主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 23307    回應 : 14
資深會員專欄
專業機構投資者(一)所謂專業
 
珍惜香港
專業機構投資者
SMIEEE.MSc(ICDE)
http://facebook.com/hongkongtruevalue/
2015年12月31日
網主宴客之後,大家都紛紛體現承諾,响呢個月之內,至少各寫一篇專欄文章。最後 Sugar 姐都出咗文,即喺已經齊全。我話過,或許會出「十四篇後感」嘅續寫,但考慮到,再玩多次炒埋一碟,似乎唔太恰當,咁就不如認真啲,開個 TOPIC。不過,為表對各位嘅敬意,我會以十四篇之後,先至出文嘅網友文章,引入主題。

收租佬嘅「專業」

咁就由 Sugar 姐嘅精彩故事講起啦!話說,租客遲咗十日都未交租,收租婆先至打電話去追,而且仲唔止一次喺咁。我覺得呢位收租婆,太好人,標準租約訂明,租客必須响應繳之日嘅七日之內交租。遲成十日至追,人地唔會多謝妳,只會覺得妳冇所謂,可以再拖,久而久之,就演變成拖租嘅習慣,次次要追,好麻煩。

記得我有個租客,一向準時交租,但有次就遲過七日。我第八日就 SEND 咗個 EMAIL 俾佢,再加一個電話,發出義正詞嚴嘅警告,話準時交租,喺租客質素嘅重要指標,再有下次嘅話,我可以即時終止租約。結果佢道歉之餘,仲即日安排過數,之後咁多年,佢都喺响應繳之日,或之後最快嘅工作天交租。除咗有次,佢遲咗五日,雖然仲喺七日之內,但佢都 EMAIL 我解釋。你底線清晰,人地反而會尊重你,作為收租佬,秉承合約精神,喺好重要。或者,呢啲就喺,收租佬嘅「專業」吧?

其實收租佬,冇話專業唔專業嘅!尤其喺住宅收租佬,好多都唔喺生意人,收租亦只不過作為儲錢嘅副業。但商用物業嘅投資者就唔同,好似 CD ROM 買車位,都要同 MORTGAGE LINK 比較一下,而占士兄呢,每件物業都要去計 ROI,真喺幾專業。不過,如果投資物業,超越咗儲錢退休嘅規模,成為正業嘅話,咁就算喺住宅收租佬,都唔可以唔專業。而呢種專業,亦唔單止喺我上段講嘅合約精神咁簡單,而喺响操作上,要好似自醉兄咁,有策略,同適合自身情況嘅一套投資法。雖然自醉兄果一系列文字式 IF、THEN 流程,專業到連我呢個專業機構投資者,都睇到頭昏,但我相信,好多實戰投資者,可能亦不知不覺咁,運用緊自醉兄提及嘅策略同投資法,坦白講,我都有用緊一啲。能夠將投資行為,有系統咁歸類、分析,總結成一系列流程,自醉兄嘅專業,令人佩服。

更上一層嘅「投資理念」

如果要响投資方面,更上一層,就必須要通過參透宏觀,去建立自己嘅一套「投資理念」。呢味嘢,好概念性,亦好個人化,但對投資行為嘅影響,比任何專業操作更重要,亦喺成敗嘅關鍵。我經常提及,積極正面嘅投資態度,就喺一種投資理念。正如 2011年開始講嘅「硬好」,亦喺一樣,世上任何事物,都有正反兩面,同樣地,物業投資,都有好有壞。硬好,將事物嘅正面,尤其喺世人忽略果部份,抽取並加以善用。就好似,無奈兄嘅魔女篇,提到加息,可以喺「危」,亦可以喺「機」。無論任何環境,都總會有投資機會,問題喺,你搵唔搵得到。要對自己身處嘅地方,堅持硬好嘅信念,先至有機會搵得到,有如大海撈針嘅投資機會。而就算搵唔到,响鍥而不捨嘅過程之中,亦隨時會發掘出新嘅機遇。呢個世界,就喺咁奇妙。

