地產博客 > 資深會員專欄 返回
瀏覽人次:29392    回應:39
資深會員專欄
收租佬記趣 (八) 奇妙的租客
 
打工仔
2015年12月21日

小弟嘅收租生涯中,曾經遇過一組神奇租客, 差點比佢地嚇死!

大家可以估估發生什麽事? 租霸?

 

雖然依家流行用數目字軟件放盤揾租客, 但小弟始終喜歡揾中介幫手, 當然,除左比較相熟嘅中介之外, 我都會盡量放晒區内地產, 因為人家都要揾食, 每間都放盤做法最公平!

 

話説回頭, 於是按慣例找中介幫手放租單位, 放盤三幾日已有個做生意嘅女士加埋個讀緊中學嘅仔想租, 佢自稱獅城回流, 仲要來回兩地做生意, 日常只有佢自已同個仔二人同住心諗都可以接受, 簽約完成可以收工。

 

起初嘅兩個月都一切正常, 除左準時交租又無乜麻煩野點知!

到左第三個月交租日子, 收到銀行電話話彈票! 因為我嘅習慣係簽約時收上期租外,我會同時要求收取首年嘅11張期票, 點解收期票唔用自動轉賬?

我會在另一篇文章跟大家研究。

 

彈票後, 我就用電話聯絡個租客話比佢知, 點知, 接聽電話係一位男士, 老人家果種, 心想有點不妙! 我就繼續話佢知彈票單野, 佢話佢乜都唔知, 你有問題你等佢返來先算, 仲話要幾個月後先返!!

 

我問果位老人家, 你係邊位? 佢回答話係租客嘅朋友, 仲話住埋係我個單位入面 !

我心沉一沉! 心想, 今次大濟! 租霸? 全中了! 彈票一事追無可追, 過左幾日, 我再打電話揾佢無人聽, 於是上單位睇睇情況?

 

神奇嘅事來了! 上到單位門外, 發現屋内應該有人, 打電話入屋無人聽! 拍門無人應! 十足做戲一樣, 無辦法之下唯有收隊離場, 我真係想不通原因, 我打定輸數今次有排搞了!

 

最後, 租客來電找我, 話佢自己出外工幹時, 會有個老人家來幫手照顧個仔, 彈票係因為唔記得轉數, 唔係欠租! 原來果日租客個仔係屋内, 但係不敢開門又不聽電話, 所以引起今次誤會!

 

所以話, 買樓收租真係要想清楚, 收果少少租, 又怕租唔出, 租得出又怕遇租霸, 又怕比人用間屋, 真係不外人道 哈哈哈!

 

 
 
我要回應
我的稱呼
回應 / 意見
驗証文字
 
會員登入