主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 87501    回應 : 264
資深會員專欄
2016年最後一周,CCL會否高于118?
 
引刀一快
2016年1月3日
  2015年成爲過去,樓市年度大事,肯定是湯先生提出“細價樓爆煲論”,爆煲論之後數月間,樓市經歷最後之燦爛,超常創新高交易不時出現,CCL一度到達146.92,及後開始疲軟,并在CCL數據去頂去底情况下,緩慢下走,創新高新聞亦被劈價、創新低新聞取代。

2016年首周,CCL為135.89,到底,2016年最後一周,CCL能否仍保持118以上?

15%的跌幅,大家認爲是樂觀,還是保守?

活動宗旨是讓大家多交流,并且可以籍此一窺市場的情緒氣氛,這是一個活動,并非打賭比賽。

希望大家踴躍參與,對于2016年樓市走向走勢,表達預期。

本活動將會每季作一次總結,直至2017年的來臨。

2016年最後一周,CCL會否高于118?

會,還是不會?


 
我要回應
我的稱呼
回應 / 意見
驗証文字
 
1. 引刀一快 2016-01-03 16:56:07
自己搶沙發!
2. 引刀一快 2016-01-03 17:08:29
打工仔兄

沙發次要,表達為先,你使唔使時間考慮?
3. 打工仔 Andy 2016-01-03 17:12:54
引刀兄

邊有人自已沙發嫁!
4. 打工仔 Andy 2016-01-03 17:13:31
我才是第一個沙發!
5. 打工仔 Andy 2016-01-03 17:17:26
2016年最後一周,CCL會一定高于118好多!
6. 引刀一快 2016-01-03 17:31:02
OK,暫時1:0
7. 無奈 2016-01-03 17:39:30
我來也,2:0
8. 引刀一快 2016-01-03 17:43:25
請大家以“高于”“低于”作回應,表達較清晰。
9. 自我陶醉 2016-01-03 17:47:03
5樓 打工兄, 你個答案似係新年願望多啲喎!  哈哈!
10. DSY 2016-01-03 17:55:00
高於
11. 無奈 2016-01-03 18:39:35
補充:高於118
12. 打工仔 Andy 2016-01-03 18:54:37
自醉兄

希望在人間! 哈哈哈!
13. 望東樓 2016-01-03 19:32:38
聽日返公司睇過啲圖再答你。不過正常情況係斬完浸stop loss之後有多少反彈。之後要睇下發展商點做同祖國經濟點收科。
14. 雲在青天水在瓶 2016-01-03 21:56:59
2016已經啟航,有關樓市的預測,五花八門。有講微升3-5%的,有估微跌5%,也有認為跌10%、20%、30%的,不一而足。

按以上的說法,以年底中原指數135.89計算,到2016年底,指數應為
1) 升3-5%,至139.97 - 142.68;
2) 跌5%,至129.10;
3) 跌10%,至122.30;
4) 跌20%,至108.71;
5) 跌30%,至95.12。

但是,以年度來作為區間去估計年底的指數,肯定是不科學的。即使你估對了,那只是運氣。正確的做法應該是以波浪為區間去計算,即以波浪的起點和終點為依據,按黃金分割比率去計算,也可以用圖表的型態去推算。

之前按波浪理論推算過牛四浪的調整幅度,如果是0.382倍,指數應跌至112.46。如果以圖表型態去看,結果會如何?

請看下圖,
首先,123.66是前浪頂,將成為短期的支持位。
其次,09年以來的三個低點,將它們連成一線並向上劃一條平行線,形成一上升通道,現在指數正在此通道的下線附近。跌破此下線,量度跌幅應至112左右。即是說,以波浪和圖表型態分別計算出來的結果吻合。

結合已知的0.382倍牛二浪調整幅度,因此牛四浪也調整0.382倍的可能性較大。當然,調整力度也有可能加大至0.50倍。如是,則將考驗再前一個浪頂,97年的102.93 ! 

15. 我唔係炒家 2016-01-03 23:11:23
低於118我就買
16. 低於 2016-01-03 23:25:40
低於118, 見100 機會大
17. 哈哈 2016-01-03 23:33:50
低於50
18. 80後小業主 2016-01-03 23:42:32
高於118 ! 業主質素高,不認為會大跌。
19. 2011年開始 2016-01-04 01:06:15
高於118
20. 惜緣 2016-01-04 01:13:21
引刀兄

高於118

在下直覺認為,未來幾個月,當CCL調整至128附近,就會有很強的支撑力,所以年底的CCL應與現時差不多,大約135

現在人人都在討論樓價會下跌多少,那會跌多少呢?

21. Taiwaner 2016-01-04 10:12:21
22. MSK 2016-01-04 10:22:20
高過118
23. 占士 2016-01-04 10:26:00
引刀兄

高於118
24. 西門吹雪 2016-01-04 10:54:32
我估高於吧 ~看雲兄既分析就知120上下應該係較強阻力位~~

2016美國應該未爆,不過過多一兩年息加得咁上下到美國爆就...

25. 向饭民说不 2016-01-04 15:18:32
引刀,楼价升跌应该不在重要,现在要担心的是香港经济硬着陆。市民要担心的会是自己份工,也不是楼价。

如果今次经济硬着陆,只能话自作孽。不可以怪人地。港币跟美金大幅升值对香港经济压力已经非常大了,但是港废还要自己落井下石,反自由行。
26. CD ROM 2016-01-04 18:49:05
不會. 低於118.
27. yyfan 2016-01-04 19:50:22
應該唔會跌過118,如果現價跌超過兩成會考慮入返間,迎接最後升市
28. 向饭民说不 2016-01-04 21:12:48
樓價自1997以黎只係升左3 成幾,由1994 計起都只係一倍多D,隔離地區深圳就巳 經係7 倍幾,澳門就11倍。


29. CD ROM 2016-01-04 21:44:36
yyfan兄,118距離當下都無20%,你地呢d大孖沙邊肯出手? 無人出手,咪一直再低過118先有動力U turn?

Haha, 吹吹水。

飯兄,你近來既留言幾有思考既空間!
30. 望東樓 2016-01-04 22:08:41
你唔講深圳我都冇咁驚。
31. Oscar Lam 2016-01-04 22:44:26
應該唔會低過118,因為如果真的跌至118,長河兄會出手掃貨,將指數掃高至119。
32. 向饭民说不 2016-01-04 22:52:35
30樓,香港只是少看到深圳羅湖樓價升幅,升幅無甘誇張。但是如果比較當年的深圳二線,就是龍華,寶安,升幅非常驚人。
33. 向饭民说不 2016-01-04 23:02:29
還是那一句,今年主要的問題,還是實體經濟,香港人自作孽。在日本韓國都努力吸引大陸自由行的時候,香港人竟然會想到限制自由行。

日本和韓國貨幣都大幅貶值和退稅優惠之後,香港的自由行將會受到更大的壓力。

還有今年人民幣同樣貶值。香港最大的風險就是人民幣貶值。香港樓價系人民幣升值之後,開始上升,而同時在人民幣貶值之後,開始下跌。
34. 珍惜香港 2016-01-05 00:08:04
珍惜香港

記得 2014 年中,法子兄開咗個 CCL 競猜,估 2014 年最後一個 CCL,會否高於 118。

當時我話,樓市嘅升跌,唔喺攞嚟賭架

但最後,我都喺俾面參與一次,同時呢,就贈咗大家一篇成魔之路,裡面再強調,樓市升跌,涉及好多人嘅得失,唔應該攞嚟賭。之後,法子兄再搞 CCL 競猜,我都冇再參與。

所以今次,我亦唔會參與。不過,既然當日真正嘅第十個人競猜,引刀兄唔參與,但亦有捧場,咁今日我當然要俾下面,寫番幾句。

我唔知道,2016 年,樓市會升定喺會跌。身處時間線上任何一點,眺望將來,升定跌,都只喺五五波2016 年,我祝願香港樓價橫行,呢個祝願,亦同 20152014 年一樣,維持咗三年。所以,唔好話我大細超,只喺响樓價點點果陣,先至祝願橫行。當然,就算唔橫行,我亦唔希望樓價跌

或者,如果年尾 CCL,真喺跌過 118,咁贏咗嘅朋友,喺咪應該好開心?使唔使開香檳慶祝?如果因為咁,有人要搞個飯局,或者乜嘢慶祝活動嘅話,我今日預先通知,唔使預我,我唔會出席

我從來唔會叫人,响邊個 TIMING 買樓;總之,量力而為,唔好投機。如果有人,有需要,有能力,而又認定,自己會買樓,不過呢,就為咗個市,死等爛等。我對呢種人,喺俾唔到意見,夾硬要 MAKE COMMENT 嘅話,我就惟有反問番佢:

家陣,你究竟想買件物業,定喺要買個「市」?
35. 元朗人 2016-01-05 08:27:04
引刀主筆,

我估指数到时高過118。

原因: 博士衹是指细價楼爆,其他類形樓冇事架。其他類形楼业主又没有多按,不会賤賣。因此不会拖到指数低于118。

附註: 不同意上面原因的朋友,應细思点解煲到咁行,哈哈!
36. 自我陶醉 2016-01-05 10:15:03
引刀兄,

如果唔識你真係以為你係圖表派,你個118剛剛係上一次調整浪浪底附近,而且經過長達一年歷練,有一定支持力,高過定低過真係會考起圖表派。

早前已經講過,從波浪角度分析09至15根本無可能係一個3浪,14年中起5浪已經在運行, 跌破117將代表5浪完結,從成交量看,印象裡13~14年嘅調整期成交量其實唔大,相信支持力亦一般,從基本面,睇唔到對樓市有咩利好消息,利率向上,租金下跌,依然係最大困擾,至於經濟,油價和中國經濟會否有起色非常關鍵,但暫時都唔覺會有起色,09年以來量寬帶來嘅係虛假繁榮,換來更多的債,更大的泡沫,所以我估118很大機會在第三季失守。

37. 歷史長河 2016-01-05 10:18:33
哈哈,唔使咁神,118係舊年佢賭輸個位,重新來過也!賭仔都係這樣的。

莫非政府辣招也按波浪圖表走?
38. 引刀一快 2016-01-05 13:37:56
哈哈,長河san又點會放過隊人嘅機會吖,雖然討論形勢不利於你,其實都唔駛咁燥。上次118係前年喇,引刀唔係賭仔。

長河san,跌唔跌破118呀?支持下,表態喇。
39. 歷史長河 2016-01-05 19:18:40
刀兄,為表達我對你敬仰,我跟你。
40. 真真薯片 2016-01-05 20:30:27
呢個問題難答, 因為受幾個重大人為因素影響, 主要係發展商會否二度劈價, 人仔匯價同銀行估價

如果格硬黎9估, 在下覺得發展商會死頂機會高少少, 可能好像2015年咁, 一手分平盤同貴盤, 一手只有平盤去到貨, 都足以打死二手市場令指數插到120附近, 而120係13年磨左好耐, 到左果個價位大量手持一二百萬既用家就會入市, 所以在下估年底指數會略高於118
41. 真真薯片 2016-01-05 20:52:41
引刀兄自己點睇?
42. 引刀一快 2016-01-06 04:59:41
To 39樓 長河san

發表自己意見就係對活動最大嘅尊重同支持,請發表一下你對2016年年底CCL高于118還是低于118,無任何比賽或打賭成份,祗係大家抒發一下意見,唔好太執著。
43. 引刀一快 2016-01-06 06:20:21
To 40樓 真真薯片兄

兄台注意力都係集中喺地産商同二手業主之間嘅博弈喎。

引刀為咗消除活動嘅派系感覺,希望令大家可以更隨心表達睇法,所以我冇發表睇法,我睇法唔駛講大家都估到,當中冇猫膩。
44. 引刀一快 2016-01-06 06:58:23
To 36樓 自我陶醉兄

圖表分析呢個咁要求分析力同經驗嘅重任,都係留番俾你,同埋其他幾位識得睇牛幾牛幾嘅高手,引刀凈係識得睇春牛圖,今年成張圖得番116條禾,睇怕都係前兩年食得禾米多咗D。
45. 引刀一快 2016-01-06 07:24:13
To 35樓 元朗人兄

我就覺得中價樓都應該會回一回。
46. 引刀一快 2016-01-06 07:28:21
To 34樓 珍惜香港兄

多謝捧場多謝捧場,其實呢個活動要求好簡單,就係表達2016年年底CCL高于118,還是低于118,係活動唔係比賽打賭,冇嬴輸呢囬事嘅,表達就OK架喇。
47. 引刀一快 2016-01-06 07:33:23
To 33、32、28、25樓 向飯

陛下,我問年底破唔破118呀,發表咗再玩喇,支持下喇。
48. Ronald 2016-01-06 07:39:11
刀兄:
有沒有設定甚麼日期截至?我一定支持,認真研究下先,過幾天發表!
49. 引刀一快 2016-01-06 07:39:40
To 31樓 Oscar Lam兄

如果要你出錢買貨造市的話,你仲係咪認爲CCL會高過118?

旨意長河san托市,先要長河san點頭。
50. 引刀一快 2016-01-06 07:49:41
To 24樓 Simon1兄

2016美國應該未爆”,爆邊瓣?
51. 引刀一快 2016-01-06 08:08:11
To 20樓 惜緣兄

惜緣兄認爲支持力來自哪幾方面呢?
52. 引刀一快 2016-01-06 08:40:53
To 14樓 雲兄

多謝雲兄嘅詳細分析,令活動生色不少。
53. 引刀一快 2016-01-06 08:41:39
瞓陣先。
54. 西門吹雪 2016-01-06 10:37:35

美國加息開始後一至兩年就爆。

週而復始萬像更新~哈 XDDDD

55. 引刀一快 2016-01-06 16:47:11
Ronald兄

嚴格嚟講係冇截止日期,每三個月總結一次,直至2016年底,其實呢個活動,最大意義係記錄今年樓市,經濟環境、氣氛嘅相應變化,當然呢種數據蒐集係唔嚴謹嘅,但係都有相當嘅參攷價值,尤其老隊員、老網友嘅睇法變化,因爲大家對其樓市理念已經有一定的瞭解,看官可以籍此一窺樓市中不同範疇人士睇法變化。
Ronald兄,說白了,就係受你嘅置業情緒指數所啓發而搞嘅小活動,希望大家踴躍參與,純粹發表同吹水,當中無任何比賽打賭成份。
56. 占士 2016-01-06 17:02:45

刀兄,我也覺得很好玩,我在我的FB群幫您做一下調查,到時把結果向您報告!

57. 引刀一快 2016-01-06 17:48:46
占士兄

多謝支持多謝支持!不如你叫 D friend過嚟發表下睇法仲好喇。

兄台得閑嘅話,請亦講講睇法。
58. middle middle class 2016-01-06 17:57:59
低于, 主因我相信長江及/或新地會被迫做低個價去貨 !
59. 惜緣 2016-01-06 18:20:20
To 51樓 引刀兄

支持力來自:
1. 香港的經濟不太差, 雖然自由行減少, 但本地人的消費依然強勁。
2. 失業率仍然處於低水平。
3. 未來樓宇供應量真係供過於求嗎? 我抱懷疑態度。
4. 未來美國真係可以加幾厘息嗎? 我抱懷疑態度。
5. 過去幾年金管局的逆週期措施令到樓宇既按揭成數處於低水平。
6. 如果你睇過去20年中原指數走勢或Ronald兄三十五年的樓價走勢, 你會發現, 03年到現在的樓市沒有短時間的急升, 沒有急升就不會急跌。
個人認為此次樓市的牛市未完, 現在只是稍作調整, 經過調整的樓市將更加健康。
61. 引刀一快 2016-01-07 04:29:53
To 58樓 Middle Middle C.兄

我諗“要去貨”就已經代表唔少嘢。
62. 引刀一快 2016-01-07 04:59:57
To 59樓  惜緣兄

我試試逐點討論。

1. 香港的經濟不太差, 雖然自由行減少, 但本地人的消費依然強勁。
嘻嘻,霎眼睇以爲惜緣兄話“但本人的消費依然強勁”,我認爲本地人消費同自由行消費有連鎖關係,當然,本地人消費變化會相對地滯後。

2. 失業率仍然處於低水平。
是的,呢點我同意,不過如果能負擔買房嘅職位越來越少的話,也是有可能發生的。其實廣州樓市經濟都越來越差,但係同時伴有有請人難嘅情况。

3. 未來樓宇供應量真係供過於求嗎? 我抱懷疑態度。
會否供過于求係好重要,不過留意“供”嘅同時,亦要注意“求”是否有變。

4. 未來美國真係可以加幾厘息嗎? 我抱懷疑態度。
暫時我都覺得唔似,不過如果惜緣兄聽過美國人日本人被獅子追嘅故事的話,也許加息可能性低但係唔能够完全抹殺。

5. 過去幾年金管局的逆週期措施令到樓宇既按揭成數處於低水平。
呢點的確好吃重,不過引刀有個剛需論。

6. 如果你睇過去20年中原指數走勢或Ronald兄三十五年的樓價走勢, 你會發現, 03年到現在的樓市沒有短時間的急升, 沒有急升就不會急跌。
我有多少異議,我覺得比較急。

問題討論啫,惜緣兄點睇?
63. 惜緣 2016-01-07 14:07:51
引刀兄

雖然大家的睇法唔同, 但我都尊重引刀兄的睇法, 結果如何? 留待時間來驗證吧! 反正一年都好快啫。
64. 引刀一快 2016-01-07 15:30:43
惜緣兄

純粹討論,引刀看跌主要係因爲大陸嘅情况唔好,上述幾個論點係吹水啫。
65. law student 2016-01-08 11:21:00
高于
66. 占士 2016-01-08 14:11:47

刀兄,我一直都有和朋友們推薦看本地產論壇,我知道很多人有過來看,但他們會否發表意見就很難說了,如果他們喜歡在另一邊投票的,也無所謂,反正我會向您彙報結果的。我的看法是本次的地產大牛市還沒有結束,背後原因很多,其中一個原因是儘管大陸的情況不是太好,但她還是未來引領全球經濟的火車頭,這火車只是減了點速,而非停下來或倒著來開!以您那麼高的智慧應該明白我說什麼吧?

