地產博客 > 資深會員專欄 返回
瀏覽人次:33950    回應:87
資深會員專欄
收租佬記趣(一): 筍盤
 
打工仔
2015年12月6日
我怎樣成為收租佬?
話説某年某日無所事事去行街街, 無緣無故行左入間地產代理, 一位靚女代理問我, 先生想揾樓呀? 我話係呀, 有無筍盤?

答案當然係無, 先生你留低電話,有筍盤 Call 你, 就這樣不了了之, 又過在一排我自已都將揾筍盤一事唔記得左!
某日, 突然收到呢位靚女來電, 先生依家有個筍盤, 你快快來睇,如果你唔睇我就Call其他人!

我心諗有無聽錯, 我只係口爽爽講下, 竟然真有筍盤? 真定假?
於是飛身落去睇樓, 一睇, 即刻轉身想走人! 間屋殘到爆! 點買得落手, 唔怪得平市價10%有多啦!
在心大心細之下都係開出訂金支票, 結果與業主即晚簽埋買賣合約, 就此便開始收租佬生涯了!

其實, 開始時都係邊做邊學, 由買間屋返來爛屋一間, 到完成全屋内内外外全面翻新, 用左差不多一個月, 裝修費都用左10%樓價!
你話, 呢間屋仲算係筍盤嗎?
不過又真係好容易出租喎, 三幾日就順利租出了。

收租佬的確不易做, 有時零零碎碎既事都要落手落腳去做, 但係又學到好都野, 又有滿足感!

共勉之
 
我要回應
我的稱呼
回應 / 意見
驗証文字