主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 46231    回應 : 53
資深會員專欄
香港進入長期迷失時代?
 
Alan Pepper
2015年8月26日
本人偶然抽時間回應博士及各專欄,以為自己了不起,但經過兩星期在家中寫作之後,才發覺寫專欄並不容易。在此多謝博士及各位專欄作家多年來的心機。

近日可算是相當驚險,樓價攀升、環球股災、中國經濟下滑、人民幣貶值、UBER 類型新經濟瘋魔全球,衝擊現有經濟。再加上自從美國開始印銀紙起,至今好像颱風一樣,不過係全球性颱風,周圍去炒起晒各國嘅資產價格,北美歐洲東南亞無一幸免。全球國家一於唔執輸,你印我又印,火上加油。結果將貧富懸殊加速惡化,有資產(又捱得住的)是大贏家,冇資產的上街抗議。內地人因為瘋狂消費,食咗呢隻美國印銀紙嘅死貓(中國人又真係唔爭氣的),令香港人對佢哋又愛又恨。其他國家當然滿腦子沮咒,但係笑着收錢。這是2003-2014年的事。

十多年已過去,環球資金仍然泛濫,但在各種因素下資金已經無路可走。好似發生好多事,好忙,忙到透不過氣,但諗深一層我們香港這十年做過啲乜?我真係諗都諗唔到。這十年就好像除咗自由行及全球印銀紙之外,就什麼都冇做過。吸引人才?冇。重大基建?冇。發展科技行業?冇。乜都冇,我哋香港仲點競爭?受過金融風暴及 SARS 折磨的一群,應該很清楚這一點,所以這些人現在默默耕耘唔夠膽出聲。他們明白面臨家破人亡的感覺,想起都心寒。SARS 時候我跟朋友看望着中環的天空說,"看,這是一個多麼漂亮的城市,這裏的基建不可能短期內被取替的。地點沒有變,只是在這裏生存的人改變而已"。 我啱了一半,這些基建真的不可能幾年間被取代,但已經過了十年,其他城市已經追得越來越近,而香港這十年什麼重大基建都未能上馬。那時候我還以為某些香港人因為不喜歡香港的節奏,往內地發展,而內地精英被這曾經是東方之珠的地方吸引而來。只可惜現實跟我想像差很遠。因為各種原因,例如福利、風氣、本土保護主義及各懷鬼胎的政客,令到香港不能吸引精英來港工作,內地也不歡迎這一批香港人,香港從此原地踏步。90年代東方之珠的美譽,就只能給自由行及印銀紙延長了十多年。一被問到香港將來點算,就話香港係一塊福地,完全沒有具體方向,同求神拜佛冇乜分別。回想當年董伯伯雖然害到好多人雞毛鴨血,但其思想及遠見是值得我們探討的。

互聯網+ 是這幾年才構思出來,但科技港在90年代尾已經實行,可惜執行上出現重大錯誤及阻攔,香港的悲哀。現在我們香港什麼優勢都冇,連方向也迷失,莫非真係要絕處逢生?只可惜香港還未絕,唔知要等幾多年,香港人才醒覺。我已踏入中年,但心中還有一團火,剛好夾在成功人士及初出來社會的年輕人中間,希望我的說話可以感染一批年輕人,重拾向上爬的精神,香港實在需要創意,勤奮及堅持才能生存。共勉之
 
我要回應
我的稱呼
回應 / 意見
驗証文字
 
1. Alan Pepper 2015-08-26 13:24:48
唔好意思,用了原始碼,文章沒有分段。
2. 舍神 2015-08-26 14:02:13
生於香港, 都唔希望楊州的歷史在香港重演!
香港呢十年,都仍然是發國難財, $600萬買樓便可移民!
內地官倒的黑$,都來香港漂白! 幾百元幾天包包酒店食宿,交通的美食團仍天天出發!

新一代以為繁榮是必然, 居然倒自己米去x鳴!
有時熊市反令個城市變得可愛!