67. 引刀一快 2016-01-09 05:55:40
To 66樓 占士兄

投票與否屬個人意向,論壇小活動貴在隨心,歡迎有興趣者在此發表并交流,無興趣者絕不勉强。

這火車頭是在减速,還是已經關了引擎靠慣性前行?路邊旁觀者難以一瞥蔽之,甚至乘客也會人言人殊。退一步假定是减速,那火車站是不是會有部份人退票改坐其它交通工具?
68. 歷史長河 2016-01-09 09:37:04
刀兄,樓市今次調整幅度將跟隨港股調整幅度,而時間上會有三個月左右滯後。從08年金融風暴經驗來看,樓市調整幅度不會超過股市調整幅度的一半。數字上來計,要想樓市從149跌破118,股市應該見16000點。加油。

亦即業主繼續跑贏股神。

讓時間來驗證吧。

69. 引刀一快 2016-01-09 12:05:50
長河san

唔係問你股市呢,淨係問年底CCL會高于還是低于118,簡明D表達咪扭擰喇。

股市升跌都好,捉得凖就有錢賺,所以恆指不在這次小活動重點。
70. 引刀一快 2016-01-09 12:08:20
real estate student兄

呢個新名咁型嘅?
71. 歷史長河 2016-01-09 15:46:35
69 刀兄,高于or低于,That is the question.
72. 股災 2016-01-09 16:21:43
參考97 見頂之後大跌七成,CCL 應見50 致60 
73. 引刀一快 2016-01-09 18:01:20
長河san

用何種方法對年底CCL是否高于118,各有各方式、思路,呢個就係本次活動嘅主題,如果長河san要同時做兩個預測,亦即年底恆指跌落16000導致CCL低于118的話,請簡明表達,引刀唔可以以自己意會代言,交流心態都係應該放開D。
74. 自我陶醉 2016-01-09 23:14:04
引刀兄,

既然長河兄不正面回答你,不如等我代為猜猜吧! 長河兄的意思也許是他沒信心指數會高於118,不過若衰唔過恒指,他就已經滿足了,這是所謂的輸少當贏吧!
75. Ronald 2016-01-09 23:20:00
刀兄,你應該學珍惜香港咁set deadline,相信河兄和我都想對方先估
76. 西門吹雪 2016-01-10 07:23:21
哈,股市好玩之處就喺呢度,只要捉緊波浪,幾年内身家十倍有何難。估空恆指,今次股災已經可以身家倍增!!!!買樓想跑贏股神?別說你不買不賣,即使你做到低買高賣也別想吧…別說股神巴菲特了,只是區區小弟過去一年既投資回報,相信也有ccl 既升幅幾十倍吧!
強如打工兄都知道買樓係安樂茶飯,而吾係揾快錢既工具,呢度竟然有人大言不慚。
77. 自我陶醉 2016-01-10 08:06:56
Simon1 兄,

哈哈! 買都未識你同佢講沽, 佢點會明股市急跌賺得仲快呀!  又話你投機㗎喇!  
78. 西門吹雪 2016-01-10 08:29:15
自醉兄,的確我說多了。唉,我自問不斷努力學習不同投資技兩。但越認識得多,就知道自己所知既多有限。以後還要多向師兄學習。
這裡卻有人固步自封。以為自己所知既已經係世上最好既野。人地既野都係垃圾...
79. 引刀一快 2016-01-10 08:33:00
To 74樓 自我陶醉兄

長河san呢招叫做大細雞,係賭王何先生教嘅!
80. 引刀一快 2016-01-10 08:45:40
To 75樓 Ronald兄

今次活動會在三月底做一次季結,然後從新投票,到六月底第二次季結,而後九月底、十二月底,每次投票可以隨市況而改變,不必從一而終。當中轉呔完全係合理而體面,投資者隨機應變,合情合理。
呢個活動主要動機係俾大家交流2016年大家對樓市變幻嘅睇法同心態。
長河san已經表達咗一個模棱兩可嘅答案,等我落實一下先。
81. 自我陶醉 2016-01-10 08:59:10
Simon1 兄,樓以外的有時唔敢在這裡說太多,因為對於有些不願學習,不加思考的人,一知半解比不知道更可怕。有機會大家私下交流。

引刀兄,大細超我就知, 請問咩係大細鷄?


82. 自我陶醉 2016-01-10 09:06:47
引刀兄, 我有個建議不知是否可行?

每季頭半個月有權加入或改變主意,第一次投票以1月15號截止,接著可改變或加入的日子是4、7、10月的1-15號。
83. 引刀一快 2016-01-10 09:41:31
To 81樓 自我陶醉兄

明解,即係每季前段投票,三個月一次,OK我同意。

15日好似稍短,就每季頭一個月。

細節慢慢推敲下先。
84. 引刀一快 2016-01-10 09:50:13
三十年前,何賭王做港姐嘉賓,佢教人借睇指甲方式判斷是否Gay,有人問佢。如果左手屈指,右手伸指,咁係咪Gay,賭王話咁叫大細雞,即係有得變嘅。

長河san,盡得大細雞真髓也!


85. 歷史長河 2016-01-10 09:54:23
西蒙兄,陶醉兄,

我提股神,二位便主動對號入座,原來地產網真有藏匿的股神,失敬失敬!自古英雄出少年,老伯我真是慚愧萬分。



86. 打工仔 Andy 2016-01-10 09:59:18
引刀兄

大細雞點解 ? 
87. 自我陶醉 2016-01-10 10:02:20
長河兄連Simon兄以下咁簡單嘅說話都唔識解?

別說股神巴菲特了,只是區區小弟過去一年既投資回報,相信也有ccl 既升幅幾十倍吧!

莫非要將說話轉換成數字才會明白!  哈哈哈!

88. 歷史長河 2016-01-10 10:03:39
刀兄,上次品酒會時小弟觀察過你的手指,正是左屈右伸,唔知依家變咗未?
89. 歷史長河 2016-01-10 10:08:24
陶醉兄,老伯再慚愧一次!
90. 西門吹雪 2016-01-10 10:24:18
河兄,股神係巴菲特,我吾係,亦絶不敢自認係。雖然我明白這裡應談樓市不應多談股市,但我吾認為可以任意踐踏投資股市既人。自己吾了解既野,就可以隨意踐踏?
91. 自我陶醉 2016-01-10 10:33:34
多謝引刀兄,又學到嘢。  你係遊戲主持人,你決定啊!  
92. 自我陶醉 2016-01-10 10:56:33
Simon1兄,

河兄只係對你嘅留言無以為對,所以希望轉移視線而已。
93. 引刀一快 2016-01-10 15:36:35
To 88樓 長河san

成日觀察人手指嘅係尋找“志同道合”之舉,果D唔係大細雞而係大𠞛雞,睇怕都冇得變架喇。

引刀成日俾好友圍,左右都屈,邊有得伸?
94. 神算 2016-01-10 15:44:05
低於118, 或者仲低,純粹靠估。
95. 引刀一快 2016-01-10 16:15:38
神算兄

你係純粹靠算!
96. 引刀一快 2016-01-12 06:54:54

徇眾大大要求,是次活動訂立截止日期,具體程序如下

本年度1月、4月、7月、10月,四個整月爲投票日,其餘日子爲討論時段。

各論者在每個投票月份均可改變立場,順應市況變化,表達睇法。

本活動無比賽成分,亦不設輸贏,旨在加強本年度樓市走向討論縱深度,希望大家踴躍參與。

97. 無奈 2016-01-12 08:09:13
刀兄,有朋友一家3代上廣州玩2、3天,有什麼好介紹?
98. 如是 2016-01-12 08:44:58
看不到有什麼理由再支持高樓價,尤其是細價樓。
人弊若今年大跌15%,CCL恐怕見 100。
所以,我估低於118。
99. 蕭峰 2016-01-12 09:10:07
其實樓價最終是隨經濟走勢而變,去年hk零售開始轉差,加之自由行減少,今年hk會經濟放緩,但這不足以拖累樓價跌3成。恐怖的是加埋人仔大幅貶值、a股搖搖欲墜、港股昨天已經穿左2萬點,將對樓價形成很大壓力⋯⋯

我估低過118,按雲兄理論,支持位在120,穿左就會繼續尋底。今年年中可能會有小小反彈,但之後會繼續下。


100. 引刀一快 2016-01-12 09:33:08
無奈兄

一家三代,講講年齡分佈先,有冇超過75嵗嘅?

鍾意食嘢定睇嘢?酒店搵咗未?

