|
1. 肥婆四 2017-05-16 22:58:38
|
|
|
2. 八十後 2017-05-16 23:06:38
|
|
|
3. 2011年開始 2017-05-16 23:51:04
|
|
|
4. 亮劍 2017-05-17 09:04:38
|
在條片之中，我提過與汪生的共同朋友之中，有「人」每年單收債息就可FP買一間四房，其實「人」係眾數，我真的不敢講晒全部真相，因為别人以為我作大😅
|
|
5. 亮劍 2017-05-17 09:06:56
|
小弟那天係人生第一次對住鏡頭講足成粒鐘。 其實我的表現只是緊緊合格而矣。 汪生仲話我有好多野未講，但如果再上過去，又驚得罪仲未有楼揸手及有好多磚頭收租的朋友，呢鑊真係陷於「嬲你唔知、話你又唔好意思」之困境。
|
|
6. 八十後 2017-05-17 09:24:07
|
亮劍兄，其實呢個片段的大部分內容，你之前一早寫晒出黎啦，今次只係轉左文字為影片，不會因為咁而有人想話你啊。
|
|
7. 蕭峰 2017-05-17 10:33:42
|
|
|
8. 蕭峰 2017-05-17 10:33:43
|
|
|
9. 引頸以待 2017-05-17 10:38:10
|
亮劍兄，
你講的是真話，事實已經證明。但係忠言亦耳，特別係對於冇樓的人或者賣了自住樓的人，真係句句都難聽到嘔⋯⋯ 我曾經在自己Facebook 講過類似的樓市分析，比一些老朋友unfriend 了⋯⋯事後諗返，真係好 hurt 人哋
不過可憐嘅人，必有其可恨之處，有時唔能夠太過顧及佢哋嘅感受
|
|
10. 亮劍 2017-05-17 11:33:03
|
回想幾年前，小弟喺呢個平台同人筆戰，講屯門楼要百幾萬係咪貴， 事實勝於雄辯，時間可證明一切。 小弟及我的好友，投資一次半次失利，最多咪甩皮甩骨畀班谷友笑到傻；不過如果你係一個無「房津」的中產，又無喺你能力所及，銀行肯信你嗰陣及時置業自住， 我亮劍唔客氣講「你會輸一世」！
|
|
11. Eclipse*~ 2017-05-17 11:45:17
|
|
|
12. 蕭峰 2017-05-17 12:43:30
|
to 9樓
同感，同friend 講多小小樓市，如果唔啱對方思路，談話會非常尷尬，所以後未我都少講，重大人生決定都係自己作主好d，想同我討論我一定知無不言，唔想講概就算罷了，大家輕鬆。
|
|
13. 路人丁 2017-05-17 14:02:19
|
想係呢度借機會多謝亮劍, 雖然我真係只係一個路人, 但我由2011年開始睇地產資訊網湯博士的文章。起初我都係一個對樓市乜都唔識的蛋散, 同其他C奶阿叔一樣話樓價貴貴貴。但就係因為幾年來亮劍的無私分享同超有用的資訊, 令我開始對樓市有真正的認識, 最後係2014年同太太係九龍市區買左個市區細單位自住。雖然果陣都已覺得超貴, 但今日睇返, 如果當時無買, 依家真係會後悔一世。
多謝你, 亮劍兄
|
|
14. 路人丁 2017-05-17 14:08:41
|
仲有, 亮劍兄, 我想講, 只要你相信自己的良心, 張事實的野講出來, 罵你的人總有一日會明白。反而, 你真係幫左好多人, 我就係其中一個。
|
|
15. CD ROM 2017-05-17 16:31:39
|
亮劍兄, 謝謝你的多年分享, 今集很明顯輕鬆多了, 沒上集那麼緊張~~~
昨天急不及待在街上就把整集先睹為快了.
也謝過珍兄既轉載~~~
|
|
16. 凝風 2017-05-17 17:27:59
|
謝謝亮劍分享~
03年SARS我有叫朋友一齊入市，佢地拒絕。 08-09年，金融海嘯，再叫朋友入市，佢地話等下先.... 14年,15年再同朋友飯聚，佢地又話等等.......
