主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 17504    回應 : 12
樓市乾坤
樓價由假反彈變真回升
 
何熊輝
2016年7月23日

  樓市持續向好,二手盤創新高案例不斷出現下,個別發展商的貨尾盤已全面加價,樓市已由反彈至全面回升,這次回升,由早前超級豪宅及整幢的商廈成交拉起序幕,香港物業的貴價物業,一再由國內的大款買起,繼而連中下價樓都受帶動,相信這次回升會持續一段較長時間。

 

  自英國脫歐後,不少評論指香港的樓市不會受益,但無獨有隅,深圳財團在此刻以創新高價,先後購入山頂超級豪宅及紅磡整幢商廈,出價之高,連樓市好友亦難以相信。樓市在此等好消息持續出現後,價量都全面回升,早前成跌價災區的嘉湖山莊,呎價回升一成多,樓回升的幅度,幾乎已全部追回去年的跌幅,買家去年賣樓等跌三成回購的部署,開始失效。

 

  對淡友而言,經濟不景,預期供應過多,樓價過高,加上樓市辣招打擊下,成交萎縮,樓價難免終極一跌,有這理據,一時間樓價跌破建築成本價預測,樓價已進人下跌週期,以及外資的樓價自由下墜論等等,相繼出現,看淡言論雖多,但未見本港富豪有大規模減價出貨的案例,現時看來,早前賣了樓等跌價回購的買家,可能已中了這次樓價假跌的陷阱,現在正面臨是否回購的艱難決定。 

  現時估計,這次回升最少會持續至第三季,期後樓價升幅可能會減慢,但第四季又再回跌的樓價不大,如果仍以為這次是假反彈,而繼續沽空(冇樓),代價會非常高。

 
我要回應
我的稱呼
回應 / 意見
驗証文字
 
1. 打工仔 Andy 2016-07-23 14:49:20
行去地產代理問下就知, 業主肯賣已經是筍盤的日子又來了! 
2. 歷史長河 2016-07-23 14:53:24
打工兄,

現在肯賣樓的二手業主真應該送一幅「為港為民」的錦旗給佢。

驚恐的羊群終於喘息待定,然後發現原來又是一個狼來了的故事。
3. 二少 2016-07-23 15:03:40
要面對現實不如繼續逃避
4. 打工仔 Andy 2016-07-23 15:16:06
長河兄有理 ! 其實小弟呢排肆出打探有無筍盤, 點知, 何止無, 只要開價合理就馬上比人掃了, 唉! 
5. 業主反價是常識?食錯藥嗎? 2016-07-23 15:23:22
http://hk.on.cc/hk/bkn/cnt/finance/20160722/bkn-20160722183851180-0722_00842_001.html

網民熱話:業主反價是常識?食錯藥嗎?

07月22日(五) 18:38
  • 【on.cc東網專訊】 呢排業主轉強勢,唔好話議價,唔反你價已經偷笑喇。有網民嬲爆爆,喺討論區開帖話:「第三次睇樓諗住減少少或原價即買,今日竟然要加20萬,我話考慮幾日,佢夠膽死話到時未必係依個價,你班業主不如去搶啦!」發帖者睇吓問吓,真係「越問越傷心」,最後搞到樓都買唔到。

    買唔到呢間,咪睇過第二間囉,話晒自由經濟市場,買賣都係你情我願啫!有網民就覺得呢個係發帖者嘅問題:「三月大把盤睇,又冇人爭出價,你唔買,等,幾時都要代價!」咁嗰時人人都覺得樓市仲有得跌架嘛,唔買都好平常。有網民再踩多腳:「時間永遠是未上車的朋友的敵人,時間愈耐,愈不利!」唉,有早知就冇乞兒啦!最好喺2003年買樓,然後細樓換大樓,大樓換house啦,係咪?

    留意番個重點,發帖者明明已經「第三次睇樓」,應該係有心想買,業主做乜趕客咁款?有網民都忍唔住問句:「你做咗啲乜?」因為「唔開票睇三次,同開咗票睇三次唔一樣,佢其實想『送客』。」今時今日,帶票睇樓是常識吧!不過真正原因可能係「你睇成3次,露晒底知你想買,梗係反你價啦!」其實都好正常,邊個賣樓唔賣到盡啊,呢位網民就中晒point,「你可以叫業主減價,業主唔可以加價?咁有趣嘅你。」係喎,只可減價,不可加價,發帖者你咪必贏?有業主更哭訴:「我覺得有啲買家先食錯藥,正常市價放盤(600萬元以下)夠膽死一劈劈一百萬!」

    睇番成件事,食錯藥嗰個,其實未必係業主,咁係邊個呢?有網民仲要抽水:「你係咪冇去接機?」唉,真係冇眼睇,發帖者惟有繼續等吓啦!