有冇當地人接待?有冇車用?
101. 無奈 2016-01-12 09:57:56
有啊,坐輪椅一位,最小約歲
102. 無奈 2016-01-12 10:00:26
自己上,老人家懷舊下喎。酒店應該落腳香格里拉。
103. 引刀一快 2016-01-12 11:14:43
無奈兄

首先,如果冇親戚接待,咁就首先裝個神州專車嘅app,支付寶充定1000-2000蚊做準備,每程都七人車。

至於懷舊,咁就俾多D旅遊者資料我,我試試搵D啱玩嘅點俾佢地。
104. 二少 2016-01-12 14:23:43
如果ccl回得返118,香港有排衰……
105. 引刀一快 2016-01-12 14:32:55
二少兄

那你覺得年底會否高於118?
106. 望東樓 2016-01-13 10:44:43
刀兄誠意邀請,無辦法唔投。原本以為係out of the money put。點知到依家好似已經係at the money啦。翻查過去咁多年記錄,樓市年尾到年尾嘅升跌幅度係+/-10%之內嘅機會係好少。所以買升就買升超過10%,買跌就買跌超過10%。從我對16年非常憂心嘅基礎,我覺得七成機會低過115,五成機會低過109。希望我大錯特錯,阿門。

(2016年一月十六日修正為六月底試118,希望我大錯特錯。)
107. Ronald 2016-01-13 11:47:02
我估低於118

刀兄不愧心思細膩,set 了個snooker,打又死,唔打又死,118剛好是界限線,破與不破,意義重大。圖表派說法,破就去到下一個支持位100 ,唔破就120上下兩點徘徊,升要等2017年中之後。

如果你問全年會唔會有一日跌破118,我會答機會非常之大,可能暑假過後已達標,但跌的過程好少直插,隨時年尾抽高上118,但如果一定要我揀,我只有揀低於。

我雖有數據,但分析不專,所以我寧願講政治因素,CY的目標,就是冇理由高於他上任時。

PN兄, 事到如今, 再公開數據不太適合了, 讓各方冷靜下先 我記得我講過甚麼, 跑完渣馬, 這裡見。



108. 引刀一快 2016-01-13 11:59:43
先祝Ronald兄渣馬順風順水,神行太保。

多謝Ronald兄支持活動,118呢個神數,衹係碰巧碰巧,然而引出各路高手施展本領,令活動大為生色,則喜出望外。
109. 引刀一快 2016-01-13 12:03:00
PN兄

有時,全世界都識得憂心嘅時候,也許反而有多少免疫力,最怕就係樂極忘形。
110. 望東樓 2016-01-13 12:45:18
Ronold兄,無妨。而家我最有興趣係被消耗左個啲貨嘅居屋私樓比例。
111. Ronald 2016-01-13 12:48:58
這個不難, 5分鐘後給你
112. 望東樓 2016-01-13 12:49:54
睇住啲人仔短息比人夾到100%令我回想返當年港元被狙擊嘅情景,希望大家扣好安全帶。
113. Ronald 2016-01-13 12:59:01
Sorry! 遲了6分鐘

2010至2015年消耗了9461釘契盤中,
居屋1486 ,
租者置其屋計劃(出售公屋) 211,
私樓7764。
114. 引刀一快 2016-01-13 13:02:17
Ronald兄

如果有逐年數字,會更易睇到趨勢。
115. 望東樓 2016-01-13 13:04:22
收到。
116. Ronald 2016-01-13 13:07:53
好!午飯後
117. 引刀一快 2016-01-13 13:10:13
慢用慢用。
118. Ronald 2016-01-13 15:02:20

年份

2010

2011

2012

2013

2014

2015

 

 

居屋+夾

572

621

713

819

1002

1404

 

 

出售公

204

   251

217

278

387

638

 

 

人住

1690

1941

1915

2651

2697

3182

非一般頒令宗數合共:

2466

2813

2845

3748

4086

5224

 

 

 

 

 

 

 

 

 

 

 

居屋+夾

273

206

215

204

316

272

 

 

出售公

26

27

29

30

35

64

 

 

   人住

1867

1470

1332

932

1139

1024

被頒令消耗宗數合共:

2166

 1703

1576

1166

1490

1360


119. 引刀一快 2016-01-13 15:22:03
多謝Ronald兄

呢樣就係我尋日想要嘅嘢,可能尋日表達得唔好。

慢慢琢磨下先。
120. 占士 2016-01-13 16:22:57
121. 引刀一快 2016-01-13 18:28:31
初步分析:

居屋夾屋消耗宗數,基本上不隨時間、總數而變動,估計當中有政策關聯。
公屋消耗宗數一直保持約1/10至1/8之譜,相信同公屋戶主人群構成有關。
由於上述兩類物業,宗數比例與價格都相對底,佔全局比例不大,加上可能有相關政策影響或庇護而大大左右出售,所以今年重頭戲應該係歷年累積嘅釘契私樓。

繼續睇
122. 神算 2016-01-13 22:26:16
引刀兄,

你整理好各位參與CCL競猜資料嗎?謝謝!
123. 引刀一快 2016-01-13 22:42:22
神算兄

今次投票截止日期爲1月31號底,届時會作首次整理。
124. 好 2016-01-16 12:08:48
我估年底120。要跌都應該跌夠了。
125. 向飯民說不 2016-01-16 12:18:23
毒果煲港幣貶值,估計那些美國金融機構玩完人民幣i kill you later,轉而攻擊港幣。

一年前,人民幣吾升值,美國佬就阿支阿左,但是今次人民幣貶值,美國佬好像不出聲。

我陰謀論去解釋,一年前,美國金融機構仲未完全建立人民幣i kill you later,所以一定要逼人民幣升值,現在已經建立完了,要收割了,是時候逼人民幣貶值啦。殺你班港商,港豬片甲不留。

其實美國佬上世紀90年代一樣同樣手段殺到日本大公司片甲不留。
126. 引刀一快 2016-01-24 14:22:19
號外!號外!廣州落雪呀!!!

為紀念呢個難忘嘅時刻,請大家踴躍發表。

2016年最後一周,CCL會否高于118?
127. 望東樓 2016-01-24 14:44:13
整翻副相嚟睇下。
128. 引刀一快 2016-01-24 15:20:15
東樓兄,唔駛喇,保證微信嘅“廣州落雪”短片,鋪天蓋地。

唔係一兩粒,誇張D幾乎可以用漫天飛雪嚟形容。
129. HK01 2016-01-24 15:25:33

【寒流到】廣州市區落雪 87年首次 穗天文台向01證實

|
下一篇 

撰文:方嬋珠 
發佈日期 2016-01-24 13:46:00最後更新 2016-01-24 13:46:00


廣州今日的雪下得頗大,《人民日報》官方微博所轉載的圖片,雪花清楚可見。(網上圖片)

香港落雪成疑,網上紛紛流傳香港飄雪。香港下雪未定,廣州已率先落起雨雪。廣州市氣象局向《香港01》證實,今日廣州市區多處落雪。同時網上流傳多個廣州下雪的片段,從相關片段看來,有多個白色雪飄散,雨雪紛紛。

 

廣州多處地方都有冰粒積聚。(網上圖片)

《香港01》致電廣州市氣象局查詢下雪真偽,得到證實。當局指廣州在今日(周日)下午至傍晚的時間都有機會下「雨夾雪」,並夾有冰粒。主要集中在廣州南部,天河區、海珠區、番禺區等,而從化區及增城區則未有下雪。

 

廣州氣象局指類似霰雪在廣州出現過三次,最近一次是1983年1月22日發生在從化,稍早為1971年1月30日花都出現冰粒, 1967年12月29日,從化、花都有雨夾雪記錄。但在市區內飄雪花則是1949年建國以來首次。

 

 

距離香港只有3小時車程的廣州,數十年來首次下雪。據了解,這次下雪是先1929年以來,廣州首次下雪。廣州現時溫度只有3至5度(攝氏),氣象局發出2級寒冷應急系統,呼籲市民做好禦寒工作。

廣州多個市區都下起雨雪。(視頻截圖)
130. 望東樓 2016-01-24 15:51:20
廣州已經落雪啦,難道香港還會遠嗎?
131. 引刀一快 2016-01-25 01:43:09
東樓兄

有意思,有意思
132. 無奈 2016-01-25 07:17:48
高於118
133. 引刀一快 2016-01-26 11:17:10
Thanks!
134. WW 2016-01-26 13:04:52
2016年尾ccl 應該在100左右, 由高位要跌四成
135. 好 2016-01-26 16:41:02
美國最多加多1次息,持貨成本不多,很難跌到118。
136. 望東樓 2016-01-27 09:25:45
忽然諗起,如果舊年用咗創造歷史價入咗第一件貨,假如仲係運用發展商提供嘅高槓桿嘅話,係唔係有啲似星期日上咗大霧山一日遊feel?
137. k 2016-01-27 10:15:06
低於118
138. 收買佬 2016-01-27 11:31:55
我黑心兼玩嘢,我估係140點高位跌5成,i.e. 70點
139. 引刀一快 2016-01-27 14:06:40
To 136樓 東樓兄


再與天比高,高處不勝寒

迷霧視等閑,膽大藝未高

觀雪變溜冰,個個跣到直

上車在山頂,冇車番家鄉
140. 引刀一快 2016-01-27 14:11:39
WW兄、好兄、K兄、收買佬兄

多謝參與!

