主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 31684    回應 : 26
文亮言
勝之不武的「細價樓爆煲論」
 
湯文亮博士
紀惠集團行政總裁
2015年8月30日

       上星期一,股市大冧,樓市亦傳出不少劈價,撻訂個案,有老友恭喜我守得雲開見月明,細價樓爆煲論一戰成名,我話又有何用,一仗功成萬骨枯才是,不少人因為細價樓下跌而損失慘重,我自己亦不例外,股市跌,我已經有所損失,樓市跌,當然是損失慘重,我的確不願意樓市下跌,但是事實擺在眼前,樓市將會下跌,尤其是細價樓,更加會跌幅驚人,我寫「細價樓爆煲論」只不過是警剔市民,尤其是實力不足勉強上車的市民。

       有新加入網友不明白,認為我永遠唱淡,總有一日樓市會下跌,就算贏,都只是勝之不武,我在2009年初開始公開發表文章,從政府施政,知道土地供應不足,勾地政策免費替地產商屯地,樓價必定上升,而我的文章中早已指出這個實況,但奈何上任政務官員置若妄聞,最後定必做成樓價飆升,我亦在多篇文章中講明此點,而當時我面對的困難,與今天一樣,不少有名氣評論員,經濟學者睇淡樓市,他們的理據與政府差不多,認為樓價高企是物業炒家作怪,只要出招,樓價必定會健康發展,有經濟學家更身體力行,將自住物業賣走,好彩,我當時人微言輕,根本很少人睇我的文章,所以,沒有受到攻擊,當時我見到那些評論員,他們反而擔心我,認為紀惠持貨太多,應該最少沽貨一半以策安全,我多謝他們的好意,但當然沒有賣樓,否則,我不但損失慘重,更加不可能繼續寫文章。

        今日我睇淡樓市,並非我轉軚,而是實事求事,所有對樓市有影響的負面因素都已出現,或者即將出將,當中有些因素加更是年初時大家都想不到,人民幣貶值令香港人損失慘重,即使美國為此而暫緩加息,都是得不償失,股市更加由大時代變成大春代,由二萬八點下跌至二萬一點,而暫時來說,影響樓價即時下跌是上述兩項因素,而非我說的利息趨升,經濟轉壞,供應增加等因素,所以,即使樓價下跌,有人話我贏,我自己覺得勝之不武,因為與「細價樓爆煲論」根本無關。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 歷史長河 2015-08-30 09:57:06
博士,這篇文章雖然有風度,但出街早了點。中指收145.xx, 還未勝,哪來勝之不武?
3. 嘍囉 2015-08-30 10:34:10
CCL近幾個每星期都手上升
4. Melt Down 2015-08-30 10:35:11
看指數知昇跌係滯後既,無論什麼指數都是可以被操控既。 這一點有投資經驗既人都會知。 
5. 路人皆知 2015-08-30 10:40:59
輸的已確認輸了,要贏的還必須等三個月,到時便可開香檳!
6. 賣唔切 2015-08-30 10:45:46
TO:一樓
你話而家中原指數係145.XX。 咁點解我市價放盤半年咁耐都賣咁出啊! 
AA話而家唔減價都冇人吼。 佢地話而家係人都去晒抽新盤。
7. 引刀一快 2015-08-30 10:48:59
系喇!CCL都未跌,点知系咪胜喞!

我对CCL充满信心,就算有人劈價,自不然有人创新高去对冲,CCL稳如磐石,太阳会日落,CCL不落。

历史长河兄,买幾间大家睇下,冇有怕,有CCL挺住!
8. 兩面看 2015-08-30 10:51:30
好似豪宅跌得更勁呀,湯博士寫綸大價樓勁跌論呀6CNM
9. 收買佬 2015-08-30 11:05:47
其實ccl 只係睇樓價帳面升跌,不理通漲和成交量,很有些不理想,值得改善之處。
10. 路人皆知 2015-08-30 11:07:43
Admin 兄不如你自己作回應仲好!
11. 路人皆知 2015-08-30 11:07:43
Admin 兄不如你自己作回應仲好!
12. 路人皆知 2015-08-30 11:21:30
證明博士身邊有好朋友,急不及待預祝勝利,若三個月期到中原指數原地踏步就尷尬了!

雖然中原指數並不完美但相信它不會只Favour 升或跌的!
13. 路人乙 2015-08-30 12:07:41
細價樓爆煲(跌兩至三成),真係要睇多一排。
本人呢兩日都入抽東x,而本身我係一直睇緊樓新界東至烏溪沙。暫時仍未遇到荀盤,暫時呢一刻細價樓業主仍然強勢。想搵荀盤仍然好困難。所以只好學湯博士講入票去抽新樓。無謂與二手業主糾纏。
但而家經濟真係有問題出現,銀行朋友都講基本上日日都好得閒,而自己公司生意亦好似變差。
供應亦可從地政總處看到今個到七月三十日仍有萬多個盤等待批核。到時地產商一定攞晒出嚟。博士亦明白呢一點。
但到而家本人仍未看到會有下跌兩至三成嘅危機,到底係業主持貨強定佢地佢未到自身危機。
但另外一個啟示就係新盤開價,好似烏溪沙新盤,市民好多1:難以負擔首期,不入市抽 2:開價同位置性價比已經不值。與對上兩次已經有很大差別。
在於小市民,我們只求安樂窩,唔係超豪配套。就算會所配套幾好,但價錢已離地,小市民一定不會選擇。
東涌新盤,雖然價錢都係不平宜,但總算可免強上車。中環上班,位置梗好,如果有留意馬鞍山,就知馬鞍山一年樓價本身由四百上到六百萬,連一個三十年舊居屋都可以四百萬,個價是否值,真係要諗諗。
最後,樓市要爆,自己呢次都唔敢肯定,因為香港人就係咁奇怪,你想去爆,但偏偏又唔係想像中一樣。
奇怪。

