地產博客 > 樓市乾坤 返回
瀏覽人次:16795    回應:38
樓市乾坤
股匯散樓價有機彈
 
何熊輝
2016年6月25日

  英國脫歐,英磅隨即急挫一成,本港股市亦一度大瀉千點,股匯市場突然深插,屬美匯資產的本港地產,勢必成為資金的避難所,這次投資市場上出現的黑天鵝,出人意表的改變投資大局,令所有投資專家眼鏡盡碎。

 

  樓市方面,自去年第四季起,備受各方猛力狂插數月後,仍能於四月起開始回穩,這次深插不成反而在不知不覺中開始回穩的格局,令看淡者又一再失望。今次英國脫歐震散了股匯市場,這促使波動性較低的香港房產,很易成為各方入市的對象。

 

  事實上,近期如嘉湖山莊及沙田第一城等屋苑,成交呎價已從低位回升5%以上,淡友則認為此乃死貓彈,彈完又再插。這種以股市價格走勢的特性去分析樓市,錯判機會高,事關樓市的便貨沽完就會停,自然增長的購買力,在供求未平衡下,又會拉高樓價。

 

  去年中國股票市場暴跌,已使不少股市投資者轉投樓市,棄股換樓成趨勢,導致國內在經濟下行下,樓價仍然急升。香港投資門徑較多,不買樓,可轉買其它金融產品或外幣,但英國脫歐,將這些產品同時殺跌,香港資金無路可逃下,回歸樓市,成自然趨勢。

 

  最近接連有多宗超級豪宅成交,個別墊伏多年的買家,亦已低調入市,這些聰明錢的走勢,與市場上理所當然的看淡分析,完全背道而馳,受惠金融市場動盪的今日,樓市的投資價值亦更受重視。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 引刀一快 2016-06-25 10:01:50
全世界投資英國嘅資金,都會弃暗投明轉嚟香港,樓市gogogogo,好快上火星!

LYC兄,幚你搶沙發咋!
2. LYC 2016-06-25 11:51:36
刀兄,你年年都唱跌,年年都係錯,清醒下啦,年頭係到吹CCL118,講啲野傻下傻下,不過都有一班傻仔信你沽樓,不過,冇佢地我就冇得低位掃貨呢,哈哈!
聰明錢一早已睇到港樓回報高,有贏冇輸,資金將會源源不絕地湧港買樓。
3. CCL118 2016-06-25 12:11:08
請不要再提CCL118,笑死無命陪!
4. 歷史長河 2016-06-25 13:55:06
現今香港過百萬業主大都經歷過金融市場的各種跌宕起伏,一波波的驚濤駭浪中,有人棄船逃生,從此再也無船,整日裸泳;有人則穩坐漁船,繼續打漁,享受漁之樂。周而復始,汰弱留強。

曾經滄海難為水,除卻巫山不是雲。越來越多的業主認識到樓的真正價值,自然也就對各種狂插恐嚇嗤之以鼻,造成二手成交每況愈下。金融市場越動蕩,摟市的韌性越突出:

無意苦爭春,一任群芳妒;
任憑風吹和雨打,依然香如故。
5. 蕭峰 2016-06-25 14:09:33
哈哈.... 長河兄,好詩!

最少今次事件令原本想去英國買樓既人士都要停一停、諗一諗,政治不明朗的風險係最唔可控的風險!

6. 引刀一快 2016-06-25 15:35:11
7. very funny 2016-06-26 02:18:57
一班傻友,股巿好,英國留歐,會話係利好樓巿,脫歐又會話利好,因為要買樓避險.....講晒
8. 自我陶醉 2016-06-26 10:11:14
我之前話歐洲會爆大鑊,立刻有個傻好話唔關佢事,今次英國脫歐已經正式揭開歐盟解體的序幕,竟然還在妙想天開,以為全世界都會嚟香港買樓,真可笑!  
9. 無奈 2016-06-26 16:17:06
低息環境持續,脫歐後多國要加碼QE穩定經濟,而
美國經濟受挫後減息機會大增,優勢仍在業主一方。

未來兩年英國分裂、動蕩,對香港來說未必是壞事。
10. 刀兄確實後悔當初的賣樓決定時會不斷告訴別人來減輕自己的痛苦 2016-06-26 17:58:21

解開香港樓市「不敗」之謎

2016-06-25 型格理財

遍港人也認同香港只有買樓才能致富,創業及投資股票皆成功率低,當中原來有許多行為經濟學的相關解釋,明白了便懂如何部署。

人不喜歡轉變,首先改變是需要去努力,其次改變後的結果也是一個問號,兩者拼合起來便令人傾向重複現狀,術語叫「現狀偏誤」或「維持現狀偏誤」。


這就是樓價大升的主因,買樓的周期很長,比買股票長得多,你需要去了解各區特性、睇樓、格價、裝修、觀察市場走勢、放租、最後放賣時又要了解市場價、幫層樓化妝、安排買家睇樓、格價、承受當中的市場波動等等;


除了摸貨外,整個過程都以月做單位,相比1分鐘內已可買賣的股票來說難度高上數千倍。股票止蝕只須要按一個掣就辦好,也有很多沒去執行止蝕,更何況你放一層樓是需要那麼多步驟?大部分人不是出現大事,是不會去減價放售,更希望樓價維持現狀只升不跌。


決策癱瘓

投資股票要應對金融大鱷,加上1800隻股票各有特性,有些人3選1也選不了,更何況過千隻中選出來?而其他理財產品如當年的迷債,以及近年表現差強人意的新興市場基金,均令人對金融投資摸不着頭腦。


