地產博客 > 資深會員專欄 返回
瀏覽人次:189780    回應:104
資深會員專欄

慶祝國慶

 

打工仔 Andy

2019年10月1日
"引用 珍惜兄呼籲"

現正呼籲全港市民,今天十月一日,留家觀看國慶七十周年慶典之電視直播,並拍下直播畫面(圖片或影片亦可),上載自己所有社交媒體分享,以此作為祝賀國慶之行動!


我們要向全世界證明,黃疫之患,無阻我們香港市民慶祝國慶!

不要為難香港警察之執法,亦為使黃黑暴徒之奸計不能得逞 ...

讓我們安坐家中,把我們的國慶,塞滿社交媒體吧!
 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 引刀一快 2019-10-01 04:03:05
沙發沙發
3. CD ROM 2019-10-01 10:58:07
支持~~
4. 珍惜香港 2019-10-01 11:02:35
珍惜香港2019-10-01 11:02《留家慶祝國慶》

熱烈慶祝中國七十周年國慶!!
5. 歷史長河 2019-10-01 11:17:15
習近平:「今天,社會主義中國巍然屹立在世界東方,沒有任何力量能夠撼動我們偉大祖國的地位,沒有任何力量能夠阻擋中國人民和中華民族的前進步伐。」👍
6. Small Potato 2019-10-01 12:03:13
支持!
7. Small Potato 2019-10-01 12:07:49
珍惜香港兄:
依家見到你個大名,特別有感觸,希望大家都「珍惜香港」,珍惜呢個獅子山下既家
8. ~~ 2019-10-01 12:54:17
習主席接見香港官員, 強調  :  為官避事平生恥 !
9. bssteven 2019-10-01 13:15:05
支持11
10. 七十周年國慶 2019-10-01 14:07:31
“七十周年國慶”的图片搜索结果
11. Johnny 2019-10-01 15:13:12
支持!
12. 無耐 2019-10-01 16:52:52
支持國慶
13. 珍惜香港 2019-10-01 23:58:53
珍惜香港2019-10-01 23:58《香港人,BE GOOD!!!》TO:7/F Small Potato

尋晚本來想將《全港萬家慶祝七十周年國慶大行動》放上專欄,但發現原來唔知幾時,網主將我降咗做中級會員,即喺話我已經唔可以再响呢度出文啦!

我唔怪責網主,佢始終喺呢度嘅主場,至於原因喺乜,就千祈唔好話我知,反正呢度寫嘢,從來都喺冇著數。只不過我覺得有必要同大家交代一下,點解《實名行動》放得上專欄,而《慶祝國慶》就唔得,絕對唔喺大細超,而喺技術上做唔到,所以我必須再一次,多謝打工仔兄,仗義相助。

今日十月一日,喺祖國七十周年國慶嘅大好日子,我有些少感慨,點解呢個網站,竟然冇一位專欄作者,肯為自己嘅國家寫幾隻字,而只喺得我地幾個二打六。不過,人各有志,我都喺費事評論。

珍惜香港,講就容易。

果群黃黑之徒,都話自己珍惜香港,佢地認為,香港之所以有今時今日,都喺因為呢度有民主自由嘅制度,而我地呢班上一代,就享受咗呢種制度幾十年,先至有今時今日。所以佢地抗爭,都喺為咗我地同佢地嘅下一代,就算破壞一切,都要保住呢個制度,甚至要比呢個制度,更加自由民主。皆因破壞咗嘅嘢,可以修得返,但冇民主,就冇未來啦!

如果佢地嘅幻想喺事實嘅話,咁國家就唔會有今時今日。國家都喺冇乜民主自由,發展到今日嘅強大,都喺因為人民嘅付出,果種向心力,以及力爭上游嘅動力。今日國家,昔日香港,我地之所以有今日,亦喺因為上一代嘅努力同付出,唔喺享受咗啲乜嘢制度!香港人要珍惜嘅,就喺呢種唔介意蝕底、樂於取捨、力爭上游嘅付出!但果群黃黑之徒,响理念上否定嘅,同行動上破壞嘅,正正就喺香港呢個最珍貴嘅部分!

點解响今日嘅亂局之下,我地仲要高調慶祝國慶?因為擦鞋?非也!喺因為我地選擇面對,而唔喺逃避!

面對今日嘅國家,冇感到慚愧嘅話,就冇資格認自己做「香港人」!國家強大,亦同時喺我地嘅強大,點可以唔慶祝?國家要珍惜嘅,亦同時喺香港人要珍惜嘅,因為我地都喺中國人,擁有中國人嘅優秀特質。

善,取之;惡,棄之!棄黃,喺要從自己嘅內心開始,唔好再叫香港人,加乜叉油。

香港人,BE GOOD!!!
14. Zeitgeist 2019-10-02 00:29:16
以前中國人窮,香港人有錢。
以前中國人冇乜機會去外面世界見識,香港人有。
咪覺得香港人身份高人一等,中國人要仰視香港人。
今日the table has turned,掉轉哂,部分香港人適應唔到,只好自High提高自信心,再唔夠咪踩人地缺點囉!
憎人富貴嫌人窮啫!咁嘅心態,冇得醫㗎。
15. 大鄉里 2019-10-02 01:08:41
可嘆很多香港年青人,是非不分,滿嘴歪理,枉稱知識分子 .
國慶表演節目,看到很多優秀的年青面孔,感到中國的未來會是輝煌的.
17. 忍者 2019-10-02 10:29:05
大家亦唔應該自貶,中國其實仲有好多野向香港學習緊,打貪就係其一。另外,中國既貧富懸殊亦比香港嚴重得多。
18. 說3道4 2019-10-02 10:31:19
13 樓,說得超好! 讚讚讚!!!
19. 十郎 2019-10-02 10:34:15


      為國家寫幾隻字有何難 ? 怕的什麼 ? 看美心吉野。作者肚滿腸肥 , 蝕少少唔得 , 幾難效文天祥、史可法 , 毀家紓難。

20. 自我陶醉 2019-10-02 10:48:37
珍兄嘅遭遇實在令人概嘆,令我想起以前一套無線嘅經典劇, 劇中主角也常被迫害, 可是憑著他一個堅強信念:“人善人欺天不欺”。 經過不斷打拼,最終仍能成為股壇大亨。

珍兄加油!
21. MMC 2019-10-02 11:02:29
昨天沒看到,遲了回應。一睇工兄及珍惜香港兄兩人名字,再加上慶祝國慶標題,一定全心全意全力支持!

