地產博客 > 資深會員專欄 返回
瀏覽人次:25520    回應:36
資深會員專欄
港燦式茶餐廳(四)慘遇魔鬼室友,學渣敗走!
 
引刀一快
2015年12月31日

  上文題要,引刀搏到咗磨爛蓆嘅機會,不但可以繼續伴君側,仲可以轉新宿舍,至于進修、深造、充實、上進之類嘅講法,則不太在意,引刀認爲學校社會各有所學,只要學術基礎到位,所有願意動腦嘅人,任何時候都係學習中,不過呢D係學渣思維,千祁唔好俾細路仔睇到。

  今次去到新宿舍,我係最後一個進駐,宿舍格局好得意,兩房共用一個厠所,一邊兩張床,一邊四張床。四張床果邊已經滿人,兩張床呢邊有位!同房係舊同學,雖然同呢位仁兄四年來都冇乜交集,但係好歹都係多年同窗,睇怕又可以交個新朋友。

  入住新宿舍幾日,發現有個好得意嘅現象,呢位仁兄日日放一粒搣開咗嘅糖喺我床頭窗邊,我丟咗佢又再放一粒,問佢就支吾以對。
  引刀好鐘意養魚,兩個人住嘅房,每人有一個大鐵架,人家用嚟放雜物,我就用嚟放魚缸,又有個好得意嘅現象,只要引刀走開兩日,魚缸就會出現古靈精怪嘅事故,次次都有死傷。
  慢慢,我發現遇上魔鬼室友,怪之佢本科冇乜人同佢好,呢種心理唔平衡嘅人,好可怕,當出現喺群體嘅時侯,由于受到多數人嘅制約,礙于壓力而隱藏自己,當佢同人單對單嘅時侯,大部份嘅陰暗面都會表露岀嚟。

  不久前,復旦投毒案凶手正法,呢類事件喺大陸學界唔係第一次發生,轟動与不轟動我地一直都聼唔少,主要係冇搞出人命就未必會傳到香港。相見好同住難唔係呢種事件嘅唯一原因,甚至唔係主因,主因往往係二人“較勁”(比較)。

  如果一大班人一齊住,當中有一個係學霸,那麽其它幾個人齊齊無緣問鼎,有人陪冇所謂,比上不足比下有餘。如果有一個係學渣(比如引刀),咁又係冇事,因爲個個考試成績都好過我,唔通嬲咗成村人咩?早就認命。但係二人宿舍就有一個問題,大家只有勝負,任何一方面,都係只有勝負!非勝則負。

  學生之間,最攀比嘅一點,無可置疑就係頭腦,呢樣嘢男生緊要D,但係女生都差無幾,然後依次大概係拖友嘅水平、家庭背景、個人外貌、人緣及交際能力、運動天分.....等等。因爲高校裏面嘅人,大多都係相信智商支配未來人生格局規模。

  引刀貴為
 當年級中八大學渣之一,本來就可以與世無爭,不過呢位港燦同學都唔係完全身無長物,雖然大部份科目考筆試都徘徊於榜末,但係入到實驗室,引刀係王者,動手能力以及對實驗嘅規劃能力,非但授課老師欣賞,連學院內冇帶實驗課嘅老師都知道引刀嘅表現,所以改卷都會補貼多少印象分,否則引刀分分鐘畢唔到業!當年港澳生讀我地呢科甚少,以至造成一種港澳生答題差而偏重於動手能力嘅假像,老師們問我,從實作表現我應該充份理解學科,係唔係因爲唔識中文所以答題寫得咁差呀?我梗係忍住笑順水推舟話係喇,唔通照實講話我讀書屎咩!好歹總算冇太丟英女皇嘅架。

  言歸正傳,當年班中強手如雲,天資敏悟者比比皆是,呢位魔鬼室友想做學霸當然排唔上號,如今見到有學渣同佢同房,心裏自然涌出一股
期待,以爲自己有壓倒性優勢,未來三年都可以顧盼自豪,可惜初步接觸之後,佢完全嚐唔到甜頭,越係嚐唔到甜頭,就越係急切去證明自己,因爲,聰明唔過學渣,係呢種人無法想像兼無法接受嘅事情,別人一切稍爲靈巧嘅表現,都會觸及佢神經,視爲威脅。

  慢慢,本來小打小鬧嘅小動作,演變成每每有寵物傷亡嘅爆陰毒,引刀覺得極爲困擾,加上對方兩次追女仔失敗,面容日漸陰暗,引刀已經開始擔心人身安全,因爲大家都要做實驗室工作,而對方嘅實驗室,毒物真不少。

  有那麽一點相似,復旦投毒案凶手獨身、完美主義、內向、多面性格、勤學,而且膽大手黑。官方發佈凶手嘅供述,大部份都係律師精心為免死而鋪排嘅,經常要思考同設計實驗嘅人,也許會好容易推斷勾劃出另一個一石數鳥嘅惡毒計劃,凶手係犧牲對方身體健康作爲自己寶貴實驗資料,人如何能够如此賤待一個熟悉嘅人?就係恨。既生瑜,何生亮,周瑜谷死自己,林某就毒死人地。每次諗起呢件事,引刀“後怕”。