出去跑跑, 無論韓國, 內地, 基見已追上了! 無論碼頭, 跑道.......
有d客會一去不返! 富不過三代, 呢個咒語, 在中國人中很靈驗!
3. 收買佬 2015-08-26 14:18:39
"有時熊市反令個城市變得可愛!"

百分之二百認同
4. Wanda 2015-08-26 14:34:15
你們都說出了很多人的心聲, 謝謝!!
5. 而香港這十年什麼重大基建都未能上馬。??? 2015-08-26 15:05:59
謂:大佬有無搞錯呀!
曾蔭權時代不是留下十大基建工程囉,有7個落實執行。香港並非單靠自由行支持實體經濟,建築業長期不夠人手,從而導致勞工成本攀升。
如果不是『本土保護主義及各懷鬼胎的政客』搞破壞高鐵、港珠澳早就開通營運,未來還有待通過的機場擴建工程,希望你去說服班各懷鬼胎的政客,高抬貴腳開啟大小龍門,等個波通過,明未呀?
6. anggie T. 2015-08-26 15:07:10

Yes, agree.  But if we choose HK to be our home.  It is our duty to encourage the younger generation and we as experienced, make good use of ours  experience to help work things out.

Complaining is not getting anyone anywhere...



7. 望東樓 2015-08-26 15:27:02
Anggie,

cannot agree with you this round on "Complaining is not getting anyone anywhere". What I see is that there are just too many Honkies trying to make the most from complaining. 

You probably have not heart story on people coming into the bank, keep complaining about the credit cards such that they can get a couple of $200 supermarket coupons. They are backed by HKMA though.
8. 40G 2015-08-26 15:42:39
Very good .多謝正能量
9. 向饭民说不 2015-08-26 15:46:33
香港人被政客教導好像二世祖,完全無創新,冒險精神。被淘汰是合理。


10. Admin 2 2015-08-26 15:48:55
to : Alan
你可登入編輯,再分段的。
11. AH-HO 2015-08-26 17:06:16
把心聲都寫出來。贊!
只是太多人比媒體洗腦,以為只要打到佢地心中的『地產霸權』、『官商勾結』、『小圈子政府』,只要實行佢地心中一套的『民主』,就可以『光復香港』。。。
但其實我地宜家最需要的,可能是齊心奮鬥,而不是互相指責。
12. 泛民不代表我 2015-08-26 18:51:24
有人話,一個人如果重親情,這個孩子差極亦有個限度,今天見到好多年輕人連自己祖先都不認,自己族群都不理,今天香港嘅香港情懷已經完了,代之而起自己利益行先,你阻住我,我昩以武制爆, 香港已經不再是福地,好自為之
13. Hongkong People 2015-08-26 21:15:04
好日子過久了會忘記饑餓嘅感覺,香港現在就是這樣.  餓下就會學怪,可憐一D一直努力工作生存要陪葬.
14. 歷史長河 2015-08-26 22:41:05
歡迎Alan Pepper 兄出文,加油!
15. 歷史長河 2015-08-26 22:42:27
歡迎Alan Pepper 兄出文,加油!
16. 引刀一快 2015-08-26 22:47:00
To 12樓 兄台

唔見得喎,依傢咁多人搞保育搞集體回憶,唔係重情嘅表現咩?
17. 占占 2015-08-26 23:53:30
70/80年代,當香港還發奮圖強時,大部份人都力爭上游,少說話,多做事,行4仔主義。今天,當整體社會富裕了,但少做事,多說話的人多了,內鬥重重,窮富懸殊加劇。作為土生土長香港人,心疼了。可能香港"打不死"精神,要係不久將來既大低潮,先可重演一次。
18. 奇奧貓咪 2015-08-27 00:02:22
Alan Pepper 兄,
 Can't agree more..