祝願國家繁榮穩定,人民安居樂業,順帶祝願香港特區早日回復平靜 🙏🙏🙏
22. 覆13樓珍兄 2019-10-02 11:02:33
呢度版主喺黄營人士打理,你睇此論壇另一活躍份子"向飯"被禁聲多時,"慶祝國慶"能出街,已是萬幸了😅
23. 無雙 2019-10-02 11:47:22
支持ANDY兄, 多謝珍惜兄!

係咁惡劣既環境破壞下, 地鐵今天都可以全線開通, 這便是香港的實力 !!
24. 十郎 2019-10-02 12:18:35


      謠言滿天飛 , 有李超、兄弟幫。網友話空置稅未必過得到 , 要問過基佬杰。


25. AH-HO 2019-10-02 12:54:03
國家實力非凡,美國都怕中國實力過佢頭。
70年的今天是一個值得鼓舞的年代,再10年會更厲害!
中國加油。中國人加油。中國香港人更加需要加油。
26. 好認同大家的看法 2019-10-02 13:47:07
香港十個估計有至少六個是黃的,所以版主是黃的也不出奇。

TO 22:我也好懷念"向飯",希望他仍然在某處發聲!


27. Y 2019-10-02 15:24:29
大學所見,大部份同學真心信民主自由可當飯吃, 看到弊處的少衆同學會感到很孤單. 
28. 我有一計 2019-10-02 16:17:44
我有一計 : 當藍絲每發一留言,版主可向林鄭政府申請獎賞港幣一千元,以示感謝版主。我的這一計非常有效,希望版主考慮考慮。
29. 打工仔 Andy 2019-10-02 20:09:26
大家好

風雨過後香港明天一定會更好,祖國萬歲 ! 中國人萬歲 !
30. 樓市中哥 2019-10-02 22:32:12
以事論事。這網基本上是全藍,我看不見有任何黃色的板主
31. 自我陶醉 2019-10-02 23:41:02
中哥有道理喎! 如果個網咁黃,點解冇黃絲出文,莫非佢哋全部唔識字?

噢! BTW, 我估向飯失聯唔關網主事,可能係同張曉明有關。 哈哈哈!
32. 打工仔 Andy 2019-10-03 01:16:17
自醉兄有道理 !
33. 引刀一快 2019-10-03 08:16:43
可能爭五毫子未俾呢。
34. 自我陶醉 2019-10-03 09:01:54
今天在網上看到一封給林鄭,真正為香港好,而且有素質的公開信,相信說出了很多香港人的心聲。 

35. 引刀一快 2019-10-03 09:29:31
弊,引刀讀書差,唔識睇英文........
36. Hongkong People 2019-10-03 09:31:34
我身體力行,上中山過國慶! 過幾日亦飛上海,實行國內消費,撐國家經濟!
37. 自我陶醉 2019-10-03 09:42:59
引刀兄

不妨試試Google 翻譯
38. 引刀一快 2019-10-03 09:51:01
真真薯片兄

所以話香港一定要飛地呢,飛地除咗可以提供大量住宅之外,仲有大量發展機會同空間,新一代有新希望,老人養老又有更好條件,香港人居住條件出現曙光,形勢馬上扭轉,唔使等三五七年。
39. 珍惜香港 2019-10-03 13:07:59
珍惜香港2019-10-03 12:58《裝睡的人、沉睡的自己》TO:20/F、34/F 自我陶醉

自醉兄,我勸你唔好將啲芝麻綠豆事,都幻想成乜嘢迫害,好多世情,睇穿咗,其實好簡單。閣下有乜唔稱心,就歸咎於人地迫害你嘅話,好容易會走上黃黑之路。自醉兄,BE GOOD

網站嘅工作人員,喺乜政治立場,黃黑又好,藍白也好,關我 Q 事。

至於你提到果封信,寫得幾漂亮都好,講到尾,咪又喺針對警隊!想擺警隊上枱,為暴徒護航,合理化佢地嘅犯罪行為?

要對付一個國家,先搞掂軍隊,等佢地打唔到仗;要對付一個城市,先搞掂警隊,等佢地執唔到法,簡單道理。唔好淨喺識得舉個元朗事件出嚟做生招牌,就將之前發生過乜事,抹得一乾二淨;唔好以為有咗新爆眼記者,就諗住抹走舊爆眼女。呢啲花招,只能夠用嚟對付果啲基礎立場軟弱,自以為中立嘅香港人。

鋪天蓋地嘅仇警噪音,由佔中開始,就已經存在多年,我見證整個過程,亦睇得好清楚。最容易中招嘅,就喺果啲自命中立,又自以為單憑片面資訊,就有能力分析出真相嘅人。呢班人對事物嘅睇法,逐漸轉化成單一角度,而佢地似乎都有一個共通點,就喺好鍾意話人地「裝睡」!

2016 年有一篇題為《你永遠都無法叫醒一個以為正在叫醒別人的自己》嘅文章,我建議你參考一下,尤其喺呢一節:

無錯,叫醒一個裝睡的人比叫醒沉睡的人難。但是,最困難的其實是叫醒一直沉睡的自己——自己在夢裏還卻以為別人在裝睡。其實,「總是認定別人在裝睡」是另一種裝睡。甚或說,它比「裝睡的人」更坎坷。

自醉兄,BE GOOD
40. 自我陶醉 2019-10-03 13:44:48
珍兄

一個國家嘅成敗,真正重點唔係軍人,而係軍紀。千祈唔好對號入座,文章針對嘅唔係警察,而係平息核心問題嘅方法,記望只用武力同做幾場無行動嘅空談show就幻想問題可以解決絕對係illusion, 哈哈哈! 

