地產博客 > 樓市乾坤 返回
瀏覽人次:28805    回應:65
樓市乾坤

樓價反撲五大誘因

 

何熊輝

2016年7月16日

  自從英國脫歐成事實後,本港樓價明顯回穩,經濟差,樓價理應持續下跌才合理,但現在的情況是,推升樓價的主要支撐者,並不依賴最易受經濟低迷影響的低下層。反之,近期的超豪物業,樓價屢創新高,原因是富人的購力,並不因外圍經濟差而減弱,至於新近批出的白石角用地,又以高出上限價成交,二手樓方面,新近發佈的私人屋苑樓價指樓,按週升0.77%,創11週新高。樓價回升,已全面擴散。

  這次樓價開始反撲,主因有五個,此其一,是由英國脫歐引發,主因是英國脫歐,引發外界對各國央行放水救市的疑慮,因而導致資金流入樓市,香港資金向來自由流入流出,因而成為這些流竄資金的受益者。

  第二個誘因,是美國加息無望,因原先市場估計今年四次以上的加息頻率,現時好大機會只是一次而已。沒有加息的疑慮,買家入市又少一個心理負擔。第三個誘因,市場預期今年會有大批湧現的銀主盤會衝擊樓市,但半年過後,銀主盤並未有持續大批出現,樓價反彈又多了一個支撐點。

  第四個誘因,是現時樓市的資金,主要昰來自社會的中上層,因此就算經濟環境不濟,減低市場整體的購買力,但現時入市的資金,仍高於市場預期。近期不斷有名人入市,加上發展商投地十分勇猛,地價屢創新高,利好整體入市氣氛。

  第五個誘因,是國內資金有回流之勢。近期山頂的超級豪宅成交,又見國內富豪入市的案例。有了這些資金牽頭,資金入市速度又再加快。

  上述五大誘因齊發力,促成這次樓價反撲在不經不覺發出現。不過這次樓市反彈會持續多久,現時則難以預測。 

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 與 LYC 同一陣線 2016-07-16 11:05:46
『不過這次樓市反彈會持續多久,現時則難以預測』?

相信短期會持續一年左右,原因冇興趣與淡友分享,期待淡友沽屋賣樓後,預期之後可以用之前賣樓嚿錢,回購兩間。
2. 二少 2016-07-16 11:32:50
咁咪有排等……118,遲早被迫移民
3. HW 2016-07-16 12:13:17
過去幾十年,香港整體財富已經累積了好多倍(雖然分配不均)。決定樓價的是港人的Balance Sheet狀況,而不是年收入。香港的50後同60後是最有米的一代,好多已經退休,所以失業率對樓價的影響越來越細。反而辣招的威力好大,因為影響氣氛。
4. HW 2016-07-16 12:13:31
過去幾十年,香港整體財富已經累積了好多倍(雖然分配不均)。決定樓價的是港人的Balance Sheet狀況,而不是年收入。香港的50後同60後是最有米的一代,好多已經退休,所以失業率對樓價的影響越來越細。反而辣招的威力好大,因為影響氣氛。
5. 曇花一現 2016-07-16 12:32:40
現在及可見將來已見有很多大小企業裁員減薪,甚至倒閉
6. 香港土著 2016-07-16 13:11:14
3樓,

你係咪講緊二十年前日本情況呀?
7. HW 2016-07-16 17:43:49
香港同日本的最大分別,就是香港旁邊有個大陸。深圳福田二手樓實尺計今個月已經升到9000港元一尺,15年升咗超過十倍。十年後福田樓價好有可能升到2萬港元一尺以上,南山區就更誇張。香港樓價要跌幾多,還要問過深圳人及广州人。區區15%BSD, 不一定可以阻挡深圳及广州人來香港掃樓。
8. LYC 2016-07-16 18:23:52
土兄還在發夢樓價會跌,全球印銀紙,銀紙扁值速度正在加快,全部人瞓身買磚頭,香港更是首選!
利息持續下降,發展商利息成本接近零,越遲賣賺得越多。辣椒導致2手供應冇咗,1手幾多萬都唔夠!
自己買唔起就唔好亂吹害人啦!
9. 香港土著 2016-07-16 19:21:58
HW,

