主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 17963    回應 : 57
資深會員專欄
港燦式茶餐廳(五) 999,電話係凶手
 
引刀一快
2016年11月25日
   電影裏面經常睇到嘅綁架情節,綁匪一般會幾個人分工:內鬼、偵查、司機、落手、看守、談判、收贖金、撕票,善後等等。

而現實世界裏面,原來可以單拖做綁匪,半身不遂都得,仲可以一日做幾單?!


2014年某月某日.廣州

鈴鈴、鈴鈴(電話響)

楊玉環小姐:“喂,你好。”

B先生:“你好,請問你係咪楊玉環小姐?”

楊玉環小姐:“係呀,你邊位呀?”

B先生:“我係廣州市禁毒支隊嘅特警,今朝快遞公司上報一件大型可疑郵件,收件人名稱、所留電話、地址,都係妳嘅,裏面有三公斤4號海洛英,我地懷疑有人利用妳嘅身份運毒。”


楊玉環小姐:“下??唔係呀,我冇呀,唔係呀,我冇呀,我唔係呀,冇呀....”

B先生:“楊小姐,唔駛咁驚住,呢個情况最近發生過幾次,我地已經掌握咗毒販嘅犯罪模式,我知道妳清白。毒販對妳背景非常清楚,可能已經監聽緊妳甚至妳家人嘅電話。”

楊玉環小姐:(更加驚)“啞....啞....啞.....哦......哦.......哦.....”


B先生:“佢地未知件嘢俾我地截咗,會搵機會從妳手上攞返件嘢,爲咗保障妳嘅安全,妳依傢要完全配合我嘅指示,否則俾毒販快一步就好危險,我依傢用政府隱蔽頻道打電話俾妳,毒販係好難監聽嘅,妳必須儘快離開屋企,坐的士搵一間遠D嘅酒店,開間房匿喺裏面,我地捉到毒販之後會通知妳。”


楊玉環小姐:“哦~~~~”


B先生:“妳去之前,先錄一段口訊同家人報平安喇,唔係佢地會擔心㗎,我用隱蔽頻道打俾佢,佢都會冇事嘅,妳自己唔好隨便打,妳想我打俾邊個?”

楊玉環小姐:“哦~~~阿媽喇。”


B先生:“我講,妳就跟住講啦,阿媽,我冇事,我好好,我地照住指示做就唔會有事㗎喇,妳講啦”

楊玉環小姐:“阿媽,我冇事,我好好,我地照住指示做就唔會有事㗎喇。係咪咁呀?”

B先生:“係,冇錯,妳阿媽幾號電話?妳俾多幾個親人電話我,我怕有時打唔通。”

楊玉環小姐:“哦,阿媽係XXXXXX...,阿爸係XXXX.....阿.......,”

B先生:“依傢係最後嘅指示,聽完就照住做,關手機,因爲手機關閉情况下依然可以追踪嘅,身上唔好帶任何手機,帶身份證同現金,馬上打的去從化開間房,入房馬上反鎖大門,為保證安全唔好開門俾任何人,亦唔好接酒店電話,好嘞,唔好嘥時間,快去!”


楊玉環小姐:“哦!”(掛電話兼關機)


八個鐘頭後...........

因爲楊小姐冇手機玩,好悶,冇零食食,嘴裏淡出鳥來.......

故事講到呢度,唔駛畵出腸,大家已經估到發生咗咩事!當楊小姐玩手機欲望戰勝生命安全之際,“綁匪”早已袋袋平安,飽食遠揚。真人真事廣州發生,為避免模仿,此版本与原案稍有出入。

騙徒使用僞基站,假冒公安局來電打第一個電話,然後假冒楊玉環小姐電話號碼來電打出第二個電話,難爲“阿媽”睇到阿女來電,再聽到清晰真實嘅愛女“報平安”,仲唔發晒矛?就算阿媽幾醒目,幾個鐘頭搵唔到個女,一樣要服軟,“贖金”乖乖奉上。


