主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 144609    回應 : 221
資深會員專欄
真正嘅第十個人
 
珍惜香港
專業機構投資者
SMIEEE.MSc(ICDE)
http://facebook.com/hongkongtruevalue/
2015年8月7日
記得「」裡面,我話,响呢個專欄度,三傻一日未出文,我喺唔會出文。

所以,今日呢篇,唔會喺乜嘢文章,只喺一個「召集」。

呢篇「召集」,同法子兄响 2014/05/242014/06/06、及 2014/06/12 果三篇 CCL 競猜,性質上喺一樣。不過,今次個競猜題目,唔喺 CCL 噃,而喺:

* 美國聯儲局,今年(2015)之內,會否加息?
請選擇
最後投票日期:2015年8月31日

呢個題目,當然冇估 CCL 咁吸引啦!但我話過,樓市升跌,涉及好多人嘅得失,唔喺攞嚟賭嘅!就睇呢排,地產網一片淡風,啲好友唔知去哂邊。其實,睇好睇淡,冇乜所謂嘅,但講到要人地跳樓打杷,又話驚死中央出招救港之類,就真喺太唔應該。我講過好多次,機會當然唔放過,但做人就唔可以咁黑心

我一向唔鍾意評論樓價,因為我唔想用樓價升跌呢個理由,去影響人地買唔買樓嘅決定。尤其喺自住,買樓與否,換樓與否,喺視乎個別人士或家庭嘅需要同能力,而唔喺基於對未來樓價一個毫無把握嘅賭注

其實,我反而覺得,息口呢個議題,比樓價更重要。所謂,萬物歸於實體,真正嘅息口,就喺催化經濟嘅成本,最終幻化成各行各業嘅發展荊途,點會唔重要?了解息口,喺了解宏觀經濟嘅基礎課題,長線投資者必備嘅條件。樓價,反而只喺冰山一角,大家何必咁執著?

不過,如果有人問我,怕唔怕加息?我會話,加又得,唔加又得。都喺果句,長線投資者,喺睇長線,一個加息,喺唔會令到一個長線投資者,作一百八十度嘅改變。

回正題,點解呢篇叫「召集」?上星期,我再次重申,我仍然維持,美國今年之內唔加息呢個預測,仲話,我先至算喺,真正嘅第十個人。跟住呢,就即刻有人問,何需爭做第十個人

依家幾乎所有評論員,都一面倒咁,相信美國會响今年之內加息。有啲人,持相反意見,都只喺提出疑問,唔敢直接否定。咁又好難怪嘅,任何評論員,响呢個時勢之下,仲敢做第十個人嘅,就真喺會押上自己一生嘅名聲。所以,我今次提出競猜,就喺想「召集」各位,睇下「真正嘅第十個人」,仲剩番幾多。

各位勇士,响決定回應之前,唔該諗清諗楚。前日,有報導話,議息會議有投票權嘅洛克哈,認為九月喺適合嘅加息時機。尋日,又有報導話,市場估計九月加息機會超過五成喎!就算喺較保守嘅評論,都話預期十二月會加息噃!嘩!呢鋪狼來了,真喺好堅啫!依家仲夠薑大聲直言,話美國今年之內唔加息嘅人,唔通真喺膽生毛?

所以我認為,今期喺最 RIGHT TIME,向大家提出呢個競猜:

* 美國聯儲局,今年(2015)之內,會否加息?
請選擇
最後投票日期:2015年8月31日

而我自已,當然喺「真正嘅第十個人」,睇死美國佬今年之內唔會加息啦!不過,基於「」嘅承諾,我唔會响呢篇「召集」度,詳述我嘅理據。其實,我之前已經談及多次,有興趣嘅話,可以參考以下兩個系列:

環球經濟新常態之一:債嘅機遇
環球經濟新常態之續:資源論述

我曾經提過,話會寫第三系列。如果三傻之一,响呢個專欄度出文,咁我亦會遵守承諾,將系列三寫响度。唔喺嘅話,可能寫响唔知邊個回應箱裡面,又或者唔寫,要睇心情啦!