你講緊深圳廣州人嚟香港掃樓,所以現時外來買家佔成交2%,對嘛?
10. 香港土著 2016-07-16 19:23:11
LYC,

等你有新point先再講。
11. LYC 2016-07-16 19:56:50
CCL ,樓價和租金如我所料直衝上火星,土兄終於已經無言已對了,GOOD GoGoGo!
12. 淡友思維 2016-07-16 20:05:15
淡友:外來買家只佔成交2%
好友:只是本地買家已使樓市見底回升

思維決定一切





13. 阿炳 2016-07-16 22:48:15
香港土著仲在傻下傻下幻想只有2%,睇下自己房東業主喺否國語人仕先喇. 有本事來買樓租比你本土派自然知點避過BSD.
14. 引刀一快 2016-07-16 23:09:47
HW兄

又係樓市永久綫性加速派。
15. 引刀一快 2016-07-16 23:29:47
五個因素樓市上火星

1,英國脫歐,世界資金流入香港,英國唔脫歐,世界資金唔會流出香港

2,美國加息無望,按揭無憂,美國加息,世界經濟好,按揭更無憂。

3,銀主盤總量少,大跌無望,銀主盤增多,投資客多多都殺起,市場活化,樓市向上。

4,入市資金高于預期,發展商頭地勇猛,名人入市,樓市回升,地産商唔投地,即係未來缺供應,樓市向上。

5,國內資金回流,樓市向上,國內堵塞資金流出,國外資金就回流,總之就係香港!



火星已經唔再係奢望,而變成每個人應有嘅公民訴求,火星已經成爲香港人嘅實心價值,大家必須繼往開來,好好努力,否則瞓天橋、灑熱血,不得好地!
16. HW 2016-07-17 00:18:33
香港土著兄,今年商廈及超級豪宅冇得跌,原因就是大陸買家在掃貨。只佔2%?深圳發展一日千里,5至10年後的樓價將會抛離香港。風水輪流轉,以後深圳中產買香港樓來做渡假屋。量變(深圳平均樓價拋離香港,及深圳中產數目急升),最終將導至質變(深圳人大舉來香港買樓)。

17. HW 2016-07-17 00:34:58

香港人有的是閒錢。世邦魏理仕發表研究顯示,2014年亞洲投資者跨境投資額接近3,104億元港元,彈丸之地的香港亦貢獻達491億元,按年增31.25%。這等於2014年港人差不多買了1萬個平均5百萬港元的海外物業。我估2016年港人買的海外物業數目更多。 C丫如果撤銷辣招,香港樓價在大陸人及港人一齊搶貨下,

肯定升到爆邊。


18. HW 2016-07-17 00:54:37
干德道大宅呎價7毫

 1911年麼地爵士(已去世)干德道大宅百事樓(Buxey Lodge)的家具拍賣價目清單。大宅現為高級公務員宿舍,麼地1909年以4.5萬元購買百事樓,面積63,118方呎,呎價約7毫子;今天干徳道擉立屋每尺應該可以賣到7萬一尺。

引刀兄,港島樓價從1911到2016大約升咗1萬倍。香港樓價一浪高過一浪,是一個事實,大家唔啱聼都冇辦法。
19. 引刀一快 2016-07-17 02:12:01
HW兄你有命等到2116年咪發過豬頭囉,好嗱嗱聲買喇,遲兩日你就享唔到架喇。


20. 路人皆知 2016-07-17 07:15:42
HW 兄,引刀兄唔會計算錯㗎!今年年底CCL唔低過118,明年一定低過,明年唔低過,十年內一定可以,否則佢餘生都一定可以、到時咪可以入市囉!
21. 路人皆知 2016-07-17 07:15:47
HW 兄,引刀兄唔會計算錯㗎!今年年底CCL唔低過118,明年一定低過,明年唔低過,十年內一定可以,否則佢餘生都一定可以、到時咪可以入市囉!
22. 回 19 引刀 2016-07-17 07:42:47
你知唔知你点解咁乞人憎,你D口吻就等如一個八婆,好佬怕爛佬,爛佬怕……
23. 二手拉鋸戰 買家業主鬥荒誕 2016-07-17 09:40:15
http://orientaldaily.on.cc/cnt/finance/20160717/00202_001.html

二手拉鋸戰 買家業主鬥荒誕

樓價回升,反價、封盤又變回市場常態,有業主「畀票都唔賣」,令買家乾着急,樓市「癲」峰時的荒誕現象重演。沙田好運中心有買家恐防有人「截胡」,漏夜到機場接業主機,交票求成交。大埔新達廣場罕有海景戶,買家為求心頭好「唔睇樓」都即畀票,業主反而「潛水」多日。