Working in pharmaceutical sector, my counterparts (actually also our competitors in another sense), are from global. well, at least regional in Asia. HK  was still a leading region back in 2003-2005. Now, I can say we are just slightly more competitive than Thailand. Yes, not even Taiwan or Malaysia. Not to mention Korea or Singapore. 

Currently I am leading the HK team for my company. The problem of our city/region is right in my face. Costs are too high, mainly due to rent and its derivatives. Younger generations are weaker and weaker in work ethics, morale and attitude. One can say I am too subjective, but I will still link these problem to the general shortsightedness of our society (and our elite class and govt!). Language proficiency  and international view, which we HKers used to be proud of, has been surpassed by our neighbours. Indeed, if I still have to chance to excel to the higher level, I can probably close down HK  subsidiary after looking into the metrics.

The only slightly better dwelling team maybe the local sales and marketing, which, if we only rely on such, is forever 塘水滾塘魚. 

I am quite sure these troubles occur in many industry (okay, not the only glorious real property sector). 

Alan Pepper said he wrote the paragraph and wish to stimulate some thoughts. I echo here and now. Think of our kids.
19. 奇奧貓咪 2015-08-27 00:13:09
of coz there are more problems and their root causes behind... 

I just typed  and named a few... and very subjectively... 
ching with different opinions, 多多包涵
20. e_kam 2015-08-27 02:31:15
用基建去谷GDP 在香港這樣的成熟經濟體是高投放低效能。Alan 兄的論述在這方面有盲點。我好想知道Alan 兄所講2003 年香港的基建優勢是甚麼? 而你又覺得香港依家要起甚麼基建去保GDP growth. 不要忘記我們現在全民就業。一方面的增加加人手等於另一方面的減人。

香港依家發達容易搵食難。年輕人眼見當然心有不甘想改變現行的制度。雖然佢地唔知改變後會點。但keep 住現在向有錢人嚴重傾斜的制度一定唔會令香港有突破。現行制度下最後個個只會想快D買層樓收租。落手落腳做到無停手的只會比人笑儍仔。



21. 引刀一快 2015-08-27 06:41:46
面對逆境,香港人第一個要學習嘅係,”食得唔好嘥“。

呢次大陸嘅大浪,源頭就係資源失衡。

自然資源‘、人力資源,都係!

估計好多人睇到呢度,偷偷笑咗岀嚟,引刀係咪冇嘢好寫?

唔係,呢個係好嚴肅嘅問題。

總之,唔好嘥嘢,就為自己謀福祉。
22. 先敬羅衣後敬人 2015-08-27 10:01:41
TO:20/F

香港地就係咁,勤力但又搵唔到錢嘅就注定俾人睇唔起,反而偷呃拐騙兼做雞做鴨嘅,只要搵到錢就係人上人又得人尊重,你睇睇而家香港有幾多名流係靠娶有錢女發達,又睇睇有幾多所謂十大傑青其實只係富二代,剛剛出社會嘅年青人感到迷惘喺必然嘅,因為學校教嘢同現實差太遠太遠啦。
23. Alan Pepper 2015-08-27 10:31:59
Morning everyone...

To: 5

I'm not sure if you're agreeing or disagreeing with me, but yes, if I changed 重大基健 from "冇" to "龜速", that would be more agreeable with you.

To: 20

I do not recall writing to use developments to maintain GDP in the article, however since you have mentioned it, this morning while listening to Heung Sir’s radio interview with CEO of CP Airlines, he dabbled upon the 3rd runway, you may get an idea of how "龜速” we are and you are welcome to review their program.

To both, yes, I agree we have an employment issue. However it is not a simple zero sum calculation of moving percentages, of which I don’t have time to discuss today, maybe some other time.

And to both again, I believe you’re missing the point. If this was an assignment handed to my 5th grade teacher, please deduct 1 point from my mistake. Thank you.