收買佬兄呢個估算,應該好難喺一年內出現,除非香港走難。
141. 望東樓 2016-01-27 14:24:43
無知者無畏!
142. 收買佬 2016-01-27 14:37:36
>收買佬兄呢個估算,應該好難喺一年內出現,除非香港走難。

我都唔希望我靈~


143. Peter Pan 2016-01-28 16:37:14
I guess lower than 118.
144. 引刀一快 2016-01-28 21:02:21
Thanks Peter Pan
145. 引刀一快 2016-01-28 21:54:27
號外、號外

管理權下放,廣州市住宅限購形式由广州市自主。

估計準備逐步放限。
146. 跌打佬 2016-01-29 11:40:16
新人跌打佬報到, 支持引刀兄

我估計第三季會跌破118, 會見113-115, 年尾前略有反彈至120左右

2016年最後一周,CCL會高于118
147. Smart Money 2016-01-29 11:57:42



Short HSI, buy put, sure win!!!




148. 無奈 2016-01-29 13:57:40
145刀兄,即是大城市樓市都唔掂啦。
149. 引刀一快 2016-02-01 19:08:59
無奈兄

確實,就是,就是。
150. 麗娜 2016-02-03 21:32:23
我估到12月底大約120-122。
151. 真真薯片 2016-02-05 22:37:23
依家走勢大約係每星期跌一點, 唔知130有冇支持?
152. 引刀一快 2016-02-05 22:56:04
唔好意思,講好咗嘅首季總結要過幾日先俾到大家,感激大家踴躍支持活動,在下必須認真整理所有言論、意見,由於近日在下不單瑣事繁多,精神亦欠奉,唯恐有負大家熱情,所以無奈要順延幾天出總結,萬望原諒。
153. 打工仔 Andy 2016-02-05 23:53:34
引刀兄

期待你的分享! 加油 !
154. 好 2016-02-05 23:59:12
原來無奈兄幫手做總結。
155. 無奈 2016-02-09 13:58:05
刀兄,昨晚事件後,我確信118之上,所謂壞事變好事也
156. 望東樓 2016-02-09 14:11:36
無奈兄:『昨晚事件後,我確信118之上,所謂壞事變好事也

唔明點解,請略述之。
157. 無奈 2016-02-09 14:20:10
東樓兄,博士文章已經解釋了。
158. 引刀一快 2016-02-09 15:47:31
我覺得呢舖應該係螺絲粉做嘢,你算算D安家費,應該背後有大水喉。

而且,大量板車運地磚,係早就鋪排好,要做咁大、做咁狠。
159. 自我陶醉 2016-03-19 09:09:50
引刀兄,照舊睇第三季跌破不變,希望118可以撐多一季, 不過真係有啲危!
160. 蕭峰 2016-03-19 09:35:48
年初我估低於118,因為有人仔急速貶值因素,現在條件有變,人仔企穩,大陸放水支持樓市,如果大陸樓急升,港樓會大跌嗎?唔洗三成,深圳市民已經過來掃貨啦!

161. 引刀一快 2016-03-19 09:45:55
唷!!!!自我陶醉兄返嚟喇!!!!!!
162. 引刀一快 2016-03-19 09:52:23
蕭峰兄

大陸樓嚟講,暫時最危就係深圳,珠海都升緊㗎。

會唔會過嚟掃貨,就要睇佢地嘅走資路徑,呢點我瞭解緊,依傢唔敢下定論。
163. 引刀一快 2016-03-19 09:54:25
Admin兄


自我陶醉兄番咗嚟喇,Banner好似漏咗呢個淡友領軍,可否考慮補上?
164. 西門吹雪 2016-03-19 10:08:52
自醉兄很久沒見了,多有掛念。

至於118吧,暫時維持原判,不會跌穿。不過列入負面觀察名單 xDDD
165. 自我陶醉 2016-03-19 10:20:12
引刀兄,唔洗加喇! 呢排都唔得閒,唔會寫文,有機會再寫。 


西門兄,

個市係咁跌,盲好都收哂聲,得番個傻好日日喺度亂噏,廢事出嚟講咁多喇, 咪又被人話我喺人哋傷口洒鹽㗎! 

講真,唔通你見到曾灶才寫自己係九龍皇帝,你去同佢拗咩?  咪由佢啲大作貼堂囉! 第日可能係文化遺產啊!

166. Sugar 2016-03-19 10:32:28

陶醉兄 :

我收到可靠消息知道你最近在股市施展神技奮勇撈底大有斬獲已成富豪喎 ^^

Welcome back ! 不準再走 !!! 地產網沒你在有點 "日月無光 " 咁款 , 哈哈 .





167. bb 2016-03-19 10:39:01
升了五年难道跌五個月就够了咩,低于118
168. 自我陶醉 2016-03-19 10:42:24
Sugar 姐, 你咁都信! 樓市淡友個個都窮到燶,邊有錢炒股。至於地產網,同樣精彩呀! 只係少咗我呢個串嘴之嘛!和諧和諧,係好事。嘿嘿!
169. 西門吹雪 2016-03-19 10:42:40
哈,收到自醉兄。其實佢吾攻擊我,我都冇理佢。聽你一講,以後佢攻擊我,我都吾理佢啦。免得變成同佢一樣level xDDD
170. 引刀一快 2016-03-19 10:43:52
自我陶醉兄

你唔出番嚟,好多好友都唔寫嘢㗎,佢地不齒同引刀呢隻冇港樓嘅淡鬼討論嘛,有你就唔同晒喇。
171. 望東樓 2016-03-19 10:44:56
小刀,咁多兄弟姊妹捧場,幫你狂推九版,你最少都應該整返個結案陳詞比大家睇睇。
172. 引刀一快 2016-03-19 10:47:38
東樓兄

我呢幾日忙夾攰,本來有篇嘢寫緊,十日都未起貨,首季嘅總結我想俾心機寫好D,免得有負大家嘅支持,俾多幾日時間我喇,依傢我係坐喺床邊打字咋。
173. 自我陶醉 2016-03-19 10:53:58
引刀兄,你多疑了,應該唔係不齒,只係無話可說啫!  

BTW, 我同意望東樓兄,應該做番個summary.
174. 引刀一快 2016-03-19 10:56:11
自我陶醉兄


你係淡友呢邊台柱,好多好友認住你嚟抽架嘛,有你名就一目了然,知道有戲睇喇。
175. 引刀一快 2016-03-19 10:59:00
話時話,東樓兄呢排又係少上喎。
176. 蕭峰 2016-03-19 11:05:12
引刀兄,你如果朝早係深圳過下關就知,有幾多跨境學童(有d都好大過),如果深圳樓價同香港差唔多,你會唔買嗎?又有幾多內地來港讀大學的留港青年,他們做野後第一件事就係要買樓(屋企支持首期),我舊公司同事就係,等緊樓價跌,只要佢地覺得跌幅可以接受就會入市(唔會等到三成),因為依家都係齋比租金架。仲有,大摩好多分析師/策略師,都密密睇緊樓,佢地又會等咩?


177. 望東樓 2016-03-19 11:18:46
近來事忙,樓市未來三個月走勢將會係呢兩個周末明朗化『睇啲新樓點去』。我唔係果啲高人可以一早睇晒成年頂底,我至多睇到三、五個月。

問心講好佩服吹雪兄咁好閒情逸致同個思覺失調嘅傾成晚。欽敬、欽敬。
178. 引刀一快 2016-03-19 11:54:42
蕭峰兄

我其實成日上落,羅湖、深圳灣嘅情况冇話唔知嘅,係唔係個個都想買樓就難講,你要睇下D細路嘅父母係咩戶口。如果撤BSD,我信CCL上180。

近五年,樓價咁升法,已經深深咁植入大部份人嘅腦裏面,覺得跌幅可以接受就入市,係一個好籠統嘅講法,有D人急不及待、有D人講咗跌幾多入,就真係入,不過亦有好多人越跌越看跌,呢個因素,內在外在都有。

你睇睇論壇記錄,半年前大把好友話跌10%即入,依傢唔止10%喇,佢地有冇入吖?如果入咗仲唔大大聲喺度公報天下咩!
179. 西門吹雪 2016-03-19 12:01:17
哈哈,東樓兄都取笑我了。唉,看來我真的失禮了。以後会多加注意的,嘻嘻。
180. 引刀一快 2016-03-19 12:15:24
一個東樓一個西門,幾時整埋南窗同北堂?
181. 自我陶醉 2016-03-19 12:27:24
大摩好多分析師/策略師密密睇樓就係樓價升?  唔係講緊09年賣樓嗰班叻仔呀嘛?