真正嘅「專業」

早前,我响一篇回應裡面話,唔好對「專業」呢味嘢,太認真。好多所謂嘅財演,自命大師,講就天下無敵,但有幾多個,自身同時又喺成功嘅投資者?佢地自己嘅投資規模,又有幾大?專業,喺好難定義,但如果你擁有認可機構,頒授一個認可嘅學術或專業身份,咁你亳無疑問,可以話喺一個「專業人仕」。不過,一個專業人仕,唔一定好專業;唔喺專業人仕,又唔一定唔專業喎!我認為,操控資產嘅規模,同投資者是否專業,有間接嘅關係。當然,規模細,都唔代表唔專業嘅,但規模大,就一定要好專業。試問,如果你操控住,過億嘅資產,點可以唔夠專業?又如果,你揹住,過億嘅負債呢?少一啲專業,都會死得好慘啦!

响「真正嘅第十個人」,揭盅篇裡面,我話過,真正嘅贏家,唔喺睇你點估,而喺睇你點行動。同樣地,真正嘅專業,唔喺睇你點吹,而喺睇你點做。

專業投資者(PI)

記得三個月前,我提過一下「機構投資 PI」,結果就惹嚟一陣風波。大家都喺太著眼於 PI 呢個身份,但有一位嘅回應,只提機構投資者,唔提 PI;呢位心水咁清嘅回應者,就喺神算兄

其實 PI,真喺冇乜大不了。PROFESSIONAL INVESTOR(專業投資者),簡稱 PI,喺响證監規定之下,投資產品供應商,或銀行,賦予客戶嘅一個身份。PI 入場,喺八球流動資產,好多人都做得。咁做 PI,有乜著數?坦白講,冇乜!只喺有部份投資產品,例如阿里巴巴上市咁,普通投資者唔買得,PI 先至有權認購。唔好以為,呢啲喺乜荀嘢,入場銀碼大之餘,條款又辣。不過 PI,即喺專業嘛!條款上,使乜保障你?差唔多一年前,銀行介紹過一隻人仔基金,只有 PI 可以買,好彩冇中招。做咗 PI 幾年,呢啲產品,我一件都冇入過,真喺幾羞家。

所謂,有權有責,你有權買啲冇乜保障嘅荀嘢,當然就要揹得鑊。簡單講,PI,同另一個普通投資者,就算買埋同一隻嘢,衰咗嘅話,普通投資者有得賠,PI 都冇得賠。點解?都喺果句,PI,即喺專業嘛!點可以扮唔識話俾人呃?所以,响我嘅眼中,PI,同水魚冇分別,不過要強調,呢啲純屬我個人意見。希望各位明白,有好多 PI,都喺富豪級,得罪任何一位,都唔使旨意有運行啦!

就好似早前,中國再保招股,都吸引咗機構投資者,同富豪級嘅 PI 認購。作為機構投資 PI,我當然亦有權玩,不過呢,人地喺 BIG PI,輸得起;我喺 SMALL PI,輸唔起。再者,人地入貨果陣,就大鑼大鼓啫,但佢地幾時沽貨,你又唔會知喎!人地嘅投資,有人睇住,佢地嘅交際群,互通消息,而我地呢,就要食自己。所以話,陪玩,都要講資格嘅!

或者,我應該修正一下之前嘅講法,應該喺,未達富豪級嘅 PI,同水魚冇分別。

機構投資者:GIVE AND TAKE

咁點解,我仲肯去做 PI 呢?原因好簡單,純粹商業決定。當你嘅投資規模,擴大到咁上下,銀行就會推你上 PI。當然,你可以拒絕,但作為生意人,有啲嘢,唔使人地講到明。你要做大,銀行梗喺非常歡迎,不過,佢地都要考慮同你合作嘅風險。又要做大,又想好似啲老散咁,隨時可以扮失憶,搏賠償?邊有咁著數?呢個世界,好 FAIR 嘅,GIVE AND TAKE 啫!