PS. e_kam: If you live in HK, I humbly suggest you sleep earlier than 2:30, it is bad for your health.
24. 麗娜 2015-08-27 10:32:11
11 樓AH-HO
可能是齊心奮鬥,而不是互相指責。
非常同意。

香港面對很多很多問題,但是現在香港人養尊處優,沒有人願意做辛勞的工作。政府缺乏宏觀視野,自以為好有錢,通常當一個人驕傲起來的時候,就是災難要來臨的時候。

香港實在需要創意,勤奮及堅持才能生存。共勉之————非常同意

我和Alan Pepper 一樣,夾在中間,有很多事,又不輪到我們發聲。
支持Alan Pepper 寫多點。加油。


25. 打工仔 Andy 2015-08-27 10:38:35
歡迎Alan Pepper 兄出文 !
26. 向饭民说不 2015-08-27 10:51:49

为了年轻人的幸福,香港人要放弃一切。打烂现在人的饭碗,这就是e_kam 这些废青的目的。

我经常讲,创汇是支持港汇的唯一力量。过去几年,香港班废青玩的其实就是打击香港人创汇能力。班废青以为人民币贬值对自己好处。旁观者清。人民币贬值,港币的PEG系统将会崩溃。鬼佬大鳄肯定正部署攻击港币。

今日鬼佬bloomblerg的报道,

http://www.bloomberg.com/news/videos/2015-08-27/is-the-hong-kong-dollar-peg-at-risk-

不久之前,鬼佬还认为港币估值偏低,但是现在变成偏高。

还有香港人的文化根本没有创新,冒险精神。香港的发展其实就是靠早年新移民的拼搏发展出来。看看现在香港有钱人,除了早年卖白粉或者系早年依靠鬼佬,都是新移民。不是公屋出身的港煌。

27. 向饭民说不 2015-08-27 10:57:32
90年初的香港繁荣,背后其实的支持就是83年港币大幅贬值,到了87年,因为Kyoto protocol, 港币跟美金大幅贬值,90年之前,港币大幅贬值了两次。所以当时香港的生产成本非常低,造就香港的工业生产基地。推动了90年代初香港的经济泡沫,也即是现在香港90后以为但是香港人好繁荣。其实当时根本就是典型的泡沫经济。
28. 向饭民说不 2015-08-27 11:03:30

引刀根本就是典型的香港废佬,完全无创新,冒险精神,只是会看这大陆黑暗的地方自high。

不过当你自high的时候,你的主子,旁观者,已经开始部署攻击港币。香港人又要和大鳄对赌了,输的话,就是百年基业,毁以一旦。

今日大陆好,香港未必好,大陆死,香港跟着死。

29. e_kam 2015-08-27 11:35:14
Kyoto protocol? 飯兄請不要上腦  好傷身的

30. 向饭民说不 2015-08-27 11:53:35

e_kam 和引刀这些不学无术的港废,google下 Kyoto protocol系咩意思,先好出声啦。onX仔。Kyoto protocol 之后,日元,欧州货币对美金升值了100%以上,也就是港币大幅贬值。

香港充满这些废物,二世祖,港币大幅贬值,输掉几世人努力的成果,看来是无可避免。

31. 向饭民说不 2015-08-27 12:02:02
唔好意思,系广场协议,不过意思都系一样。日元欧洲货币大幅升值,港币贬值。间接导致日本迷失20年。
32. Hongkong People 2015-08-27 12:04:01
e_kam,

對於香港現在情勢我有唔同睇樓法,我覺得香港現在係嚴重向低下層傾倒,打壓有錢人同中產;社會上太多扶貧聲音,令好多低下層(當然唔係全部)錯誤解讀,社會欠咗佢地,之後channel自己嘅精力去括政府俾福利,而非努力upgrade自己以開創新夭地. 隔代貧窮就係咁形成.
33. Schumpeter 2015-08-27 12:10:38
isn't it plaza accord which is about Yen?
kyoto protocol is about carbon emission.
34. e_kam 2015-08-27 13:28:16
HongKong people 如果你覺得福利向低下層傾倒其實這是正常。  如果唔係就大鑊。無錯中産是夾在中間。有苦自己知  
至於其他好似資產增值完全免稅,但係供樓利息可以扣稅。一來一回好和味。股息又免稅  但好多有錢人乜都扣公司數。條數好噤計。

