地產博客 > 文亮言 返回
瀏覽人次:42481    回應:33
文亮言

點解樓價指數會大幅回落

 

湯文亮博士

紀惠集團行政總裁
2015年10月17日

  昨日下午,樓價指數終於大幅回落,並不是好似幾個星期前,當陳茂波提及樓價指數或者受特殊成交價影響的時候,指數曾回落百分之零點幾,有網友嘲笑,這是指數公司的比面派對,及後,指數又繼續上升,而市場給予指數繼續上升答案就是成交量繼續減少,沒有足夠成交量,指數更加會容易被人舞上舞落,當大家諗今個星期的指數會不會再創新高,最新結果出乎大家意料之外,樓價指數竟然大幅下跌,創了兩年內最大跌幅,其實,指數大跌並不出奇,但在無風無浪,政府不但沒有出招,連官員發出警告的說話也沒有的情況下大跌,這才令人覺得驚奇,況且,上星期指數上升,指數公司負責人暗示,有一些利好消息,例如高價賣地,美國有很大機會在今年內不加息等仍未被反映出來,不少人估計樓價指數將會再創新高,結果,大家又大跌眼鏡。

  昨日傍晚,我去了一個100分品酒會,不少記者朋友搵我問,點解指數會大跌1.84,或者1.26%,當時我有些少醉意,恐防答錯,所以沒有回答,其實,樓價下跌是大家意料中事,唔跌才覺得奇怪,我曾經話,在今年底,樓價指數將會在高位回落8至10%,大約135至132,雖然在早兩日,坊間有測量師行預測,樓價在第四季會回落,但全年仍然有10%升幅,如果他們在下星期才發表,我認為他們不會說相同的話。至於樓價指數點解會大跌,因為老師對我說,為免大家有懷疑,他已下令指數公司,那些劈價,創新高價都要等簽訂正式買賣合約才可以在指數計算中反映出來,結果,大家可以想像,點解指數昨日大幅回落,我畫公仔,已經畫出腸,唔會再用箭咀指著,再寫「此乃腸也」。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Desmond 2015-10-17 09:45:04
四叔說未來二年樓價每年會跌5%,他是做地產的,說話是會保守一點,這應該是他心中跌幅的下限吧。
2. 神算 2015-10-17 09:57:03
哈哈,博士幽默,「此乃腸也」!
3. 自我陶醉 2015-10-17 10:13:33
2/F. 神算兄

你個筆名好有大師feel。  唔知閣下係擅長鐵板神算,定係奇門遁甲呢? 有冇算過樓市未來幾年會點?  
4. 凡人 2015-10-17 10:23:58
自我陶醉兄,若樓市大調整,請問 CCL 個底會是多少?
5. Sugar C 2015-10-17 10:26:02

陶醉兄:

*.^同感,同感!

p.s.都怪你唔俾資料長河詩人,而家我地無得睇賈平凹版"'阿婆換澳幣'喇   >-<

6. 文斯 2015-10-17 10:30:29
     指數偶而较大幅度下跌,不代表永恆,依分析,2015年要指数低於140点,機會不大。
7. 打工仔 Andy 2015-10-17 10:36:29
如果CCL回調一點, 令多d人開心咗又ok喎! 
8. 自我陶醉 2015-10-17 10:47:03
4/F 凡人兄,

我仲邊敢亂估CCL呀! 所以,先要神算兄指點迷津囉!
9. 自我陶醉 2015-10-17 11:53:30
5樓 Sugar C,

放心喇,以長河兄嘅功力同想像力,有心寫一定寫到嘅!

7樓 打工兄,

如果跌1%就有好多人開心,政府就唔洗咁愁喇!  


10. 凡人 2015-10-17 12:30:36

自我陶醉兄,太謙了,反正大家都知係段估,無任何責任。

富裕禍福,都是自作自受,與人無尤。

請貢獻作參考!

