主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 24510    回應 : 24
資深會員專欄
收租佬記趣 (五) 住宅 VS 工厦
 
打工仔
2015年12月14日

香港地少人多, 住宅供不應求的情況人人都知不用多説, 所以有不少投資者會買入住宅作出租用途, 當然回報率會以買入價作計算。


舉例: 一個市值約400萬單位, 現在租金回報率約3%左右, 以現時的樓價計算, 吸引力雖然只能算是一般, 但勝在租務市場穏定, 在按揭利息低企下, 其實質現金流入都算不錯。


一般小型住宅單位市場需求大, 出租率也高, 如果是單位裝修企理及租金叫價合理的話, 出租亦十分容易, 當然,不同區份有不同的特性, 不能一既而論,  住宅單位一般租務處理也簡單, 其實, 當單位出租後業主的工作只有坐定定係到收租。


當然, 間中也要處理一些鎖碎家居事項, 一般都不難處理, 所以有人話投資物業中, 住宅是最容易操作的也十分合理。



工廈, 有不少小投資者喜歡買來投資, 以一個400500尺的市區小型工廈為例, 其租金回報率大多不足3%, 如與住宅比較,

當然住宅的租金會較理想, 因此, 如果只是從租金回報作為考慮, 工廈的確不是理想的項目!


要投資工廈有理想的回報, 就要懂得到各處尋寶, 要在有發展前景的區份, 例如, 東九商業區, 無錯, 這些有政策支持的區份的確前途無限, 但要在熱門區份尋找筍盤, 真是談何容易 ! 用市價買入?  吸引力真是不高了。


有人話, 買住宅作長線收租, 由於租金回報較高是金流遊戲, 每月租金收入穩定。


相反, 投資工廈或商廈, 則可長短線皆宜, 是一個增值遊戲, 要買有增值條件, 透過改變用途,翻新或重新規劃設計來達至物業的增值效果, 籍此提高投資回報。

但是要做到這點, 除了要有相當技巧,知識之外, 也要有相當實力的投資者才可做到了!



試問, 作為小小投資者來講真不容易呀!

所以, 如果只想簡簡單單買樓收租, 住宅確是不二之選。


 
我要回應
我的稱呼
回應 / 意見
驗証文字
 
1. AH-HO 2015-12-14 09:08:23
今次到我搶到沙發了。
謝謝打工仔兄分享你的投資工廈心得,對我等初級投資者有很好的參考價值。我都有想過工廈,但系真的陌生,唔敢呀。
2. 打工仔 Andy 2015-12-14 09:17:15
AH HO
果然快手! 

這篇文章是向首次出文的自我陶醉兄致敬! 


3. 自我陶醉 2015-12-14 09:50:29
好文章! 多謝打工兄分享!
4. Oscar Lam 2015-12-14 10:31:57
打工仔兄,

這麼快已經第五篇了!在下自愧不如,哈哈!

投資工商物業的最大問題是,發展商要100%收購完成才可以申請重建或者改变用途,不像住宅收購80-90%便可以了。這增加了發展商收購的難度。
5. 新抱仔 2015-12-14 11:03:31
投資工廈要更清楚經濟市況及不同大廈的公契限制呢!是比住宅難的
6. 引刀一快 2015-12-14 11:15:18
投資工廈最好成棟樓睇勻先,如果大厦內有使用重型機器或者做化工嘅厰,都有隱患。
7. 物業初哥 2015-12-14 12:48:50
謝謝打工兄分享!

正正是因為工廈難度大,所以投資價值高!
8. Sugar 2015-12-14 12:57:19
@.@ 打工仔兄的文章排山倒海的來~~~~Sugar快要溶化 ,湮沒波濤中: SOS!!!
9. 打工仔 Andy 2015-12-14 13:12:55
糖姐

因為小弟遅 d 要去旅行, 现在有點時間所以寫多一些先, 哈哈哈!
10. 打工仔 Andy 2015-12-14 13:14:51
初哥兄

是的, 要成功投资工厦絶不簡單呀! 住宅就簡單得多了!
11. 打工仔 Andy 2015-12-14 13:18:50
引刀兄

是的, 所以購入工厦前先要了解樓上樓下, 左左右右正在做什麼行業, 仲有最緊要係平日開工時去睇, 不要在星期六或非工作日去睇樓呀!
12. 打工仔 Andy 2015-12-14 13:22:33
新抱仔師姐

同意, 購入工厦前必须清楚大厦公契内容及限制才可! 否則會影响日後的發展及轉型!
13. 打工仔 Andy 2015-12-14 13:27:04
Oscar 兄

就算不是整棟發展, 起碼都要全層購入先有得玩, 單一購入賣散的單位無得变化, 只能收租定升值!
14. 望東樓 2015-12-14 13:42:48
記得RV各類物業指數中以工業樓升值最勁,相信好大因素係實質用途改變咗,由純粹工業到非寫字樓。
15. Jerry 2015-12-14 15:30:11
打工兄,第五篇了,點追呀?各謝分享
16. 打工仔 Andy 2015-12-14 15:40:55
PN 兄

是的! 工厦轉型正是價值所在。
17. 打工仔 Andy 2015-12-14 15:41:57
Jerry, 

加油加油! 

共寫之
18. 引刀一快 2015-12-14 19:47:50
To 11樓 打工仔兄

係呀,我睇過一間工廈,位置好靚,點知我見到掛住嘅毛巾,點解會郁嘅?原來果棟樓中層有大型機器,每分鐘都揼幾下,嚇死人。
19. 打工仔 Andy 2015-12-14 22:00:37
引刀兄

吓 ! "每分鐘都揼幾下" ! 
依家 d 工厦入面有大型中型小型機器都係好合理, 都話明係工厦一定有的, 不過有無壞左就唔知啦! 哈哈
哈!
20. 歷史長河 2015-12-14 22:12:00
打工兄真係文思泉湧,轉眼已是第五篇。

多謝把住宅和工廈做對比,睇落真是各有利弊。通常長線平庸收租佬先睇現金流,再睇升值。比如在下。
21. 打工仔 Andy 2015-12-14 22:41:18
長河兄

我都係知少少扮代表, 哈哈哈! 
其實仲有少少睇法, 有機會再寫。
22. 歷史長河 2015-12-14 22:57:47
打工兄,唔使咁客氣。共扮之,哈哈。
23. CD ROM 2015-12-15 18:55:40
打工兄, 其實工有一個好處, 就係租金平所帶來的可能性~~~~ 宜家網上資訊發達, 有潛質成為樓上鋪2.0呢~~~
24. 打工仔 Andy 2015-12-15 19:14:59
CD兄

是的, 最好係一樓!