主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 35002    回應 : 24
文亮言
在曾教授而言,紅山,陽明是細價樓
 
湯文亮博士
紀惠集團行政總裁
2015年8月17日

  上星期五晚的「細價樓不爆煲認輸宴」,我預留一席給我在明報會客室的嘉賓,而大多數會客室的朋友都有來臨,十分感激,在席間,司儀楊官華爆料,話小女買了四個紅山半島分層單位,太太買了一個陽明山莊單位,小兒買了一個小型商場,總共用了兩億,我們是用投資港交所所賺到的錢購買,餘額僅僅夠找認輸宴條數,這些事早有報導,絕對沒有新聞價值,不過,記者的確好嘢,沒有新聞價值都可以變成新聞,但始終都要當事人騰出空位,記者們才有機會切入。

  當晚,曾淵倉教授亦是坐上嘉賓之一,他向記者表示,我唱淡入貨,是高手,有記者不忿,問曾教授紅山,陽明是否細價樓,教授不屑回答,其實,記者與教授的價值觀不同,在教授來說,那些當然是細價樓,我的概念與記者一樣,否則,我一定唔會買,因為一定會給其他人說我唱淡入貨,即使如此,我仍逃不過這個指責。

  曾教授在他的專欄「名家搶先睇」中央斷造謠者米路,在結尾時提及我唱淡樓市,但又大手買樓,很是有趣,我亦覺得幾有趣,但並不是曾教授對物業的價值觀,而是專欄題目,莫非教授認為我是做謠者,我做人光明磊落,對曾教授指責自不然耿耿於懷,不過,教授毋需回覆,以免愈描愈黑,有機會再聆聽教授教誨,下一次我會列明樓價,不會再犯這些低級錯誤。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. AC 2015-08-17 08:49:19
願賭服輸,大方得體,輸得漂亮!
曾教授有十多層樓收租,他不想樓價跌,言論自然托市!!
2. 歷史長河 2015-08-17 09:11:39
博士,可否寫篇文章解釋為何細價樓爆煲,而其他價位的樓則會上升?這種情形歷史上有冇發生過?如冇,今次有何不同?多謝賜教!
3. 引刀一快 2015-08-17 09:20:09
呢樣嘢完全唔合邏輯,先唔講大價細價樓定義,若果呢鋪湯先生嬴咗,唱淡入貨就講得通。既然已經食住餐“認輸宴”,咁即係話人"唱淡提前入貨",即係輸唔切啫。

既然有人誤解,我講白D,唱淡入貨,都要等個價真係跌咗再入先會有利可圖,食緊餐“認輸宴”話人唱淡入貨,係唔合邏輯嘅。
4. 正苦工 2015-08-17 09:27:45

係咪防守力問題?

學畢菲特話 潮退就知誰在裸泳

5. 路人皆知 2015-08-17 09:29:53
引刀兄咁又唔係,樓價升了啊!
6. 路人皆知 2015-08-17 09:33:46
我想大部分人是想為什麼细價樓要爆嘅時候點解其他樓仲有運行,曾博士有可能不認同這一點,
7. 貴公子 2015-08-17 09:54:49
如果唱淡入市, 一早買屯門市中心既細價樓, 瓏門一開賣, 附近樓盤已經搞到貴晒, 對樓市有些少認識既都知道喇, 而不用買紅山或陽明! 曾教授只是講笑。
8. 貴公子 2015-08-17 09:54:50
如果唱淡入市, 一早買屯門市中心既細價樓, 瓏門一開賣, 附近樓盤已經搞到貴晒, 對樓市有些少認識既都知道喇, 而不用買紅山或陽明! 曾教授只是講笑。
9. Alan Pepper 2015-08-17 10:23:15
其實現今環境複雜,貨幣戰爭是古今以來最激烈的。我覺得這戰爭對樓價影響是價得研究的話題。雖然太宏觀,但不可忽略。

現在零負債也未必逃得過這次風浪,只能減少損失而已。
10. Desmond 2015-08-17 10:26:32
2樓提出之問題,我想就是曾博士的疑惑。


11. 路人甲 2015-08-17 10:40:56

曾淵滄本身有十幾間屋收租, 佢都唔捨得賣出去, 個個月收租, 
十幾間, 唸下拉, 每隔2天就有數入, 幾鬼過癮.