小學時讀過一篇文章,風同太陽比試誰能最快將途人的外衣脫去,答案顯然易見。得民心者得天下,有智慧嘅人自然會明,而有啲人係永遠都唔會明。

珍兄加油!
41. 引刀一快 2019-10-03 16:08:55
自我陶醉兄

公就佢地贏,字就人地輸,風同太陽,都係人地負責除衫,佢地負責睇嘢。

佢地講咁多做乜?點解唔發起支持送中條例唧,應該去搞支持送中遊行,或者去搞反撤回遊行嘛,一提到送中條例,佢地個個都縮口,顧左右而言他,咁即係點?

有本事就公開支持送中,或者反對撤回引渡條例。
42. 引刀一快 2019-10-03 16:09:32
自我陶醉兄

公就佢地贏,字就人地輸,風同太陽,都係人地負責除衫,佢地負責睇嘢。

佢地講咁多做乜?點解唔發起支持送中條例唧,應該去搞支持送中遊行,或者去搞反撤回遊行嘛,一提到送中條例,佢地個個都縮口,顧左右而言他,咁即係點?

有本事就公開支持送中,或者反對撤回引渡條例。
43. CH chan 2019-10-03 17:04:20

我只是一個小市民,但我很難想像今天搞到如此境況,香港政府反應之慢,做事拖泥帶水,效率之低超乎我想像,本人有些建議,希望政府可參考一下
建議一  立刻召喚教育局長吳得惦,要求他馬上同全港中學校長開會,應對校園滲入過多政治甚至多於正當學業,  校園受到錯誤引導,宣傳參加暴動的後果及法律責任,會影響一生!!要從教育及加強宣傳活動;
建議二 立即申請某些地區及熱點禁制令,實施某時段某地方宵禁,在這特定地區及時段禁止蒙面,集會等,一犯就馬上拘捕,不要講耶穌!!
建議三。馬上請大量保安人員,在所有重要設施及所有車站效發深圳地鐵有拿警棍及防暴裝備人員站岡及巡邏,一旦發現違法行為馬上報警及初步處理,有些甚至可拿雷明燈槍戎備,甚至在所有重要道路站岡,設保安站;
建議四。如有黑衣人阻塞道路,晚上任由他們塞如不是主要幹道,明天早上再慢慢派人清理,如他們想要訓街由他們吧,不用防暴發催淚彈擾民,明天再處理,不用過急,以防止警民衝突,因黑衣人正想挑起矛盾,令警民衝突中正他們的計了!!

44. 自我陶醉 2019-10-03 18:54:21
引刀兄

我覺得是否支持反送中立場都唔重要,各有看法,各自表述,但部份警員已經失控,就好似在冇任何武力挑釁情況下,回頭向一群記者放冷槍,導致印尼藉記者永久失明,完全係可恥行為,再繼續放任下去,只會令法治蕩然無存,將香港推向深淵。

45. 珍惜香港 2019-10-03 20:19:22
珍惜香港2019-10-03 20:19《民主何價》TO:41/F、42/F 引刀一快

啲黃黑成日掛在口邊,話放火、掟磚、掟汽油彈、打人果啲,全部都喺警察、公安假扮嘅,啲示威者,個個都好和平喎!引刀兄,呢啲先至叫做:公我贏,字你輸!

仲有,我對於修訂逃犯條例,已經公開表咗態(緣結.天璣 101/F),你自己 CLICK 去睇清睇楚,我認為已經寫得好具體,你有邊忽唔明白嘅,請指教!

不過請引刀兄理解,我讚成修例,唔代表修唔到例就等於世界未日。如果你讚成或反對一啲政策,但你嘅意見,得唔到接受或體現呢,就發哂難渣搞抗爭,不惜破壞一切都要迫人地「答應」嘅話,咁你同果班黃黑,又有何分別?

至於遊行,我從來都唔認為有乜代表性,尤其喺七一,跟本就喺為泛民做 SHOW。況且現實喺,只有唔滿意嘅人,先至會出嚟行,滿意或支持政府嘅,又點會冇嘢揾嘢嚟搞?或者你唔鍾意,但呢個喺人之常情,所以社會永遠只會聽到反對嘅聲音,搞到好似所有人都反對咁。除非啲反對者,越搞越癲,癲到啲支持者都頂佢地唔順啦!但到咗果個地步,啲支持者企出嚟,就唔喺表示支持政策,而喺反對呢班反對者囉!引刀兄,民主何價?

記得佔中當年,我呼籲大家唔好去行七一,你大力反對。引刀兄,我明白你對香港嘅價值,有你一套睇法,但亦希望閣下明白,七一,喺一項具深層影響嘅政治活動,唔喺一項旅遊或慶祝活動,更加唔喺乜嘢象徵。而七一嘅主辦單位,喺民陣!
46. to 13 樓珍哥 2019-10-03 20:47:12

芝心欄始創人 ,竟然被滅聲,令人震驚 !!!

47. 引刀一快 2019-10-03 21:24:12
珍港兄

唔好拉link咁隱晦嘞,直接講咪得囉。你支唔支持重新推逃犯引渡條例呀?

依家仲講咸豐年嘅佔中係冇意思,我都唔支持佔中,連核心價值四個字你都唔敢打,到底你叫珍惜香港,還是我叫珍惜香港?到底呢度仲係咪香港?驚成咁就咪喺度講政治嘢喇。

我對大陸有份特殊嘅感情,因為我人生好多重要嘅過程都係喺大陸完成,從來就以大陸為家,我比呢個論壇裡面絕大部分人更適應大陸模式,或者應該咁講,我本來就好中意大陸嘅生活。舉個例,Maria 肥媽介紹食魚生都俾人鬧到翻天,在我地呢類人嚟講,初階啫,我係爭在唔敢食埃及塘鲺咋!香港嘅事情,我大可以話之你香港咩境況,我返廣州就得喇,可以講,我地呢類人,可以隔岸觀火,抽身唔理。

然而,我對香港亦有份特殊嘅感情,土生土長,好多嘢都好好,仲可以為祖國做好多貢獻,咁嘅一個地方,值得珍惜吖,國家裡面最文明先進嘅地方,以此為標桿,全國競爭上,對國家係好事,點解要削低佢高度先?