這兩年......都分道揚鑣了......沒再聯絡。 原本幾位好朋友都離開了，朋友都難做。 你想幫人，沒有接受你好意的，今日都不好意思在你面前出現了。 所以......不做好友，也不做淡友，活得快樂，對得良心就好。
到自己做緊收租佬，朋友聽到，別人還當你是氣焰~
中國人有一句話真好："道不同，不相為謀。"
|
|
17. 凝風 2017-05-17 17:38:27
|
亮劍兄~
有一事我想補充，你和法子兄都提到的"財富效應"。 裡面提到的六十幾巴仙已供斷的物業，所提及的"父幹"，應該要講一下"融資能力"。 而尼班人年齡層大多是50-60歲，這些"父幹"要提及的是"融資能力"。 到底60歲的"父幹"還有很強的"融資能力"嗎！？除非仍在職....人工很高...."融資能力"是跟"財富效應"有莫大關係。 注意一下沒提及的事，如果"父幹"成功"融資"，六十幾巴仙應該會有下跌趨勢，但是沒有。 可見"父幹"的大部是儲蓄而來，不妨再看看，這已供斷的物業變化~ 亮劍兄指教指教~
|
|
18. 亮劍 2017-05-17 18:44:55
|
凝風…… 在金融海嘯發生之前，香港大部分的物業按揭利率，大约係五點幾個%，而在美國開始QE之後， 香港的按揭利息，跌到真係無朋友嘅一個%，普普通通咁計每個物業恰埋眼就省下数千元。 經過呢七八年每月慳幾千，不少業主因此儲多左幾十萬。
因此六十後既業主，一來慳息，二來層樓升左好多可以加按變現，殘酷啲咁講… 現在買樓唔難，係儲首期難！
|
|
19. 和仔 2017-05-17 19:52:12
|
十分同意，唔好講遠，凈喺講近既話，如果上年跌市入左貨，基本上宜家最少升20%。。 如果一個儲緊首期既年輕人黎講，真係好難追
|
|
20. 屯門廠佬 2017-05-17 20:12:12
|
亮劍兄, 非常同意你說的有些(其實外表普通)人,每年收息/收租/收債息也過幾佰万,彼彼皆是,共勉之
|
|
21. 新丁 2017-05-17 20:37:58
|
希望新政府夠醒明白各路英雄意見，把住宅市和投資市分開，D招才可發挥効力
|
|
22. 向飯民說不 2017-05-17 22:20:38
|
楼上，政府其实一直做紧，比如公屋，居屋，而且是港人港地。现在的问题是随着私人楼价上升，没有资产的公屋户变穷。
|
|
23. 市場分割 2017-05-18 08:12:05
|
係好，但對後生仔來講，他們不滿足，他們不付出努力，但又想有層私家樓，就是今天年輕人心態
|
|
24. 亮劍 2017-05-18 11:03:01
|
https://www.am730.com.hk/news/%E6%96%B0%E8%81%9E/%e6%88%bf%e5%8d%94%e7%a0%94%e9%83%8a%e9%87%8e%e5%85%ac%e5%9c%92%e9%82%8a%e9%99%b2%e5%bb%ba%e5%b1%8b-%e5%a4%a7%e6%ac%96%e6%b0%b4%e6%b3%89%e6%be%b3%e4%bd%9c%e8%a9%a6%e9%bb%9e-78641
香港各個環節都缺乏土地，現在政府已經想盡辦法去開闢多啲可以用嘅生地，但係泛民及果班環保佬就喺度阻頭阻勢，啲樓價咁高，除了政府施政失誤之外，泛民及環保佬的責任好大，政府唔好再傻下傻下同佢哋孭黑鑊！上唔到車嘅草根階層，要搵人找數，應該搵泛民及環保佬！
|
|
25. 亮劍 2017-05-18 11:17:06
|
泛民反對喺冇乜生態保育價值嘅郊野公園地起公屋及政府資助安老院外，仲叫政府去收棕地起屋，擺明叫啲官員去送死！