政府自己都極度鼓勵外判工。收標準則永遠只看價錢。不問做法。 另外有好多標都係為特定公司而設。外人無可能有機。

更加唔駛講連特首都係主要由商界選出。星光大道又一傾斜例證。又可以講下之前的發水樓。發展商高價入錯市買左地片。可以要求發水免費賣多D。


35. 温水蛙 2015-08-27 14:58:56

香港已经是金融为主的成熟经济体系, 以星加坡为敌手. 香港的竞争力减弱, 输给星加坡已于数年前出现. 大部分的国际企业亚太区总部都是在租金便宜的星加坡.

香港就因为接受大陆源源不断的资金维持虚假繁荣昌盛. 现在大陆经济泡沫爆破, 香港人面对苦日子, 已经是难以避免.

香港土生土长的年青人一早就知道大件事, 所以占中这么多人参与. 他们见到只要亲中爱国, 博士硕士学位买回来都可以做议员, 又有名誉又有高薪金, 谁会努力奋斗!

36. 珍惜香港 2015-08-27 15:39:16
珍惜香港

多謝 Alan 出文分享感受、帶出唔同議題,更多謝網主作出努力,令專欄百花齊放,請繼續加油!

依家好多香港人,都好「迷失」,呢個喺好廣闊嘅 TOPIC。其實各位又唔使咁灰心嘅,所謂迷失時代,唔只喺香港獨有。世界各地,經濟發展成熟嘅地方,呢個情況好普遍,尤其喺貧富懸殊、人口老化、新一代競爭力等問題。不如大家睇下希臘嘅情況,再望番香港,會唔會覺得,自己嘅地方,已經算唔錯?

响迷失嘅同時,有兩點,希望各位注意。

首先,真正嘅創新,喺响社會發展同規範之下,作出突破;走捷徑繞過規範嘅,算乜鬼創新。就睇 UBER 個 CASE,究竟應該喺 UBER 有責任配合政策經營,定喺先硬來,搞個米已成飯,迫政策配合番佢?

記得黃患後期,我舉過一個例子,話說幾十年前,翻版電腦書籍同軟件大行其道,結果都喺要被取締。當時有人反對取締,因為呢啲翻版嘢,幾乎令全民輕易提升電腦軟硬件技術,加速咗香港電腦業嘅發展。睇番當年翻版嘢對香港嘅貢獻,相比之下,UBER 算得喺乜?隨著社會進步,知識產權得以尊重,社會先至唔會停滯不前。如果唔喺咁,我仲點好意思重提矽港計劃,大聲話香港嘅科技同知識產權基礎,比上海優勝?大家諗清楚,喺唔喺要番去華探長年代?以走捷徑方式,達至低成本造就成果嘅目的,唔喺創新,而喺退步

所以點解我成日話,一個成熟嘅經濟體,透明化、規範化、企業化,喺大勢所趨,而我地必須要接受,因時代進步而要付出嘅代價。正如一個新界私人屋苑,向運輸署申請專巴直達市區,又方便,又快捷,又便宜,點解唔批?因為要保障港鐵霸權?中小企經營困難,點解唔可以豁免佢地最低工資?阿里巴巴市值咁大,改少少上市條件啫,又點解唔可以酌情處理?唔好成日用反霸權做藉口、用創新做藉口,黃患之後,難道各位仲未醒覺?