樓市再現狂態,業主「吊高嚟賣」屢見不鮮,更有買家比業主更「離地」。

好運中心418萬高價沽
美聯吳梓鋒表示,沙田好運中心榆林閣一個兩房戶,實用面積423方呎,業主與買家口頭議價成功,業主表明去完旅行返港後落實成交,但買家恐防有人捷足先登,或業主轉趨猶豫,連夜與代理趕到機場接業主機,即時交票簽約,最終得償所願以418萬元高市價承接。

美聯楊浩然指,大埔新達廣場4座高層戶,實用面積489方呎,屬罕有享吐露港海景的優質單位,有買家心儀該類單位。甫聽到市場有放盤,無睇樓也寫支票予業主求購,但業主一聽代理「有票在手」,竟突然「潛水」,電話或WhatsApp等一律不覆,數天後才致電代理表明要加價放盤。

維景灣畔「志在見吓票」

此外,近日不少業主放盤個案亦為之瘋狂。美聯鄺啟鋒指,東涌映灣園9座一個中層戶,實用面績757方呎。業主以600萬元放售,惟睇樓客太多,業主表明要「篩選吓」,合適的才准睇樓。

美聯劉浩勤稱,將軍澳維景灣畔5座低層戶,業主開價575萬元,曾反價至580萬元「試水溫」,但有買家有興趣時,業主卻指:「我志在見吓票、見吓人咁,出到580萬元都唔賣。」及後有買家想睇樓亦遭拒絕。

英脫歐料促樓市轉角

中原亞太區住宅部總裁陳永傑指,英國脫歐公投後,環球貨幣匯價波動,對本港樓市而言,反現「驚喜」轉角,買「磚頭」相對有保證的心態重現;加上憧憬美國不加息,息口持續低企,令買家加快步伐入市,形成近日買賣雙方的反常現象。

不過,主要二手屋苑近日成交屬一般,新界區屋苑表現淡靜,九龍區市況較平穩,紅磡及將軍澳等近兩日都只有錄5宗買賣。另荔枝角美孚新邨亦錄成交。

引刀/土著過去一年對港樓的強力唱淡,現已煙消雲散化為鳥有,塔利班式恐嚇純粹多銀餘,愿望落空只留下一副酸葡萄的猥褻樣,十分趣致。

24. 官媒指外界對中國經濟擔憂屬「多慮」 2016-07-17 09:44:03
http://hk.apple.nextmedia.com/financeestate/art/20160717/19697909

2016年07月17日

官媒指外界對中國經濟擔憂屬「多慮」

1,115

3
■中國經濟上半年保持到6.7%穩定增速。 資料圖片

【本報訊】中國國家統計局日前公佈,上半年經濟增長為6.7%,《人民日報》海外版昨撰文稱,數據反映經濟增速符合預期,各項推動政策已見成效,直指外界對中國經濟感擔憂實屬「多慮」。
報道引述國統局發言人盛來運指,上半年中國經濟從內外困境中「突圍而出」,保持到6.7%穩定增速,雖然較去年同期回落0.3個百分點,但金額按年增加230億元人民幣,表明中國的經濟是在穩定增長,結構調整進程理想,證明外界對中國經濟的擔憂是多慮。
盛來運表示,上半年經濟於困境中保持平穩且不乏亮點,其中內需及服務業支撐經濟穩定增長,兩者帶來的經濟貢獻仍在提升。他又指,中國消費及服務業的「搶眼」表現引來外媒關注,展望下半年,從供給側結構改革與穩定增長的基礎上,料全年可實現6.5%至6.7%增長目標。 

引刀過去一年對中國經濟發展的強力唱淡,現已煙消雲散化為鳥有,塔利班式恐嚇純粹多銀餘,愿望落空只留下一副酸葡萄的猥褻樣,十分趣致!
25. 淡友質素 2016-07-17 09:54:03
我雖睇淡,都唔恥十九樓引刀之流淡友質素。整日講唔出道理道,講唔過人就發爛渣.
26. HW 2016-07-17 12:41:50
哈哈,引刀這類失敗淡友我見唔少,任何時間都睇淡,每一年都不是買樓年,結果錯失了一個又一個的置業良機,成為一個長期租奴。過去十年香港超低息,在超低息環境下其實是銀行及租客存戶津貼投資者低息炒樓。香港咁多窮人,其中一個因素就是有好多引刀這類的樓市傻淡。以為用啲資金炒股可以跑贏。炒股的下場,毋須我多講。我香港,深圳,同上海的親友及同事,發達的清一色都是靠樓市。
我今年年底打算再增加一個收租單位,target 咗新地南昌站上蓋項目。
27. 引刀一快 2016-07-17 15:04:35
To 22樓  掹雞文