咁什麼是棕地？
被人破壞咗嘅農地，現在大部分用來做貨櫃場、停車場、廢料回收場、放置重型機械、有蓋倉地……
我朋友之前就有棕地做倉項目成功獲用家全部承租，租金每月約12.5/呎。
就以我朋友呢個項目計，每月尺租12.50元，每年租金即係150大元。
如果你政府要收地，咁補償會係多少:
2厘回報……每尺7,500 3厘回報……每尺5,000 4厘回報……每尺3,750 5厘回報……每尺3,000
你收農地赔1千幾百蚊尺，但收棕地最少要给人幾千！
否則土地審裁處見，隨時每尺3000蚊找唔到數😓
而且收回棕地之後，要做七通一平及規劃，起碼用4成土地要用來起路及社區設施，就算用5至6倍地積比率嚟計，每呎成本都要二千蚊起碼，搞十年八年起倒楼算偷笑😓
|
|
26. 亮劍 2017-05-18 11:26:46
|
前嗰半年新界因傾倒泥頭烽煙四起，地政總署僅稱涉事地段屬舊批農地，無法根據地契採取行動。
其實過去新界土地可靠地契規管，但80年代初發生「生發案」，時任鄉議局主席劉皇發為主要股東的「生發地產投資有限公司」在掃管笏一塊農地擺放建築鋼條，被政府拒絕申請，公司不服告政府。
終院判政府敗訴，此後集體官契再沒土地用途限制，舊批農地用作露天貯存不違契。
政府雖在1991年將城市規劃條例的適用範圍延至鄉郊，限制新界土地用途，但地主往往「先破壞、後建設」，在破壞農地、魚塘或有生態價值地方後，再向城規會申改變用途。
香港係法治社會，根本地主已經有免死金牌，你政府只有眼白白睇住人哋倒泥，冇佢符！
環保人士叫政府發展棕地，一係佢就係傻佬， 再唔係佢就是鄉親嘅打手！
因為現在地主係食硬你政府！ 政府呢家只能揀
1 每尺棕地賠 3千 仲要跪地餵豬乸乞求鄉親父老俾下面。 2 讓棕地起楼，但因為發展商睇穿你政府的底牌，補地價金額唔會多。 3 要求人大釋法，一炮過沒收四大發展商的土地儲備……哈哈😂
|
|
27. 亮劍 2017-05-18 11:33:48
|
香港的地產行業，已經綁架咗成個社會的經濟，小弟勢孤力弱，只能自保，再唔係就提點下還未瞓醒嘅人，現在發生緊乜嘢事。
有如小弟知地震要來臨，我不能阻止慘劇發生，最多話畀大家知……各位執生😰
小弟雖然筆名叫「亮劍」，但我係一把「仁者之劍」，不過我人微言輕，又見到好淡雙方實力太過懸殊，官員們又十下十下，只好西瓜大邊站😓
|
|
28. 亮劍 2017-05-18 11:38:20
|
唔好以為推翻中國共產黨可改變你嘅命運，因為另一個利益集團上台，亦只會係死人尋舊路，最頂尖果1%既人可能會改變，但理論上唔會係你們😓
這就是小弟今天的結論！
|
|
29. 犯民 2017-05-18 13:06:17
|
推反了，未必得益，但成功分裂中國，就可令所有人變得窮
|
|
30. 歷史長河 2017-05-18 13:07:20
|
雞叫或不叫，白天都會來到，沒有其他結局。 雞鳴或不鳴，總有人被叫醒，也有人不愿醒而怪罪公雞。
亮劍是那隻會鳴的公雞，可以叫醒一些人，不可能叫醒所有人，絕無能力阻止地球的轉動、白天的到來。
|
|
31. 亮劍 2017-05-18 13:30:29
|
|
|
32. 亮劍 2017-05-18 13:34:49
|
推反了，未必得益，但成功分裂中國，就可令所有人變得窮……
身為中國人為虎作倀，必遭天譴！
|
|
33. 事實係 2017-05-18 14:03:07
|
|
|
34. 天下 2017-05-18 14:13:26
|
本人雖然不喜歡大6人啲行為或中國文化，甚至自己持有國外護照，但也不會否認自己是中國人
|
|