即使樓價跌, 租金可能都會跟著跌, 但我唔相信曾教授會因此出口術托巿, 一嚟做唔到, 
二嚟對他影響不大. 

買物業收租的人只係想每月有穩定收入, 達成' 財務自由'的身份人物而已.

博士唔使每每都咁著緊人家的說話, 全都放在心, 咁樣做人好辛苦,
" 認真咪輸囉" - 呢句話我開始好認同.
而且, [細價樓] 呢3個字真係聽到好鬼悶, 點解講左咁耐仲未有其他元素可以傾咩?
真係匪夷所思! 
太過鑽牛角尖的, 唔單止自己辛苦, 周邊的人也會被影響.
13. Oscar Lam 2015-08-17 11:00:54
博士,早上好!

博士家人買红山、陽明,博士在之前的文章中已經提及此事。可否分享一下買入一個小型商場的詳情?謝謝!
15. Financial Analyst 2015-08-17 12:22:00
I wanna know why 細價樓爆煲,而其他價位的樓則會上升 too........
16. 黃加× 2015-08-17 12:28:01
我信博士唔會唱淡入貨, 冇必要。

去到博士呢種level, 錢已經有, 真的不差這些利潤。

博左已經估中左好多年, 名聲已經建立, 如一個品牌。 做生意都知, 建立品牌是困難的, 斷斷不會因為少少利潤而破壞自己名聲。 當然這些利潤對於我呢d 小市民仍然是巨大的。


17. 不同意 2015-08-17 12:38:40

博士,曾淵滄跟本不熟悉你為人,原諒他吧 ! 同意11/F 及 13/F, 不如多分亨你投資心得仲好 !

 

18. SAY 2015-08-17 12:50:53
If Prof. Tsang was not kidding, then 11/F brother's comment seems
true.
19. CKW 2015-08-17 13:19:38
你咁大聲曾淵倉教授一定嬲
20. 引刀一快 2015-08-17 14:06:32
五樓 路人皆知兄

你未睇明我講乜。

唱淡入貨呢個指控,要湯先生嬴咗之後再入貨先成立,否則入貨同唱淡係兩個個別事件。
21. Stephen Woo 2015-08-17 15:57:44
+1 13F

博士家人買红山、陽明,博士在之前的文章中已經提及此事。可否分享一下買入一個小型商場的詳情?謝謝!
22. 路人皆知 2015-08-17 16:04:45
引刀兄可能是我錯。從我理解是有人認為博士一方面唱淡樓巿但另一方面就大手掃貨,雖然你可以說紅山陽明不是細屋,但若有人看了博士的爆煲論而延遲入市而在此其間樓市上升了,自然不是味兒,我想曾博士所想就是這個了,因為大家都會奇怪樓市會否像股市般個別版塊向上向下而不影響其他板塊,即如真的有機會細價樓爆下中上價樓爆上的情況呢?

23. 路人皆知 2015-08-17 16:04:46
引刀兄可能是我錯。從我理解是有人認為博士一方面唱淡樓巿但另一方面就大手掃貨,雖然你可以說紅山陽明不是細屋,但若有人看了博士的爆煲論而延遲入市而在此其間樓市上升了,自然不是味兒,我想曾博士所想就是這個了,因為大家都會奇怪樓市會否像股市般個別版塊向上向下而不影響其他板塊,即如真的有機會細價樓爆下中上價樓爆上的情況呢?

24. rosekarming 2015-08-17 18:20:48
勿生氣, 曾教授並非指責
26. X 2015-08-17 21:38:18
請博士指教 中價樓同大價樓會否爆煲?
27. 引刀一快 2015-08-18 00:38:21
To 23樓  路人皆知兄

用最精簡嘅語言表達,就係如果唱淡而在樓市未淡之前入貨,“唱淡入貨”呢個指控係唔成立。