地產博客 > 文亮言 返回
瀏覽人次:38294    回應:20
文亮言
中原指數下星期會不會創新高
 
湯文亮博士
紀惠集團行政總裁
2015年8月31日

  中原指數連升兩個星期,但又沒有引起爭論,因為大家早已不當作是什麼一回事,想賣樓的業主不但沒有人出高價,連睇樓的人都很少,指數升跌彷彿與他們無關,打算買樓的人又早已知道,業主不見創新高價是不會賣樓,而且,那個價錢已經可以買同區新樓,點解還要買二手細價樓,雖然做成成交量少,但樓價則屢創新高,中原指數亦高倨不下,細價樓又怎會爆煲,不過,這個不正常成交量亦不會維持多久,當成交量增加,樓價就會下跌,到那時候,本來心熊的買家會變成心怯,樓價會在雙方角力下搵出一個平衡點,成交量亦會增加,我深信中原指數在這個平衡點的時候,不會高過現在,如果一定要我作出推算,應該比現在低大約25%,所用時間大約兩年,所以,當有人問我現在是不是適當時機買樓,我的答案是等多兩年,屆時就會變成那些人有沒有膽量買樓。

  上星期五中原指數收市報145.45,有網友立刻放上網,加多句話中原指數又創新高,我在2月9日所寫的「細價樓爆煲論」表明,指數在六個月內就會掉頭向下,在8月7日,中原指數146.07,所以,還不能夠用創新高來說,或者到今個星期五,中原指數就有機會創新高,現在距離高位只有0.62,趁現在成交量非常之低,只要幾個創新高價便可以中原指數超越146.07,又可以令我輸多次,其實,中原指數是否再創新高已經不重要,現在樓市大局已定,三個月後就見真章,到那時候,仍未轉軚的評論員一定要費一番唇舌才可以自圓其說,就算可以,所用理由都會是千奇百怪,不過,事實一定是事實,怎樣也勝於雄辯。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 歷史長河 2015-08-31 08:38:03
"如果一定要我作出推算,應該比現在低大約25%,所用時間大約兩年". 亦即中原指數將在2017年8月31日為109左右,應該是2012年9月水平。

如果中指每禮拜跌0.35,連跌2年(104個禮拜)應該能到。係連跌,唔反彈,難度有點大。小弟賭博士輸。
2. 路人皆知 2015-08-31 09:34:05
正如博士所說低成交下的數據沒有代表性,一兩單急賣套現套現也不代表乜,很可能是受近來股市急跌影響。相信大部分樓市及準買家只是按兵不動,是否轉勢還需要確認。

如只因股市引致的跳樓盤不會很多,相信在大陸式的QE下樓市要下跌兩三成非常困難,到時跌幅已抵消BSD 國內買盤便來!

只是奇怪博士寫到今次跌硬一樣,孤注一擲?
3. 收買佬 2015-08-31 09:53:30
個人認為超低成交下的ccl毫無代表性可言,正如09年初稀疏的跳樓貨&今時今日的創新高價貨,真的不能讓人看到市況的轉變。(三辣更係一道大水閘,扭曲了供應量&購買力,所以呢兩三年賣樓的,都唔會太認真看重ccl, IMHO)。
5. 一樓真係超攪笑 2015-08-31 10:48:38

回: 歷史長河   

你咁都講得出真係可見你智慧有多高。首先不平論市況,樓市升跌又點會一條直線。可以幾個星期掉1-2點,來一個星期升反1-2點。只要平均來說跌多過升就可以造成長線下跌...

再講現在市況,去地產舖看看,全是減價貨。連發展商都減價促銷。報章雜誌成交個案全是減價促成。就知道幾個月內已經可能見到5-10%下跌。我沒有博士的能耐可以看到2年後的光境。可是短線5-10%下跌已經是事實...又點會0.35咁慢呢??

6. Johnny 2015-08-31 11:04:42
如果博士得閒不妨落樓下隨便搵間agent問下價?睇下有無鎖匙盤可以即刻睇樓?
其實當下系超級缺盤好多剛需無得睇樓都要硬食,業主又隨時返你二三十萬你都無計被逼追價,所以CCL仲有力上,我覺得並唔系無人買而系無人放盤咯。
7. 路人zero 2015-08-31 11:13:57
Johnny 兄~呢個WEEKEND你有無隨便搵間agent睇過? 我個個星期有睇,早幾個星期仲係既,呢個星期好似唔係你咁講啦
8. 温水蛙 2015-08-31 11:22:54

只要传媒看法改变, 认清事实, 齐齐唱淡, 跌2成很容易. 现在是地产大户出货阶段, 所有传媒的老板都是地产大户,  多一个傻瓜接货就多赚一间, 所以只能一级一级跌. 