更可笑嘅係啲人成日話發展商話冇價減,就等於樓價冇得跌。大佬, 用吓個腦喇,唔通人哋賣緊樓同你講,遲啲買仲平咩!  同你有親呀? 要倒自己米, 索老叫你沽,你都知佢快要平倉喇! 做人咁天真好蝕底。


182. LYC 2016-03-19 12:46:00
平盤被好友掃晒,租盤被淡友掃晒推高租金,租金回報越來越高,還在自我催眠樓價會跌,繼續去推高租金幫人供樓+送錢人洗啦,哈哈!
183. Oscar Lam 2016-03-19 12:46:16
自醉兄,

久違了,別來無恙吧?風格依然沒有變。嘻嘻!
184. 蕭峰 2016-03-19 12:50:43
引刀兄,我只是講出身邊例子,近排真係同個分析師一起睇緊樓。前年,一個雙非爸爸幫仔仔買定樓花。近排去大陸,氣氛又唔係太差。其實我只是睇數據,希望盡量可以摒除心中偏見,先可以見到事實。另一個重要信息係,年初推出d新樓銷售又唔差哦,證明真係有承接。近排何文田豪宅開價唔低,睇下朗8銷售點就知。

185. 自我陶醉 2016-03-19 12:59:54
Oscar兄,還好! 壞習慣真係好難改。  嘿嘿!
186. SHUN 2016-03-19 13:41:31
118…………哈哈!高過100都難矣!
187. 打工仔 Andy 2016-03-19 13:57:08
自醉兄

很久無見!
188. 惜緣 2016-03-19 15:08:14
自醉兄

好耐冇見,甚掛念! 自醉兄返來真好,相信論壇將火花再現。
189. 惜緣 2016-03-19 15:28:32
To 178樓 引刀兄

最近,在下忙於睇樓準備入返市, 昨天已經俾業主退返第二張票, 而在下出價只係比去年高峰時平10%多d,今天,在下再出第三張票, 希望業主可以高抬貴手。講真, 呢刻在下懷疑去年中沽錯貨。
190. LYC 2016-03-19 17:07:44
惜兄:引刀兄原來在這裡唱跌唱了N年都係錯,就算上年CCL都係升.今年還未完我估佢今年都係錯多。佢講啲野似乎暫時係100%錯,何需理會呢!
191. 惜緣 2016-03-19 17:22:39
LYC兄

好友或淡友睇啱ccl指數現時仲未有定論, 但有樣嘢肯定啱的就係, 引刀兄兩年前已經係度講, 大陸經濟走下坡。
192. 引刀一快 2016-03-19 19:02:49
惜緣兄

你地成班人呢排都少上咗,得閑要多D返嚟聚下喇!

恭喜惜緣兄又入貨,惜緣兄睇中呢件一定係心頭好,好嘢確係唔憂賣嘅,而且業主睇你慈眉善目梗恰你喇!

依傢有錢嘅人唔少,可以不管經濟好壞一路保持有錢嘅人亦唔少,但係經濟問題進一步顯露之後,社會上一定有好大批人承受唔起今日嘅樓價,除非撤BSD,咁大陸果邊嘅人,多多樓都殺起。
193. 引刀一快 2016-03-19 19:05:30
LYC兄

我喺呢度大概三年左右,我講過嘅嘢好多好多係中嘅,可惜論壇最近將99頁之前嘅嘢Cut咗,你呢個新仔,冇睇N年憑咩話我N年都100%錯?
194. 自我陶醉 2016-03-19 19:40:49
打工兄、惜緣兄

早排不在港所以較少留言,唔知惜緣兄睇邊區咁旺場呢? 那邊的地代一定豬籠入水,唔洗日日都嗌要減辣了。
195. 惜緣 2016-03-19 20:04:28
自醉兄

旺場就唔算, 只不過大部分業主唔肯減價。
196. 引刀一快 2016-03-19 21:32:59
蕭峰兄

引刀長居大陸,呢點你應該知,但係引刀以前做嘅嘢,成日要整理數據,你就未必知。

喺大陸如果純信數據,咁你就會成爲數據嘅一部份。
197. 蕭峰 2016-03-19 22:05:43
我從不信大陸數據,我話hk數據。

198. 十郎 2016-03-19 22:43:39


      刀兄: 咦!原來呢度有間咁嘅舖!

      會唔會高過118?等我這個身兼貧僧,貧道於一身嘅貧人測一測。

      根據我仰觀天象,1---群鴉亂飛,2---死魚成河,3---火流星出現。  凶兆。凶兆。

      根據我理解............1---黑天鵝,    2---死硬,        3---速跌有藍火。(股市藍燈籠)。

      唔會高過118,高過110都唔收獎品。



199. 自我陶醉 2016-03-19 23:21:13
惜緣兄,

看來這可能是你地代的問題啊! 有些地代收了買家票來試試業主的水溫,業主其實根本就冇想過要買,那又怎會成事呢!
200. 惜緣 2016-03-20 01:53:29
To 192樓 引刀兄

全球經濟都不景氣,各國政府似乎都係用量化寬鬆來解決問題, 紙幣購買力下降,因此令到物價在經濟下行的情況下卻不斷上漲, 所以,中港兩地市民還是熱衷買樓抗通漲, 而在下亦係其中一位。
201. 惜緣 2016-03-20 02:04:16
To 199樓 自醉兄

要做成成交的最快途徑就係出票去傾, 至於能否成事就要睇緣份。

202. 蕭峰 2016-03-20 07:20:06
惜緣兄

去年我也是想靜等ccl跌的差不多再出手,其實我是睇中幾個二手樓盤準備入市,亦搵了唔同公司的agent幫我留意,但so far 冇咩減價盤,零星有一兩個,啱啱放出來,未到我去睇已經被人接左。所以,只好轉戰一手啦!


203. 引刀一快 2016-03-20 08:13:13
惜緣兄

嘻嘻,引刀繼續討論的話,真係好似水滸嘅人咁:“嘴裏淡出鳥來”,哈哈哈

樓價与平均收入,應該有個相關嘅合理比例範圍,雖然話日本經濟唔好,佢地都量寛,但係日本人嘅收入唔低,而樓價比香港低。

我睇法係,大陸經濟唔好嘅情况下,逆勢增長嘅嘢,好可能就好似一個病人,體重一直增加咁。要麽體重驟減,要麼俾醫生捉去减肥。當然,我唔能夠完全抹殺新體重係新常態呢個可能。


204. 蕭峰 2016-03-20 08:24:00

張翹楚指,樓市並未形成減價潮,個別劈價成交只屬於假 象。「近日不時聽說二手樓劈價20%至30%,但實際數量很少,即使有,代理亦只介紹熟客,不會在經紀行之間流轉放盤,往往到成交了或承造按揭時,市場才 知曉消息,一般買家想在街上撈到這些貨,仿佛大海撈針。變成情況是,市民看新聞感覺樓市跌好多,但自己親身落代理行逛一逛,又似乎是另一回事,沒有明顯的 筍盤。」


205. 引刀一快 2016-03-20 08:35:06
十郎兄

原來十郎兄又係玄學家!黑天鵝係澳洲嘅大型鳥類,唔通呢舖.........!!!!

至于死魚,早排唔止成河,係成海!維港出現大量死魚,我睇網報D相,係淡水魚!!!
放生淡水魚入海,猶如大陸土豪來港..............!!!!

隕石旁的天際,是愛的根源,阿倫一唱完愛的根源,即刻就唱夏日寒風.....!!!!

十郎兄,我同你係新軟硬天師。

206. 惜緣 2016-03-20 11:34:22
To 202樓 蕭峰兄

去年底有親戚係某大屋苑搵二手盤, 其中有個盤開價900萬, 佢就還價800萬, 幾日後地代話賣咗,售價只是比開價平十幾萬, 之後係中原的成交度見到呢個盤。


207. 西門吹雪 2016-03-20 11:45:56
大俠204所講係實情呀。呢幾個星期,冇相熟經紀,真係好難揾到筍盤。有都益左自己友先,地代自己食吾哂,就留比熟客。到流到我們手裡的,相信都係開價高而冇人要的。所以,新盤明碼實價,亦有其可取。

唉,查實玩樓呢樣,吾同人有吾同待遇,並不是十分公平既遊戲。即使你看準時機,亦有機會遇人不熟而減少獲利,甚或錯失機會。亦很無耐啊。
208. 惜緣 2016-03-20 12:01:31
To 203樓 引刀兄

嘻嘻,你唔使瞓既, 在下岩岩先起身,哈哈哈

關於樓價的討論, 希望好友們幫拖, 在下已技窮。
209. 蕭峰 2016-03-20 12:08:00
惜緣兄、西門兄

最近可以感受到,論壇上的朋友已經十分分化的兩極觀點:睇好同睇淡。一方面指數在加速下跌,另一方面新樓又反應不俗,的確令人不容易判斷。

因為我是想入市,所以除左看數據,都要落區去實地睇,得到的結果又同數據指示爭好遠。開始我都唔信地代,搵左唔同公司唔同agent,得到的結果差不多,筍盤似乎並不太多。

210. 西門吹雪 2016-03-20 12:10:47
大俠,數據比實情慢很多很多。我之前說過2月24之後出左一堆平價成交,ccl這個星期開始反影。3月初頭幾個星期就狂風掃落業,掃哂啲筍盤。相信ccl跌多一兩個星期先反映3月呢2個星期既小陽春。

不過,都係個句啦,而家買,一係就把握最後機會買平貨 (假設之後持續上升) ,一係就摸個短期頂囉 (假設陽春後再跌過)。我自己比較相信後者,但冇人可以知道未來,必須自己想清楚啊。
211. 蕭峰 2016-03-20 12:24:34
多謝西門兄提點!