我乞人憎與否唔重要,不過你就一定唔會乞人憎,次次唔同名,點憎?
28. 引刀一快 2016-07-17 15:09:27
一堆化名,狗嗡做秘笈,垂死抗爭。
29. HW 2016-07-17 15:54:33
上海有個牛刀,同引刀一樣,年年都話樓市有泡,即將崩潰,結果每年樓價都升到信佢班友要激到嘔泡。在這個全球政府大放水,Cash is pain的大時代,冇揸磚頭真是冇覺好瞓。
30. HW 2016-07-17 15:57:36
北有牛刀,南有引刀,两個都是明灯,好光猛個隻😜。
31. HW 2016-07-17 16:03:27
牛刀為博取穷人眼球,多次预测中国房地市泡沫行将破裂,但是从未应验过,遭到众口唾骂。(摘自百度百科)。
32. 二少 2016-07-17 17:26:58
一個化名與一堆化名
33. 謝醫生 2016-07-17 17:37:51
睇黎刀兄已有輕微精神分裂情況,有錯覺成日比人化名圍攻,我好想慧幫你,但一定又會比你話是化身,真系愛莫能助!
34. 香港土著 2016-07-17 21:14:49
成班匿名十兄弟,真係以為話人八婆自己就係君子,食屎啦。淨係玩匿名一樣野,已經係廢柴行徑啦。

又學人講咩攞唔出道理,你地自己數數邊個講唔出道理啦。一味quote返d新聞當係自己理據。收皮啦。

成班廢物學人玩辯論,連最基本辯論雙方邊句有point,邊句句9up到搞唔清,真係當正自己講得赢,係赢得到就唔係幾萬個假名啦,天才。

蠢唔緊要,醒少少,揾多幾個人幫下眼,望下自己寫d野先post嘛。
35. 引刀一快 2016-07-17 21:37:01
香港土著兄

等我做做好心,幚呢班無名腫毒起番個好名喇!

青光眼
兜風耳
藥力三
撻皮四
飛機五
贼頭六
跛腳七
𠼱地八
臭口九
大喊十

加埋老豆傻歡、繼父掹雞。



36. 大喊十 2016-07-17 21:48:06
歡爸問乜引刀一,有青光眼咩?係呀~己經發咗雞盲。
37. 大喊十 2016-07-17 21:54:41
香港土著 = 自我陶醉 ?
38. 引刀一快 2016-07-17 22:09:03
真係乖,自動自覺領封號,叻仔。
39. 臭口九 2016-07-17 22:22:06
聽講大哥引刀一,仲同个香港土人齊耍盲拳,要打死啲老師傅,有理冇理,邊个講樓好就打邊个,打到冇人敢出聲,要威威要雄起喎。
40. x地八 2016-07-17 22:41:01
雄起……?諗起都開心,由得佢陶醉啦。
同我起咗个乜名,請再打过字。
41. 好友 2016-07-17 23:01:36
不如放過引刀土著等人吧!佢地已知睇錯市無得翻身的了,好多高手好友已經收口放他們一馬,就由佢地自生自滅吧!
42. 兜風耳 2016-07-18 00:10:39
大哥引刀一, long time no see.
43. HW1 2016-07-18 08:11:40
香港土著滿身怨氣,便知其睇錯市過早落車,依家上返車無望,又自認叻仔,遷怒好友實屬不智,每日尼度發爛渣實不能改變現狀,強烈建議努力揾真銀好過.
44. 藥力三 2016-07-18 08:16:11
大哥引刀一,

好狗不见哦。
45. 引刀一快 2016-07-18 09:28:25
你地領咗銘牌,以後就生生性性,勤勤力力耕田,唔好再胡作非爲喇,乖.........
46. 星海道人 2016-07-18 09:59:15
引刀兄 日日都俾D AA 煩膠人身攻擊,都無所不畏
真係有毅力。。樓市火星論真係得啖笑 

呢度討論環境都變質左有一段時間
從來討論都是雙方面,唔知幾時開始分析形勢有d睇淡就會
俾一大埋分身煩膠AA攻擊,其實你地咁樣只會減少呢度既人流
咁你地既火星論就無辦法俾到更多人睇
留多d事間出現實世界吹下d火星論,拉多幾個客好過
有幾多個係度睇左火星論因而幫襯你地先?