  恨,使力量變成無限大,當時
引刀差D想同佢死過!忽然,眼前出現一個轉機,到底係乜好嘢?唔賣關子,下篇就係引刀敗走買大陸樓。
 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 朗晴 2015-12-31 21:42:11
期待!
2. 自我陶醉 2015-12-31 22:35:32
引刀兄,寫了4篇還未入正題,有冇攪錯?  哈哈!
3. 望東樓 2015-12-31 22:45:13
問題好可能係佢哋放所有時間係讀書上面,忽略咗人生仲有好多其他嘢,例如人際關係同點樣表達自己。
4. 引刀一快 2015-12-31 22:59:58
To  2樓 自我陶醉兄

我擺明呃飯食,咪踢爆喇,下篇就係買樓喇!
5. 引刀一快 2015-12-31 23:02:04
To 3樓 PN兄

引刀真身人際關係唔差嘅,我點會唔知人生有好多嘢吖,睇落去你就明架嘞!
6. 無奈 2015-12-31 23:36:28
刀兄,宿舍很多蟻?糖好有吸引力。

大陸學堂很少做實驗,動手做非他們的強項,稱你為學霸更恰當。
7. 新抱仔 2016-01-01 01:25:01
好好看,快快開估!

祝萬事如意!
8. CD ROM 2016-01-01 02:28:35
刀兄,沙發搶不了,2016新年快樂!
9. 引刀一快 2016-01-01 03:12:14
To 1樓 朗晴兄

今次會快手。
10. 引刀一快 2016-01-01 03:43:10
To 6樓 無奈兄

真係心水清,佢就係咁嘅目的,不過我都係過幾日先識破佢,因為螞蟻一直唔識趣,冇領佢情。

至於實驗能力,當年大部分地方嘅高中都冇乜資源俾學生做實驗,但係我認為呢個唔係主因,缺乏嚴謹嘅治學精神同精益求精嘅心,先係佢地喺實驗室腳軟嘅致命原因。

一係唔做,做就全力以赴,盡善盡美,呢種態度近年開始喺部份實驗室蔓延開,相當好嘅兆頭。
11. 引刀一快 2016-01-01 03:48:46
To 7樓 新抱仔

今次會快手,頭幾篇係鋪墊,往後會有好多相關嘅延伸。
12. 引刀一快 2016-01-01 04:04:56
To 8樓 CD ROM兄

唔搶沙發可以搶咕筍嘛,新年快樂
13. 打工仔 Andy 2016-01-01 08:09:05
引刀兄

你果然勁秋! 個圈兕左上火星喎, 哈哈哈!
14. 自我陶醉 2016-01-01 10:09:12
刀兄, 如果係我,我會問佢係咪跌咁粒糖,然後畀番佢。 哈哈!
15. 元朗人 2016-01-01 10:57:49
早晨引刀兄,

非常棧鬼的文章,但又能說出很多令人有同感的思想,高手。期待下文!
16. Oscar Lam 2016-01-01 13:10:36
引刀兄,

期待你的關於大陸樓市、經濟和民生的文章。祝新年快樂,萬事如意!
17. 向饭民说不 2016-01-02 00:08:37
看开一点啦,引刀。不过引刀都应知道,当时大陆同学其实都系尖子,接收香港的大学,很多都是重点大学。本地学生要入去的竞争是非常大激烈。我又听讲好多香港学生好吾掂。不过都好正常,去大陆读书的香港学生,其实系香港的成绩都系中中挺挺。由于有政策,香港学生先有可能入去。所以有时做人,要知足。

roommate这回事,都系那一句,相见好,同住难。同香港同学,鬼佬,黑鬼做roommate一样有趣。
18. 引刀一快 2016-01-02 02:58:38
To 13樓 打工仔兄

你知係火星就好嘞,呢D都係鋪墊,一入正題就會對上號,有冇睇火星任務?當然會返地球喇。


19. 引刀一快 2016-01-02 03:02:52
To 14樓 自我陶醉兄

放糖已經係小事,有機會講D更陰毒凶險嘅情况你知。
20. 引刀一快 2016-01-02 03:16:01
To 15樓 元朗人兄

多謝捧場,呢幾篇都係鋪墊,往後就係正題,好快岀嚟。
21. 引刀一快 2016-01-02 03:27:03
To 16樓 Oscar Lam兄

新年快樂!可以講,前四篇其實都係民生。
22. 自我陶醉 2016-01-02 18:47:29
回 19樓 引刀兄,

好呀! 我仲有興趣知道你點對付呢類魔鬼。 哈哈!
23. 向饭民说不 2016-01-02 20:39:54
高贵港璨真系和台湾人一样。井底之蛙。

這位叫姍姍的俄羅斯妹子老公是臺灣人,她說她老公的口頭禪就是“臺灣人素質好高哦”,每次她老公看到不文明行為就說是“大陸的”這位居住臺灣的妹子表示,有很多臺灣人也有不文明行為,這樣統壹歸類到“大陸人”身上,很不公平。

24. 向饭民说不 2016-01-02 20:42:32
有一期節目一個 日本人說 中國高鐵 山寨 日本的 

沒成想立刻就被旁邊的 德國人 打臉 :說日本幾十年前 新幹線還是 山寨的 德國技術