35. 亮劍 2017-05-21 08:13:03
|
嚴格嚟講人係分四種:
1 聰明但懶……通常係「腦细」，有野指人去做，代表人物係鬍鬚曾。 2 聰明而勤力…… 乜都落手落腳親自做，做到冇時停，代表人物係葉劉淑儀。 3 又蠢又懶……自己知自己事，做野求求其其，總之夠鐘收工、月底出糧話之你，代表人物係小弟😜 4 蠢但勤力……這些人如果上到高位，就會好大件事，因為佢會搞到小事變大事，大事變喪事，代表人物就是董伯伯！
有做過生意嘅人都知道乜嘢係 credit line，而在香港如果你做生意唔借銀行錢，咁一定係老鼠尾生瘡，大極有限果隻。
根據香港銀行的傳統， 客戶走嚟嘅借大錢做生意，一定要你攞屋契出來做抵押，才能享受比較「合理」的利息。
例如「有抵押貸款」係弍~四厘息，但係無抵押貸款係六七厘。 生意如果想發大來搞，咁老闆就要攞磚頭出來照保，例如佢有個西半山物業，無按揭值 3000 萬，咁 如果佢去銀行整條 1500 萬嘅 credit line 做生意， 應該冇乜問題。
如果我話如果咋，西半山哪一個物業，要是被政府人為地由 3000 萬整冧跌到落去1500 萬，咁那個老板間公司既 banker，一定走嚟探訪佢講数！要是老闆再拿不出其他抵押品，佢間公司嘅 credit line， 就會由 1500 萬減到變成 700 萬左右！香港商人做生意，如果做大少少，十之八九要問銀行借錢，而十之八九又要用磚頭做抵押，楼價狂跌代表冚世界 credit line 被收縮， 連鎖反應之下跟住經濟就會衰退、失業率上升，負資產等一連串問題便會出現。
董伯伯在踩冧樓市之前，究竟佢有冇想過，會出現呢種情況？
|
|
36. 亮劍 2017-05-21 08:50:18
|
97年樓災之後，不少貴重物業要放血價平沽，绝大部分係美資及歐資低位吸納，而香港及大陸資金在呢镬傷亡惨重😨 近百万小業主身家大缩水，十万個負資產，不少業主要BBQ陪葬！ 董伯伯為了整多十零万個家庭可以有自置居所，點知搞到一鑊泡，原本想幫人「上車」，但可惜呢架係「屍殺列車」😓😓😓
|
|
37. 井噴 2017-05-21 10:12:03
|
井噴多出現於非成熟市場。
越不成熟，噴得越勁。
所以，今次的井噴應不會像 97 嚇人，估計差不多夠鐘了。
|
|
38. 美國人 2017-05-21 17:46:05
|
十分欣賞亮劍的分析！但想請教劍兄一樣嘢，如果美國股票跌一二千一點，香港樓價一樣不跌？
|
|
39. 亮劍 2017-05-22 09:39:31
|
講句老實話，小弟在大約兩年前話那一刻買樓投資已經係水尾，而身邊亦已經有朋友陸續減持回報率較低；增長潛力差不多見頂的「實磚頭」，轉移資金去私人銀行買債券、房託及股票。 不過到目前為止，友人沽售的都是工商舖為主，私人楼仲好少。
|
|
40. 向饭民说不 2017-05-22 10:30:31
|
美國股票跌一二千一點，并不是股灾，对香港影星不是很大，目前最大的问题是美股已经泡沫，几时出现大幅下跌？几千点的下跌，这对房价才有影响。
|
|
41. 天下 2017-05-22 10:31:07
|
亮劍前輩
想請教一樣野，你之前話而家系救得一個得一個，嘅然系咁，點解吾系井噴後先救吾會比較好？謝謝！
|
|
42. 唉 2017-05-22 10:32:30
|
個人認為唔會變 1998 / 2003 咁。回少少 10－20％ 真係合理。不過今時唔同往日。
2013 你買個物葉，自住上車 500 萬你只係需 150 萬首期。
層樓而家 (2017)估價到咗 650 萬。跌返兩成，都係 520 萬。當你入市，首期要 208 萬...
