犯請隨便刪除,因為如果你有看過這篇回應,已經足夠。

愛惜你的讀者上




18. 回 17 2015-10-23 02:54:18
除了懶人兄,我都好懷念亮劍及 nobody 。
19. 珍惜香港 2015-10-23 05:16:28
珍惜香港

長河兄,博士今次不點名讚你,而同時,對用心留言嘅各回應者,亦作出咗鼓勵同肯定

博士話,有網友因不同意見而離開,亦有人冷嘲熱諷。

作為一個,留言超過兩年嘅長期回應者,呢啲冷嘲熱諷,我都遇唔少。其實,好多人都好寸,不過,寸唔喺問題。我話,我從來都唔打人,即喺話,無論幾寸,我嘅焦點,最終都喺放响個議題度。記得有個非註冊回應者,對我嘅文章,回應咗一句「廢」,亦有人,開口埋口,話我歪理,對我分享嘅親身經歷,抹黑、嘲笑、譏諷,甚至老屈我寫嘢嘅背後,有啲唔知乜目的或企圖。見到呢啲針對人嘅言論,有時都幾光火,不過,你真喺發火呢,又會俾人執住,呢啲嘢,相信博士都試過。

其實諗真,針對你嘅人,唔喺响你後面,又點會追住你嚟打?同樣地,只喺識得追住你嚟打嘅人,永遠都只能夠响你後面。所以最好就喺,一笑置之,繼續我行我素。

或者,我只喺一個繁體字人,唔用真名,冇乜所謂,但博士用真身發言,人地嘅惡意回應,自然就變得好貼身。不過,正如長河兄話,紀惠由 800 萬到 400 億,有啲人,响博士嘅眼中,只喺一般見識。如果人地,年少氣盛,不識抬舉,就冇必要為咗咁,而去動真干戈啦,喺唔喺?

所謂,有理說不完,爭拗何時了?

幾日前,我响一篇回應度,分享咗火影忍者一首配曲。我好喜歡呢套片,俾咗我好多感受同共鳴。話說,主角鳴門,自小被村民排擠,受盡冷嘲熱諷,但最後反而救咗成條村,成為英雄。之後,佢接受真實瀑布嘅考驗,要面對自己,充滿仇恨嘅陰暗一面。第 465 集04:02,佢終於戰勝咗自己,憑嘅,唔喺力量,而喺覺悟

記得有次,我話博士喺英雄好漢,跟住佢就話自己,從來都唔喺英雄

我地每一個人,生命嘅歷程裡面,都要面對好多痛苦同辛酸,呢啲經歷,為我地帶嚟,憤怒、仇恨。但諗真,原來一切嘅負面經歷,都喺我地成長之中,不可或缺嘅部份。如果,冇咗所謂嘅敵人,我地又點會更加珍惜自己,珍惜自己嘅朋友?鳴門選擇相信自己,相信被陰暗面指為虛偽嘅村民,所信賴嘅自己。結果,陰暗嘅一面,好傷心,反問自身,喺咪即喺當佢絆腳石?自身否認,並回答話,正因為存在呢個反面,自己先至會變得更強,多得佢,先至走得到今時今日,最後,成功點化咗陰暗嘅一面,同化成自身光明嘅一面。

真正嘅英雄,戰勝嘅,唔喺敵人,而喺自己。

我相信,博士喺真英雄,好多網友,都喺真英雄。大家嘅緣份,都喺源於地產博客,源於博士嘅主場。我選擇相信,於是有咗,而我仍然相信,終有一日,資深會員專欄,會造就一個大團圓。或者,有人會覺得我,搞埋啲 MISSION IMPOSSIBLE,好多餘,不過,就算我相信嘅嘢,真喺唔實現,咁又點?

今次送上嘅,就喺鳴門同佢陰暗一面,對話嘅配曲。

火影忍者:帶人之死
20. 小小業主 2015-10-23 06:32:52
支持博士,支持各位師兄師姐踴躍留言。誠如按居師兄所言,最近有些綱友留言意慾降低了,因害怕了風風雨雨,小弟正是其一。不過小弟仍每天做cd rom, 實在獲益不少,多謝博士及各師兄師姐!