11. 打工仔 Andy 2015-10-17 12:38:51
自醉兄

又係! 哈哈哈!
12. 神算 2015-10-17 12:53:46
自醉兄,

小弟是略懂八字的。算命不看死物,未能算樓也!
13. 自我陶醉 2015-10-17 13:35:25
神算兄懂八字認真唔簡單,所有干支合沖加埋五行生尅,千變萬化,係高深學問。佩服!
14. 神算 2015-10-17 13:52:27
八字講究生尅制化丶強弱丶陰陽。自陶兄一語道出,所識淵博也,佩服!
15. 蕭峰 2015-10-17 13:56:11
請問神算兄,明年hk大運如何?如果hk仲有運行,樓價冇咁快跌落去。
16. 望東樓 2015-10-17 14:21:29
I see, I saw, I seen
17. 引刀一快 2015-10-17 17:08:10
Sugar C san

益吓妳,我寫,有日Sugar C san在京都嵐山遇上歷史長河,心裡湧出盤腸大戰(京劇曲目)四字,發乎情,止乎禮,◎♥♥♥♥◎(作者刪去2453字),兩人轉身離去,地上遺有一物,此乃腸也。
18. Sugar 2015-10-17 17:32:28

#17樓上引刀一快:

何必這樣無禮???本人和你無仇無怨.....

19. 引刀一快 2015-10-17 17:49:05
乜你咁多賬號嘅?

你同長河咄咄逼人,冤住自我陶醉攞個人資料嚟寫賈平凹體又如何?點解你地可以寫人,人地唔可以寫你地?你咁鐘意賈平凹,咪寫俾你地囉,中間已經刪咗兩千幾字,根本不成文,唔好學鬧警察果對夫婦,自己唔玩得咪撩起火頭嚟玩,攞唔到便宜就發火,人家自醉俾你地撩咁耐都未發火,你地要學習。
20. 自我陶醉 2015-10-17 18:14:27
19樓 引刀兄,

千祈唔好誤會,佢兩位唔係迫我,只係一個唔想寫借我過橋,一個想睇,又係借我過橋,大家都只係開玩笑輕鬆下啫!
21. 歷史長河 2015-10-17 19:19:57
引刀大師,多謝多謝!終於做吓男1號,呵呵!
22. 神算 2015-10-17 20:08:02
蕭峰兄,

學長河哥話齋,唔好驚醒夢中人!
23. 神算 2015-10-17 20:08:25
蕭峰兄,

學長河哥話齋,唔好驚醒夢中人!
24. 引刀一快 2015-10-17 20:13:45
To 20樓 自我陶醉兄

眼冤眼冤,不過我都冇寫乜嘢吖,都話止乎禮咯,已經冇戲睇喇!
唯有補充一下,咩叫盤腸大戰喇。
25. 歷史長河 2015-10-17 20:25:59
還望神算兄不吝賜教。如您同陶醉兄強強聯手,地產壇定會風云乍起,精彩紛呈!為蒼生計,請出江湖。

另外小弟對天干地支同埋易經蓍草算法都有興趣,還望大師指點一二。
26. 引刀一快 2015-10-17 20:26:13
To 21樓 長河san

唔駛客氣,此男一號非你莫屬,雖然係賈平凹體,但係删除內容為武俠小說情節。
27. 歷史長河 2015-10-17 20:34:13
刀大師,盤腸非常血腥,唔好在此出現,會引起女網友不安.還是刪除吧!
28. 引刀一快 2015-10-17 20:42:26
已經删除咗喇。
29. 歷史長河 2015-10-17 20:46:48
乖!
30. 引刀一快 2015-10-17 20:52:36
刪咗兩千幾字嘛,你睇唔到架?哈哈
31. 歷史長河 2015-10-17 20:53:07
如實在唔想刪,建議改為雙修。
32. 失望 2015-10-17 21:39:03
想揾個有素質一點的回應都無。除了引刀,還是引刀。
真懷念笑爆咀。
33. 引刀一快 2015-10-17 23:27:01
你自己雙修。