不過要聲明,我今次絕對唔喺抽水。呢度每一個夠薑答「否」嘅人,都喺平起平坐,都喺「真正嘅第十個人」,而唔會喺第 11、12 ... N 個人。至於持相反意見,只要肯表態,答「會」嘅人,都一樣好勇敢,一樣咁有吉士。講到尾,大家只喺估估下啫,兩邊都會面對「輸」呢個可能架!

最後一點要注意嘅,喺唔好以為,樓市好友,一定睇美國唔加息;亦唔好以為,樓市淡友,一定睇美國會加息。記住,利率同樓價之間,喺冇絕對關係嘅。唔明?就請重溫一下余偉文嘅講話啦!

希望各位擁躍表態!
 
我要回應
我的稱呼
回應 / 意見
驗証文字
 
1. cc 2015-08-07 10:14:52
我投唔會加息
2. 亮劍 2015-08-07 10:41:24
珍惜香港兄……
美國可能在今年加息嗎?
我估最多一成機會吧!
加息永遠在下一次開會嗰陣,哈哈!
3. 湯飯 2015-08-07 10:43:09
唔會.
4. 數據分析員 2015-08-07 11:06:55
講就天下無敵, 做就有心無力.

我估不會加息
5. hifi 2015-08-07 11:17:24

老美經濟大家有眼睇。有明顯改善??

6. Fianncial Anlyst 2015-08-07 11:23:16
If you look at the market interest rate futures market, traders priced more than 50% of rate hike already for the rest of the year. If you look at Q1 2016, the probability is more than 80%. If you know what is the main function of central bank, you would not rule out the rate hike this time.
7. 亮劍 2015-08-07 11:28:45
在投資市場,周不時都出現呢種情況:
明明某隻股票公布出來的業績非常靚仔,派息又有顯著增長,但股價就不升反跌,大戶紛紛減持。 

其實呢度有兩個主要可能性:
1 好消息証實出貨。 
2 消息真係好,但呢個好消息其實比坊間的普遍預期有落差,例如好多大行其實預某股業績有四成增長,派息多叁成;但出來的結果係增長只有叁成、派息加得 15%,而呢隻股之前又基於「預期增長」被炒高,咁呢隻股就會被大戶洗倉。

咁呢度同楼市有何關系?

如果大家有留意香港私楼楼價在呢六七年係咁升,但買楼既人可支付的首期反而由 3 成半上到近 5 成,而供款佔入息比,亦不斷減少,跌到近 3成半。 
呢個現象我老友 PP 解讀為:「當楼價越升,其實置業者反而越保守。」 
置業者用保守方式入市,政府用行政手段干預係其一;但另一方面呢 5~6 年自我去槓桿亦係主流。 

例如上車客 A 月入 3 萬幾,原本預 1M 首期,再用月入 4 成半上件 4 M 幾。
但呢幾年呢 D 客,就會問屋企人借多壹佰幾拾,然後住遠D住细D,買件 4 M 楼下,務求將供款佔入息比例,壓落到 3x %。

呢幾年當大部分買家都可拿出 5 成首期,供款又只佔入息的 3 份之 1,其實係代表入市者,已經自己同自己做埋一個比政府規定還要求高的壓力測試。

在09年打後,當全世界都吹低利率年代即將告终,不日按息將會升至合理水平,咁如果喺呢段時間還入市,而你又無預埋利息將會上升者,佢哋若不是智障,都應該係無知。 

咁問題來了,如果近幾年入市者,若大部分只係動用咗半力去供楼,那麼有凸嗰 D,究竟去了那裡?? 

合理而佢哋真係有做嘅,當然係儲起佢啦,有 D 存 ML;有 D 攞去買股票或人仔。 

在呢篇文章起初,小弟咪講,好消息若是给過度反映,股價可能在証實後不升反跌。

咁調轉頭講,如果幾乎所有新舊業主,都已經在幾年開始,預咗香港按揭利息喺預見的將來會「正常化」,咁一旦加息真的係遙遙無期呢隻,市場又會畀乜反應過佢?


