主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 31405    回應 : 16
文亮言
低成本,零風險,最興旺的生意
 
湯文亮博士
紀惠集團行政總裁
2015年10月18日

         有一種生意,成本輕,利錢高,又唔會有壞帳,不過,在太平盛世的時候很少出現,當經濟困難,樓價急跌,那一種生意便會應運而生,有人立刻會話是財務公司,雖然答唔中,不過,答案亦非常接近,就是幫財務公司追收壞帳的追數公司,不過,有向財務公司借錢的人,就算冇得還亦不需要太擔心,因為那些追數公司的追數手法是非常斯文,不會恐嚇勒索,不會喊打喊殺,與電影上的表達有所不同,老實說,他們受委託,應理直氣壯,處於上風,又何需出一些下三流手段,就算債仔報警,警察到來時劈頭第一句就會問債仔是否有欠人錢,如果答話係,都未講不過,警察已經拉隊走人,不會接受投訴,連話這些是商業糾紛都唔講,因為警方接受投訴,類似個案就無日無之,有些見慣世面老差骨心中,反而希望那些債仔被人斬開幾碌,可以警剔下其他打算向財務公司借錢的人。

       現在與過往不同,在以往,財務公司有時會用一些比較兇狠手段,對付唔還錢的債仔,作為殺一警百,但現在唔會,追數公司只會死纏爛打,除債仔外,亦會騷擾債仔的其他親朋好友,這些都是要成本,追數公司一定會向財務公司收取高昂費用,如果收唔到欠債,追數公司是不收任何費用,大家可以從此理解到財務公司點解要收取高息,因為,除了可能收不到債務之外,就算收到,都要分一部份給追數公司,所以,追數公司可以說是一門低成本,又不怕蝕本生意,經濟愈差,追數公司的生意愈蓬勃,但被追數的人絕不好過,今日如果向財務公司借錢,先自問有沒有還錢能力,如果沒有,請三思而後行,千祈唔好以為有資產抵押便可以,如果沒有能力還款,在高利息兼利疊利的情況下,除了資產資產很快便會給財務公司沒收外,還會欠下一身債,唔好以為破產了事,追數公司是不理會那些法律,總之,日後的日子絕不好過。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 長俠 2015-10-18 10:25:18
高利息對絕借吾過,因借錢回來無甚麼生意能付得起這麼高息,但如早幾年前借落的同業拆息的樓按,利息低至一厘以下,我建議有錢也吾好還,因通脹每年也有三至四個巴仙.
2. Oscar Lam 2015-10-18 11:19:18
博士用心良苦,希望那些計劃向財務公司借錢買樓的人都能夠三思而後行!
3. 打工仔 Andy 2015-10-18 11:23:00
我都唔明, 財記利息咁高, 竟然有人向財記借錢上車, 點收科呢?  ! 
4. 歷史長河 2015-10-18 11:24:14
打工仔兄,我想借錢的人應該喺覺得自己能低買高賣,快入快出啫!
5. 引刀一快 2015-10-18 11:31:10
雖然欠債還錢天經地義,喺香港呢個怕孭鑊大于一切嘅社會,警察識得身在官門心存忠義,實屬難得。
6. 引刀一快 2015-10-18 11:32:27
“借錢的人”以爲祗升不跌,長升長有啫!
7. 自我陶醉 2015-10-18 11:35:10
長河兄覺得而家入市仲算低買?  

我估有啲年青人見到身邊買樓嘅同輩都賺大錢,所以不甘後人,情況就好似股市槓桿一樣,個市越升,越多人借。
8. 引刀一快 2015-10-18 11:41:29
自我陶醉兄

長河san用緊賈平凹體寫嘢,中間刪咗十幾字。

“覺得自己能低買高賣,快入快出,點知誤信讒言,以爲物業長升長有,臨尾冇人接貨
9. 歷史長河 2015-10-18 12:18:02
陶醉兄,諸如您這類股債大師,又點會看得上樓之3厘半?認為樓市長升長有者借的都是銀行低息,當然知道樓市每年幾個%升幅哪能抵得上財仔的幾十個%高息!賬唔難算吧!

所以我講借財仔的多是想在股市中低買高賣啫!
10. 自我陶醉 2015-10-18 12:53:49
長河兄,大師二字真係唔敢當,我哋呢啲小投資者,只係着眼兩個字“保本”,其次先係增值,所以從來冇膽高追。呵呵!
11. 借錢唔還新方法 2015-10-18 13:21:00

正所謂「惡人自有惡人磨」,近日網上熱傳兩段短片,片中一名染有金髮的男子疑於圍村收數,卻遇上村內有勢力人士,結果被對方逼食衣紙和吸香爐灰。短片引起網民熱議。

http://www.on.cc/hk/bkn/cnt/news/20151014/bkn-20151014122906989-1014_00822_001.html


12. 打工仔 Andy 2015-10-18 14:13:07
長河兄

有可能!
13. 歷史長河 2015-10-18 15:15:08
陶醉兄真是既精眀又穩妥!佩服!
14. Desmond 2015-10-18 21:00:22
電視上的財仔廣告,職員都是溫婉可人的女仕,現實是不是也是這樣的?
15. 望東樓 2015-10-19 09:45:51
人人都話借貸水平低,個市好安全。不過如果一個巴仙業主出嚟收水都係三四萬。
16. 引刀一快 2015-10-21 04:28:24
To 15樓 PN兄

祗要夠多人率先鎖定利潤,自然好多人跟,借貸水平与獲益取向冇直接關係。