    原文出處在此:

    依家D 業主係唔係食錯藥呀

    http://finance.discuss.com.hk/viewthread.php?tid=25957107&utm_campaign=discussedm_2016-07-21&utm_source=regular&utm_medium=hottopic

    依家D 業主係唔係食錯藥呀 E-mail 此主題給朋友

    依家D 業主係唔係食錯藥呀 E-mail 此主題給朋友  【暫時話題嘢嚟230個留言】

    [隱藏]
    第3 次睇樓諗住減小小或原價即買,今日竟然要加20萬,.我話考慮幾日
    佢夠膽死話到時未必係依個價

    你班業主不如去搶啦

    [ 本帖最後由 henry12345 於 2016-7-20 09:24 PM 編輯 ]

    http://hk.on.cc/hk/bkn/cnt/finance/20160722/bkn-20160722203408796-0722_00842_001.html

    樓市勁哥金榜:向準買家道歉大賽【有片】

    【on.cc東網專訊】 歡迎收睇第一屆向「準買家」道歉大賽!最近樓市進入瘋狂狀態,就算班業主吊高嚟賣,啲買家都照衝入市,可惜未必買到心頭好!就等勁哥帶你哋,向班失落嘅買家逐一道歉!今個星期樓市勁哥金榜:道歉大賽!

    ----------

    第3位 維景灣畔放盤試水溫

    將軍澳維景灣畔有個低層單位業主放盤試水溫,當撩起買家嘅興趣嗰時,佢就話:「對唔住,我志在見吓票㗎咋,出到580萬元都唔賣㗎」嘩!咁算唔算欺騙人感情?似乎呢個準買家,同一心諗住睇娜姐喺fb直播,率先玩港版Pokémon go嘅網民一樣都好想講句:你呃人!

    ----------

    第2位 新達業主有票即潛水

    大埔嘅天空很藍,新達廣場更加有罕有睇到吐露港海景嘅高層單位放盤,有買家連樓都唔睇,就嗱嗱聲開票...不過最後都買唔到,對呢位準買家,我只能夠講:我很抱歉!

    鬼叫個業主一聽到代理「有票在手」就即刻「潛水」咩,唔通好似洪卓立咁,由彌敦道行到陰陽路!?

    嚇鬼咩!原來只係電話冇電啫~個業主幾日後就自動打番畀代理話要加價,睇嚟下次買樓畀票嗰陣,要畀埋個尿袋業主先得,但千祈唔好用人口普查員嗰款囉...

    ----------

    第1位 好運買家連夜接機簽約

    4年前就話做茶記係一生一世,服務市民嘅承諾;4年後就話賣盤乜乜乜!所以呢,口講無憑,身體最誠實!

    好似沙田好運中心榆林閣兩房單位嘅買家咁,明明業主講好旅行完返嚟就成交,但個買家都驚被人截胡,三更半夜同代理去機場接業主機交票簽約...最終用高於市價嘅418萬成功買到心水盤!睇嚟佢心急嘅程度,同書展想買雞排妹本寫真集位人兄有得fight,可惜佢排咗7粒鐘都買唔到,真係好對唔住喇!
    6. CD ROM 2016-07-25 17:31:04
    大家估下近月呢班由跌買到升既新買家, 係投資客佔大部分, 還是自用客呢?
    7. 打工仔 Andy 2016-07-25 18:19:56
    CD 兄

    應該各方買家都有呀 ! 
    8. LYC 2016-07-25 19:06:26
    好明顯大部分都係投資者!
    現在正是火星GoGoGo的開始(負泡沫剛爆破),每成一單,下一個價都會幾個幾個%上,當CCL火箭到大概180,而後打橫行累積購買買,再爆上,因為要爆到去正泡沫為止!

    資金氾濫,太多有錢人,個個都鍾意買樓,只買不賣,只有窮人喜歡沽晒啲樓去租屋!

    9. Abc 2016-07-27 19:32:43
    專家千其唔好睇跌 唔該 等埋老樓一齊樓市gogogo
    13. 湯告老師 2016-07-28 01:20:55

    未見到本港富豪有大規模出貨: 講得富豪,對樓價升升跌跌已經冇所謂,佢地最近要風水好,做生意賺到錢,見到買家出到天夭天天價(講緊係䁠幾多個億,而唔係幾百萬),相信富豪業主覺得咁既價錢唔賣(做乜生意都有咁既回報呀),就真係on9到冇朋友,對唔住自己祖宗十八代呀!!放手賣左有何問題?

    至於話賣了樓等跌價回購既人係中了陷阱,而代價非常高: 咁樣分析更加覺得你冇料到,因為呢個世界係有止賺呢様野,冇人知道未來會點,但如果人地賣樓已經䁠了ㄧ倍或以上,這代價非常高嗎?莫非呢個世界只有香港樓可投資嗎?而家如果買樓投資有幾多回報呢?3-4厘。股要不是更好咩?反正大部份股票既PE已經好低,唔係比買樓更加值博咩?

    見到你講只係第三季回升,回升後又減慢,減慢後第4季又唔會跌,跟住賣左樓既人又要後悔,然後代價又非常高。就憑你最後ㄧ句,即係話2017年樓價會爆升,何不ㄧ句到尾樓價會爆升呢?




    14. 波菜連 2016-07-29 11:02:00
    剛㓮好辛苦先賣到層樓,仲話D投資者搶買,我個價只係市場價,大部份買家都係鋤賣,其實D專家講既真係唔好信
    15. 本地人 2016-07-29 14:06:12
    日本啱啱應酬式放水(專家預期加碼,錯啦),加上英國冇减息(專加預期減0.25,又錯啦),美國好可能9月加息,感覺全球央行不再QE(QE已是ㄧ個毒瘤,唔想國家破產,必須要停止),香港樓供應量大增,買樓既人就要小心,希望大陸人加大力度掃香港樓,接火棒,香港人要賣樓就要快啦