主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 32346    回應 : 22
文亮言
點解我要延期三個月
 
湯文亮博士
紀惠集團行政總裁
2015年8月16日

  上星期五晚,是我「細價樓不爆煲認輸宴」之夜,中原指數收市報144.29,跌1.78,大家可能不會留意,其實,這是一個警號,在我的細價樓爆煲論中是這樣寫,如果政府唔出招,細價樓樓價在三個月内開始下跌,就算政府出招,亦只不過將日期延長至六個月,不過我承認,爆煲是嘩眾,而在我發表「細價樓爆煲論」之後半個月內,金管局收緊細價樓按揭至最多六成,同時亦關注財務公司二按,不能夠與銀行首按並存,換句話說,政府是有出招,細價樓最多再升六個月就會爆煲,我在2月9日發表爆煲論,六個月後,即是8月9日前中原指數應該到達最高點,而8月7日中原指數為146.07,我認為在這日之後,指數就會回落,不過,我一定要在認輸宴之後再作出澄清,否則,就會被別人講閒話,甚至認為我會賴帳,這是我話三個月後,全部評論都會轉軚的原因,因為樓價開始下跌,三個月後,就會出現一個顯著下跌數字,今次我唔同人賭,大家自己作見證。

  在我擺認輸宴前,小兒,小女問我是否需要他們出席,我話唔需要,因為是老竇輸,不是他們,而他們話,在我平日的說話中,無論說多謝,道歉,認錯,都要大大方方承認,否則,效果就會大大減少,於是我准他們參加認輸宴,連太太都話要參加,全家認輸,都算有誠意,最令我想不到,就是我平日對子女的說話,他們竟然以此作為參加認輸宴理由。平日,我絕對不敢教別人教子女,今次我藉此機會將如何表達多謝,道歉,認輸的方法寫出來。至於贏了又怎樣表達,對不起,我還未贏,所以唔寫住。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2015-08-16 09:57:37
嬴咪又係大大方方咁接受贊美囉,前提係,對手表達咗咩態度。
2. April 2015-08-16 09:59:27
做人光明磊落是最重要!
4. 歷史長河 2015-08-16 11:24:25
博士教子有方,可喜可賀!認同做人要大方。
5. 樓市好友 2015-08-16 11:28:22
博士,今次我好欣賞坦白地認輸。
無錯,樓市3個月后會下跌,我都相信。所以3個月后你贏了,亦坦白地承認吧!:-)
6. 引頸一切 2015-08-16 13:27:49
終於認爆煲係吸眼球
個D咩橫行微跌叫爆煲就肉酸少少
7. 一笑風雲過 2015-08-16 13:32:53

樓市風雲:港業主慣看淡不造淡

9,235

18
■香港人深知樓市是升的多跌的少,故不賣不錯仍為主流的做法。 資料圖片

近期股市甚為波動,大致上是看淡勝算較高,而樓市呎價不斷創新高下,就算看好後市的用家,也不敢妄言樓價會再有多少的升幅。因此,看淡樓市人數或許有所增加,但實際造淡的業主卻不多,這反映了港人業主看淡不造淡的慣常做法。
過往多年,不斷有言論唱淡樓市,但無論如何高調唱淡的淡友,也絕少跟隨自己的主張,一面唱淡,一面沽貨。相反而言,一面唱淡,一面入貨者,反而是慣常做法。至於港人業主,現時心裏或許也會擔心樓價在高位會調整,但願意現時沽樓者仍是少數。
九七後的樓市低潮期,香港曾出現近十萬個負資產業主,理論上該批單位的業主也應盡早賣樓離場,但相反的是,該批業主大多仍堅信樓價最終會回升,所以賣樓者不多。以筆者所見,當年有不少失業業主,仍千方百計堅持供樓,堅拒賣樓。
今時今日的業主自住用家多,故無論任何情況,大多也認為要有瓦遮頭,故好市壞市,賣樓業主仍不多。筆者認識一位業主,1996年買樓,99年蝕價一成離場,至2003年賣出的單位再跌五成,理論上該業主早應回購,但他當時仍堅信樓價未跌夠,沒有回購。事實上他不是單一例子,因回購單位需要很多勇氣。港人業主深明此道,所以不賣不錯仍為主流做法。

