地產博客 > 資深會員專欄 返回
</
瀏覽人次:16144    回應:11
資深會員專欄
人在旅途置業時-恭賀新禧
 
望東樓
2016年2月8日
祝大家新年進步,身體健康,龍馬精神。

呢度係細佬對以下幾個範疇喺未來半年嘅少少睇法(功力所限,遠啲都推唔到)係度拋磚引玉。
  1. 港元利息冇得升:由於過去幾年外資(主要係內地資金)不斷流入香港,MA基本上係接美金接到手軟,坊間以銀行體系結餘計算其實係錯嘅,因為有更大筆港紙比佢哋發債短暫回收返。而家銀行無乜line比hedge funds,所以佢哋只有買deep out of money call或者put。家陣最望大鱷重臨嘅應該係MA。
  2. 股市down side risk有限:以現今恆指P/E 同dividends yield起錶,假設盈利下跌三、四成計,咁P/E都只係11-13倍。有得守。
  3. CCL六月見118:呢個應該係各立志坐擁廿套房收租達致財務自由嘅同志嘅難得好消息。因為應該有平貨買,咁至於會唔會以後更平就恕細佬功力未夠,起碼要三、四個月後至有更加明確嘅觀點。不過我就暫時無法睇好。咁點解係118?因為CCL係呢啲位停咗好耐,有大量成交,基於收水容易止蝕難嘅人類天性,冇乜依郁起碼短期守到。
  4. 人民幣滙率:比較難估,因為係盲拳遇著老師傅。共產黨係金融市場操作恕我只可以用盲拳嚟形容,已經好畀面。不過好彩有主場之利,仲身為旁證,否則勝算係零。
  5. 猴年我最驚會發生嘅係通縮,不過而家越睇越大機會,皆因祖國好大機會硬著陸。
  6. 另一個令人擔憂嘅係租務巿場,係整個樓市大升浪入面,租似乎冇乜點升。RV嘅D+E類租務指數喺1997十月係144.6,到2015年十二月係148.3,即係用十八年時間升咗2.6%,A+B+C類就好啲,不過都只係得26%。而呢個應該係比較滯後嘅(correct me if I am wrong)市場係過去幾個月同樓價差唔多同步回落,呢個先至係最大隱憂。

唔知大家點睇?