唔好同我地定義藍絲黃絲,我敢代埋自我陶醉兄講,兩樣都唔係,我地係紅絲。

為人處世,一片丹心,唔係紅係乜?
48. 引刀一快 2019-10-03 21:39:52
自我陶醉兄

早就冇得返轉頭喇,都係果句,心裡有數,唔好將見到嘅嘢當係底線,否則分分鐘會一次又一次被震撼,或震懾,或震驚,或......震怒。


將呢啲事情,計入港樓嘅值裡面,會係討論樓價最值得做嘅事情。

49. 珍惜香港 2019-10-03 23:52:28
珍惜香港2019-10-03 23:52《封印解除》TO:46/F 唔知乜水

珍哥」喺一個敏感嘅稱呼,恭喜你!你已經觸動到我嘅神經。雖然唔知道你有乜嘢目的,但似乎我有必要回應一下。

首先,我唔喺乜嘢始創人,呢度嘅主場,喺網主,唔好要我再重複。

講到滅聲,言重啦!我只喺冇得寫上專欄啫,但仍然可以回應,點算滅聲?

至於點解要告知大家,喺因為我呢份人,唔鍾意冇頭冇尾,所以只喺想交代一下,就喺咁簡單,唔使諗多。

我從來唔覺得,寫專欄有乜咁大不了,我鍾意就寫,唔鍾意就唔寫,冇人可以迫到我,亦冇人阻止得到。呢個平台唔寫得,咪去第個平台囉!我又唔喺要搏 LIKE,有乜所謂?只不過,待人處世,寧人負我,莫我負人。我曾經响《緣結.天璣》一文中提過,如果我走去其他平台嘅話,會覺得對唔住網主,對我而言,可以話喺一個封印,而我亦唔太介意。但既然網主咁慷慨,將我從寫上專欄嘅授權名單中剔走,咁呢個封印,當然喺立即解除。都喺果句啦,凡事有多面!

不過,千祈唔好誤會,截至呢個時刻,我並冇任何計劃去其他平台寫嘢噃!
50. 引刀一快 2019-10-04 00:04:34
犀利,珍港兄原來解除封印!係咪地產網仲有個結界呀?

殺意隆、真豪鬼、暴走八神庵,預計全面出籠!
51. 自我陶醉 2019-10-04 10:39:42
引刀兄

珍兄咁認真,咁謙虛,你就咪玩喇!在好多網友心裡,一向都覺得佢勁過博士,勁過網主㗎,我初嚟步到時,仲以為佢係網主呢! 

珍兄,啲芝麻綠豆事,就冇謂講完又講了,其實對我哋啲小市民嚟講,出唔到post好平常㗎咋,我見你無端端寫一大堆嘢,仲以為你好介意,先安慰你兩句。 嘿嘿!雖然我唔知咩係封印,不過聽落都幾得人驚。

在我心裡,珍兄嘅氣勢,直頭勁過呢兩位阿蛇呢!


52. 珍惜香港 2019-10-04 11:43:35
珍惜香港2019-10-04 11:43《引蛇出洞》TO:50/F 引刀一快、51/F 自我陶醉

乜兩位咁關心,在下真喺多謝都嚟唔切。芝麻綠豆事,何足掛齒,但如果有人借機玩嘢,就唔可以當睇唔到。

食肆阿蛇、為民除害阿蛇,乜唔喺引蛇出洞?

IP 喺 TRACEABLE,不過既然引刀兄咁討厭撈波弟,自醉兄又疾黑如仇,如果 46/F,同埋果班唔知乜水,同你地冇關係嘅話,我建議兩位避嫌!
53. 自我陶醉 2019-10-04 11:48:55
珍兄真係奇怪,成日都提人IP可以trace, 係咩目的? 莫非香港已經有文字獄我唔知? 堂堂正正留言怕咩俾人trace? 我冇用VPN, 亦唔怕文字獄! 哈哈哈!
54. 歷史長河 2019-10-04 11:55:14
紫醉綠刀又在光復珍港?

真係估唔到點解紫醉摩斯咁仇警?

受過甚麼傷害呢?唔通菊花已殘,滿地是傷?
55. 自我陶醉 2019-10-04 12:10:38
其實,我一啲都唔仇警,不平則鳴係香港人嘅性格,在骨子裡,可能你唔知。

示威者唔啱我一樣會出聲! 哈哈哈!

******

11. 自我陶醉2019-07-14 09:27

其實啲警察只係打份工啫,遊行就遊行,唔洗出鐵枝毒粉啩? 人哋都有阿媽生㗎! 呢班咁激進嘅人,一個都唔應該放過。 希望年青人和平理性,同呢班人劃清界線,否則只會失去社會支持,最後成為被打壓嘅對象。

56. 歷史長河 2019-10-04 12:15:31
陶醉兄,唔使 copy and paste. 你的那個回應我記得,不過從仇警回應的占比和語氣來判斷,你仇警無疑。你可以自己 fact check 吓。你的偏頗仲偏過啲黑記。

不平則鳴?又未聽到你為那些被蒙臉「義士」暴打人士鳴喔?


57. 自我陶醉 2019-10-04 12:22:56
當然要copy and paste喇! 我嘅留言係7月14號。 

之後一星期,係令大部分香港人心碎嘅日子。洗咩fact check?
58. 乜春 2019-10-04 12:47:13
印度之父甘地爭取印度獨立時,即使他的追隨者和平靜坐時被英國警察暴打,他本人被下獄,他也堅持和平爭取,約束支持者不要反抗,更不可搞破壞。“不合作運動”也只是自己造鹽,自己織布。點解?因爲佢真正愛印度!
59. 自我陶醉 2019-10-04 13:09:42
除咗間中在這裡留言,從來冇在其他討論區留言,更加唔會得罪人,我熱愛生命,冇抑鬱,冇欠人錢 ,亦絕對唔會自殺。 

哈哈哈!
60. 引刀一快 2019-10-04 16:00:34
自我陶醉兄

長河san又喺度玩白色恐怖,逐步會話你反黨反革命分裂國家喇。
既然係咁,長河san不如陪我推大灣區推大陸樓喇,依家一句樓都唔提,一味揾帽子扣人,忘記咗最愛嘅港樓?忘記咗唔睇價都要入嘅港樓?