|
|
43. Pc0701 2017-05-22 10:58:22
|
多謝亮劍兄們的分析分享，當年你哋三劍俠力排眾議，用數據分析，大膽指出樓價偏低的事實，一路睇好，至今年升幅3幾倍的物業比比皆是， 分析精準令人折服。 而家掉轉車頭開始睇淡，請問可否透露D數據分析，分享俾大家參考下？謝謝
|
|
44. 亮劍 2017-05-22 12:37:46
|
私人楼現在的衡平比仲係喺1左近，即仲係合理價，短期再升的機會會大過調整。 不過你投資者喺呢一刻呢個位入市，一來驚政府搞，二來就算有水位都係火中取栗果隻。
結論係自住的話勤力啲去睇下樓，有楼在手就升多浸先睇形勢，而投資者就不要專登同政府作對混濁呢一盆污水。
|
|
45. Pc0701 2017-05-22 13:18:32
|
|
|
46. Joyce 2017-05-22 15:33:38
|
亮劍兄您好，除了說不要買樓收租外，有沒有好的投資方向介紹.謝謝
|
|
47. 美國人z 2017-05-22 18:05:01
|
|
|
48. 亮劍 2017-05-22 23:30:27
|
|
|
49. 大喊十 2017-05-22 23:53:41
|
|
|
50. 亮劍 2017-05-23 13:37:39
|
小弟認為打後十年八年世界都會係低增長、低通脹及低利息的時代，因為……
1 大部分發達國家進入人口老化的時期。 2 自從大陸開放改革、華沙集團解體及東南亞不少國家搏命開工廠，大量廉價勞動力得以釋放進入市場，工資好難大幅上升，而因為多隻香爐多隻鬼，消費品及耐用品的出廠價亦好難大升。 3 世界將會有不少工序會由機械人取代，大部分勞動階層的人工點樣會升？ 而且隨著不少工序用自動化大量生產，不少消費品及耐用品的平均出廠價將會處於低位徘徊的階段。 4 可替代能源例如石岩氣、可燃冰已經投入或就來供應市場，燃氣價格要上升從何說起？
通脹難升、工資升幅有限，利率怎會獨自大幅上升？
可能有人會話:「咁即係在低息環境，資產價格長遠都係會上升，樓價及債券價格都唔會有得跌對嗎？」
升得太急當然會有調整，但在中長線來說，各國政府會繼續以印銀紙的方法，去解決經濟問題，不過我呢度又要戴定頭盔，因為過多幾年，有好多投資者就會發覺他們正在畀人搵緊笨，到時就算啲政府再印銀纸，都不能阻止經濟螺旋式下跌，到時就會產生「流動性陷阱」，因此我們現在居安思危亦無不可。
呢七八年不少磚家，包括政府中人對環球利息有錯誤的睇法， 最弊傢伙的事他們誤導咗不少人，搞到好多人落錯車或趕唔倒尾班車，呢次集體睇錯市，可能令不少人永不翻身！
|
|
51. 小生 2017-05-23 16:17:14
|
升得太急當然會有調整，但在中長線來說，各國政府會繼續以印銀紙的方法，去解決經濟問題，不過我呢度又要戴定頭盔，因為過多幾年，有好多投資者就會發覺他們正在畀人搵緊笨，到時就算啲政府再印銀纸，都不能阻止經濟螺旋式下跌，到時就會產生「流動性陷阱」，因此我們現在居安思危亦無不可。
所以我地要睇井噴是否出現，意思是成交量和呎價有否急升， 同時，政府減少印銀紙或m2 和m 3 開始收縮，亦是一個警號， 我講得合理嗎?