香港有好多嘢,真喺得來不易,唔喺 WORK 就乜都做得,希望大家珍惜。

至於第二點,好多港人,仲未搞清楚,香港,只喺中國嘅一個城市,唔喺一個國家。所以唔好再成日問,點解我地要「依賴」內地生存。呢個唔喺乜嘢「依賴」,我地根本就喺中國嘅一部份,唔好自以為可以蓋主。睇下美國,紐約喺金融中心,矽谷喺科技中心。香港要持續發展,就要定好自己要爭取嘅長遠角色,所謂「迷失」,其實只喺未搞清楚呢個角色啫。正如我地每一個香港人,之所以「迷失」,亦喺因為搞唔清自己响個社會度,應該擔當乜嘢角色。

呢幾年,外圍經濟波動無常,到最近,美國蘊釀加息、人仔跌、內地經濟放緩、股市大冧、零售業下調,而我就話,拭目以待。好多人,預計會有災難降臨,但我想問下各位,究竟擔心有黑天鵝,定喺「渴望」有黑天鵝?甚至想造就黑天鵝?好彩我見到,真正努力不懈嘅無聲一族,唔喺咁諗。所謂,一雞死,一雞鳴,DSC 嘅末日,只能怪營運模式不合時宜,零售業嘅下調,根本就唔喺主因,極其量只喺送佢一程啫。

香港嘅經濟,喺一把雙刃刀,呢度喺充滿機會,最重要喺識得變通,唔好只睇到單刃。

競爭力,喺來自競爭。香港喺一處匯聚人才同投資嘅福地,所以,呢個城市,唔會有問題。不過,本土嘅香港新一代,仲可唔可以留响呢度生存,定喺要遷移去更適合自己嘅城市,由新香港人取而代之,就要睇佢地對自己,點樣定位啦!
37. 亮劍 2015-08-27 16:07:38
總之結論係香港唔會死,但香港某些人會被淘汰!
這等如美國呢家係一等一強國,但原居民印第安人就含得L!
38. 向饭民说不 2015-08-27 17:24:23

亮剑兄,其实你有没有发现经济上,e_kam这些CY支持者,和那些购物颠狗,饭民思维一样呢?这些人其实都是极端共产主义。

共产主义,提倡福利,大政府,所谓公平。结果是失败者将风险转嫁比政府。人是不会被淘汰的。淘汰的是社会。人没有钱,可以住公屋,食政府,而香港就会被淘汰。而政府没有钱呢?港币只有贬值。

39. 向饭民说不 2015-08-27 17:44:53

就是03年,香港差到贴地的时候,当时香港人还是不会相信会出现长期低迷,会被深圳超越。

但是今日连Alan Pepper这些应该都系属于成功人士的精英,都提出了长期低迷这个问题。有不小人已经开始相信香港会被深圳超越。

香港人是不是患上了西方国家和日本那些福利病。只是外国地多人小,有资源。香港只是火山岩岛。可以点生存。

40. Hongkong People 2015-08-27 17:55:26
珍惜香港兄,

結論很是精彩,但願如此!
41. 歷史長河 2015-08-27 23:21:29
珍惜香港兄,真正的智者!
亮劍兄,總結精彩,一針見血!
42. 引刀一快 2015-08-28 02:25:24

楼市冧之嘛,唔会死格?

要拉到死唔死嚟讲,系以退为进啫。

43. 引刀一快 2015-08-28 02:41:00
盗版系国际话柄,要提升学术水平系要国家支持,而80年代电脑知识主要来自美国,英国又点敢逆美国意去放宽香港盗版美国知识产权丫!又唔见大陆要禁绝!Uber两码事,对手只系攞住的士牌嘅财主,而且专车模式对未来绝对利大于弊,社会必须向前走,容不下呢种故步自封。大陆施政咁强硬高效都冇真正打击佢,大陆已经默许呢个咁先进嘅新理念,原因很简单,因为对未来发展有利啰!
44. e_kam 2015-08-28 12:34:54
好想知道 Alan兄 同 珍港兄 對取消電車單嘢點睇。


