地產博客 > 文亮言 返回
瀏覽人次:37574    回應:17
文亮言
SSD不撤之謎
 
湯文亮博士
紀惠集團行政總裁
2015年9月15日

  不少業界人士都認為,在樓價高企,中原指數再創新高,主因是供應不足,所以,只要政府撤銷SSD,讓最近三年內買樓的人可以放售,供應量增加,樓價就會下跌,這是一條很簡單道理,咁樣講,即是話官員人頭豬腦,我相信並不是,當中一定有一些我們並未知道道理,如果要我解釋,我認為供應應該可以滿足市場需求,而事實上,有很多新樓盤的銷售並未如理想,總銷售量只是佔總發售單位一半,負責的營業人員為此想盡辦法,而那些新樓售價與二手樓相若,供應不足不會是樓價高企主因,既然如此,就毋需取消SSD,我估計,二手業主持貨力強,租務又不俗,毋需降價賣樓,這才是樓價高企主因。

  我曾經與一位官員探討樓價不跌的問題,我以業主持貨力強為答案,自問雖不中,亦不遠,那位官員並沒有否定我的答案,但他說這並非主因,跟著說了三個英文字母,我明白,官員說得沒有錯,那三個英文字母就是BSD。

  有很多人不會明白,政府不撤SSD怎會與BSD有關連,其實,大家細心想一想,如果不是有BSD,物業投資者買樓一定會用有限公司,不同有限公司持有不同物業,政府是無從得知某一個投資者在最近買了幾多個物業,就有可能放寬SSD。但有了BSD,物業投資者,尤其是細價樓炒家,就會以個人名義買細價樓,就算要付DSD都只不過是5-6%,與15%BSD相距甚遠,就是因為這個原因,政府完全知道某人在最近買了幾多個物業,現在是等待SSD限期屆滿,善價而沽,即是炒家,如果政府取消SSD,那些炒家便立刻可以將最近買入的物業賣走,這點與政府在最初推出SSD,以打擊炒家為目的有所不同,試問,又怎會撤銷SSD,唔再加長期限就已經好好彩,撤銷SSD,想都不用想。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 神算 2015-09-15 08:57:43
這點不冇道理,不過辣招係樓價下跌週期時,就會自動加辣,成交會沒有最低,只有更低。
2. 笑啖渴飲 2015-09-15 09:27:22
政府將炒家變哂做長期投資者目的唔係控制樓價升跌,而係穩定市場, 即係升要慢升, 跌要慢跌, 咁睇佢又好似幾成功喎.
3. 歷史長河 2015-09-15 11:06:01
坊間普遍認為SSD會鎖死供應,小弟對這點有不同看法。新樓的供應才是樓市的真正供應,二手買賣只是左手到右手,總的供應並未增加。如果這麼看,SSD對樓市總供應量并冇影響,不過它卻打斷了換樓鏈,打碎了代理的飯碗。至於對樓市升勢有控制作用與否,回過頭來看,冇證據顯示佢有。所以SSD不能算德政。

至於BSD,更加起反作用。點解?上面提到,新樓供應量才是真正供應量,即使買家來自海外,其供應仍然是供給本地巿場,搬不走的。你排除了海外買家,發展商在計數時也會將佢哋排除在外。我想這也許是這兩年新建住房不達標的一個重要原因。一日有BSD在,不達標就會存在。發展商不會計錯數。

海外一些國家如澳洲,也限制海外買家買二手房,但卻鼓勵佢買新房。因為他們知道新房才是真正的供應。這個道理不難懂,只不過我哋政府討好民粹罷了。能不能解決到問題,留給上帝吧!
4. Small Potato 2015-09-15 12:08:42
香港成日以國際金融中心自居,做到好歡迎外國人材嚟香港工作,但又限制外國人買樓自住,真係有D矛盾,何不趁而家個市靜靜地,放寬免佢地買新樓既BSD?!香港赖以地產生存,呢個係命脈,如果連地產都冧埋,連鎖效應,相關行業既家庭,都無啖好食,地產代理更加吾駛多講,佢地已經比呢D辣招折磨左幾年,大家都有家庭,政府要諗諗。
5. 凡人 2015-09-15 13:57:51
冇BSD,樓市已炒左上太空了!
6. 陳清白 2015-09-15 16:32:53

【九七過來人】陳清白:樓價跌三分一唔奇

http://hk.apple.nextmedia.com/realtime/finance/20150915/54207685

樓市頻現撻定貨、蝕讓案,歷史會否重演,目前是否「97年翻版」?經歷九七,輸到「灘灘腰」嘅一代樓市炒家,綽號「白旋風」、人稱「炮哥」的陳清白接受本 報訪問表示:「今次比97年,應該會大鑊啲,出面經濟好明顯變壞,人工追唔上樓價,樓價過高,美國千祈唔好加息,一加息,就是觸發點。」

「炮哥」話:「呢幾年樓價升得唔正常……樓價跌返三分一,我都唔覺得奇,97年跌3分2,以太古城為例,而家比97年升超過1倍,跌返三分一,真是一啲都唔奇。澳門樓而家都跌咗3成啦,成交仲係咁萎縮。」

「而且我唔覺得今日有咩好過97年喎,營商環境,你睇近期啲舖位,吉舖呀,多到你唔信,灣仔莊士敦道、銅鑼灣波斯富街,從來都未見過咁多吉舖,你諗下個營商環境有幾差……

有 人話銀紙貶值,磚頭保值,炮哥無奈道:「97年,我都是咁諗,驚死蝕底,現金變哂資產,結果?一鑊熟囉!」「根本二手癱哂,間中一個半個傻佬,或者錢多得 滯出來同你買樓嘅啫,揸住樓嘅,其實個心好急,樓呢,好攞命,你越平俾個買家,個買家就越走…轉角市,你劈一成,真是無人買,仲嚇親個買家,我撞個板啦! 你越減,越無人買,而家賣到樓嘅業主等於中六合彩。」

對於環海‧東岸11宗連環撻訂,他認為這樓盤出九成半按揭吸引買家入市,「攞幾十萬出來就上到車,個班友恨樓恨到發燒,想