8. TO so called financial anlsyt (not analyst) 2015-08-07 11:37:38
http://www.themoneyillusion.com/
latest TIPS spreads are downright scary if you believe the Fed should actually try to hit its inflation target:

5 year TIPS spread = 1.34%

10 year TIPS spread = 1.66%

30 year TIPS spread = 1.82%

Keep in mind that even if the Fed were on target for 2% CPI inflation, the 30 year spread will usually be a bit over 2%, because long term there is more tail risk of high inflation than deflation.  The 1.82% figure is worse than it looks.

And it’s even worse.  The Fed is actually targeting PCE inflation, which tends to run about 0.3% below CPI inflation, so those spreads actually reflect about 1.04%. 1.36% and 1.52% PCE inflation expectations.  That’s dangerously close to a position where the Fed could lose credibility.

>2% of 30 year tips almost implies deflation!  
9. yyfan 2015-08-07 11:53:11
唔會
10. 大胃IT人 2015-08-07 12:03:58
我投會加息
11. 過來人 2015-08-07 12:04:39
會,九月同12月都會
CCL 會係130咁上下。
12. HKTOM.COM 2015-08-07 12:19:49
唔會加息  !
13. 二叔公 2015-08-07 12:20:22

珍港兄文章好有意思,我跟你,美國佬今年唔加息。

14. yy 2015-08-07 12:41:52
我有準備加息,不過相信今年不會加。
15. Oscar Lam 2015-08-07 13:09:43
珍兄,

現在不是估加不加息的問題,而是估加多少息?

可否加上一項,如果加息,加多少?這樣可能更加準確。嘻嘻!

在下估美國今年加息0.25%。
16. Oscar Lam 2015-08-07 13:16:31
更準確一些來說:

美國今年12月加息0.25%。
17. x 息 x 2015-08-07 13:29:47
耶倫已做到"大家有加息預期" 既結果, 所以效果達到又何需要再加息, 
18. 過路人 2015-08-07 13:34:35
我估今年唔會加息.
19. 朗晴 2015-08-07 14:27:57
如果年尾美國開始加息,相信香港行點都會推D定按Plan出嚟做下生意,但到今日重未收到風.
可能銀行都唔信美國可以每年加一厘或以上.
維持早前同奧師兄打賭一客大X樂焗豬估算,15年尾加0.1等你心息.
20. Oscar Lam 2015-08-07 14:50:23
加0.1不如不加。

政治講平衡。加0.25最能平衡各方利益。

维持年尾美國加息0.25。先多謝朗師兄的大X樂焗猪。

共食之,哈哈!
21. 我是15樓 2015-08-07 15:04:06
唔會加息
22. 屋村師爺陳 2015-08-07 15:19:23
珍惜香港兄,

係「視乎」✅,唔係「是乎」❌
係「毫無」✅,唔係「亳無」❌

「「依家幾乎所有評論員,都一面倒咁,相信美國會响今年之內加息。」」

只係呢班評論員背後嘅金主已做足加息後準備,金主們已等咗好耐,評論員們仲唔發力聽唔洗再有得lo。

換邊箱,民生仍然處於「估*」加唔加息狀態之下,對於這班估民嚟講毫無準備或準備唔切下,其實已比呢班金主們遲哂啦。

息🔛一定會隨時加,但幾時加?!

我個人認為都要睇睇鄰國央行會否有新一輪減息行動,如呢年內(2015)無,我估出年年頭美國一定加息!!!