其實我無所謂,因為係用家,只要樓靚、位置好、交通方便,符合晒我要求,叫價reasonable,我就可以接受。我唔係搵緊一d 40%的減價盤,又唔係想撈底,只想搵心頭好:)
212. 引刀一快 2016-03-20 13:44:41
蕭大俠

身外物換心頭好,我同意無需考慮價位,買得起就可以了。
213. 十郎 2016-03-20 15:28:51


      迴光反照

      刀兄......其實我好驚寫上面那四隻字,他代表人之將盡。但是那是我對現狀的意見,有人說既然經濟向下行,但是市面消費無差過,人人好似好多錢。諗下:我都冇得買樓,冇得創業,點解唔大駛d。

       我地(拉埋你落水)被標簽為“淡友”,是奸角,是“石堅”,須知黃飛鴻同“東宮”(余麗珍),都係衰開頭,到尾就榮歸,光宗耀祖。而家仲未知邊個係石堅定黃飛鴻。

      有人說:“不賣不蝕,未賣未蝕”,這樣就透露了他們的功力。1984年,杏花村呎價一千元,九成按揭,普通工資是二千元,另外有加班同秘撈等外快。現今普通呎價,高峰時一萬五千元,升15倍,普通工資不連加班,有冇三萬元? 堅唔堅離地? 自己找答案。我認為有部份人買完樓,升咗就沽出,走短線,有玩開股票的朋友,對於“短線”變“長揸”,唔會陌生嘅。






214. 蓄芳待來年 2016-03-20 20:53:24
初將爛醉答春風,影落清波十里紅,預祝刀兄見到中指屈落118。
但落到118又如何?對個人操作完全冇幫助。
今日帶2個豆釘去沙灘戲浪,遙望心儀覆式,內心無限感慨,機會錯過咗就一世錯過咗,擁有嘅人唔會放返俾你,只因強者越強。
一個浪打埋來,個仔人仰艇翻,另一個卻安然無恙,技術嘅分野。
市跌大把人賺錢,市升呢類人賺得仲多,好似自己呢類只識買單邊嘅人,目前最好放假,放個長假。
至於樓上十郎兄嘅1984,哈哈,我只係諗起前晚枝酒,都係1984。

215. LYC 2016-03-20 22:23:56
股票十隻有九隻都係搵笨啊,長揸只會越揸越窮,樓長揸就越揸越發,樓價租金長期升多跌小,博士咁發就已經有板你睇啦,咁都睇唔通啊!
經濟一片好景,永遠只有淡友睇到佢認為向下行的趨勢呢!
216. 十郎 2016-03-20 22:24:42


      蓄兄......1984年係中英落實草簽的一年,當時樓市低迷,所以有九成按揭,樓價1千情況出現。

      記憶  蓄兄好像97後,成功獲政府免息貸款買樓而受困,(如果記錯咗,懇請原諒)。當年我亦成功申請,有高人說“那是政府希望大家蝕d的策略”,另一高人說“你借40萬,樓價跌40萬,你其實唔駛借”。所以我打息念頭。蓄兄能夠打出重圍,恭喜!恭喜!

      今日天氣凍咗,仲帶兩豆釘戲浪!真英雄出少年。


217. 十郎 2016-03-20 22:28:12


      我講過.......供咗十年樓,還未脫離危險時期,祝大家好運。
218. 十郎 2016-03-20 22:58:48


      刀兄........黑天鵝的原本意思是“ 意料之外;意想不到 ”,因為歐洲人一直知道天鵝是白色的,當黑天鵝在澳洲被發現,他們驚覺......唔可能嘅事,係會發生的。

      現在黑天鵝演變成“不祥徵兆”,好似烏鴉一樣。


219. 好 2016-03-21 00:49:50
維持原判,高于118。
220. 引刀一快 2016-03-21 07:22:57
To 213樓 十郎兄

諗下:我都冇得買樓,冇得創業,點解唔大駛d。
呢個真係真知灼見!再者,駛慣咗嘅人,對經濟下滑反應,大部份人都係滯後,識得提前做應對準備嘅人少得多。

是奸角,是“石堅””,十郎兄,據稱石堅係幕前奸雄,幕後君子,劒膽琴心...(我地自己又貼下標簽先),呵呵呵

我認為有部份人買完樓,升咗就沽出.........“短線”變“長揸”,唔會陌生嘅。

黑天鵝我知道意思,特登講澳洲來,逗下長河san開心啫。

221. 引刀一快 2016-03-21 08:57:09
To 214樓 蓄芳兄

CCL 118祇係一個方便大家表達對今年樓市走勢嘅定位,与引刀嘅期待無關,既然無關,何來恭喜?蓄芳兄實在無需將淡友看淡解讀為望淡。

機會永遠存在,關鍵喺自己身上,客觀面對環境、客觀審視自身條件,靈感往往來得不經意。



222. 自我陶醉 2016-03-21 09:23:25
呵呵!如果靠望同亂噏都可以改變樓價走勢,呢個世界一早就冇窮人了。
223. 引刀一快 2016-03-21 09:37:49
自我陶醉兄

蓄芳兄所言,升市跌市都賺錢嘅人,明顯暗示緊你喇。
224. 自我陶醉 2016-03-21 09:39:04
引刀兄, 

我唔同意你話駛慣咗嘅人,對經濟下滑反應滯後, 觸覺是否敏銳視乎個人而定,錢是搵來洗的,只要量入為出便可以了,至於呢度啲慳家嘅所謂投資者,唔見得個個對嘅經濟觸覺都好突出喎!  相反,他們有些對經濟不但一無所知,有些甚至毫無判斷能力可言喎!  
225. 自我陶醉 2016-03-21 09:47:08
223樓 引刀兄

唔係啩!  我估佢話嗰啲醒目,曉得上年高位出貨嘅投資者喎!
226. 引刀一快 2016-03-21 09:58:41
224 樓 自我陶醉兄

我寫得唔夠詳細,所指係年青一代而已,依傢嘅社會風氣,懂得量入爲出者算相當穩陣。

至于經濟觸覺,最勁就係LYC喇,就快攞落背耳經濟超級大獎喇佢。
227. 引刀一快 2016-03-21 10:02:29
你咪就係承認上年係高位嘅人囉,前年你冇話係高位吖。
228. 自我陶醉 2016-03-21 12:10:42
226樓 引刀兄

明白。至於你講嗰個極品, 令我想起爆咀兄, 好想問呢位阿哥一聲: “你係咪喜歡倒轉個圖嚟睇㗎?”
229. 蓄芳待來年 2016-03-21 12:14:02
216樓十郎兄:
逆境係雙面刃,一起步就瀨嘢對往後人生未嘗唔係好事,到而家都對當年嘅挫折心存感激。雖然至今毫無成就,但總算留低一堆故事。

221樓 引刀兄:
「靈感往往來得不經意」者,前生必有深厚福緣。身邊正正有一兄弟,歷史、經濟、時事一竅不通,但20年來未逢一敗,出入之timing準過神仙。問佢點解要買/賣,佢三個字殺哂:靈感到。堪稱一身仙骨。

入論壇日子淺,不熟自我陶醉兄,小弟所指嘅,係「1984」一揸到底嘅人。技術含量低?哈哈,「忍耐」二字正正係一般擒高擒低嘅聰明人所缺乏。途中要經歷幾多套利誘惑?又白骨精又蜘蛛精,能不為所動,意志力豈常人所及。結果最終呢班人都妻妾成群,一間接一間,日子幸福美滿。
而家想做卻面對一個疑惑,香港發展仲有得上?暫時只能嘆句:愛得太遲!