最後想引刀兄指教下,近來樓市回穩,什致有回升的跡像
唔知你有何睇法?
47. 飛機五 2016-07-18 10:10:59
大佬引刀一已是青光眼,問佢點睇樓市即問道於盲,得啖笑。
48. AA心聲 2016-07-18 10:15:33
班火星人多數都係有物業的AA,,除左AA好友咁得閒日日打廢話..
一係大西北嘉湖,,一係上年200尺的上足還東轉令等等的業主,,
個市唔爆上火星,,佢地又冇錢供又負資產,,其實好很慘,,

而家個市同上年一樣,,8月尾9月頭CCL見135,,
發展商趁好市大散貨,,9月尾開始好自然又回番D,,,磨到火星爆炸
49. 引刀一快 2016-07-18 14:21:14
To 46樓 星海道人兄

樓市上升下跌都會有跌宕,價升量再跌,同上年情况咪差唔多,好多人未受經濟下滑直接影響。
但係大陸經濟下滑係鐵一般事實,暫時市面眼見未反映到實况,做生意嘅個個都心照,但係好多打工仔唔係負責收錢未睇到咩事發生緊,所以呢班嘍羅依然懷有氹人落疉嘅希望。

如果大陸經濟繼續有五年以上嘅低迷,香港樓市可以唔跌的話,係異數。大陸一直現代化,但係香港軟硬實力就逐年跌watt,若果往後十年一直此消彼長,兩地差异大幅收窄的話,你話會點?

唱好嘅人一定話大陸樓升香港樓更升,其實應該係樓價差距同樣收窄,大陸小升而香港多跌,因爲大陸成個珠三角變咗香港新嘅大西北,越來越多人返大陸做嘢,香港特色特點慢慢尋常化,如果一小時車程之外係1000蚊呎,就算你幾鍾意喺香港買樓,多少都會考慮先買間平嘅用住先卦?咁大個珠三角,乜剛需都夠喇!呢個就係未來走向。
50. 大喊十 2016-07-18 15:22:16
我大佬引刀一 D理論等如食午饭要食自携饭盒定去食利苑,揾到食嘅梗係食美心饭堂啦,唔通食美心排包?
51. 臭口九 2016-07-18 15:42:55
我地大佬引刀一,真係好唔掂,成日諗住食飯盒,改名日本一喇,等我地有机會食好嘢。
52. 46/F 和 49/F 2016-07-18 15:51:34
46/F 同 49/F 好似同一个人,好老土,好核突!
53. 49 樓 廣州傻B 2016-07-18 16:27:47
都唔知你想係度嗡乜膠論?!

入得嚟哩個地產資訊網觀摩的,大部分是擁有自住樓人士資產階級,個個幾百萬身家之餘,有啲還不只一層收租樓。你剛才嗡埋個啲一小時到珠三角、一千元一呎 的膠論,看似有紋有路,但更多卻是不著邊際的海市蜃樓。最實際可以參考現時住在工廈劏房的租戶,又唔見佢哋學你咁戅膠搬去廣州住,在香港工作?!所以你在資產階級面前發表啲不設實際的謊言,簡直就是多銀餘!因為人人智商都比你高!
54. 搭訕 2016-07-18 16:53:12
引刀依然懷有氹人落疉嘅希望。
多年以來引刀都睇到中國經濟下滑,大陸一直現代化經濟一直低迷,鐵一般事實。
故此樓價只能少升,係,低迷都升,而背靠中國面向國際嘅香港,因無現代化而逐年跌watt,係,有無現代化都跌,此消彼長之下樓價只可持續低落。
喺哩個時候,在一小時生活圈外,可以係二小時也可三小時…有大量$1000呎嘅單位供應,乜剛需都夠喇,相比之下香港樓幾鍾意都揀唔落,此乃未來走向,埋嚟唔買都睇下!
55. 跛腳七 2016-07-18 19:47:52
大哥引刀一呀,你睇大陸經濟仲要差五年呀,咁樓又唔敢買、仔又唔敢生,五年後我個仔都五歲了,你仲等呀?唉!現實生活我真估你未有下一代呀!
56. Ball 2016-07-18 22:53:48
你們忘了引刀養動物咩?成本低,大陸個浪都吾洗怕。
57. 令引刀一眾淡友意懶心灰、意志消沉、失望至極的陰森前景! 2016-07-18 23:07:22
http://hk.on.cc/hk/bkn/cnt/finance/20160718/bkn-20160718211628427-0718_00842_001.html

