地產博客 > 文亮言 返回
瀏覽人次:46945    回應:8
文亮言
喜薈350伙被掃清,房協應該解釋
 
湯文亮博士
紀惠集團行政總裁
2015年7月26日

  昨日房協賣喜薈,雖然天氣唔好,但350伙仍然被掃清,一Q清袋,仲打足147度,難怪房協的人咁開心,有兩個局長被離職在前,新居屋計劃又半生不死,如果今次只賣得兩三成,話唔定有房恊高層要下馬,唯一辦法就是要將仕用命,一Q清袋,咁樣,CY就無話可說,其實,房恊今次犯了第二大忌,亦都是一Q清袋,賣樓的人知道,要一Q清袋很容易,只要售價夠平,佣金夠高,就一定可以一Q清袋,在個別地產商而言,這是前線售樓的職員開錯價,一樣是死罪一條,不過,房協今次一定不會,因為新居屋一樣夠平,不但不能夠一Q清袋,而且成日miss,打咗唔知幾多Q,仍然未能夠清袋,而且,新居屋計劃由CY親自拍板,所以,一定不會被CY抽秤,房協各位委員可以放心。

  喜薈平喜雅10%,而喜雅而入伙兩年,並且比同區私人樓宇又平兩成,即是喜薈是以同區較新二手樓七折發售,而且是未入伙的新樓,換句話說,即是喜薈平同區較新二手樓三成,一Q清袋亦是正常,如果唔清袋就大件事,今次喜薈一Q清袋,可以說替特區政府打一支強心針,或者,在兩位局長被離職後,大家都醒醒定定,少做少錯,唔做唔錯這支歌仔冇得再唱。

  以前有人話,只見新人笑,不見舊人哭,今次就變成只見買新樓的人笑,買細價二手樓的人哭,在這幾個月以來,尤其是我的「細價樓爆煲論」出了以後,不但中原指數仍然上升,而且樓價屢創新高,那些以創新高價買了細價樓的人就算唔哭,都唔會笑出來。有一點我不明白,既然樓價屢創新高,各分析員,物業代理領導,經濟學大師都話樓價仍然有上升空間,地產商低價賣樓自有其理據,市民是管唔到,但房恊要以低價賣樓,是否有浪費公帑之嫌,房協各委員應該要解釋。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 黃加× 2015-07-26 10:24:59
聽網友建議換樓, 抽中喜薈 6.8m.
票號100內, 算係整定要買咁。

我住果區好多年。 算比較了解果區。有錯當大家交流下。 

1。 喜雅已經係長沙灣區樓王。並未有比同區平2成。 可能比曉銳果d 呎價平, 因為曉字頭lump sum 細。

2。 喜噲只能算比同區2 手單橦平半成賣左右賣。以新鴻基豐盛居單橦比較。 平多少少。 可能有7%。 

3。 整體來講價錢算ok. 就算同2手同呎價賣, 咁果區又冇大型屋苑。 想住好少少 5喜係必然之選。 如同喜雅比, 應該平到10%。 以即供不做2按計。 所以係吸引。 

4。 之前2喜都係參考喜雅雅當時價賣。今次已經比上次貴左d.

5. 房協係協助人上樓, 咁唔賣貴又賺到些錢, 我又唔覺有問題。 因為經營方針係咁。