主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 16292    回應 : 21
資深會員專欄
收租佬記趣 (十三) 上車好時機 ?
 
打工仔
2016年1月26日

唔知幾時開始, 上車變成首次置業之代名詞?
買樓要在好時機外, 仲要"量力而為"就幾時都無錯!

講到上車, 買車或換車都係上車喎!  大家有無留意每逢年尾到下年年頭嘅兩三個月, 本地各大車行及代理都會舉辨車展, 其實即係促銷存貨, 盡量將本年度嘅存貨賣走。

車又唔同樓, 車輛製造年份好重要, 出廠後就係車輛生命嘅開始, 到年尾都賣唔出,就會變成一年車, 要打折扣才有吸引力, 一般都要減價10~20%,
今年適逢經濟開始變差, 高價消費品自然首當其衝!

年尾及年頭, 真係買車换車良機, 按我觀察所知, 有歐日汽車代理的折扣更較原價多於30%! 如果,適逢自已有需要, 就真係幾筍呀!

汽車就話怕折舊, 甚至有一日會變零! 所以代理要搞促銷, 但物業單位又怕嗎?
歷史及傳統智慧已告訴大家, 物業長遠必升!

汽車反而只是消費品一件, 幾十萬買一部全新歐洲名車, 不如用來買樓上車, 不是更實察嗎?

樓價幾時都有人話貴, 平嘅時候又唔敢買, 想佢再平多一些, 當然都係正常的!
現在樓價已回調了, 有實力又有需要的, 真係要做定功課, 好好把握上車好時機呀!

 
我要回應
我的稱呼
回應 / 意見
驗証文字
 
1. 占士 2016-01-26 09:23:46
Sofa ! ^^
2. 占士 2016-01-26 09:27:54

打工仔兄說得對!有實力又有需要的, 真係要做定功課, 好好把握上車好時機!

3. 引刀一快 2016-01-26 09:32:30
住,係剛需

賺錢,係剛需中嘅剛需

唔想蝕錢,係剛需剛需剛剛需

切合呢三個剛需,先至係投資。
4. 磚家 2016-01-26 10:06:42
應同,係需要自用,既能力內可購,真的要把握.但往往個個都想撈底,錯過了也不知等幾時。
5. LS 2016-01-26 10:22:13

打工兄, 的確, 若不養車, 應該可買多層細價樓收租.

但架車又滿載同家人既快樂片段, 正是魚與熊掌不可兼得.

6. 凝風 2016-01-26 15:28:03
打工兄正能量爆燈....讚!

買第1間都算OK~
第2間計壓測,真係唔多人借到咁多,加上DSD。
唔買車幾十萬,都做唔到D乜了~

買第2間既難度比買第一間高太多了。
7. 打工仔 Andy 2016-01-26 18:53:11
引刀兄

自用:唔買都要租 !
投資:個個月有租收!
買股滙:輸到眼凸!

哈哈哈!
8. 打工仔 Andy 2016-01-26 18:55:08
LS 兄

有d 後生仔興趣多多, 好難储到錢!
9. 打工仔 Andy 2016-01-26 18:56:27
凝風兄

依家真係神仙難變!
10. 好 2016-01-26 19:33:22
欣賞打工仔兄的正能量。
11. LYC 2016-01-26 19:56:17
講得好,個個月有人幫手供樓,還有錢袋,印印腳!
12. 打工仔 Andy 2016-01-26 20:10:56
LYC 兄

你真醒!
13. 蓄芳待來年 2016-01-26 21:29:38
現在是否上車/首置好時機?小弟認為最起碼應該考慮以下幾點:
1) 個人能力:確定自己最少有3年之供款能力。相信首置者多數要做按揭,3年之內賣,銀行有罰息,政府有罰稅,都係成本。如果份工吾穩陣,冇應急積蓄,冇家人/朋友支持(邦民吾係你朋友),諗清楚風險。

2) 個人意志:如果3年後層跌40%,你個心受吾受得住?可否依舊愉快生活?今日4百萬買450呎,到時見到其他人用4百萬買800呎,仲要係新樓,可否原諒自己?
首置可能係決定能否邁向財務自由嘅最重要一步,啱咗,以後條路會好好行,但衰咗就......

3) 買樓動機:為乜要買?急需?自住?投資?租吾得?住酒店吾得?d錢冇其他出路?

4) 預期:點解要依家買?依家平?係,依家比2015年6月平,但比2005年6月貴。
驚以後買吾到?傻仔,經濟有cycle,最驚你冇錢。如果你做按揭,記住,層樓係銀行嘅,閣下只係名義上擁有,直至你供完。

另外,誠如博士所言:「除啱價外,最緊要啱用。」
雖然自己剛入咗個大單位,但你吾係我,首置前想清楚!
(首置失敗者之少少愚見)
14. 打工仔 Andy 2016-01-26 22:10:19
待年來兄

非常同意你的講法, 無論自住或投资, 都要知道自己嘅能力, 能承受多少風險! 包括金錢及心理上的, 什麼是自已的能力範圍, 
世上無必勝的投資! 絶對要量力而為!
15. LYC 2016-01-26 22:42:28
16. 向飯民說不 2016-01-27 12:18:25
今日仲講樓價已經不實際,soros已經兵臨城下,以飯民,毒媒為內應,隨時發起總攻,重演木馬屠城的故事。
香港人在聯匯的高牆下,以為好安全,將soros 等flood來的熱錢,當作自己的,其實香港人還緊min pay,隨時被逼倉還不自知,還在玩點人數,大佬,城外已經布滿了soros的兵。
17. CD ROM 2016-01-27 23:03:34
眼見好多有住屋需求既,仲係唔嗲唔吊,反而投資者都虎視眈眈了~
18. 打工仔 Andy 2016-01-27 23:22:29
CD兄

其實都係租樓好d, 買樓有風險呀! 
19. CD ROM 2016-01-28 15:14:29
打工仔兄,

再咁落去個個打工仔都打你工啦!!! 
20. 無奈 2016-01-28 20:11:14
工仔兄好嘢!👏

任憑風吹浪打,我自巋然不動!
21. 打工仔 Andy 2016-01-29 09:53:35
無奈兄

小弟都係苦中作樂! 哈哈哈!