反價零議價成風?海濱南岸加15萬易手

07月18日(一) 21:16
  • 海濱南岸本月暫錄9宗成交,已追平上月全月買賣數字。
    1/2

    【on.cc東網專訊】 樓價低位反彈,增強業主叫價信心,最近市場有「零議價」甚至反價成交個案,其中買賣加快的紅磡海濱南岸,有單位即反價15萬元後,仍獲買家以775萬元承接,本月已累錄9宗成交,追平上月全月水平。另馬灣珀麗灣低層戶亦輕微反價2萬元售出,成交價610萬元。

    利嘉閣余美寶稱,海濱南岸1座中低層H室,實用面積589方呎,反價15萬元後,以775萬元售出,實用呎價13,158元。中原溫明峯稱,珀麗灣5座低層D室,輕微反價2萬元,以610萬元獲承接,實用呎價10,269元,本月屋苑已錄逾20宗成交,亦已超越上月全月水平。

    事實上,最近不少成交即使業主不反價,亦「1蚊都唔減」。美聯鍾燕河稱,馬鞍山觀瀾雅軒4座中低層F室,以一口價650萬元售出,實用呎價12,357元。美聯陳添鑫表示,上水御皇庭3座低層C室亦以458萬元一口價售出。另中原林溢斌稱,東涌藍天海岸3座高層B室,4月開始叫價750萬元,終在零議價下以750萬元售出。

    另中原駱子健稱,荃灣綠楊新邨E座高層3室兩房戶,實用面積451方呎,以528萬元售出,創屋苑細兩房近半年新高價,實用呎價11,707元。

    http://hk.on.cc/hk/bkn/cnt/finance/20160718/bkn-20160718181401923-0718_00842_001.html

    網民熱話:為咗啖氣冇樓 依家好後悔好痛?

    07月18日(一) 18:14
  • 【on.cc東網專訊】 早排先話樓價會跌,估唔到呢個上車夢咁快就發完喇!有網民就開post直呼錯過「入市時機」,皆因「自己固執堅持」,見住「屯門樓價由千幾蚊(呎)等到7、8千蚊(呎)」、「十幾二十年嘅金錢時間足夠供滿一層屬於自己嘅樓」小編聽到都覺得心痛,你幫人供咗廿年樓,又一個可歌可泣嘅上車故事!Sad爆嘅發帖者就話要放棄,轉申請公屋咁話喎!

    有網民寄語:「祝安好,亡羊補牢,未為晚也。」有心嘅話,幾時都可以上車㗎。人生,冇幾多個十年畀你幫人供樓㗎!有網民就好心提醒:「排公屋條隊都愈來愈長……樓主保重。」發帖者租得起樓,人工又唔差嘅話,何必為咗啖氣而繼續做租租呢?學網民話齋:「去馬啦,遲好過無。」就好似……遲到,可能畀人笑吓你;冇到,你唔止畀人笑,仲要乜都冇!

    其實大把樣辦你睇,有網友「開心share」自己嘅經驗:「我阿爸由我出世時已睇淡」網友今年都41歲喇,孫都有3個,「我同我妹都各自上咗車」,咁網友個啊爸呢?仲係揸住啲唔識升嘅股票囉!又有網友話:「早兩年試過遇到個買家,買我層樓900幾萬,月租2萬幾果隻,買家都係40零歲,租樓唔一定上唔到樓嘅,搵多(啲)囉」又一成功例子!題外話,網友你似喺度曲線曬命多啲喎。

    唉,有時候只能怪自己,網友都話:「樓主你諗左十幾廿年都唔行動,咁畀人話你抵死都當之無愧」咁又唔好話到人咁盡,呢個網友就識講嘢喇:「橫掂咁耐都冇買,個天整定你不是做業主,無謂勉強啦,無樓一身輕。」過咗就過咗,樓價一去冇回頭……發帖者,身體要緊啊!

