地產博客 > 資深會員專欄 返回
瀏覽人次:20635    回應:52
資深會員專欄
收租佬記趣 (十二) 可愛的小豬
 
打工仔
2016年1月18日

以前有個網友, 叫收租物做小豬, 意思係指收租樓供供下會變大肥豬!

但原來小豬係好有智慧的, 記得湯博士在明報會客室, 曾經訪問一位商舖大師李根興博士, 在訪間中, 李博士舉了一個非常好的例子, 來形容一般創業者的心態。

有好多人在創業初期, 只是心存試一試, 不成功便回頭打工!
大家可已想到, 為何創業者的成功機會那麽低了! 要成功就要有破斧沉舟的決心, 成功機會自然比人高。

故事:
農場裡面有三隻動物, 小豬, 小牛及小羊, 有日, 農場主人來到農場, 小豬一見到佢來, 就大叫又逃跑
小羊,小牛就同小豬講, 小豬呀小豬, 使乜禁驚呀?
小豬就回答話, 你地緊係唔驚啦, 你又唔係我!
主人捉小牛係要你嘅牛奶, 捉小羊你係要羊毛, 捉我! 係要我嘅豬腩肉呀! 唔走? 死梗!

所以小豬為咗求生, 會用豬力,奮勇向前, 直至成功!
這是一個非常好的例子, 做人做事, 態度十分重要! 只要有正確嘅態度, 已是成功了一半!

果代入樓市, 無論高位入市或低位入市, 做收租佬嘅, 當係生意難做少少, 咪租繼續收租囉! 自住嘅, 咪開開心心自用囉 ! 市場上上落落都好正常, 買樓上車從來都不易, 平與貴都要睇個人能力及實際需要, 買樓始終有投資成份, 但係又唔買都要租

同一個買樓問題, 在不同年代其答案都好相近!

30年前買樓貴唔貴? !
20年前買樓貴唔貴? !
10年前買樓貴唔貴? !
5 年前買樓貴唔貴? !
現在買樓貴唔貴? !

買咗就要好好守住, 十年八年後回望, 好可能都只是茶杯裡的風波而已。


 
我要回應
我的稱呼
回應 / 意見