這麼多選擇確實是會有許多賺錢的機會,可是人有太多選擇是會決定不了的,這叫做「決策癱瘓」,癱瘓的結果是逃離這些投資,所以近數年的股票交易也每況愈下。

另一邊廂,物業有中國人愛買磚頭的「人和」影響,「地利」上香港樓宇落成量不高,加上「天時」的金磚四國推起中國購買力,以及量化寬鬆捧高實物資產價格,樓價走得順自然易想買。


而樓是實物投資,可以看得到、感受到,並好像可以理解得到,加上所有父母、親人及朋友也會叫你買樓,幾乎是人人都要有層樓,兩口子最少也要一層自住一層收租,700萬港人理應是需要超過700萬層港樓,心理需求相當大,所以比起股票來得容易下決定。


後悔規避

「我最驚係放咗層樓之後買唔番」!這句話是筆者最常聽到的賣樓困惑。很多人也試過做錯決定後悔一生,令到下次再做同一個決定時猶豫不決,大部分人也不希望後悔,會非理性地避開後悔的可能,特別是一個人以前試過太早賣出一層樓,過數年後樓價大升買不回,更會令人不敢再胡亂賣樓。


就算你沒有試過,也會有身邊人灌輸這個觀念給你,他們後悔當初的決定時會不斷告訴別人來減輕自己的痛苦。我們明白了這點便能保持平常心去面對每個新決策。

以上三點是支持樓市「不敗上升」的心理因素,能解決以上三大心理現象將能令你改變投資命運,更能從市場出發來作未來的買樓決定法。

11. 引刀一快 2016-06-27 04:13:18
無名人貼無名文,哈哈哈哈哈哈
12. 引刀一快 2016-06-27 04:25:45
自我陶醉兄

好嘢!63個字,激發人家寫幾千字,真係四兩撥千吨,勁過孖展買窩輪,果然三個十倍喎!
13. 自我陶醉 2016-06-27 07:30:15
引刀兄,我個人比較珍惜自己同別人嘅時間,幾個字講完嘅嘢,要我嘥時間寫一大堆無謂嘢,真係咪搞,有時間用嚟搵真錢好過,哈哈!
14. 打工仔 Andy 2016-06-27 08:37:40
自醉兄早晨

你應該大有收獲, 期待分享!
15. 回11 2016-06-27 08:39:01
引刀一快是名人?哈哈哈哈哈哈
16. 回12 2016-06-27 08:45:24
引刀經常用“廢文”、“廢話”去回應他人文章,咁引刀勁D噃,但湯博日日又鴻文幾千字去表達,唔通引刀另有所指。
17. 香港土著 2016-06-27 09:25:56
其實, 大多數匿名回應都係9UP當秘笈, 日本名KF系少數例外.
18. 引刀一快 2016-06-27 11:16:56
香港土著兄

你真係中肯,其實呢D人以前有正身架,不過睇住經濟同樓價個勢唔好,就扮忍者打游擊,唔同人正面衝突,但係又唔放過你,一味隱身放飛剣,期望等到樓價好咗,佢地又可以堂而皇之走番出嚟。

呢種人,不光明不磊落,寫D嘢又係陰陰濕濕,幾時發現佢地唔見咗,就叫做“暗溝裏翻船”,哈哈哈哈
19. 引刀一快 2016-06-27 11:26:56
自我陶醉兄

人家千言萬語,內裏暗藏無限恩怨情仇,本來我好少睇長文,偶爾一望,原來一篇文打幾個人,有D開名有D就暗示,不過,都係一樣啫,理論歪曲,無論是否對名,一樣可以駁。
20. kts 2016-06-27 11:29:08
黑天鵝已出,睇下骨排效應幾時開始開始🐦🐦🐦
21. 引刀一快 2016-06-27 11:34:17
kts兄

呢舖應該未算黑天鵝,脫歐暫時未落實啓動,一切尚在英國民衆情緒波動階段,外在環境觀望,亦未見大規模相應行動,可能德國會係做嘢最多嘅國家。
22. kts 2016-06-27 11:47:10
引刀兄
更正,黑天鵝已出一半,突左個鵝頭出黎😂😂😂
其實如果德國脫歐先最大鑊系,雖然英國仲有2年擾讓,但其蓮倚已經夠玩了🙈🙈🙈
23. 引刀一快 2016-06-27 12:11:01
kts兄

香港樓市嘅黑天鵝,恐怕大多數係神州飛來,講唔定係金天鵝喎。
24. kts 2016-06-27 12:32:41
引刀兄
Hk 呢個市場重來只受其他鵝影響,重來未真真正正誕生一隻屬於本土嘅鵝(可能俾人拎晒去燒同鹵水😂)
有機會我都想見識一下呢隻金天鵝🐤🐤🐤
25. 不買樓後悔當初的決定時,會不斷告訴別人來減輕自己租樓的痛苦 2016-06-27 12:59:09

施永青預期港樓價止跌

信報財經新聞 – 8時前  相關內容

美國今年加息機會近乎零,本港在低息環境下,會否刺激本港樓市止跌回升,市場意見出現分歧。中原集團主席施永青認為,英國脫歐令全球形勢起變化,吸引內地資金南下,不排除樓價會止跌。前瑞銀亞洲房地產主管、Bricks and Mortar主席兼總裁王震宇則稱,美元將持續強勢,減低全球放水的影響力,認為下半年樓價繼續偏軟機會居多。

施永青指英鎊下滑,美國亦缺乏再加息條件,加上市場憧憬環球主要央行會續實行量寬,刺激資產價格上升,對樓市有利。本港除了獲外資流入,內地資金亦南下置業避險,對樓市產生支持作用。