向飯都係老屈啫,長河san同珍港兄就玩恐嚇,正式係青出於藍。




61. 引刀一快 2019-10-04 16:02:36
BTW,我都冇憂鬱,唔會自殺,唔會去海邊,兼畏高。
62. 自我陶醉 2019-10-04 16:40:27
引刀兄

港樓算好了,聽聞澳洲樓早就跌鑊金。

其實我淨係想知香港仲係咪好似習大大講咁一國兩制?香港仲有冇言論自由? 點解講句說話都有人話要track人IP? 唔通香港人身邊到處都係 “凸警”? 

昨日在網上看到幾句令人心寒嘅說話:

消灭了尖锐的批评,温和的批评就变得刺耳了。 消灭了温和的批评,连沉默都变得居心叵测。当沉默也被消灭时,夸赞不够卖力就是一种犯罪。

這裡還是我們認識的香港嗎?

我們都熱愛生命,所有親友也都知道我是個開朗樂觀的人。
63. 重貼 2019-10-04 17:14:11
印度之父甘地爭取印度獨立時,即使他的追隨者和平靜坐時被英國警察暴打,他本人被下獄,他也堅持和平爭取,約束支持者不要反抗,更不可搞破壞。“不合作運動”也只是自己造鹽,自己織布。點解?因爲佢真正愛印度!
64. 乜春 2019-10-04 17:16:05
講印度之父甘地都被删?可見編輯心中有鬼!哈哈
65. G 2019-10-04 18:09:28
透過多年觀察,我認為一直最有誠意維護一國两制是中國,只是有人刻意切割,獨立,造謠破壞和騎劫輿論o
66. 引刀一快 2019-10-04 18:47:37
乜春哥

你喺度玩影射,香港人完全唔係搞獨立,你呢個舉例,屈人也。

67. 自我陶醉 2019-10-04 19:05:27
引刀兄

又俾你篤爆佢! 我三十年未投過票,從不對政治有任何興趣,更加冇期望,亦從來唔介意大陸直接派人管治香港,我只係要求香港有一個維護,同埋尊重香港法治、人權嘅政府。

68. 引刀一快 2019-10-04 19:15:02

自我陶醉兄

所謂消滅了的批評,其實程度上係個人判斷,我暫時覺得,溫和的批評仲係可以嘅,微信上面好多批評文章都冇被封啫,不過,某些人,自覺先進領先識時務,連誇獎賣力都覺得未夠,主動去監察人壓制人博成為人民模範,呢樣只係佢地自己判斷,未必係今日社會真實需要。


如果香港真係已經變成咁,咁就好慶幸我早早返咗大陸,我好負責咁講,大陸冇咁lung衰!

香港暫時仲係香港,因為仲有人願意筆名叫做珍惜香港,幾時改埋做珍惜中國香港,咁你就要小心嘞。


我考慮改名做珍惜大灣區😘。





69. 引刀一快 2019-10-04 19:19:40
BTW,我們都熱愛生命,所有親友也都知道我是個開朗樂觀的人。
70. 歷史長河 2019-10-04 19:30:36
醉紫刀綠二位兄有受迫害妄想症定係受虐狂?
71. 引刀一快 2019-10-04 19:32:05
如果可以靠咁嘅嘢上位,向飯早就平步青雲喇,仲駛喺度俾人刪帖?😂😂😂😂😂😂😂😂😂😂😂。

我會小心,但係祗講真話。back up呢啲人嘅,只係一廂情願嘅貪婪慾望,而back up我嘅,勢力大到得人驚,因為係觀世音菩薩。
我信天,所以我淡定。
72. 珍惜香港 2019-10-04 20:10:05
珍惜香港2019-10-04 20:10《對事不對人》TO:50/F、60/F 引刀一快,53/F、62/F 自我陶醉

我承認對 46/F 有啲火,但又關兩位乜事?

我地呢班註冊會員,用嘅喺筆名,但因為有註冊,真身都喺 TRACEABLE。我講 IP,只喺提醒以非註冊留言嘅網友,其實都喺 TRACEABLE,只不過技術上麻煩啲,所以唔好以為唔註冊,就可以不負責任咁隨便發表惡意言論。但你地助紂為虐,我當然不滿,呢啲唔喺乜嘢言論由自,更加講唔上乜嘢白色恐怖。

我從來對事不對人,話知你喺乜水。個別人士以非註冊回應,惡意攻擊、挑釁、離間,我從來都奉勸兩位,當佢地透明,不過我亦唔會干涉你地嘅做法,更加唔會同佢地一唱一和,攻擊兩位。但好可惜,你地對自己講果啲撈波弟,就一副標準,對唔知乜水,又另一副標準,兩位有幾中立,唔使多講。

上次我釋出誠意,向河兄解釋,話兩位基礎立場不變,大家仍然有討論空間,喺為理性對話鋪路。但任何理性討論,都必須基於對事不對人嘅態度之下,先至可以持續。即喺話,同一個言論,無論出自引刀兄、自醉兄、河兄或在下,我地任何一位,都唔會因為對方喺邊個,而影響到自己對言論嘅態度同立場。

做唔到對事不對人嘅話,任何討論,都只會喺罵戰收場、不歡而散。
73. 引刀一快 2019-10-04 20:44:23
珍港兄

我對撈波弟一向都係直接對抗,從來冇話過要trace佢IP之類,論壇來,論壇往。
你我長河都碰過面,我有冇將論壇恩怨帶落嚟現實生活,你應該好清楚。
呢D就係論壇法則,真正對事不對人,trace IP揾人嚟做乜呢?除非對方做違法行為喇。至於人身攻擊、誹謗之類,就係程度問題,地產網邊個受人身攻擊多得過我?
75. 珍惜香港 2019-10-04 23:43:36
珍惜香港2019-10-04 23:43《黑色恐怖》TO:73/F 引刀一快

引刀兄,今日香港嘅社會環境,已經大不如前。以前有人對你言論不滿,就算响網上全方位攻擊你,都只喺言論上,但對你嘅私人生活,基本上冇乜影響。不過依家時興嘅,就喺起你底,跟著騷擾你家人、親朋戚友,影響及破壞你嘅工作、生意、合作伙伴之類。其實,香港依家普遍存在嘅,喺黑色恐怖,而唔喺白色恐怖。

坦白講,我寫得出,當然唔會怕果班鼠輩,怕嘅,就不如唔好寫。再者,我又唔喺乜嘢公眾人物,而香港又有鬼死咁多各式各樣嘅公開言論,幾時輪到我俾果班人針對,但咁亦唔等於可以放鬆自己嘅警覺性架!