對比於電影中一群亡命之徒,傷天害理、勞師動衆、以身犯險、工作量大、成本高昂、甚至各懷鬼胎、後患深遠,電騙只需一份個人資料,打兩趟電話,等你自己綁架自己,贖金就佢收,真係乾手淨腳、慳水慳力。

近年大量電騙跨境襲來,原因除咗中港往來日益頻繁之外,香港人文風氣相對單純、法制意識濃厚被視爲弱點而成上佳攻擊對象。電騙喺大陸,可謂無日無之,哪怕一個集團已經將閣下號碼篩走,另一集團又會撿拾用之,早已經係生活一部份,下篇,將會講講如何与電騙和諧共處。




 
我要回應
我的稱呼
回應 / 意見
驗証文字
 
1. 自我陶醉 2016-11-25 10:44:44
謝謝引刀兄提醒! 我安裝了三個電話過濾軟件,而且設定不接沒來電顯示的電話,暫時還未接過這些電話,有機會也想試試陪他們玩玩。哈哈!
2. 孟波 2016-11-25 10:45:47
次次打來用廣東話回應佢就死死地氣收線
5. 引刀一快 2016-11-25 11:02:08
自我陶醉兄

下篇將會講人工過濾小技巧。
6. 引刀一快 2016-11-25 11:03:29
孟波兄

廣東話騙徒都唔少㗎。
7. Mirror 2016-11-25 11:04:26

引刀兄可否分享一下在廣州買樓賣樓如何避免受騙, 或有什麼古惑招數要提防? 我朋友(也是港人)在深圳試過物業買賣, 他說一買一賣一驚心, 幸好最後順利完成交易。


8. 引刀一快 2016-11-25 11:17:07
Mirror兄

你呢個問題,不可能三言兩語講得清,就算我喺果邊咁多年,又成日群埋唔同公司嘅地代玩,好多時交易之后,先發現地代冇俾我盡知其所知,搵食就係咁,尤其係呢行,競爭激烈,求生意欲支配一切。

要避免受騙,我個人嘅第一條戒律,就係必須相信自己會受騙,可以被騙,100%摒棄“小心D就冇人呃到我”呢種觀念。

如果要講第二條的話,就係唔好飛中介。

其他就要按具體情况討論。
9. 打工仔 Andy 2016-11-25 11:19:44
我都收過一次類似騙案錄音電話, 我就立即 cut 線费事聽! 
10. 向飯民說不 2016-11-25 11:22:47
台湾人才是电骗高手。其实查出来的幕后黑手大部分是台湾人。
11. 引刀一快 2016-11-25 11:24:34
Andy兄

電腦聲果隻,係用嚟做大規模篩選嘅,我得閑寫下一篇嘅時候,會提到。
12. 打工仔 Andy 2016-11-25 11:30:03
啊 原來如此! 
所以现在好少接聽唔認識嘅來電! 
13. Desmond 2016-11-25 11:35:00
文中細節非常詳細,難道引刀兄就是B先生?
14. 占士 2016-11-25 11:37:22

除了有登錄在我手機的電話號碼,陌生電話一般我不聽。就算接聽了,發現電話內容有問題,有懷疑的,我會把它列入黑名單。我的家人,朋友,同事都可以用有效的方法聯繫我。

15. 向飯民說不 2016-11-25 11:44:35
基本上陌生电话,陌生email都不要接啦。

香港有D更加吸血,有几多吸血中介,骗了钱,人也在那里,但是你却不能告他。
16. 引刀一快 2016-11-25 11:49:33
向飯

如果陌生電話全部唔接,亦有唔方便嘅情况。
17. 引刀一快 2016-11-25 11:53:12
Desmond兄

原事件比我寫嘅還要精妙,我就無謂寫咁足,怕害到人。

B先生係一個冇人會話我影射嘅化名,點知反而俾你話係我。
18. 引刀一快 2016-11-25 11:55:51
占士兄

你嘅防禦方式,大陸早就有人被破解喇。
19. 孟波 2016-11-25 13:04:25
引刀兄:
騙徒係有講廣東話之輩,但只要講多兩句就露饀。

只要記住大陸機構唔會咁好死為你做任何方便,或保障行為就唔會上當。
20. Sugar 2016-11-25 13:38:16

引刀兄十年磨一劍.....大哥大您終於再出文 ! 叫 sugar 望眼欲穿啊 @@ 可喜可賀 ^^

好文 , 到位 !!!


