地產博客 > 文亮言 返回
瀏覽人次:39419    回應:15
文亮言
向隅客不會回流二手樓市場
 
湯文亮博士
紀惠集團行政總裁
2015年7月31日

  以往在新樓盤開賣之後,無論是否一Q清袋,都會有大批買不到新樓盤合心水單位的買家向二手市場尋寶,這亦是二手樓業主最佳賣樓時間。而那些二手樓業主取價就視乎新樓盤訂價,大約八折便是二手樓價,所以,有心賣樓的業主都希望新樓盤開價進取,他們便可以賣得好價,而傳媒一般叫那些買不到新樓盤的人做向隅客,我相信是取自“欲免向隅,明天請早”這句話。
 
  現在的向隅客是不會回流到二手樓市場,因為地產商見購買力仍在,便會立刻加推,例如較早前長地的緻藍天,連續不加價加推兩次,食盡市場上購買力,唔好講二手樓業主,就算決定稍為遲疑的地產商都未必能夠把握到機會爭取那一班向隅客,所以,現在每一個地產商都金睛火眼,吼實那班向隅客。
 
  唔好以為只有地產商才會連續開盤搶客,房協也不例外,喜薈一Q清袋之後。喜漾又立刻登場,企圖食盡所有購買力,而其他地產商有見及此,都分分表態出售新樓盤,下個月將會有2,200個單位,試問,那些暫時未能買到樓的人,除非價錢相當吸引,否則都唔會買二手樓,況且近日二手樓成交價屢創新高,所以,暫時來說,那些向隅客是不會回流到二手市場。不過,世界無絕對,當部份必須賣樓業主意識到若不減價就很難將手上單位賣走,他們就會減價,到那時候,樓價便會向下調整,向隅客又會回流,這是樓市的物質不變定律,唔通二手樓樓價貴過新樓才是正常。偶然出現是無可厚非,但長期如此就若果不是樓市不正常,就是參與那些樓宇買賣的人不正常。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2015-07-31 10:17:51
新樓共應多,的確影響二手樓交投, 不過論地段又未必新樓最佳!
2. 路人甲 2015-07-31 10:46:19

早晨!

博士, 其實''  大四喜'' 那D 樓唔係係宜的咁平,
尤其細SIZE的樓. 一個397尺的, 大概5X0-600左右. 看層數.
呢個價錢, 係港島都買到啦, 仲可以平DD.
所以我真的唔覺得佢賣得平.

反而中SIZE的, 可能平D 都未定.
25/07/2015喜薈$591萬397呎呎價$14,884


3. 無題 2015-07-31 11:15:52
單純用新舊概念來比較樓價可能對於投資者較合適,但對於一般用家嚟講,面積是否實用/交通是否方便/有否購物配套/什至管理費多少,都是用家考慮因素之一;都係嗰句百貨撞百客,宜家好明顯係用家巿場,如果話用家一味只會考慮新樓而IGNORE二手樓,呢個講法好似有D離地噃,相信巿場上仍然有很多只在物色二手樓的買家,他們很多都很有能力上車,只是價錢上未能沖破心理關口已.
4. 黃加× 2015-07-31 11:26:51
to 路師兄

     你的是未折價吧!
  老實說, 佢係比同佢2手單橦平。 以即供計。

我買500 實呎, 高層 6。8m 左右。 2房。 
以喜字頭計, ok 價。  住開果區就知價
5. now新聞台 2015-07-31 12:32:04
now新聞台】本港一手私樓潛在供應創有紀錄以來最多。

上半年本港私樓貨尾有5000個, 興建中但未售賣的有5.4萬個,連同熟地,即已批出可隨時動工的項目有2.4萬個可供應單位。預計未來三至四年間,可提供8.3萬個單位,是有紀錄以來的最高,按季增加5000個單位。

另外,上季本港私樓施工量及落成量急升。施工量5900個,按季急升近兩倍,是去年第一季以來最高。而落成量則按季急升逾3倍至4200個,但按年比較則減少400個單位。總結上半年私樓落成量5100個,相當於政府預測全年落成量的不足四成。

7. AH-HO 2015-07-31 14:52:49
To 4
呢個應該是折實價,應該是2座極高層。
圍起尺價14885,真的唔可以說平。
8. 路人甲 2015-07-31 15:01:49

那個價係折實PRICE, 係田土廳成交資料度搵出嚟的.
我唔覺得平囉.


9. 路人丁 2015-07-31 15:57:07
平唔平唔係你自己覺得,  有人用果個價買就值果個價架啦。
幾年前的沙田第一城2房,  300萬已叫天價,  家陣過400萬咪變左正常價。

我自己都已蠢左幾年, 由2010年開始睇樓,  到2014年年中先下決心買左九龍東的一個細單位。當時已抱住摸頂,  買完就跌的心態去買。結果呢,  到今時今日仲有20%升幅。但升左又點? 錢唔會落袋, 只係慶幸如果當時無買,  依家買仲大壓力。

買唔買樓, 都係睇心態者,  計掂數有需要咪買。如果本身大把錢係諗住買來投資,  咪慢慢再睇下lor。
10. 路人甲 2015-07-31 16:28:12

我的貼文係回應博士的文章
因為博士講大四喜比二手樓平20%, 所以我意思唔係平. 而唔係被曲解的樓價平與否.

與自身買樓感覺貴平無關囉!!