14. 路人乙 2015-08-30 12:07:42
細價樓爆煲(跌兩至三成),真係要睇多一排。
本人呢兩日都入抽東x,而本身我係一直睇緊樓新界東至烏溪沙。暫時仍未遇到荀盤,暫時呢一刻細價樓業主仍然強勢。想搵荀盤仍然好困難。所以只好學湯博士講入票去抽新樓。無謂與二手業主糾纏。
但而家經濟真係有問題出現,銀行朋友都講基本上日日都好得閒,而自己公司生意亦好似變差。
供應亦可從地政總處看到今個到七月三十日仍有萬多個盤等待批核。到時地產商一定攞晒出嚟。博士亦明白呢一點。
但到而家本人仍未看到會有下跌兩至三成嘅危機,到底係業主持貨強定佢地佢未到自身危機。
但另外一個啟示就係新盤開價,好似烏溪沙新盤,市民好多1:難以負擔首期,不入市抽 2:開價同位置性價比已經不值。與對上兩次已經有很大差別。
在於小市民,我們只求安樂窩,唔係超豪配套。就算會所配套幾好,但價錢已離地,小市民一定不會選擇。
東涌新盤,雖然價錢都係不平宜,但總算可免強上車。中環上班,位置梗好,如果有留意馬鞍山,就知馬鞍山一年樓價本身由四百上到六百萬,連一個三十年舊居屋都可以四百萬,個價是否值,真係要諗諗。
最後,樓市要爆,自己呢次都唔敢肯定,因為香港人就係咁奇怪,你想去爆,但偏偏又唔係想像中一樣。
奇怪。

15. 娃娃看天下 2015-08-30 12:34:13
博士別高興得太早,股市微調之後,年底會再創新高,如果汪生都轉肽,你才有機會贏,我們仍然相信汪生的獨到見解。當然,在你未轉軚前我們亦十分認同你的說法。
16. 庄庄 2015-08-30 13:52:42
我認同湯先生的意見!
17. 香港業主大把錢 2015-08-30 14:02:12
大家不要太過睇淡樓市,現在如果政府撤銷所有辣招,上升動力仍在。好多港人仍然有閒錢買海外物業,樓市仍然有很強的購買力。

問題系政府真是敢撤銷所有辣招?
18. 歷史長河 2015-08-30 14:27:01
重點不在CCL完不完美!既然博士拿CCL來賭,最好等到佢跌2-3成之後來說勝之不武也不遲嘛!
「賣吾切」兄,中原指數總比您一個個案有代表性吧!

刀兄,如果你有看我以前留言,會知我在2012年後未再香港購入任何物業,但也未賣出任何持有物業。去年下半年來,小弟大買特買,不過是在海外。不是小弟看淡港樓,只不過DSD +高首期使得預期投資回報不如海外投資吸引。 小弟從ccl 40點左右一路購入,有些道理恐怕你永遠吾明。所以你問我怕不怕,我唔知點答你。

19. alan288 2015-08-30 14:45:11
事實擺在眼前,樓市將會下跌
20. 引刀一快 2015-08-30 16:42:02
歷史長河兄

2008年金融海嘯時,我唔知兄台有冇喺發生之前感覺到環境唔對路。
2011年,我開始覺得環境好唔對路,當然,從樓市角度嚟講,好明顯對于香港樓市係睇錯市。
唔對路嘅情况加劇,但係香港同大陸樓價就係咁飈。
我話唔駛怕意思係,若果要挺樓市,最有說服力嘅做法就係入市。
若果係要挺CCL,咁我覺得又係另一囬事。

21. 歷史長河 2015-08-30 17:39:30
刀兄,太看得起小弟了!試問有誰敢憑一人之力來撐CCL?信我,CCL冇做假,因為冇必要!

小弟凡夫俗子一名,當然未能預計到2008金融海嘯,不過倒是在2009年比原計劃多入二間。其實這點也正是小弟要說的,只要放遠視野,規劃好個人財務,何需理會這些短線波折!
22. 引刀一快 2015-08-30 18:35:40
历史长河兄

说短不短呢。
23. 歷史長河 2015-08-30 19:26:16
刀兄,短,真的好短!一年已復原,在歷史長河中何其短。
其實金融海嘯也為樓市未來調整定了一個底線,未來調整將會既短又淺,因為可以去辣招。上次冇辣招可去。
24. 睇好睇唔到 2015-08-30 22:05:58
因為睇好, 所以睇唔到風險!
因為睇好, 所以聽唔入忠言。
正所謂: 忠言逆耳!
呢個時候買樓既高人, 真係:睇好睇唔到。
25. 引刀一快 2015-08-31 03:42:18

历史长河兄

 

你睇睇呢铺长唔长。

27. 歷史長河 2015-08-31 08:11:40
哪一鋪?仲未有「鋪」,點計長短?
28. 引刀一快 2015-08-31 08:45:43
呵呵,咁你话呢铺嚟唔嚟丫?