我之所以讚神算兄心水清,喺因為 PI,的確冇乜大不了,但機構投資者就唔同。所謂,機構投資者,即喺以公司名義,作出投資。呢種模式,成本高,要報稅,又要年年做數,如果規模唔夠大,都喺私人投資著數啲。不過,以公司名義投資,同其他金融機構合作,尤其响融資方面,會較有彈性,而金管局對機構投資嘅規範,亦較寬鬆。作為機構投資者,我要定期做 FORECAST,BRAINSTORM 新嘅思維,同擬定未來嘅投資策略,同自己交待,以及同金融機構伙伴交待,以謀共同發展嘅機會。機構投資,喺有利於分散投資,同引入創新嘅投資模式,所以發展嘅空間喺無限。

機構投資喺一盤生意

都喺果句,GIVE AND TAKE。機構投資,一定要有生意頭腦,投資,喺當一盤生意咁做,所以,唔到你唔專業。正如 Oscar 兄,由物業開始,到進軍投資企業上市,唔喺私人投資可以做到。一個細嘅機構投資者,專業方面,唔會輸俾一個大 PI。

講到呢度,唔知各位對「專業」呢味嘢,會有更深嘅領會,定喺俾我搞到,一頭霧水?哈哈!

我會响下一篇,分享自己作為,專業機構投資者,嘅一啲體驗同體會,而當然唔會少得,我早前提過嘅,三個十倍啦!不過,大家唔好抱太大期望,細節上,我唔會寫得好具體,而數字方面,亦只會喺比例上嘅表達,略過基數,唔會透露真正嘅規模。咁喺基於私穩關係,請各位見諒。

今日寫住咁多先,下回見!
 
我要回應
我的稱呼
回應 / 意見
驗証文字
 
1. 望東樓 2015-12-31 08:39:45
呀,好可能因為我唔係PI,有好多嘢想買都買唔到.但啲謬理sales又唔知無話俾啲客知.
2. 自我陶醉 2015-12-31 09:38:17
珍港兄,

“但我相信,好多實戰投資者,可能亦不知不覺咁運用緊”

這點我非常同意,所以我說這裡很多師兄,早已有自己的價值投資概念在心,不然也不會在近年都不約而同停止入市了!  哈哈!
3. 占士 2015-12-31 09:40:02

珍港兄,見笑了!在下非常不專業,只是業餘老散一名!哈哈哈

4. 新抱仔 2015-12-31 10:00:25
Wow! 又是另一範圍的投資呢!good👍👍謝謝分享!實在太好了,集思廣益!是我這散仔之福
5. 引刀一快 2015-12-31 10:27:50
珍港兄

等咗咁耐先見到第二篇鴻文,望穿秋水。

其實“專業”一詞,好簡單,即係靠佢搵食咁解,有人靠某行業搵食,是為專業,當然,亦有人靠“專業”兩個字嚟搵食,呢D仲高手呀!!!
6. Taiwaner 2015-12-31 10:43:53
哇~ 好專業。。深度投資真的很有趣。感謝分享
7. stanley sze 2015-12-31 10:55:53
更高層次,謝珍港兄。
8. Jerry 2015-12-31 11:40:20
謝謝珍兄分享!

3個十倍,即係增長左1000倍,太強,期待往後文章!

9. Oscar Lam 2015-12-31 13:38:42
多謝珍港兄分享PI和機構投資者的概念和經驗。

期待下一篇文章!
10. 引刀一快 2015-12-31 14:00:50
珍港兄

再者,人地入貨果陣,就大鑼大鼓啫,但佢地幾時沽貨,你又唔會知喎! ”

非常同意,簡直就係樓市投資嘅翻版,特別係“幾時沽貨”,唔出聲,就淨係地代知架咋。
11. 無奈 2015-12-31 23:16:38
在股票市場,我就是水魚。有待Joe兄多多分享。

12. 打工仔 Andy 2016-01-01 08:18:00
珍惜兄

你 d文章真係好長, 睇到尾已經唔記得開頭, 又要重看!
哈哈哈!
13. CD ROM 2016-01-01 16:52:18
珍兄,新年快樂!

我想起一句,盡信書不如無書,當理論已溶入血液之中,思想動中都在体現所學知識,此時腦海中既理論其實已忘得一乾二淨,呢個時候先至能体現極致~
14. Sugar 2016-01-02 22:40:27

珍港前輩 :

哈哈我篇文全是杜撰出來:話個租客欠租10日才追主要想暗示收租婆比較弱勢而已(血淚嘛) ,純粹寫文既鋪墊嚟 ! 事實我啲租客大多數好準時交租 , 算幾好彩.

你話 PI有時係水魚.......好搞笑^^