看了這篇文章真心覺得正能量回來了,希望懶人師兄回來留言,很懷念他的風趣幽默,令這裡生色不少!
21. 歷史長河 2015-10-23 08:24:07
哈哈,珍港兄,被你點名,嘅要出來認一下囉!陶醉兄又唔喺唔識我,做咩唔直接點名?

小弟以為珍港也喺真正的英雄,思想正面,必將再闖人生高峰。另外對網上的一些攻擊,希望您能輕鬆面對,攻擊你要麼是因為你切中要害,要麼是因為你更精彩!

其實小弟被博士點名已唔喺第一次,小弟對博士有彈有贊,有時也「師兄所言甚是」,之所以敢如此放湯不羈,除了個性使然,也知博士乃真英雄,唔會計較。至於離去的一些網友,希望佢明白做人的大是大非之後再返來,咁就真是大圓滿結局。

朋友們,敞開心扉,對待生活、投資,請輕鬆面對!
22. 打工仔 Andy 2015-10-23 09:18:13
長河兄
同意你的講法, 也希望離去的師兄门再次回來!
我相信博士都會好歡迎的。
23. Sugar 2015-10-23 09:36:53

打工仔兄,長河兄:

兩位所言甚是,互勉之!

24. 占士 2015-10-23 09:57:16

謝謝博士的推薦,感覺是一班新舊朋友,通過使用令港人非常珍惜的材料 如螃蟹等,加糖,鹽,醋,酒再加河水 用刀在鍋裡搞的頗有創意的一鍋粥 (留言)! 非常有味道!謝謝!

25. 歷史長河 2015-10-23 12:38:02
占士兄,總結精彩,總之,大雜燴!
26. 占士 2015-10-23 15:01:12

長河兄,是您,Sugar姐,引刀兄,自我陶醉兄,珍惜香港兄,Oscar兄等寫的精彩!令論壇生息不少!

博士和Ronald兄應該很高興的! 當然我們也喜見今天如此熱鬧的情況。哈哈哈

27. CD ROM 2015-10-23 18:40:17
尋日不在港居然miss左留返個言~~~~~

估唔到珍兄鍾意火影忍者, 真係無路捉!!! 你講果集深夜J2上禮拜先播, 我都有睇~~

我有一句經常提醒自己的說話, "做了而後悔比不做而後悔好", 來自足球小將, 麥泰萊.........

還有, 做甚麼事都係 "等價交換" 
28. 歷史長河 2015-10-23 22:54:11
請珍兄下次搞哋別的影片,小弟對卡通頂唔大順!
29. 珍惜香港 2015-10-24 22:01:55
珍惜香港TO:27/F CD ROM、28/F 歷史長河

原來 CD 兄都有追火影忍者,而長河兄就唔鍾意睇卡通。

卡通電影之中,我最鍾意天空之城,佢俾咗我,好多難忘嘅回憶,配樂亦非常好聽。至於卡通連續劇,我會睇啲比較短嘅,冇耐性追太長。近年已經冇追卡通啦,不過火影就除外,因為實在太精彩。早年工作忙,停咗冇追,後嚟一次過買齊全套粵語版 DVD,可惜只喺去到 363 集,煲完之後要再追 J2。

火影忍者裡面,有好多角色,而每個角色都好獨特,亦描繪得好細緻。故事之中嘅因果關係,同人生哲理,都寫得好深入。年紀越大,經歷越多嘅人,會有更深刻嘅體會。

今日,我提到封印之事,長河兄就話要與時俱進。關於呢個問題,恐怕要到真正嘅第十個人完結篇裡面,我先至會作出交代。

到時候,長河兄,真喺唔好意思,我會再次引用到,火影忍者嘅內容。
30. 歷史長河 2015-10-25 09:22:59
期待珍港兄對封印之交代,更期待最終決定喺開印。
31. To 19/F 2015-10-25 13:11:55
對於一啲開口又話要寸呢個,埋口又話要寸嗰個嘅人,要佢知道咩係寸,同感受吓被人寸嘅感覺,最有效嘅方法只有一個,就係…  

竟然有人可以用一個字就回應哂一大篇嘢,真係“簡而精”。勁!