45. 向饭民说不 2015-08-28 13:23:50
e_kam,电车问题记忆中系英雄被困宵基湾,不知何日上中环时已经有人提出。其实过去几十年,都有人提出。
政治上说,电车不可能废,民粹来说,也是不能,但是从提高效率来说,肯定有所提高。
46. 向饭民说不 2015-08-28 13:27:53
引刀兄盗版就是山寨,而山寨这个名词是香港人发明的。其香港是山寨的始祖。所以不要笑大陆啦,香港的药房就是靠山寨货先可以系旺区开铺。
47. Alan Pepper 2015-08-28 15:04:56
如可改善電車效率,就已經不成問題吧。但怎樣改善要揾專業人士了。反問輕鐵效率高嗎?可以作參考嗎?我未搭過。

各位,我又唔係睇得咁灰,只是覺得提醒吓香港人面對的近優遠慮,感染一兩位年青人,知道這世界並非只有七百萬人的香港,而是競爭激烈的社會而已。

我亦唔係聖人,如覺得香港唔掂我都會走,始終這世界都係要靠自己,等人救不如自救。

對 UBER 及新科技,你喜歡也好,不喜歡也好,我覺得已是大勢所趨。應唔應該發生已經唔係你我需要談論的了,只是“怎樣”在社會穩定為大前題下發生吧。但我覺得是需要規管的。有時間我都再寫下。
48. 向饭民说不 2015-08-29 01:16:31
今日樓下已經有建制派議員發動守護電車。
49. 引刀一快 2015-08-30 00:06:31
To 46樓 向飯兄

今日好時節,向飯兄你46樓講嘅我100%認同!但係大陸再進一步,其實90年代,好多市級新華書店有都一個部門,唔接待外賓,淨係招呼同胞,裏面專門賣各種專科外國書嘅影印版,實行強民強國,普及專業知識!不過依傢大陸太多外國人活動,唔開喇。
50. 引刀一快 2015-08-30 00:21:17
To 47樓 Alan Pepper兄

非常支持兄台睇事物態度,先送兄台四個字”實事求是“!

電車對于年青人覺得可能有礙速度,但係載人效率毫不遜色!電車係香港企得最舒服嘅交通工具,沒有之一,而且電車係老年人恩物,因爲有軌,行駛中搖晃相對低。亦係香港島特色,價廉物美。尋日先見到120號俾人租咗,香港留番D特色係好緊要,咁多大陸人游香港,其實一定要感謝一下黃元申,唔係有香港電視劇,繼而香港電影,留喺大陸同胞嘅回憶情懷裏面,香港邊有咁高附加值。
簡而言之,就係要留番一D嘢,話俾大陸同胞知,呢個係你地曾經嚮往過嘅香港,希望佢地繼續喜歡。
51. 引刀一快 2015-08-30 00:28:31
记忆中系英雄被困宵基湾,不知何日上中环“

我問過我老竇,佢話成70年前嘅漫畫”烏龍王“........................


向飯兄,睇怕係叔父輩喎,失敬失敬!以後唔敢隨便駁你喇。



52. 格古樂 2015-09-01 12:49:24
香港下一代hea得起。

觀乎歷史,邊個大城市發展後還會有競爭力?個個都係變左玩金融,無實業㗎啦。之不過,有能力玩金融遊戲就玩,無嘅就揾政客去反反反。

香港仲有大量儲備,香港爸媽還會留錢比下一代,香港仲可hea玩廿年,都未去到歐豬嘅地步。

大學普及化後已無所謂精英,所以,將來更無精英領導個社會......不能期望將來能做得比現在更好。更加香港無實業,想做紅褲仔打好斤兩也無機會。所以,創業創新都係口號。

地產業是唯一的了。一個地區的唯一產業,我看不見有倒下的可能,只有可能由港資,變成中資。

所以,未來幾十年是大商家點讓將香港的儲備轉入自己口袋的玩戲,香港也將會只有貴族或農民了。

平常心迎接吧
53. 高 2016-06-09 12:12:45
科技減税,後发優势,政府出资,帶頭发展二三個龍頭行业,每個世界有名,能製造数十万職位。工务员改革,福利与业積掛釣,全民创业,全民招商。與小国结盟。