    58. 引刀一切 2016-07-19 00:31:47

    二、上海一套房,涨幅超过很多人一生的积蓄


    上海某友人2000年买的一套房,175㎡,63万元(四房2厅)16年来,一直在涨,当时和香港博士生一起来看,他说:在香港这个房要400-500万元(折成人民币);最近一问,竟已涨到1000-1100万元了。怎么回事:原来是学区房,全区最好的幼儿园、小学、中学都在这里。(调查了一下,美国学区房也贵。)北京华清嘉园的学区房也是40万涨到400万了。而这种涨价、增值的收益(一套房挣了1000万),确实是广东很多朋友一生积蓄也存不到的。


    三、上海正向东京看齐,人口将上3000万


    中国人终于明白了,超大城市比普通大城市好,几十所大学,十多条地铁、高速公路,智慧人群,众多的中小学、医院、超市、商场;很多优质资源集中在超大城市中。可最大限度发挥作用,最充分利用资源,边际效益的“递增”都是超大城市最好!日本一亿多人口;超大城市东京人口达到3800万。(2015年数据显示:东京人口3800万(高居世界第一),上海人口2347万(世界第三))中国13.7亿人口,上海最终人口一定会追上东京。


    这房地产就很难跌啊!

    59. 引刀一切 2016-07-19 00:34:20

    四、轻率卖房者,会死无葬身之地!


    七年前,表弟要把杭州西湖边(八分钟自行车距离)的138万元的政府动迁房(额度),以148万卖掉;由平安银行杭州支行一位副行长(我的研究生)请客,我们在美丽的西子湖畔,请他们全家吃了2000元的晚饭;副行长的年轻妻子是房地产公司的销售员,为他们分析:“这里是风水宝地啊!西湖是中国最美的地方啊!”晚上10点多了,我把表弟媳拉到一边,劝她,一定要买下来,钱不够,银行贷款(已有80万现金);这是你们给子孙后代留下的最重要最珍贵最后一块金砖!他们只是听着,不做声。一周后,他们从杭州发短信来:“148万卖了,否则借款要还一辈子。”我说房子会涨价啊!他们说,温总理说了,房价一定会调到老百姓能承受的价格。(唉!怎么会这样)现在此房已涨到380多万,夫妻俩悔得不敢骑车从此经过。


    另一对夫妻,男:77级哈尔滨军事工程大学毕业;女:上海交大77级毕业,是我的好朋友。


    5年以前,丈夫要卖房,而且不是余房,是自己住的唯一的房,他怎么算,感觉把房卖掉可得300多万,买银行理财产品百分之五,年十几万收益,而租一间同样大小的房,租金仅4000元,一年5万元,可净挣10万元。他这么想也这么干,要把最后自住的房也卖了。妻子硬带他来复旦大学找我,晚上9:00了,刚上完课,我力劝他别这么做,并严厉劝他,你把最后的房卖了,子孙后代会看不起你,房租年年会涨,你会死无葬身之地的。完全听不进去,而且非常生气和反感!后来到底把房卖了。相信他现在已后悔不迭了!

    60. 走错一步 2016-07-19 05:32:45

    11年賣咗full pay嗰層收租樓,諗住第日買兩間,點知如今只够買大半間。賣樓啲錢買股、基金,輸咗唔少。曡埋心水,14年再貸款買新樓,希望今次再錯啦!

    61. 走错一步 2016-07-19 05:36:25
    少寫一字,唔再錯啦!
    62. 引刀一快 2016-07-19 06:34:59
    哇,乜十兄弟咁多堂兄弟表姊妹,連大姨媽都出動埋呀?
    63. 走错一步 2016-07-19 08:48:22

    謝樓上幫本人揾親戚,查實在此擧目無親。倒是久聞大名。只是說出事實,已惹某人不滿了。哈!

    64. 引刀一快 2016-07-19 09:13:39
    呢堆名字粗粗地用住先喇,真係回升幾個點,你地咪摷番個塵封嘅藍色字名嚟用囉。
    65. 走錯一步 2016-07-20 16:46:09
    沒想到,在今日香港,說兩句真話,竟在毫無任何證據下,受到攻擊,居然還株連他人。真悲哀!難道文革重臨了?