主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 35879    回應 : 84
資深會員專欄
港燦式茶餐廳(三) 買大陸屋,源於恨与愛的交纏!
 
引刀一快
2015年12月13日

  上回提到,引刀慢慢適應宿舍環境,開始理解體會大陸嘅人文風情,當中苦樂參半。回味每一個經歷,內心時而平靜,時而澎湃,相信每個學生都一樣,在這歷練四年間,心智高速成長,在人格形成中比重極大,有恨,有愛,組成了一副一副獨一無二的機器,各自以自有方式開墾未來。

  言歸正傳,引刀第一間大陸屋喺咩背景下買返嚟嘅呢?正係一個恨与愛相交嘅故事!講古佬呃飯食有個譜,今日先講“愛”!
  話說引刀本科四年快將完結,聽說好多情侶嘅愛情會同步完結,心裡頓起疙瘩,大佬,乜鬼嘢山盟海誓,原來好似合同咁會到期㗎??續唔到約咪大劑?呢個時候,引刀好彷徨,如果畢業返香港搵工,聚少離多,會唔會應咗大家果句,散學兼散band呢?如果喺大陸做嘢,先唔講戶籍問題,當年畢業生起薪點嚇親老番,底薪係幾百蚊人仔,原本某政府機關過嚟要人,我女友拉住我話諗都唔好諗,以引刀咁嘅性格,做呢類工作會好痛苦,冇幸福嘅!女友係我永久榮譽老細,佢話冇幸福喎,馬上觸及神經底線,唔駛諗喇,至於係乜機關就恕我隱含,總之就唔係引刀咁牛屎嘅脾性適合做嘅喇。
  思前想後,終於俾我諗到計,繼續磨爛蓆留喺學校咪得囉!好在趕得切!嗱嗱啉走去報名“考研”,即係考研究生,如果錄取咗,發達喇,估計可以喺大陸磨到結埋婚,生米煮成熟飯,到時咪咪咪咪輪到佢嫁雞隨雞,跟我返香港打拼囉。點知考研消息一經發報,頓成全系笑話,我下鋪果位老兄,爲咗考研,大三就已經開始睇書,當時有一位兄台同我同時決定考研,不過佢係異能級學霸,兩百幾字古文可以讀一次就一字不漏咁默寫出嚟,引刀就分分鐘抄都會抄錯!學渣學人考研?呢個時候,有人勸我放棄,有人提前開解我,而我發現咗一個有趣現象,原來假同情嘅目光,比起忍住笑鄙視你嘅神情,更能激勵你開步走,往前沖!
  點知一開考,引刀發現冇想像中咁艱鉅,做落都估計可以及格喎!其實,當時大家都考慮少咗樣嘢,港澳生考研,對手咪又係港澳生!引刀提前擁抱祖國,正係日子有功,對大陸考試方式係駕輕就熟,考完兩三日已經有改卷老師,通知我報考嘅教授,引刀居然有兩科第一名!!!!哇哇哇,學渣有兩科染指鰲頭,雖然冇可能,但係發生咗!引刀幾年刻苦嘅大陸生活,冇白過。
  符符碌碌得米,因此延續咗引刀喺大陸未走嘅道路,因愛得福,美滿耶?各位看倌,睇埋下篇“恨”先至下定論喇。
    
 
我要回應
我的稱呼
回應 / 意見
驗証文字
 
1. I am nobody 2015-12-13 05:41:21
沙發。
2. I am nobody 2015-12-13 05:43:53
沙發。
3. 自我陶醉 2015-12-13 07:35:46
刀兄,

嘩! 兩科第一名,犀利!  講唔講得邊兩科呀?  
4. Sugar 2015-12-13 07:42:43

考研 ".....有兩科第一名!"......

引刀兄巧叻叻呀 ^^


5. 引刀一快 2015-12-13 07:44:25
多謝多謝,自我陶醉兄今日俾面搶沙發!

邊兩科我要隱含一下,自醉兄問到我唯有最大程度透露,都係同“農務”有關嘅。

衹係投考我學校嘅港澳生之中第一名啫,其實引刀咁學渣,唔包尾已經偷笑。
6. 自我陶醉 2015-12-13 07:46:54
都不簡單啊! 小弟自問就沒這本事,淨係諗啲字點寫,都諗到夠鐘,呵呵!
7. 引刀一快 2015-12-13 07:47:49
Sugar san

完全係對手差,引刀讀書好屎,講呢單嘢出嚟,純粹自我吹捧,大家笑下就得架喇。
8. Sugar 2015-12-13 07:56:05

引刀大大:

明白.

我讀初中時試過係陸運會800米攞亞軍 ,上台捧獎牌真係威....但查實只有三個參賽者!

9. yyfan 2015-12-13 07:59:11
刀兄

記得研究生可以申請結婚?
10. 引刀一快 2015-12-13 08:04:56
Sugar san

哈哈哈哈哈,你呢場真係皆大歡喜喎!

講到跑,咁我有單嘢可以認叻喎,大一我地要跑1000米,我跑尾4!

你會問,跑尾4有乜叻,係咪?
11. 自我陶醉 2015-12-13 08:05:41
Sugar係運動健將,800米比賽一定要好夠氣!

引刀兄,我本來都諗住搶到沙發位,點知睇下號碼,只係第三,輸給兩位隱形人了。
12. 引刀一快 2015-12-13 08:06:34