歌神張學友這樣唱:
{從來的冷冬, 迷濛也是凍, 素素世界太灰太沉
令我夜裡沒有一個夢
碰上你(樓)我竟不經意不受控
愛上你氣溫也突然為我驟暖, 風也未流動}
零售業進入寒冬是不爭的事實, 樓市又是否進入寒冬?
成交量持續低企, 成交價也回調是事實, 二手樓又是寒冬!
不過,今年日本都無雪落而香港冬天大部份時間氣温我在20度以上, 真係何來有寒冬? 不如等我帶大家去一個真正寒冬感受下啦!
白色聖誕相信有好多人都會響往! 究竟, 上車跟白色聖誕有什麽關係? 打工仔第一個白色聖誕點樣過?
話說30年前聖誕節, 當時人工少, 又要儲錢上車, 又想過白色聖誕可以點做? 搭飛機? 無錢無可能! 點算?
最後選擇了, 上東北三省睇雪景!
當時十分流行咩背囊旅行, 結果, 咩住背囊上廣州坐36小時火車上北京! 再轉火車上東北! 全程坐火車! 十分慳錢, 來回車費幾百元左右搞掂!
當年,火車無電器化, 只有柴油火車頭, 坐足36小時火車上北京, 果時真係好玩但又辛苦, 全程坐硬卧, 一個車箱間開好多格, 無房門, 每格有兩張上下格床, 如果同格有人食煙就慘了! 日間有風景睇下還好, 晩上就捱得辛苦了, 都唔明夜晚停下行下跟本睡不到!!
上到北京玩咗幾日, 什麼皇帝餐, 萬里長城, 故宫等等都不能錯過!
當時北京無雪, 温度只有兩三度,
再北上吉林, 火車快到吉林時, 見到路軌兩旁開始有白色的東西! 係雪呀! 愈北上愈多雪! 當時真的十分興奮! 第一次見到雪景! 印像特别深刻!
終於到咗吉林, 當時,吉林正下大雪! 只有零下幾度, 滿街見到樹掛, 什麼叫樹掛? 樹葉上有雪結冰就是樹掛, 當然有上長白山尋找野生人參啦!
再坐多半日火車北上目的地哈爾濱! 哈爾濱温度零下20幾度, 太陽島上湖面全結了冰! 冰雕原來不凍, 因為四周圍都好凍! 我記得著住五條長褲, 好多件衫仲好凍, 真係寒風入骨!
現在想起都好回味, 就這樣10幾天嘅行程是用咗二,三千元!
但當年以差不多一個月人工了!
其實,當年一般嘅後生仔都好捱得, 早餐在家食, 中午餐係帶飯返工, 晚上唔係加班就係上夜學進修 !
金錢是一點一滴累積回來, 只要有決心上車並無難度!