睇嚟年底中國央行快要減息,這個把握我會有!直至現在第二季尾都減咗2次啦,美國加息只能輕嘆望塵莫及。

若果金主們在今年2015洗橫手迫耶倫在加息議案上表態的話,正所謂一發不可收,易加難收,不斷累加0.25點子時2015-2017就是息魔降世之年,最終息口可能十幾廿厘與供樓承擔壓力爆煲就是樓巿調整之時。

如果比我講中2015尾至2017係加息週期,在加息年初樓巿股巿繼續向去,因為要有好嘅經濟支持下息率才敢攀上。失業率減少,工資薪金大增,公司挖角潮湧,息口加了業主毫無影響,因為人會衡量收入及支出,你加息時我加租,租客也毫不畏懼我人工又係咁加,反而租樓So過買樓,都係租住先邊租邊儲,待時機嚟蓄勢待發。

但去到加息週期尾聲時,人人也負擔唔到息率帶來嘅影響,業主寧願見好就收,有些可能減價促銷,樓股滙皆輸,成街都見要錢唔要貨嘅資深投資者,對於未上車嘅人來講,當然這可能是最好時機,但適逢銀行要call loan嘅時候,手上無足夠嘅現金嘅人,哪有一間銀行願意借錢你哋去買樓?無足夠現金嘅人唔洗等,下次大跌時再吼啦。
(醒起珍兄講果句,勿估樓巿升跌,會誤上車人或自住人嘅機會)

樓股滙輸光輸淨嘅時候,可能直至2017-2020間,便好快出現QE4, QE5, QE6或以新型態出現。
以上年份只是用來做比喻,到真正的周期性出現時,有沒有人像班金主們般早有防備及足夠準備呢?

各位米再傻估了,做好屬於自己的兩手準備啦。
機會只留給有準備嘅人!
23. 引刀一快 2015-08-07 15:38:57
加唔加息都一樣,減息樓市一樣會跌。
24. middle middle class 2015-08-07 15:53:43
會。
25. 中年人 2015-08-07 16:36:50

我的楼己FP, 但我估不加

26. 怒婦炒魚柳 2015-08-07 19:37:22
22樓:

我好同意你嘅講法,因為神又係你鬼又係你,講哂啦你!

計我話呢:唔加多過加!
27. 珍惜香港 2015-08-07 20:23:45
珍惜香港

TO:15/F Oscar Lam

閣下嘅意思,答案即喺「會」。不過,投「會」或「否」之餘,當然歡迎更深入嘅預測同理據剖述啦!

坦白講,近期大家討論樓價,已經開始走火入魔。將創新高、劈價、執笠呢啲事件,根據自己嘅主觀意志,講成喺市場嘅大圍事,欠缺預先過濾個別情況嘅客觀步驟。我嘅目的,除咗想大家抽離切身嘅樓價議題,輕鬆一下之外,更希望帶入較宏觀性嘅討論。懇請各位不吝賜教,提出自己嘅論據,切磋之下,必有得益。

我亦唔會咁專制,焗大家一定要做勇士嘅。就好似亮劍兄咁,話最多一成機會,我就私下問過佢,咁算唔算喺「否」?佢話,果一成喺美國夾硬加,以兌現承諾喎,咁我都收貨啦!我同佢嘅分別,就喺我認為,美國只會响條件許可,同有著數嘅情況之下,先至會真喺加息,唔會夾硬加,即喺話,連果一成機會都冇!

TO:22/F 屋村師爺陳

多謝提醒,錯字已經修正。

講到兩手準備,其實,作為長線投資者,一定要有多手準備。因為,長線投資嘅轉營,唔喺一話做,就即刻可以實現,而喺斷季、斷年計,規模越大,時間越長。

响低息環境之下,吐 CASH 等跌入貨,只喺屬於投機行為。真正嘅長線投資者,轉營,喺持續性,根據宏觀經濟變化,逐步微調自己嘅投資組合。佢地嘅主要利潤,唔喺嚟自入同沽果兩刻之間嘅價差,而喺持有同行使投資物帶嚟嘅時間回報。

所以,真正嘅長線投資者,從來唔會「等」,只喺會「變」。
28. 元朗人 2015-08-07 21:31:19
我投美國今年會加息,亦投香港今年不會加息。
29. 大寶二寶 2015-08-07 21:43:59
同意元朗人兄。美國第四季會加0.25%,原因同亮劍兄一樣,但香港唔加,因香港水浸!

