主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 14657    回應 : 8
樓市乾坤
高位沽貨輸得更慘
 
何熊輝
2016年2月13日

新年過後,樓市持續調整,因此於去年高位出貨的業主,現時理應對自己去年果敢的沽貨行動,感到滿意。高位出貨後,可將套回的資金保留,然後待低位出現後入貨補回。實行高賣低買。不過有些更進取的業主,沽樓換股,在樓市低位未出現前,希望賺盡每個交易。不過這樣操作的結果,往往得不常失,反而由大賺變大輸。

筆者認識一位業主,去年第二季以高價沽出一個細單位,套現400餘萬元後,原計劃待樓價下跌三成後進行回購。不過該位業主眼見當時的股市熱火朝天,於是將賣樓所得的大部份資金,以平均價約70元,買入6萬股匯豐銀行,並望先收取5厘回報,用以戰養戰方法去保持資金,但結果完全出乎其意料之外。

去年樓價第四季跌勢較急,至今平均累計跌幅約為一成,但反觀滙豐銀行,由高位70餘元,跌至近期的約49元,跌幅足有三成,上述該位業主,心想揸滙豐有穩定息率,又非炒股,故有信心大批購入作長線收息用,但結果損失比繼續持有原先物業大得多。睇中樓價高位回落出貨,理應大賺的情況下,反令自己輸大錢。

事實上,該類業主或投資者並非少數,因為港人慣於樓股互炒,甚少全揸現金。因此沽樓換股很普遍,有些急進的投資者更炒賣期指或牛熊證,但天算地算也算不到股市插得那麼狠,結果損失四五成的投資者,大有人在,因此來年倘破產人數增加,箇中原因是炒爆股為主。

 
我要回應
我的稱呼
回應 / 意見
驗証文字
 
1. 蕭峰 2016-02-13 12:08:01
高位沽貨唔慘,慘係佢又去用呢筆錢炒股,輸左,與人無尤喔!


2. 無奈 2016-02-13 12:42:54
所謂成王敗寇,此是一例。
3. 西門吹雪 2016-02-13 17:25:46
d人真係可笑。d野貴到顛既時候就個個買,賣左層樓都要買。平到爆既時候就個個踩,有寶吾識拾。可笑可笑
4. 引刀一快 2016-02-13 19:09:28
賣樓同買股,係兩個獨立事件,不應混爲一談。


5. LYC 2016-02-13 19:14:07
我都覺得萬八點見底,正是人棄我取的時候,不過這裡好多人話還有第N次股災喎!
6. HW 2016-02-14 03:20:56
我同事更大劑,2013年沽出自住樓,佢好保守,相信Cash is king, 沽樓所得在當年買了好多加元,澳元,同人仔,諗住做定期冇衰。Cash is king 這句話一樣可以害死人。






7. LYC 2016-02-14 14:50:20
正是,無論任何情況都唔好沽樓,自住和收緊租啲樓都唔可以沽。好多人沽了樓後,將啲錢買li買lo去投資增值,點知做了大鱷點心,輸到仆直,得不償失!
8. 香港土著 2016-02-15 10:01:02
賣樓套現400萬,假設樓按50%,樓價即係800萬,計樓價損失10%,即係跌80萬。400萬買匯控,跌30%,損失120萬。两者相差40萬,即10%。

如果賣樓套現400萬,而且冇樓按,然後一炮過買晒匯控,其實多少反影哩位朋友水平。第一,要以息養戰,應該買公用股;第二,樓市周期長,股市周期短好多,依家過左三、四個月就計數,即係缺乏投資常識;第三,$70買匯控,即係沙士慘敗價($70買完,$3x供股。),根本就係上一代人戀獅情意结嘅表現,衰過一次仲要再嚟,係蠢人特徵。

综合而言,哩篇文章帶出要點,並唔係高位賣樓輸得更慘,而係蠢人就唔好搞咁多野,少做少錯。