對於呢度啲非註冊惡意回應,通常我都喺當佢地透明,或者只會借佢地題嚟發揮。但我發覺有部分言論,同你果啲撈波弟嘢嘅性質唔同,似乎有人著意製造一啲畫面,導入或引導你墮入一啲法律陷阱,甚至有跡象顯示,背後可能喺我現實生活中認識嘅人。我唔可以肯定,但亦唔可以當睇唔到,所以必須嚴詞警告,以及作出適當規格用詞嘅回應,而回應亦必須考慮背後唔同嘅可能性。

引刀兄,我唔喺懷疑你地,但當出現呢類情況,而你地又插咀嘅話,我都會幾麻煩,希望閣下明白。
76. 哥師奶 2019-10-05 01:18:54
支持珍惜香港
77. 引刀一快 2019-10-05 03:40:47
珍港兄

我以前一個對一堆,有分亮劍同撈波弟咩,都係懟過嚟打返過去,而且,我敢講,自我陶醉兄同我講嘢,比以前客氣咗五十倍都唔止,感覺已經有點和稀泥。
總之,怕惹麻煩,怕俾人跣就咪講政治嘢敏感嘢,講危險講陷阱,向飯屈我顛覆國家政權㖭,邊個兇險得過呢兜友呀?

78. 引刀一快 2019-10-05 06:00:55
我都唔明,既然你咁多罩忌,為咩事你同長河搞埋嗮D全城𥄫胸實名行動?你呢d唔係政治言論咁簡單,你係做緊政治行為。

你話人地裝你,長河就係一路裝緊人喇,你搞政治表態搞到人人自危風聲鶴唳,依家話騰雞?

俾個忠告你,收手喇,論壇攞嚟吹吹水就好嘞。
79. 自我陶醉 2019-10-05 08:57:02
引刀兄

香港實在有太多自以為醒,其實非常愚蠢嘅人,由721開始,行的每一步都係將香港推向深淵。 林鄭將錄音流出路透社,話明所有決定唔關自己事,等於直接將團火燒向國內,現在兩面不是人,我可以肯定佢唔會有好下場。

呢班激進嘅年青人,連十年暴動罪都唔驚,會唔會驚你坐嗰一年嘅蒙面法? 稍為有些少腦嘅人都會諗到! 呢個蒙面法,只會將更多和理非推向勇武,將更多年青人嘅家人推上街頭。

大規模警民衝突,仇恨加深,武力鎮壓,國際制裁,資金撤離香港,這些問題將會逐步出現,全國經濟將受拖累,全國人民要一齊承受惡果。 突然間腦裡想起之前一套爆紅劇集,皇后自殺前一幕嘅一句對白:“一步錯,步步錯!” 


80. 李澤西 2019-10-05 10:00:46
大陸70周年國慶,台灣民進黨喺香港搞場大龍鳳,係選舉工程一部分。元朗721,係台灣背景黑幫新YO同元朗鄉事勢力之間恩怨,同其他人無關。
81. CH chan 2019-10-05 10:04:44
因應暴動份子升級,視法紀為無物,強烈建議以下選項
選項1 - 馬上報請中央,要求派註守香港解放軍協助香港警方防守,驅捕權力還是留給香港警察,其實澳門在颱風時也要求當地解放軍協助清理,不是什麼新鮮事!有心人大驚小怪,又說什麼破壞一國兩制等bullshit,直至局勢降級為止;

選項2 - 繳請外國保安專家到香港,研究一些可行加強設施保安,輸入更多防暴裝置及人員 ,反正港人那麼崇洋;

選項3- 立刻實行宵禁,業界受影響政府可補貼或短期資助;

選項4- 短期內將被捕人仕延長驅留時間到最多14天,直至局勢受控為止

選項5-短期禁使用TG 及綱絡通訊程式直至局勢受控為止

還有很多很多,要看港人能否醒覺向暴力說不,不要同情暴徒,不要將破壞合理化,不要被人誤導不知不覺走上港獨之路!!

 驅逐所有港獨分子離開香港,取消他們香港居民資格,既然他們認為香港很差,又那麼喜歡外國,外國人放屁也是香的?崇洋至上,為何留在這中國人的地方幹什麼?難道天真到要打倒中國?
82. 引刀一快 2019-10-05 11:08:44
To 80樓 李兄

同其他人無關,點解牽涉咁多“其他人”嘅?
83. 自我陶醉 2019-10-05 11:10:44
引刀兄

我估佢想考驗下網友嘅智商,哈哈哈!
84. 引刀一快 2019-10-05 11:18:37
自我陶醉兄

係時候閃,否則留島不留人。
85. 歷史長河 2019-10-05 11:36:10
「被問到立法有沒有成效時,李家超指,明白單靠一條法例不會解決所有問題,但希望能夠回復過去二十幾年來,示威後回復和平有序的生活。他提到,今次立法是針對蒙面的人,故「蒙面人的反對是預期的」,要真正制止暴動是靠整個社會,社會整體都要知道危險的行為令公共安全構成威脅,一再重申「嚴重暴力係所有人都要切割嘅,所有人都要話唔認同暴力嘅」」

79# 紫醉兄,李局一早已估計到你會反對,你越反對,說明呢個法律應該有效。你不反對才奇怪。稍安勿躁,俾小小耐心喇!


