主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 35206    回應 : 26
文亮言
林一鳴封Blog
 
湯文亮博士
紀惠集團行政總裁
2015年9月8日

  有記者打電話給我,佢話林一鳴封blog,我唔見咗過老對手,問我有沒有些少失落感覺,我老實答,真的沒有,我和林一鳴很少交流,林兄不屑認我做對手,只有在今年二月初,我寫的「細價樓爆煲論」大熱,林兄急不及待反駁,認為當時買樓好過六個月之後買,我迫不得已下賭注,結果是我輸了,但林兄又唔應約,害我無端端使咗幾十萬,但林兄唔明白我的意思,我只不過是希望未有能力的人唔好急切上車,就算六個月之後樓價比我發表爆煲論的時候高,但之後影響樓價的各種負面因素發生效力,在利息上升,供應增加的情況下,樓價一定會下跌,況且,林兄料事如神,股市熊市亦能夠準確預測得到,這又怎可能股市大跌,樓市不跌反升。

  我接觸過不少最近買了樓的業主,當他們買樓之前覺得林兄所言非虛,但買樓之後又睇到各項負面因素,雖然樓價有升幅,但是由於有SSD,他們不能夠將新買的物業賣走,眼見美國將會加息,新樓供應源源不絕,零售寒冬,問我點算,我真的唔知點算,我叫他們問林一鳴,可能因為太多人問,所以林兄封blog,我個人認為林兄毋需這樣做,做評論員只不過將自己意見說出來,並沒有叫人買樓抑或賣樓,他們買不買樓的行為,應該由他們自己負責。

  林兄話封blog是因為他猜中熊市,受到不少好友攻擊,封blog是最快,最直接的解決辦法,我又認為這點值得商榷,香港的股民不會如此橫蠻無理,我的「細價樓爆煲論」輸到甩轆,都沒有太多網友攻擊我,嘲笑就有多少,如果我估得準,一定會得到不少讚美聲音,照計林兄的熊市理論應該得到讚美而不是受到攻擊,畢竟香港人是有容人之量,絕非袁紹之徒,林兄過慮。不過,封blog亦都是好事,否則,三個月後,大家睇到樓價明顯下跌,到時候林兄所受到的壓力就會很大。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 歷史長河 2015-09-08 08:44:11
博士,有否得知林生封blog真正原因,還是純屬您的猜測?如果您的分享建立在猜測之上,可能誤導噢!
3. 引刀一快 2015-09-08 09:07:01
大陸經濟咁大煲嘅嘢,林先生冇理由唔係一早知道嘅,講到瞭解大陸,引刀肯定唔係林先生果皮,所以,佢話” 當時買樓好過六個月之後“,我覺得言不由衷。
4. 風度 2015-09-08 09:13:05

何必?且尚未知輸贏,又何必?定系有的笑所以笑左先,好吧,講了這句話的我和發這篇文的你並無區別

5. 望東樓 2015-09-08 09:23:13
6. 收買佬 2015-09-08 09:32:49
據林生係佢自己個fb的告別篇所述,佢貼中股市步入大熊 (中咗,因我七八月有聽佢講做嘢,連個反彈浪都中埋).,所以為各方好友痛罵,不得不退下火線云云。

多年來做cd rom所見,林生睇股市和博士睇樓市,都係準確度頗高,真的高手。哀見林生封bat5,更怕博士都會封埋一份的一日。。。。
8. 西門吹雪 2015-09-08 10:48:41

回長河兄~

呢度唔係寫博士既意見既咩~猜測有甚麼問題呢? =.=

唔好咩都插博士啦~如果係咁不如唔好睇LA


9. 點解要SKIP/HIDDEN人地D回應!!! 2015-09-08 10:53:03
點解要SKIP/HIDDEN人地D回應!!!
10. 回應 / 留言規則 2015-09-08 10:53:10

回應 / 留言規則2 : 禁止以名稱/暱稱/綽號/同音字等批評或映射任何人士、機構、公司

但本身主題已經開名講人, 到人地講時又DELETE?

 

11. 路人皆知 2015-09-08 10:59:55

Simon 兄,寫得出來公開個隻預佐有支持,有反對及不認同意見,有乜問題!

若回應違反規則, Admin 兄會 delete,你叫人唔好插及不如唔好睇先係問題!


12. 神算 2015-09-08 11:17:23
昨日有買家問我一個中型單位可唔可以平10%賣,我同佢講你六個月後買好過而家買。
13. 引刀一快 2015-09-08 11:32:23
神算兄

咁即係點?我睇唔明。

睇相佬有句:“雞在鴨先亡”,咁即係邊隻死先?
14. 歷史長河 2015-09-08 11:32:58
Simon 兄,多謝提醒,小弟也有好多事情贊同博士啫!比如教子有方等。近期插得多是覺得博士純粹為證明自己世人皆醉我獨醒而忘記了根本。

不過請放心,如有一日博士下逐客令,小弟會立刻閉嘴
15. 引刀一快 2015-09-08 11:37:20
歷史長河兄

如果你咁様出文都會俾人踢,我陪你走,講得出做得到。

(不過你咪乘機脅持我呀,講明係正經出反對文先算數咋!)
16. 歷史長河 2015-09-08 11:39:57
刀兄,你不能走,你是我最敬佩的淡友。看好你!呵呵。
17. 引刀一快 2015-09-08 11:45:00
我好有信心,引刀都未有長河兄你咁斯文,我咁耐都冇事吖,呢度接受到反對意見,只要唔好耍流氓就OK喇。
18. 我又回來 2015-09-08 12:07:57
https://www.facebook.com/icablenews/videos/427002720825135/


垃圾民族
19. 神算 2015-09-08 12:09:12
引刀兄,

其實我冇打算賣啲舊貨,反而我提醒佢遲啲買可能更平。
20. 逐客 2015-09-08 12:20:23
最有效的逐客令就是封筆
22. 歷史長河 2015-09-08 12:45:16
小弟檢討下先!
23. 西門吹雪 2015-09-08 14:30:06
長河兄多有得罪。大家交流下並不是想攪針對。請諒解。
大家睇野吾好成日睇漏幾隻字。幾時有叫你地吾好插呀。叫你地吾好係又插吾係又插。如果所有都係事實先寫,冇猜測,咁不如睇新聞。不用睇blog了。我只是這個意思
24. 西門吹雪 2015-09-08 14:40:49
長河兄,可能之前真的寫得不清楚。
絕對沒有任何"逐客"或"閉嘴"既意思。如有誤會,請見諒。
25. 歷史長河 2015-09-08 16:20:32
Simon 兄,小事啫!以後請多多指教。
26. CD ROM 2015-09-08 19:59:37
刀兄,似乎你揾到淡友朋友啦~
27. 歷史長河 2015-09-08 20:06:39
CD 兄,誤會,天大的誤會。我只是欣賞刀兄契而不舍的精神。
28. 回饋 2015-09-08 21:25:32
這裡好熱鬧。但敢說亮只得一回應。WHY?
30. 引刀一快 2015-09-09 02:14:45
To 26樓 CD ROM兄

我覺得無論淡友好友都可以做朋友,純粹睇爲人啫。
歷史長河兄,冇茅招有高招,唔係其它“果D”咁嘅人可以比嘅。