地產博客 > 資深會員專欄 返回
瀏覽人次:26290    回應:45
資深會員專欄
經濟寒暑指標
 
Alan Pepper
2015年12月9日

因為工作性質,多年來我發現了一個很奇妙的經濟寒暑指標。不,寒暑指標不正確,或者係預測寒冬的一個指標。

本人係從事高消費行業的,現在經濟差,高端消費例如鐘錶、珠寶、名牌手袋、衣服差不多全部都滯銷減價,企業重組結業,這已是鐵一般的事實。面對這種逆境,從業員怎樣應付呢?是否全無先兆就發生呢?從過去的經驗可給各位一些啟示。

高端消費品一向都係最後得益,但最早感受到經濟壓力的行業。因為這行業要等到其他行業起飛之後,其從業員或老闆得到實質的經濟效益之後才考慮買一些「寶貝」中獎勵自己或親人。

相反,消費意欲下降時,我們感覺得到嗎?奇怪是當經濟下滑前,生意是非常好的。在下發現在每一次經濟回落之前的六至十個月,公司生意會每月錄得破紀錄業績。97,07,14年都一樣。14年 及 07年生意很好,但本人覺得勢色不對,停止入貨,避過一劫。當時所有同事都嗌晒救命,話我有生意唔做,的確很難受。

回說物業,為什麼2014年開始見到的經濟衰退,會在2015年中才反映呢?理由很簡單。香港係一個法治社會,在正常情況下企業都會遵守法律,遵守信用,因為企業家明白信用才是最重要的資本。所以在除非迫於無奈的時候,都會履行及完成租約。商舖跟住宅租約最大分別,就係其年份。因為投資一間店舖需要一定的裝修及準備功夫,閒閒地都二三百萬,企業要將此費用攤分三年,甚至續約條款的六年才有機會賺錢。由此可見,2012年簽訂的合約最快都要等到2015年才結束。況且2013年,甚至2014年仲有啲企業家覺得市況不壞,繼續擴充經營。在此本人只可以祝佢哋好運,捱過難關。

不過問題係,我永遠都預測唔到經濟幾時回暖,因為我係後知後覺,所以只能蝕少啲,不能賺多多,實在可惜。

我很同意的是,大部份業主對市場觸覺落後幾年,就係因為手上大部份租約還未到期,對他們來說,到2015年業績還是最高峰的時候。要等待舖位六個月甚至一年無人問津的時候才明白經濟真的回落了。

企業家大部份都很簡單的,明白到大家都係為咗錢,唔係為氣,條數計唔掂就唔會做。業主要求一個超越能力範圍以外的租金,想做都無得做。

在此要同很多業主平反,不是全部業主都無良的。因為本人遇到很多好的業主,經濟好當然要加租,但很多大業主都明白企業做生意係搵錢,唔係幫業主打工,通常都會留一個合理利潤,或在經濟差的時候減租共渡難關。試想想,業主只是收取小啲「冇成本」的利潤,就可以保證租客準時交租,長期冇煩惱,很多業主都明白這道理。有些業主幾千個單位,邊度有咁得閑逐個同你去玩?再說聲多謝。

 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 打工仔 Andy 2015-12-09 15:14:46
Alan,

你的分析預見力非常了得! 抵你做大老闆大商家, 
話説回來高消费品是經濟大好時制造出來的商機, 现在經濟開始轉壞, 未來又會加息, 消費者對高消费品的需求會下降, 希望不會去到太差吧!
2. 新抱仔 2015-12-09 15:29:58
多謝分享!令小妹學到很多!
3. 望東樓 2015-12-09 15:53:59
well written。
4. Alan Pepper 2015-12-09 16:05:48
To 打工仔,

個浪啱啱先開始,各位侳穏!
5. AH-HO 2015-12-09 16:41:37
好文,小弟返工間公司主要業務在中國,今年也是蠻挑戰的,16年估計更艱難。

一起坐穩船。。
6. 魚蛋仔 2015-12-09 17:00:17

恭喜Alan出文!怪不得Alan投資物業了得,原來有寒暑錦囊。希望你在每一次寒流之前,打開錦囊,告訴大家就好了。

7. middle middle class 2015-12-09 17:51:28
Alan 師兄,呢排啲勞力士唔多駛等 (紅金 YM2 例外),仲多了折扣。  但你講得啱,個浪啱啱先開始。
8. Jerry 2015-12-09 17:54:30
多謝Alan兄分享經濟寒暑指標,又學到野。^^

好多做老細既朋友都話生意好差,大家準備同步過冬!咁會無咁凍,嘻嘻
9. 引刀一快 2015-12-09 18:07:44