86. 歷史長河 2019-10-05 11:42:52
#77 綠刀兄,從你一直提及以前被圍之事我讀出兄台現在無人理睬之落漠。向飯離你而去了,十一哥還在,可以考慮去光復一下。原來刀兄不單單是有受迫害妄想症,仲一直暢想做金盔銀甲趙子龍式七進七出救紫醉之英雄。
87. 乜春 2019-10-05 11:55:48
只係兩個5毛。哈哈
88. 引刀一快 2019-10-05 14:34:18
綠長河san

我從來都係呂布。
89. 歷史長河 2019-10-06 09:38:21
綠刀兄,你係話智商定係勇武?
90. 智商定係勇武 2019-10-06 11:33:52
智商!!!
91. 引刀一快 2019-10-06 11:56:13
綠長河san

係style。
92. 引刀一快 2019-10-06 20:43:18
90樓

傻仔,呂布智商好高㗎,起碼高過你喇,睇睇三國再講喇,人云亦云。
人地話呂布智商低係同豬哥亮比咋。

93. 珍惜香港 2019-10-06 23:07:51
珍惜香港2019-10-06 23:07《支持警隊,否定黃黑》TO:47/F、48/F、78/F 引刀一快

政治言論也好、政治行為又好,我跟本就懶得去分。所謂,大丈夫,有所為,有所不為。引刀兄,果啲唔知乜鼠輩,我自有方法應付,如果連發聲咁基本都做唔到,就真喺要改筆名啦!

至於你話我只喺寫價值,而唔寫核心價值,喺因為我認為你所講嘅,根本就唔喺核心價值。核心價值,就喺衍生及支撐其他一切重要價值嘅原始價值,所以我認為,香港嘅核心價值,只得五個字,「獅子山精神」!其他都只不過喺虛無。所謂自由、人權、法治,如果唔喺秉承著獅子山精神去捍衛嘅話,只會瞬間即逝。正如你濫用自由,就會失去自由,濫用人權,就會失去人權,濫用法治,就會失去法治,將呢啲失去,賴哂政府、賴哂國家,賴哂啲乜嘢白色恐怖,而唔肯去檢討一下自己嘅,根本就喺自欺欺人!

獅子山精神,喺講建設,唔喺破壞。我地通過建設,成就理想,就算前面見唔到目標,冇成功嘅保證,都無阻我地嘅付出。盡力而為之後,就算達唔到目的,都欣然接受,而唔喺走去發難渣搞破壞。呢條路唔得,咪行等二條囉,再唔得,咪行等三條囉!LIFE WILL FIND ITS WAY。希望,從來都唔喺由人地賦予,更加唔喺走去迫人地賦予;路,喺由自己行出嚟,希望,亦要由自己去繪畫,每一筆都喺驚喜

香港呢場風波,可以話喺佔中嘅延續,但情況比當年更嚴重,對人心嘅衝擊更大。記得當年你話,佔中只喺細路仔玩泥沙,九成九搞唔成,我認為你低估咗佔中嘅威力,而今日你嘅態度,似乎都喺差唔多。或者你認為,呢纇事件,只不過喺某啲勢力响背後操縱啫,只要佢話停,就乜叉都停哂。引刀兄,難道你真喺以為咁簡單?一個充滿煤氣嘅房間,擦一絲火花,即刻爆炸,但如果間房喺乜都冇嘅話,莫講話爆,你想燒都難。乜嘢背後勢力,根本就唔重要,冇民心嘅配合,你搞得出個乜?依家嘅局勢,就算你話果個背後勢力,肯去叫停,但只要求其一件蛋散接上,都一樣會繼續,沒完沒了。

過往幾年,好多民心,逐漸被蠶食,就好似一個漏緊煤氣嘅房間咁。佢地開始迷失,開始分唔清對錯,而當佢地越分唔清對錯,就越執著於對錯。點解我成日提住,佔中呢件咸豐嘢,就喺因為想大家,回憶返當年嘅一點一滴,重拾當年嘅意志,予以堅守。引刀兄,一個 721,竟然可以將一個人嘅態度,以及對事物嘅焦點,作一百八十度嘅轉變,將一個人嘅意志推倒,使之沉淪於真「相」與「真相」之間,不能自拔。

其實,真「相」又點,「真相」又點呢?試問,冇黃,又何來藍?冇黑,又何來白?而執法者,從來都喺最無辜、最被動。當我地了解呢堆因果關係之後,就自然會明白到,所謂 721,只不過喺事態發展嘅必然結果,有乜咁大不了?黃藍之間,黑白之間,基於佢地嘅因果關係,本來就唔喺對等。黃黑消失,藍白就自然消失,但藍白消失,黃黑只會更壯大,响呢個咁唔對等嘅形勢之下,所謂中立,又有何意義呢?呢個世界嘅本質,喺唔會因為一個 721,而一下子改變。如果你突然發覺,個世界變咗;其實變果個,只喺你自己,個世界,始終如一。最重要,喺勿忘初心

引刀兄,幫朋友,唔喺教佢去逃避,況且人地根本就唔想逃避。人地又唔喺冇能力响香港居住,亦希望繼續留响香港,你叫佢走入大灣做乜?人地冇諗過要放棄,咁你就應該要勸佢面對、勸佢放下執著、勸佢重拾初心!

多年以嚟,我地嘅立場,堅定不變。一個社會,喺由市民組成,法治精神,喺依靠廣大市民守護著。冇人出嚟搞事嘅話,啲警察得鬼閒同你開 PARTY?如果社會嘅治安,以及市民嘅法治精神,倒退幾十年,咁警隊嘅執法方式,就自然須要倒退幾十年。唔好以為我地自以為是,正正就喺因為我地有自知之明,先至唔會扮哂包青天,扮哂摩斯,隨便將啲乜叉真「相」,套入去人地以單一角度預設俾你果啲所謂「真相」度。