21. Desmond 2016-11-25 13:54:49
引刀兄,說笑而已,不用太認真。
22. Sugar 2016-11-25 14:03:11

Tony 兄會唔會嚟 " 踩場 " ??? 呵呵 ^^ ^^ ^^


23. 向飯民說不 2016-11-25 14:37:16
呢D先无阴功,

單親媽媽為一張信用卡 失700萬私樓

24. 2011年開始 2016-11-25 14:53:11
謝謝引刀兄分享,電騙電話真係好煩,通常收到就會收線吾同他浪費時間
25. 無奈 2016-11-25 15:39:00
Suger 姐要發功才可令東尼哥過場的。
26. 二少 2016-11-25 16:28:46
金竟問道于盲?
27. CD ROM 2016-11-25 17:23:59
最惨宜家係大陸打返香港,d人一係唔接一係殺佢全家咁既聲氣喂我。。。

大部分人只有我HK號碼無我大陸號碼。。。
28. 引刀一快 2016-11-25 18:58:45
19樓 孟波兄

我有多少異議,大陸機構未必冇咁好死,舉例,格力同海爾,售後會電話回訪,問你是否滿意,安裝師傅有冇盡責之類,競爭大,好多大陸機構都有努力嘅。

但係,警察話你犯事,就真係唔會用電話捉你囉。
29. 引刀一快 2016-11-25 19:00:36
20、22樓 Sugar姐

多謝讚賞,至于你講果位“貴客”,歡迎呀! 
30. 引刀一快 2016-11-25 19:01:49
21樓 Desmond兄

我梗係知道你講笑喇,引刀幾時唔講得笑?
31. 引刀一快 2016-11-25 19:03:27
向飯

詐騙同搶掠,祇係一綫之隔。
32. 引刀一快 2016-11-25 19:07:54
To 24樓 2011年開始女士

電騙當然煩,我諗,平時做開cold call 嘅人,俾電騙累到冇啗好食。
33. 引刀一快 2016-11-25 19:10:33
To  25樓 無奈兄

依傢一直係你發緊功喎,呵呵
34. 引刀一快 2016-11-25 19:12:06
26樓 二少

不如問道於你吖,我又想睇下你點答。
35. 引刀一快 2016-11-25 19:17:50
27樓 CD ROM兄

你朋友冇你大陸電話已經唔係最大問題,有D大陸電話打過香港完全冇來電顯示,比如聯通部份手機號,有緊要事借人電話打番香港,就會直情被攔截。


36. 向饭民说不 2016-11-25 21:35:44
引刀,好多騙徒手法都是來自老美。
37. 元朗人 2016-11-26 05:12:36
引刀兄,

多謝文章令大家注意有關危險。

有人說: 所有嘢都可以假,衹有一樣嘢一定真....。
38. 引刀一快 2016-11-26 05:48:15
元朗人兄

買假嘢嘅錢,都可以係假架,呵呵

近日湯先生每日茶餐廳亂話,亂話既出,我亦茶餐廳一下,湊湊熱鬧吧。
39. 無奈 2016-11-26 06:47:01
刀兄,我功力不夠啊。
40. 無奈 2016-11-26 06:56:12
大陸騙案花款多,有許多都是來自歐洲。