何熊輝
樓評人
hohungfai1997@gmail.com 

老樓周記:人仔樓價長線看升

11,541

6
■在香港地,買物業長線來說,都是升值的。 資料圖片

人民幣自2005年滙改以來,十年由當天每百港元兌105.2人民幣,到今天升值至八算水平,單是滙率計升值33%,本周人仔創單日跌幅新高,但相信累積跌幅很難出現雙位數,與國情並不脗合,老樓認為手持人仔與物業一樣,長線都是升值。
若以中原城市領先指數計,2005年6月報55.48點,到了上周五報144.29點,升了1.6倍,而當年亦是內地客開始買港樓,老樓還記得當年在東涌一個樓盤開售時的情景,「某個周日,車老婆去東涌娘家,放下老婆後便駕車返工,因一個新盤在東涌開售,順路過去打個招呼,上到售樓處已完成揀樓程序,現場售樓女職員見到老樓便寒暄幾句,當不經意問到自2003年後投資移民的內地客買家數字時,她便聲線響亮地指今早十枱便有三枱是內地客,豪氣非常,不用兩分鐘便拍板買樓,她指整個樓盤多了很多內地客買」。
當時更發展至2007年天水圍一個全新樓盤,賣樓當天出現一車車內地團到港睇樓,除了人仔升值外,內地客來港消費的新開始,由買化粧品自由行演變成買樓自由行。
現時雖然人仔貶值,但中港商貿交易隨着多個互動平台很難改變,買樓仍是他們所需,如商貿、子女就學或來港醫療、生仔。
買樓升值的能力可以抵銷人仔貶值的壞處。

劉兆昌
資深地產傳媒人
http://www.HKLau.com
掌握財經生活資訊,即Like「蘋果ATM」fb專頁啦!

8. CKW 2015-08-16 13:36:20
博士話一就一! 好野!
9. 樓市好友 2015-08-16 13:39:18
博士將我朝早嘅言論Delete咗,難免顯得小氣!
10. 哈哈 2015-08-16 14:25:18
博士我開始有d欣賞你

心𥚃緃有百個不甘,但輸左就係輸左!認輸係重新出發既表現!

不如開始嘗試硏究爆煲幅度(同CCL:146.07比較)


11. 引刀一快 2015-08-16 14:58:26
切頸仔,今日唔喺15樓食牛奶呀?
12. Max 2015-08-16 15:20:21
博士過謙啦!博士自09年已一直贏,只不過今年未贏唧!
13. 引刀一快 2015-08-16 15:27:28
“  過往多年,不斷有言論唱淡樓市,但無論如何高調唱淡的淡友,也絕少跟隨自己的主張,一面唱淡,一面沽貨。相反而言,一面唱淡,一面入貨者,反而是慣常做法。至於港人業主,現時心裏或許也會擔心樓價在高位會調整,但願意現時沽樓者仍是少數。 
                   節錄自   何熊輝樓評人

咁一面唱好一面出貨者呢?
14. the fact 2015-08-16 15:36:24
支持湯博士,我都聽你講,再等多兩年先買!
15. 息魔 2015-08-16 16:17:26
真系吾明點可以預計到細價樓下跌

- 利息升已經講左幾年,全世界已經有心理準備,而且銀行既壓力測試系超嚴,市民能夠買樓的,負擔能力系有番甘上吓... 

- 何以見得經濟轉差,最多只可以話少左人買野,但大六有錢人仲系好多,好有能力消費的

- 供應量增加,只不過系四年內增加8萬5, 而且好多系樓花吾住得... 哈哈... 莫講話8萬5, 就算系18萬5,供應量都吾系多,又何以令樓價下跌... 
17. 夏蟲不可語冰 2015-08-16 17:19:15
博士,三個月之後,應該係港股美股大陸A股爆煲的時候,那些最近曰曰叫人入市的好友就會明白甚麼是--夏蟲不可語冰!
18. 博士粉絲 2015-08-16 20:03:00
只可惜博士沒有請我!
19. 工友 2015-08-16 20:20:23
想細價樓跌的人靠嚇,卻幫了細價樓業主們。

20. 工友 2015-08-16 20:33:41
博士觸覺敏銳,年初樓市瘋狂之時突然轉軚,
今天淡風處處,可見博士並無輸。
21. To17摟 2015-08-16 21:47:17
夏蟲兄你意思係咪話秋去冬來之前,唔好再同日日叫你投資股票嘅經紀吹水(不可語冰)快快收拾好股票等待春天來臨,再部署資金為未來入市買樓作好準備?
22. 腳震業主 2015-08-16 22:26:00
本人有二間未供完嘅細價樓租緊俾人,而本人在大陸投資的工程生意最近好淡靜,好多行家都停工了。真係有啲心寒,唔知大陸呢個寒冬要捱到幾時?
嗰啲硬好話人民幣匯價下跌,將會有大陸人為了保値而到香港買樓。試問啲人為否為了幾巴仙的滙水而要付出買家印花稅及搖搖欲墜的樓市的風險?
唔好當大陸人傻仔先得嘅!聰明的香港人。
23. 收買佬 2015-08-17 00:11:33
15樓,以家咁嘅款都未算經濟差? 2013 至今其實極其似95 至97, 你可能只未經歷過由極盛而轉衰敗吧。

當然,你大可不認同,沒關係。只要你坐言起行去入貨便ok,  落場踢點也比做塘邊鶴強,對不?
25. 黃加× 2015-08-17 12:55:51
爆煲幅度

真係值得研究課題。

個幅度受咩影響。

政府政策, 加息, 經濟, 土地供應

有冇一個大約數? 係根據咩數據而得出, 真心求教。