今日,我地全力支持警隊,全面否定黃黑,意志堅定,寸步不讓!香港警隊,喺全球最優秀,但可惜,佢地有個無良雇主。

呢位無良老闆,唔喺政府,佢嘅名稱,叫做「市民」
95. 歷史長河 2019-10-07 09:13:57
每一個人最終都要為自己的行為負責。出來行,遲早要還。

香港解密
96. 引刀一快 2019-10-07 11:58:29
珍港兄

睇嚟,呢鋪發生緊咩事,你可能唔係好知。
你唔分政治言論同政治行為,唔代表兩者效果一樣,總之論壇吹吹水就好,發表、交流,夠啦,我唔搞政治嘢,所以依家都避忌唔敢同你細辯。
總之,我對呢鋪嘅睇法同建議,四個字可以概括,就係“心裡有數”,總之消息唔好祗聽一面,誰對誰錯,咁大個人唔通仲唔知點分,唔知點做咩。
97. 東海一粟 2019-10-07 12:42:14
我們捕捉老鼠,把老鼠夾放在牆角老鼠回巢的路上。
99. 歷史長河 2019-10-07 14:15:16
東海兄,戰術正確。
100. 珍惜香港 2019-10-08 02:44:14
珍惜香港2019-10-08 02:44《歷史改變,心,不變!》TO:96/F 引刀一快

你話呢鋪發生果啲乜事,在我而言,根本就唔重要。

致曾俊華先生的信》、《實名行動》、《慶祝國慶》,喺政治言論?政治行為?管他的!我只喺盡一個市民嘅責任啫!

記得佔中當年,我响一個回應裡面話過,我地身為羊群嘅,就要做羊群應該做嘅事

當時網站嘅氣氛,齊心一致,旗幟鮮明,反對佔中,湯生亦出咗一連 89 篇嘅《反佔中》系列。

今日,佔中誕生嘅黃,進化成更惡嘅黑,持份者,選擇沉默,選擇息事寧人,寄望黃黑之徒,對佢地網開一面。

引刀兄,旗幟,唔再鮮明啦!

悍匪中槍倒地,我地會唔會質疑,點解唔即刻急救?警方搗破黃賭毒果陣,我地又會唔會怪責警方,話佢地對罪犯粗暴、冇禮貌?今日,民意向罪惡傾斜,對執法者挑剔,為暴徒開路,香港嘅法治,倒退咗幾十年。

引刀兄,民心變了!

所謂人各有志,人地點樣選擇,我唔可以干預,我做返自己認為正確嘅事。

意志唔夠堅定,就好容易俾噪音影響,佔中當年,同今時今日,我對果堆噪音,都喺呢一句:真喺好煩!記得動畫 BLEACH 終結篇裡面,一護同銀城戰鬥,銀城為誘使一護倒戈,爆出咗死神代理證嘅秘密。原來屍魂界交俾一護嘅代理證,亦同時喺一個監視器,監視佢嘅一舉一動,發現稍有背叛嘅話,就派人格殺勿論。但一護不為所動,因為屍魂界為佢獻出咗力量,使佢可以保護身邊嘅人。感因,令佢意志堅定,亦同時感動返整個屍魂界,作出改變。當時一護就喺對銀城講:你真喺好煩

我仲記得,BLEACH 大結局果集嘅名稱。

歷史改變,心,不變!
101. 引刀一快 2019-10-08 08:00:39
弊,唔通你後生我廿年?你睇嘅漫畫,我聽都未聽過😓。

旗幟咁鮮明做乜?都話咯,四個字,心裡有數,夠啦。
102. 引刀一快 2019-10-08 08:25:19
珍港兄

政治事情,吹水無罪,搞嘢拉你。
如果你同長河san唔係搞咁多動作,或者會多啲人陪你討論,依家你睇睇邊個敢同你辯論。
我睇睇你借用嘅漫畫劇情,係咪影射緊smartphone?一護係我?定係你?大陸俾咗教育我,我感恩呀。
咁銀城係邊個?唔係向飯卦?
104. 自我陶醉 2019-10-08 09:14:03
引刀兄

個人認為事實係靠每個人自己的心去感受的,根本無討論的必要,亦不存在討論的空間。 
105. 引刀一快 2019-10-08 12:04:43
自我陶醉兄

我都覺得係,尤其係呢種大家有眼睇嘅情況,覺得係乜就係乜。
106. 無雙 2019-10-09 11:00:29
以前很熱鬧, 係因為好多有質素既文章, 大家正正常常討論和發表意見, 互相尊重.

好多人唔再出聲主要因為唔想比某個灣區人纏上; 扮曬高深識野咁, 一日到黑為拗而拗, POST超多但浪費大家時間. 
107. 引刀一快 2019-10-09 11:52:14
某彎區人消失一個月,睇下點,如果“效果好”,某彎區人可以永遠消失㗎。
有啲人,唔喜歡某人就東拉西扯一啲不切實際嘅歪理,有本事就自己寫啲“有質素”嘅文章,用質素用事實說明一切。
108. 珍惜香港 2019-10-09 23:38:38
珍惜香港2019-10-09 23:38【黃疫】

網主有先見之名,否則以下嘅文章,喺會寫上專欄。 



黃疫
 
珍惜香港
法團專業投資者
SMIEEE.MSc(ICDE)
http://facebook.com/hongkongtruevalue/
2019年10月9日

黃疫,喺比沙士更強嘅病毒,喺不治之症,而因為傳染性極高,所以必須隔離。黃疫嘅末期,又稱之為黑,當發展成黑之後,基本上已經冇得救,必須人道毀滅,否則散播社會,勢必造成族群嘅滅絕。 

黃疫最大嘅催化劑,就喺感情。對患者施予正面嘅感情,包括愛、同情心等,或施予負面嘅感情,包括仇恨、憤怒等,都會強化佢嘅傳染性,以及更快推入黑呢個末期。 

其實,黃疫都唔喺完全冇得救嘅,現時只有一種藥,或者可以醫治黃疫,不過有非常大嘅副作用,亦冇保證一定會成功。但似乎,呢個已經喺唯一醫治黃疫嘅辦法。 

果隻藥嘅名稱,叫「絶望」!


Susan Boyle:I Dreamed a Dream
109. 引刀一快 2019-10-10 00:07:42
沙發沙發
110. 珍惜香港 2019-11-10 16:24:59
珍惜香港2019-11-10 16:24《Here to Stay》TO:101/F、109/F 引刀一快


BLEACH 死神:Here to Stay