近年電騙頻頻,皆因有市場。

奇怪今次向飯兄不說你抹黑了,可能也中過招。
41. 引刀一快 2016-11-26 10:26:35
To 39、40樓 無奈兄

風,火,除,謠,正,提,反,脫

撞,流,天,奉,種,馬,掩,昆

千門都上下八將喇,中國社會文化裡面唔缺呢樣嘢,無論美國傳入又好,歐洲傳入又好,都係技術交流而已。
42. 香港文化 2016-11-26 12:05:22


港網絡食家訪日居酒屋只拍照 被斥香港之恥

【on.cc東網專訊】日本東京一間居酒屋周五於facebook,點名批評一名來自香港的客人,指他與友人於周三光顧了店舖,但只叫了一杯酒,就在店內展開漫談,「賴死唔走」之餘更留低垃圾。居酒屋炮轟他是「香港人之恥」,事件引來網民熱烈討論。 

該居酒屋位於新宿區,貼文中指一名香港熟客的朋友早前以「Kenshin Himura Cheung」名義預約座位,並於前天帶另一位朋友光顧。有指該名香港客於落單前不停拍照,逗留了近兩個小時,卻只是叫了一杯酒,期間亦不停拍攝店內的情況。居酒屋方面認為2人並非享受飲酒,只是想拍照留下曾經光顧的證據。 

居酒屋其後又狠批對方遺下垃圾,並謂「這是禮物嗎?這是香港人的恥辱」。斥責該香港客是「冒牌美食家」及蠢材。有指該名香港客常到日本旅遊,於網絡界薄有名氣,而他於自己的facebook帳戶上亦自稱是「SSI國際唎酒師」,並擁有和食檢定資格。 

http://hk.on.cc/int/bkn/cnt/news/20161125/mobile/bknint-20161125182209066-1125_17011_001.html
43. 向飯民說不 2016-11-26 12:12:39
40樓,大陸的確是有很多骗徒,不過其實其實都系一樣,如果像蘋果那樣將這些新聞放在a1頭條,那就是抹黑。
44. 向飯民說不 2016-11-26 12:22:18
講起抹黑,911事件時候,CNN的毒媒也很快的對中國抹黑。他們不是去幫助那些受害者,而是抹黑中國。西方人幾無恥。
45. 向飯民說不 2016-11-26 13:36:09
經濟上,外蒙古應該是和中國交好。因為外蒙古和俄羅斯是競爭關係,和中國是合作關係。蒙古的raw 資源要出口其他國家,邏輯上經過中國最有效。
但是蒙古人被西霉的洗腦下,也是很反中國。
46. 引刀一快 2016-11-26 13:45:36
其實,大陸好多騙術,都係香港傳入嘅。

中國人嘅招數,對應中國人最應棍。
47. 引刀一快 2016-11-26 19:10:25
洗蒙古人腦嘅,係蘇聯
48. 向飯民說不 2016-11-26 21:24:27
問題是那些反中國的蒙古人更像黃屍
49. 引刀一快 2016-11-27 02:01:40
像乜都好喇,蒙古就係親蘇聯。
51. Mirror 2016-11-28 11:22:34

引刀兄,

找仲介應找廣州本地的, 還是香港代理的廣州分行 (例如, 中原廣州) 比較有信譽保證? 

但最近也有報導有港人經中原深圳買了深圳凶宅而事前代理沒有通知

是否內地對地代沒有監管?

交易過程, 是否應請代理保管訂金? 還是律師?

如果是現有租客有意向買, 業主是否仍然需要仲介而不好直接交易?

