地產博客 > 文亮言 返回
瀏覽人次:34809    回應:15
文亮言
財爺以吉列豬扒論樓市
 
湯文亮博士
紀惠集團行政總裁
2015年10月15日

  財爺接受I money訪問,講到樓市部份,氣定神閒,絕對不似過去的官員講樓市,動不動就話若果樓市繼續升,政府就再出辣招,這表示政府在房屋政策上,遏止樓價繼續上升這部份應該相當有把握,在訪問之中,從來沒有話過要撤銷辣招,況且CY亦講到明是不會撤,所以,大家千祈唔好誤會,財爺話調整政策即是政府準備撤招,當日,在推出DSD的時候,財爺承諾,如果再出招是要通過立法會,撤招就不用,只不過向大家保證,政府再不會胡亂出招,而不是可以隨時撤招,大家又唔好誤會。

  樓價已經非常明顯,現正由頂點回落,而供應亦逐漸增加,新樓盤亦有多少滯銷,負責人要用盡辦法才可以有合格成績,現在一Q清袋就沒有可能,有六七成銷售量已經唔錯,賣與二手細價樓同價的新樓尚且如此吃力,二手細價樓的銷售又怎會理想,政府亦不須要再出招,只等待供應充足,樓價自然會下跌。

  財爺接受訪問時的午餐主菜是奧地利名菜,吉列豬扒,在進餐時,財爺順手切了一半豬扒給記者,我相信當中亦有啟示,因為在炸豬扒之前,是會拍打豬扒,令其更薄更大塊,財爺雖然分了一半,但表面上是看不出來,一塊豬扒兩個人食,數量立刻多了一倍,香港的房屋政策將會是一樣,建多些小型單位,不但可以令更多人受惠,而且可以減少輪候公屋人數,一個政策解決兩個房屋問題,此莫非吉列豬扒的啟示。

  其實,當供應充足,樓價就會下跌,就算政府撤銷辣招,對下跌之勢都於事無補,唯有寄望金管局放寬部分逆週期措施,釋放購買力,不但可以緩和樓價下跌之勢,亦可以令樓市軟著陸,所以,如果在撤銷辣招與加大按揭成數,兩者任選其一,我相信加大按揭成數比較實際。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 歷史長河 2015-10-15 08:38:56
哈哈,所幸財爺當曰冇將豬扒切36份!
2. 望東樓 2015-10-15 08:54:22
但現在起大單位都無用,都賣唔倒。到而家劏房都開始有D難度。
3. 歷史長河 2015-10-15 08:55:26
PN 兄,不如你勸勸發展商,唔好再買地了!既然大,小單位都賣唔出,等於倒錢入海嘛!
4. 人生無常 2015-10-15 09:24:23

長河兄,

打個我熟點唧例子,大陸工廠,如果經濟唔好,間公司就算計落賺小小或者打和都會一樣會接單,可能之後變數令做左係蝕唧,但都一定會接,最多想盡方法壓成本. 無他,工廠皮費你唔接單都係到,唔做蝕得仲多. 如果係出名客戶(比如蘋果)唧單計住蝕都要做,為左個名吸引其它人落單,賺名氣呢D無型資產. 所以你叫香港地產商唔好投地起樓,因為好有機會會蝕哦,咁樣係唔通唧,無生意係單單必賺架.


題外話, 今年大陸珠三角工廠生意真係差到無倫,係香港唧C兄可能感覺唔到,但我地真係好清楚睇到,早幾年 HR年年話難請人,而家真係唔再係話題了. 大陸經濟差唔再係紙上數據,已經係實際反映出來了. 我有個上巿公司高管朋友,主力長駐大陸,失業左成年都未找到新工,另一個同類型朋友也是半年才找到新工,但話公司生意好差,唔知做得幾耐.唉,希望香港大陸都過到呢一浪啦

5. 歷史長河 2015-10-15 09:31:59
無常兄,多謝回應,不過例子唔係幾好!今日較忙,得空再回應。呵呵!
6. 望東樓 2015-10-15 09:41:02
有計。劏車位+電單車同單車位。而家越買越有。
7. 真真薯片 2015-10-15 09:42:43
的確如此, 雖然150呎劏房單位賣300萬係悲哀, 但如果多左一大堆150呎, 100呎, 什至50呎單位由投資者買左, 點都會增加租盤, 亦會增加投資者損打機會, 多左人真係蝕錢, 樓市就有沽壓

依家99.9%業主仲贏緊錢, 當然冇沽壓, 樓市要爆仲有相當距離
8. 引刀一快 2015-10-15 10:14:49
to 4樓 無常兄

對於長河san嚟講,地產商賣樓,都係投機,炒家嘅一種。
9. Sugar 2015-10-15 10:25:51

樓上引刀大大:

老屈!!!    >_<


10. 歷史長河 2015-10-15 16:21:53
刀兄,邏輯呢?
11. 神算 2015-10-16 00:33:11
引刀,

長河仔睇唔慣地產商貨如輪轉嘅手法㗎,最好唔供應又唔買地,供求失衡,手頭啲貨又變成強勁現金流啦!
12. 引刀一快 2015-10-16 05:27:03
神算兄

最好係猛買地又唔供應就真,D貨仲勁呀!
成日話冇地産霸權,係啱嘅,因爲已經變咗地産極權。
13. 引刀一快 2015-10-16 05:33:15
To 9樓 Sugar san

喲喲喲,心肝仔痛呀?唔好意思呀,唔睇價都可以入貨,咩價都唔出貨係邊個講嘅話?
14. Desmond 2015-10-16 06:53:10
4樓的人生無常兄,我有一個在大陸開電子廠的朋友,全盛時期工廠有幾千工人,後來生意不佳而收縮至幾百人,二年前一走了之去了加拿大,員工及供應商要追他錢也找不到人了。
15. 歷史長河 2015-10-16 08:00:51

11樓神算兄,恰恰相反,小弟當然認同發展商的貨如輪轉策略。事實上,當日陶醉兄質疑小弟的長揸必勝觀點時曾質疑點解發展商唔長揸?小弟的回應正是發展商之策略與小投資者唔同,佢哋係貨如輪轉。

2 樓 PN話現在大小樓盤都賣唔出,所以小弟以發展商繼續買地來說明至少發展對後市睇得未必幾淡。

至於4樓無常兄話有時廠佬明知輸錢都會接單(以此來說明發展商明知輸錢都會投地),小弟以為此類比唔合適。廠佬有地契租約,廠房,設備,工人人口等恆常開支要應付,有單開就少輸點了囉!所以佢冇選擇,發展商當然可以選擇唔投地,如果佢看淡後市的話。

接著8樓引刀老師就話我講發展商投機,佢係唔係老屈?