博示也接受2017才是大跌市开始.

9. 引刀一快 2015-08-31 11:41:26
毌須多言,未買屋嘅人可能有少部份還在躍躍欲試,最近上車嘅人,見到咁嘅市況內心一定忐忑不安。
11. TO5 2015-08-31 11:59:59
請問邊間地產鋪?我週末都有巡,個個是叫高后的減價盤,且鎖匙盤并無明顯增到。
12. Tony lam 2015-08-31 12:27:11
成班友瓜瓜嘈!你話買莊佢又話買閒、引經據典扮專家、個富二代叫人逐個月儲子彈、都比D大學屎片仔追殺、普羅市民投資股票同買樓、一定冇得薄cut求微利、否則只會荷葉凝珠、密執10單唔夠輸一單、大勝只能平時勤力揾食儲子彈、先可以好似收買佬咁、憑直覺人地執笠時、用爛銅價錢去買黃金。
乜嘢係直覺?咁你而家覺得D嘢貴唔貴吖?而家咁嘅價錢買咗!唔上唔落三年後你頂得住冇?住得起冇?使乜咁多垃圾理論、
13. 真得閒 2015-08-31 12:32:40
有人食飽飯冇事做,個個星期六去巡舖。一係地代,一係.......
14. 路人zero 2015-08-31 13:23:22

回13

唔得閒架。所有多餘時間用來睇樓拾筍野。唔辛苦點得世間財。唔努力做功課,有好野都唔識拾。小弟不才,返工搵唔得幾多,大部份家財都係呢30年抄樓得反來。相信比起這裡的c兄只是小小毛見大毛。

15. 唔好再delete我 2015-08-31 15:04:18
無聊可以去BK望下,果度係C9樂園,望下大家真實經濟情況如何,係大把槓桿定大把cash咯
16. 小業主求生隊長 2015-08-31 22:46:55
業主求生隊長
只要你們是業主一員,無需恐懼有人唱淡亦有人唱好,經紀唱好唱淡都有生意做,大炒家嚇死你震走你才可以入貨,小業主只要自住收租唔放,無人可以將你打倒。
17. TO: 唔好再delete我 2015-09-01 09:19:36
WAkakkakakakaka~~呢句好笑!!! 好應!!
18. Reply to 17 2015-09-01 10:24:10

C9一個,唔知你笑我定同意我吖。大道理講不出,但是身邊朋友,BK看到的帖子(反映一般市民),基本上都是資金有乜出路啊?而家可以投資乜啊?Holdcash等樓跌!專業投資者既世界我唔知,但市民的日子似乎並唔系好差,差到賤賣層樓咯!香港近年來旅遊業奢侈品業藥房過度發展,本來就應該降溫,而家凍少少就呱呱吵。Coach賣多幾個袋菜心會平D咩?辣椒既作用下,樓價並無好似上述行業一樣被QE到盡,雖然難上車但這是香港既現實!如果真系乜金融危機,我只能說香港C9好叻,一早洞察out market左,你班金融界人士咩咩喇!

19. 真得閒 2015-09-01 11:18:51
成班食飽飯等乜咪扮啦,騰雞睇樓來自慰,AGENT成日見冇幫襯,有盤都費事比你地睇,個啲劈價成交,又唔見你呢班友接左?
20. To 18/F 2015-09-01 12:22:37

我係同意你!!  開得POST就預左有反對聲音!! 尤其係D無根據的評論~

經過幾次金融風暴, 現時用家主導, 所謂新一代勉強上車其實係極少數, 因為背後父母過去十多年賺埋儲埋本錢,實力雄厚, 唔似以前個個得面果浸, 一跌市一失業就要放棄層樓, 試問個煲又點會爆鑊金呢?

21. 唔好再delete我!!! 2015-09-01 12:29:07
講唔同意見都DELETE, 無野呀!!! ADMIN!!!!
22. 唔好再delete我 2015-09-01 12:59:59
今次無delete我喔:D