請刀兄指教, 謝謝~

52. 引刀一快 2016-11-28 18:03:26
mirror兄

大陸中介行,早期大部分都係香港上去嘅,中原、美聯、滿堂紅,要麼就係喺香港上市,比如合富,今時今日,大家都係一樣,睇中介個人操守啫,鏈家都出過事喇。基本上,如果唔熟架步,揾大集團可能安心D。

至於凶宅,大陸無論資料完整性,還是查詢渠道,都遠遠冇香港咁重視同完整,銀行亦冇相關記錄,據稱某都市有網站搞呢樣嘢,得淡笑。想查最好私底下從物管入手,再試下同左鄰右里交流,如果有租客的話,可能會知一二。

做交易好簡單,基本上就係遞件,交首期,出證,交尾數,廣州呢邊出問題甚少,你可以揾銀行做第三方託管,理論上重免費添,不過一般會俾兩三千銀行。

賣俾租客同其他人一樣,要唔要中介都得,有個第三方公證人,每事效率都高D,我就一定俾中介賺,唔涉及介紹係免佣,純俾中介服務費,跑房管所係好辛苦嘅事,廣州一般開價五千,具體各個行唔同,個別自持大行要計佣,最好揾相熟嘅,否則有操守差嘅,見盤筍會撩盤。
53. 向引刀‧土著說不 2016-11-28 18:29:15
平時見條廣燦屌絲鬼日日出嚟乜乜實實都力排眾議搶先發表意見咖,點解今日唔夠心血去估計美國12月份係加息還是不加息嘅?!

俾我「將軍抽車」的經歷太多呀!今天閉門 Collect Skin 一天呀?
54. 引刀一快 2016-11-29 13:38:40
說不仔,你日日貼嘢叫做將軍?我以為你係特約演員咋,都冇理過你添,吾好意思失覺曬。
55. Mirror 2016-11-29 17:00:42
[ 此內容只供會員閱讀 ]
56. 引刀一快 2016-11-29 17:43:31
Mirror兄

不用客氣,大家交流交流。

大陸中介費,因公司而異,以廣州為例,低於一個點到三個點都有,有時係要傾嘅,睇完覺得啱心水再傾都唔遲,總之唔好飛中介就OK。

一係商用,一係住宅,商住用途我未接觸過,晏D問下人再答復你,大陸買賣物業,本來稅項係有所屬繳納方,以廣州交易習慣為例,繳稅方係交易前商議,一般都係買方全繳,交易前由中介計算清楚,買方自行決定。至於成交價扣減稅費,你係咪想降價逃稅?房管所對成交價有估算,會參考同區成交記錄,大減係比較難。

所有稅項都係有正式發票嘅,理論上有發票嘅項目都係收咗,再裡面有冇貓膩我就唔猜測嘞。做交易要簽好多次名,感覺上閣下好似冇全程冇乜跟進。

至於查詢,當然係親身去房管局,好多嘢要身份證先可以查。有相熟中介陪同就知頭知路囉。

至於地價……呵呵呵,大家知道點解我話2047年大家都要儲定錢補地價喇,當時仲俾人話危言聳聽。
57. Mirror 2016-12-02 11:54:25
[ 此內容只供會員閱讀 ]
58. 引刀一快 2016-12-02 18:13:40
Mirror兄

補地價與否,在於你件物業嘅房產證係何時辦理,如果你果件係商用物業,最好集思廣益,多揾幾個中介格價,因為做鋪嘅地代係人精,相熟都會食你,何況唔熟?房管局嘅估值係唔貼市嘅,唯一價值就係睇下有冇位走,想知道鋪值有好多路徑,基本上係多行多睇多溝通,同多D地代傾偈,總有D人比較實際。

我已經講過,廣州地區慣用“實收價”,亦即全部稅費買家自理,其實稅項稅費基本上有得計,買家計入買賣成本咁解啫,當然,亦可以各付各稅,相關規定地代好清楚,會同你計。
59. Mirror 2016-12-05 10:13:29
[ 此內容只供會員閱讀 ]
60. 引刀一快 2016-12-05 10:42:09
Mirror兄

大陸一手買賣會經律師行,二手不經律師,甚至可以不經過中介,自行往房管局辦理亦可,不過我個人建議,中介處理比較好,中間環節出問題幾率大大降低。

個人小小心得,揾中介傾偈,除咗目標物業區域中介外,有時間揾D跨區中介傾下,講唔定有意外驚喜。