230. 引刀一快 2016-03-21 13:30:32
To 228樓  自我陶醉兄

我本來一直對呢位兄台好客氣,點知佢可能覺得唔夠刺激,話我喺論壇一直講嘢100%錯,我諗佢唔單止係倒轉個圖嚟睇,而且亦鐘意用倒后鏡睇圖。
231. 引刀一快 2016-03-21 13:42:10
To 229樓 蓄芳兄

「靈感往往來得不經意」者,靈感唔係撞番嚟,而係積返嚟嘅。

任何人都唔會知悉一個投資嘅所有,再勤力做功課亦難保一定周全,所謂靈感,就係拼圖裏面最後一塊。對上即成型。

兄台話貴兄弟“歷史、經濟、時事一竅不通”,貴兄弟嘅靈感可能就係直覺,有位網友叫懶人,佢提出“市況人心”呢個睇法,其實就係按常識同經歷,“宏觀”分析社會上接觸到嘅每一件事。
232. 西門吹雪 2016-03-21 14:09:30
刀兄~~其實100%錯等於神級GA LA~~100%錯只要將結果倒轉就100%岩~非人類能及架,哈哈哈

條友低能架~唔駛理佢LA~~我而家見到佢名号就直接SKIP個回應~~話之佢講咩啦,哈哈
233. 引刀一快 2016-03-21 14:23:16
西門兄

如果真係唔理佢,下次都唔知話我乜,雖然引刀喺呢度幾乎乜都俾人閙過,但係100%錯呢個真係神級嘅褒獎,直頭係神級爆笑大獎,我都好耐冇試過呢種既好嬲又好笑嘅感覺。
234. 向饭民说不 2016-03-21 15:06:24
日本的创汇女郎曾经是日本的第五大经济支柱。

1902年,日本全國對外貿易輸出總額為2583億日元。其中銷售額第一的是生絲,7686萬元;第二是絹織物,2798萬元;第三是棉花,1990萬元;第四是煤炭,1727萬元。「南洋姐」和海外移民匯款總額1202萬元,佔第五位。無論是否光彩,經濟數據那可是槓槓地在說明問題:「南洋姐」已經和生絲、絹織物、棉花、煤炭一起,成為日本的五大重要輸出品。
235. Peter Pan 2016-03-21 15:11:29

自我陶醉兄回歸論壇又精彩翻嗮。 可惜長河兄潛了水我最鐘意看自醉兄大戰長河兄。

236. 引刀一快 2016-03-21 23:11:15
向飯

以前有人同我講過,廣東嘅錢西移,就係透過毒品同女人。

不過你剪貼文都唔睇下先,樣樣都係幾千萬,前五夾埋未夠兩億,點樣湊拼一個“總額為2583億日元”岀嚟呢?唔通當時大宗商品有過十萬種?

你都係囫圇吞棗啫。
237. 占士 2016-04-01 09:22:15
238. 引刀一快 2016-04-02 16:46:14
占士兄

呢排好多事要處理,冇幾何喺電腦邊,總結要嚴謹,所以請稍等。

呢度唔受外圍投注,呢類“調查結果”如果投票環境、背景非統一,係冇參考意義,如果佢地係你friend,叫佢地親身過嚟講兩句仲好啦。
239. 占士 2016-04-03 21:45:29
刀兄,明白,知道您貴人事忙!有時間再慢慢總結吧!已經叫過了,該來的也已經來了!哈哈
240. 引刀一快 2016-04-03 23:56:29
占士兄 

多謝支持,一有時間就先嚟個前段總結。
241. 路人皆知 2016-07-02 19:35:46
引刀兄,又話每三個月總結一次?有乜嘢感想呀!
242. 引刀一快 2016-07-03 10:36:45
路人兄

總結要得閑D先做,感想可以先講講。

年初本投票活動初舉行,好多老牌好友都含糊其辭,依傢CCL回升緊,請各大好友踴躍發表,到底本年年底最后一週,CCL會高于還是低于118?

當然,請淡友們也大力支持,多多發表睇法。
243. 無奈 2016-07-03 13:49:14
高于118
244. 引刀一快 2016-07-03 19:14:45
多謝無奈兄繼續支持!

其他論壇網友請踴躍發表。
245. aa 2016-07-03 20:27:49
200
246. aa 2016-07-03 20:32:04
In 1997,  one lunch is 15HKD. Now, it is 30. Using the same buy ability, the  reasonable  housing price index  should be 200.
247. aa 2016-07-03 20:45:36
In 1997,  one lunch is 15HKD. Now, it is 30. Using the same buy ability, the  reasonable  housing price index  should be 200.
248. 香港土著 2016-07-04 09:54:32
個人認為今次係陰乾格局, 由2015年9月起計, 下行周期會超過五年, 會係慢熊 (類似日本迷失X年). 所以, 我估今年底CCL會高過118.
249. 引刀一快 2016-07-04 14:15:23
多謝香港土著兄對活動嘅支持。

我都覺得似陰乾局,高於118實不為奇,兄台態度中肯,論壇如此方有意思。

不過我知道大陸一d幾令人詫異嘅情況,講出嚟又怕坐洗頭艇,我個心比呢度大部分人更唔希望出現硬著陸。
250. 引刀一快 2016-07-04 14:23:54
To 246樓 aa兄

先多謝你參與投票,你估CCL幾多都可以,200唔係奇,只要撤BSD,180我保底。

有個必須留意嘅問題,比較就餐價格應該以同一餐廳、同一套餐作准,在下1988年做超市暑期工,未過試用期都有3150,依家幾乎30年後,同一超市同一工種我估計未過萬。
251. aa 2016-07-04 16:20:59

It is  hard to get an exact figure for this.   But a common sense is that there are more and more  money now, globally.

In our current society, there are more and more people who really produce nothing now. How do there people survive?

They  are using the notes printed out via our so-called regal systems. For small potato, like us,  the only way to protect us is to buy some useful things which can not be printed out.  Some smart guys are doing this.

Of course,  everything has a risk.  If  this risk is out of  our  control,  we have to pay somethings to our system, that means, allow them to take  benefits from our life.

  

252. To 250/F 2016-07-04 17:13:51
真心問, 你睇大陸睇得咁淡, 點解撤 BSD 你又覺得可以上 180?
253. 引刀一快 2016-07-04 17:28:31
先回252樓

真唔真心?一樣答。
大陸走資潮嘅規模,相對香港現有加未來一二手盤嘅數目,撤BSD後推上180有咩奇怪?有句話叫“慌不擇路”,一群來時亦會一窩蜂走,尤其是今次洗頭艇事件,兩地會逐步加强各領域通報機制,唔能够長留大陸嘅錢,將來香港亦未必係安全地。
254. 引刀一快 2016-07-04 17:46:59
To 251樓 aa兄

買嘢保值個個都識,但係要睇價位,睇形勢,睇環境,你講得冇錯,好多人冇做事但係日日有錢駛,呢樣嘢唔好太老定,從新發牌係周期性發生嘅事情,呢個時候賣屋可以比買屋更鎖定利潤,世界休養生息到夠,實體經濟會再上路。
255. aa 2016-07-04 18:02:33
The problem is that we do not have the prediction ability about how long  the cycle is. The  historical data is not surely applied for current case.  If we know the cycle,  then  there is not poor people already.
256. 引刀一快 2016-07-04 18:28:25
老生常談,點解唔知升定跌就一定要買升?點解睇得到經濟前景唔好都一定要以買升為保險?純粹好友邏輯而已。
257. 好 2016-07-04 20:48:01
繼續維持原判,高于118。我係香港傳統死硬派,同死揸滙豐一樣。
258. CD ROM 2016-07-04 23:05:48
高於118

刀兄,以年中計距離還有9%,以上半年走勢估,就算有低於118既機會但時間上又要碰巧在年尾出現,太難。。。
259. 引刀一快 2016-07-05 00:47:45
多謝CD ROM兄對活動支持

時間係短咗D,但係要跌的話,破118唔係問題,關鍵係呢半年社會是否真正意識到大陸嘅問題唔可能靠行政手段,用幾個政策去搞掂,更不可能一時半刻就渡過低迷恢復元氣。

所以,依傢好友最緊要努力唱好,給予舉棋不定嘅人無限信心,并且重視“依傢唔買遲D更難買”嘅可能性,個個廿幾歲仔嘅人生理想就係老來有間屋,而唔係術業有專攻。如是者,118必可保也!
260. 252 2016-07-05 11:27:22
高於118

另想回 256/F 刀兄:

其實長遠睇, 買升贏面係大 d, 因為升係無限, 跌係有限.. 今日 4m 既樓, 幾十年後值幾多, 冇人估到, 可以係 40m 都唔出奇, 但跌呢, 當你跌到 $1 都唔值, 都只係蝕 4m

所以我都覺得如果你唔係咩股神債神乜神物神, 計過風險後, 覺得自己承擔到個風險, 買係保險過唔買.


261. CD ROM 2016-07-05 17:08:40
刀兄, 針對大陸既問題, 我大致上係同意. 只不過情況既發展, 如果其他地方同樣唔得掂的話, 其實net result會唔會無想像咁嚴重呢?

比喻說, 中國要跌50%, 但原來全世界都跌35%啦, 咁其實中國比average只係差左15%. 咁又係咪咁差呢?

香港既樓市, 其實持份者好少... 香港中產既底厚都唔駛我多講了, 加少少外資, 加少少國內中產+富豪, 已經夠晒數支撐了...

點解我話用上半年走勢為例去改 "高於118" 呢個答案呢? 因為上半年我認為氧氛已經幾差下, 再加埋臨門一腳Brexit, 居然6月30號CCL仲報緊129.xx 港樓市個底真係好硬!!!
262. 香港土著 2016-07-05 17:31:09
CDROM兄,

照計七月CCL先會見到BREXIT效果...
263. CD ROM 2016-07-05 20:21:22
土著兄

因為呢個星期d成交都好似無乜插水,所以咁樣估law...
264. 不如估下會否高過136 2016-07-22 00:21:24
下半年恒指发力,CCL有机会升返136或以上,一地眼镜。
265. 引刀一快 2016-07-22 02:46:16
好呀,你攞番你個藍色名岀嚟自己開新題囉。