網上見到一首「天朝詩人‧白交易」──《憫股民》的詩：鋤禾日當午，炒股好辛苦。對着Ｋ線圖，一哭一上午。哭了一上午，還要哭下午。倉位補不補，心裏很痛苦。補了也白補，不補更痛苦。為何會這樣，只有問政府！這首《憫股民》的調侃詩，用諸於「憫樓奴」，那種痛苦其實沒有甚麼分別。大家都睇到，房協及房委會同時推出三個資助房屋項目，三個屋苑分別位於沙田及元朗，質素麻麻，新居屋一樣爭崩頭，在樓市逆轉下，市民對房屋嘅渴求依然有增無減。
鬼咩！儘管私人樓已「劈下來，豁出去」，或者是「愈賣愈傷心」，「窮人恩物」嘅私樓對一般基層依然高不可攀，是以有七折優惠嘅居屋仍然一推出就受到熱烈追捧！超額認購是常識吧！
看市民盲搶新居屋，其心情是多麼的矛盾，有一家四口的謝先生雖則看淡樓市，但仍考慮申請：「再跌都唔會變爛茶渣啩？點冧都要住o架！」亦有七十一歲育有兩子的金伯替單身長子取表，坦言「供樓好慘」，眼見次子已置業，故擬斥資二百萬元幫長子上車！可憐天下父母心，一生兒女債、半世老婆奴，一把年紀，還要發揮「獅子山下」精神：人生，總有悲喜，買樓，亦常有淚！亦有年輕人苦笑：情願做樓奴，好過做租奴！
政府無能，ＣＹ上場時拍晒心口話房屋係本屆政府重中之重和關注的政策；然而，過去三年樓價係咁飆升，「雙辣」政策下依然難以遏制私樓狂漲，即使最近樓市逆轉下調，一般基層小市民依然難上車，居屋的爭崩頭，市民趕上車，除了反映市民不信政府，更加反映政府在房屋政策上的失敗！踏入猴年，公屋輪候冊已近三十萬，「民生無小事」，再講都羞家！為何會這樣，只有問政府！
App下載
