主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 20003    回應 : 13
資深會員專欄
人在旅途置業時(1)
 
望東樓
2016年1月2日

終於發覺上網吹水原來係會上癮嘅。唔上來『討論』尤自可,眼見人地係度開壇咁開心,唔俾我發表下就周身唔聚財。但睇下人哋牌面已經係舖王/()租霸,我點充都至多係豪華限量版獨木舟。係無得片嘅客觀因素底下唯有寫下人生旅途入便幻想過幾個係物業取向方面比較凸出嘅人物。而家暫時諗到下列幾個:

女神篇

毛篇
大、Trader
收租(外)婆篇

重點聲明:故事人物純屬虛構,如有雷同,實屬巧合。

女神篇

女神有幾個特質,而最特嘅就係右腦強悍無匹。算數字無特別,但算人心就非常深入獨到,永遠會用用佢獨有嘅感知、觸覺對你作出全方位『估算』。點講呢,如果佢識得你、同你交過吓手,你同佢show hand係好難贏佢。咁加埋我呢個主要用左腦嘅就真係天衣無縫啦。

雖然係用右腦,但相對於其他女性,女神多咗七分理性,少咗五分感性。對身邊大部份事物都有獨立見解,好少(但唔係冇)受到其他人嘅行為所影響。再加上逆向思維嘅我用埋彩數,好幸運咁避開過去係金融市場上嘅幾大劫。

女神嘅原則性極強,其中一條天條就係『必有一樓』。話之你泡沫又好,冧山地震海嘯都好,沽咗層自住樓係無商量嘅。咁小弟只可以係呢個大前題底下操作勒。不過咁,除咗啲hedge funds可以long and short,普通基金經理都只可以long the market而唔同基金嘅表現係可以大相逕庭嘅。喺三D政策出現之前,響客觀因素許可之下你係完全可以係只揸一層樓而仍然ride the market according to your view。比方如果你對後市有信心,你係可以兩人住半山/山頂一千到千五呎(即係擁有比你想擁有嘅終極理想單位更高一層次或者係相對最接近嘅單位)即係overweight;相反就可以搬落山腳/細啲/舊啲嘅單位即係underweight

女神亦斷捨離流派港區開山大弟子,同我呢個草根環保男就矛盾重重啦。其一係對於草根嚟講,呢個世界上係無廢物嘅,拋棄啲有用嘅嘢叫做折墮,同埋真係冇呢個習慣。其二係我其中一個師傅教落擰螺絲用螺絲批白痴都識,你嘅價值在於係冇螺絲鈚嘅情況底下搞掂粒螺絲。咁就搞到係我心目中好多垃圾仲有九十七種用途。嚡,你話點收科。

睇番轉頭女神同我都係個隻做大件事之前諗通諗透,永遠只係承受calculated risk。唯一例外好似只係完全相信對方,當然包括錢,所以要達到目標嘅難度只係人地既一半。但就真係高風險行為。奉勸大家想學之前一定要對自身與另一半有充分了解。

後面幾篇其實已經寫好,睇下大家有興趣睇邊一篇先。

 
我要回應
我的稱呼
回應 / 意見
驗証文字
 
1. Support 2016-01-02 15:52:45
safa
2. support 2 2016-01-02 15:54:07
SOFA
3. 歷史長河 2016-01-02 16:57:39
支持。在下一向以為,在幾個淡友裡面,PN兄是最有料,冇之一。也應該係最有成就,冇之一。

萬分期待。
4. Small Potato 2016-01-02 17:30:19
長河兄,應該係PN 卿先啱😊
5. 歷史長河 2016-01-02 17:36:04
女士?
6. Ronald 2016-01-02 17:50:33
雖然我未見過PN,但我都估PN是女士。
7. 自我陶醉 2016-01-02 18:08:46
PN兄是圖表派trader嗎?  期待你的trader經驗分享!
8. 望東樓 2016-01-02 21:38:56
鞋,咁即係樓上有兩位無睇細佬寫篇嘢,又或者我嘅表達能力太屎。
我呢一刻係淡友,仲係好淡個隻,不過我唔會永遠睇好或者睇淡任何嘢(當然有啲asset class我係唔敢掂嘅)。當成街都係血我就跳入去,當個個自認樓神果真你知我會點諗啦,呢啲係我俾個金融市場折磨咗好多年,公司幫我啲咁嘅人交咗好多學費浸淫返黎,普通人好難學。
成功與否似乎係相對同埋可以用唔同嘅準則量度嘅,我唔識其他人所以無得講.不過起碼比起Oscar兄就差九條街。(請記住Oscar兄係自己交學費嘅)
我唔係純圖表派,啲圖主要主要用來擺收水同斬頭位。但一個圖表可以表達太多嘢。不過通常我唔會係度解太多畫,因為咁先可以吸引多啲人係度表達佢哋自己嘅意見,為觀點我掃盲。
9. 歷史長河 2016-01-02 21:52:22
在下以為圖表可以用來表達,如果用來做預測則屬江湖術士之術。更加江湖的還有波浪理論及推背圖。

 
PN, 你話故事純屬虛構,所以大家未能確定你的性別,唔好多念。
10. Sugar 2016-01-02 21:56:59

PN兄 ,

平時見你啲靚圖多過你爬文....今日突然咁長篇文(仲話係序喎)真係晴天好霹靂囉!!!^^

我好欣賞你嘅後現代+騰雲駕霧+trader風格.....正!

小妹跪求下篇拜讀 "毛篇"!(真係寫好?今晚MN前出唔出到街呢?)

11. 望東樓 2016-01-02 23:06:12
河兄,我做prop trading 個陣都喜歡用波浪圖嚟trade,波浪圖係有少少規限嘅比方一浪同四浪唔可以overlap,三浪唔可以最短。所以你只可以make assumptions,而你嘅stop loss正正就係派向個啲位。

Sugar,一日只出一篇。明天大清早睇票。但我要少少時間做啲由ward copy 過嚟嘅formating。
12. 歷史長河 2016-01-02 23:55:33
PN 兄,咩波浪?Elliot Wave? Come on, it is a joke, you can do better that that!
13. 引刀一快 2016-01-03 02:10:01
PN兄 

恭喜出文,如果真係寫定就快手出喇!