|
|
52. 亮劍 2017-05-23 16:45:08
|
最近我有D朋友因為資產配置而賣磚頭，因為基於政府辣椒收效，二手市場盤源乾到裂加上佢哋唔等錢洗，所以企到個價好硬，即比創新高價仲要加幾%，咁準買家除非買唔買都得，否則必定任由業主魚肉，這亦是而家市場的寫照及縮影，現在準置業者/首置買家面對業主的淫威之下，只能選擇被撳住搶或唔Q買繼續租，說句公道話，他們真係好可憐呀！😭😭😭😭
|
|
53. 美國人Z 2017-05-23 17:57:49
|
每位資深會員都分析得很好，有數據支持！不過，香港是外向形經濟城市，美國股市現正隨時出問題，香港樓巿必受影響，不要忽略這點，索羅斯等大鰸好像開始做野，祝各位好運
|
|
54. 旺國人8 2017-05-23 18:33:54
|
請問你的樓據又如何？美股同港樓co-relation是多小？ 0.7? 0.8? 君認為索羅斯等對沖基金比十年前大，還是少？ 對沖基金的AUM是增加還是減小？ 閣下和大鰸常常聚會嗎？還是只是你認為美國股市現正隨時出問題？
|
|
55. Tyler Cowen 2017-05-23 19:29:48
|
|
|
56. 美國人 2017-05-23 19:57:52
|
忠言逆耳？or 危言聳聽？ Anyway, fasten your seat belt！
|
|
57. 天下 2017-05-24 13:21:30
|
亮劍前輩
有d問題想私下請教，吾知可吾可以聯絡你？謝謝
|
|
58. 占士 2017-05-24 14:23:43
|
|
|
59. 亮劍 2017-05-24 15:21:32
|
有d問題想私下請教，吾知可吾可以聯絡你？謝謝……
不要講請教，大家喺呢度交流下啦。
|
|
60. 天下 2017-05-24 15:43:18
|
想問下呢度可吾可以留email or 聯絡方法架？謝謝
|
|
61. 亮劍 2017-05-24 15:56:18
|
唔好意思，如果你方便直接喺呢度問，能力許可我就答你啦。
|
|
62. 天下 2017-05-24 17:07:17
|
其實想details 講，但系度又好似吾太方便講，其實想問如果而家呢個時候先將層樓加按買多層，定係應該等埋井噴后？因為吾知井噴幾時先完，謝
|
|
63. 亮劍 2017-05-24 17:25:25
|
銀行有錢借幾大都要去借，但如果筆錢係拿去買多間的話，咁我就可以話畀你知……「我有啲老友已經密切睇位出貨！」
|
|
64. 路人丁 2017-05-24 17:40:41
|
井噴后, 樓價跌, 銀行估價會跌得仲快, 到時銀行借唔足錢一樣煩。 仲有, 到時你原本層樓樓價又跌, 加按的錢又少左, 又或加唔加按到都成問題。 唔好諗得咁簡單, 個個人都係諗住低買高賣。結果呢? 過去幾年咁多人賣走自住樓然後後悔到依家。
|
|
65. 亮劍 2017-05-24 17:41:34
|
http://starnman84.blogspot.hk/2017/05/blog-post_22.html?m=1
至於套左現之後做啲乜，整體上睇睇上述文章。
|
|
66. 天下 2017-05-24 17:53:52
|
就係而家高位所以䂊疑，尋求下意見，照咁講井噴系咪將會今年發生，應該觀察埋下半年？謝謝
|
|
67. bos 2017-05-25 17:05:01
|
其實現在細價樓看似有噴井出現，河畔都１８０００／尺，但又並不是全個樓市，唔知點解讀呢。
|
|
68. 全民睇好 2017-06-10 11:39:05
|
0%網民睇淡樓價 歷來首見 (東方) 2017年6月10日 
儘管樓市已累積可觀升幅，但不少市民仍睇好樓價可繼續上升。「on.cc東網」民調顯示，對上一周沒有任何受訪者認為短期樓價下跌，為有紀錄以來首見，按周大跌26.6個百分點。而認為短期樓價上升的比例，按周再升28.6個百分點至83.3%，追平歷來最高紀錄。至於認為樓價橫行比例，按周回落2個百分點至16.7%。
|
|
69. 無奈 2017-06-10 18:04:04
|
|
|
70. 引刀一快 2017-06-10 18:49:45
|
|
|
71. ko chun 2017-12-25 00:46:24
|
亮劍兄,
您的意思是如有閒錢, 去PB做R & B, 也不要買多間收租,
因水位有限及要鎛３年?
謝謝
|
|
App下載