共猜之,哈哈!
30. 魚蛋仔 2015-08-07 22:04:34

我估美國今年吾加息

31. 打工仔 Andy 2015-08-07 22:06:51
加少少.......再等...........再加少少................! 又要減反啦..............再減................2047了! 

哈哈哈! 共等之! 
32. 歷史長河 2015-08-07 22:49:03
珍港兄,既是長線投資者,就賭長一點。小弟估10年利率內吾會超過4%。
另外有超過六成已還清貸款,剩下的大部分用紫H+,加息對現有業主影響不大,倒是對坐等圍觀者來說,貸款能力倒相應減少了。
33. Joe 2015-08-07 23:59:56

因為一加息係唔會翻轉頭,所以一定要睇到自身經濟好轉才決定加息,現時仍看不到這勢頭,因此今年係不會加的。

34. anggie T. 2015-08-08 00:49:12
Yes, I'd say fundamentals in U.S. are still not so strong.  So no increase in interest rate this year...
35. 亮劍 2015-08-08 10:56:06
不過萬一美國真的詢眾要求而加息,香港喺一年半載內亦無可能照跟,原因請看下列政府公布:

綜合利率跌至0.29厘

2015年07月17日

金融管理局今日公布,6月底的綜合利率跌至0.29厘,較5月底的0.31厘跌2基點。
綜合利率下跌,反映月內存款和銀行同業資金的加權資金成本減少。

綜合利率根據零售銀行提供的資料編製,反映銀行平均資金成本。零售銀行約佔銀行體系總客戶存款九成。

36. 引刀一快 2015-08-08 12:01:38
唔駛加息,樓市照跌,減息都跌。
37. 弓丨人一笑 2015-08-08 23:13:46
加息,不過樓價升跌不關我事,因為我是沒有港樓的超閒公園阿伯
38. 引刀一快 2015-08-09 06:17:44
呵呵,係呀
39. 新淡友 2015-08-09 18:28:06
投會加息,應該9月加0.1-0.125, 但唔加IOR的話銀根唔會收緊,十二月可能再加。
不過正如刀兄所言,息口唔係關鍵,最大問題係北上廣深以外,全中國都步入蕭條(當然呢個以中國同樓市好友為主又小走大陸線既論壇唔會有人feel到),係東北好多日資公司全退,東北本來係好多日資後勤,我舊同事個仔甚至係操流利日本但唔多適英文都可以做到中高層,但新年日紙跌人仔升,佢老闆話係日本請問個call centre接電話都平過係東北,結果真係摺左所有中國既後勤,佢公子亦因而失業,加上層樓又供唔起賣唔去,本來一個當打30出頭外資高層而變左要啃老,亦完全見唔到有可能找到類似工作既可能,佢話東北好可能會底特律化。
重有深圳同事炒股輸左3年人工,重要係問親戚借的,我建議老闆睇實佢,老闆話下個月冇新單就炒佢費事煩。 
40. 肥婆四 2015-08-09 21:05:24
我估加息,原因方便的兄弟挘水,又唔使比人話得個講字,咁加息後影響經濟係好閒,咪黎過舖囉,反正公死有肉食,婆死亦有肉食,出年選總統減番息仲啱「何車」。
41. Ann Lee 2015-08-10 01:16:08
我估美國今年加息
42. 珍惜香港 2015-08-10 06:19:49
珍惜香港

睇咗尋日個 Q&A,見博士嘅心情,似乎唔太好。直覺上,可能同我有啲關係,因為我呢篇「召集」,導致有人响另一個公開平台度,出咗篇以我網名為題嘅文章。本來都冇諗住回應果篇文章,亦唔想涉及網站之間嘅矛盾,但既然驚動到博士,咁睇嚟我又唔可以唔寫番啲嘢。

我呢篇回應,唔喺特別針對邊啲人。或者應該咁講,有啲人,寸足全場之後,就叫人唔好對號入座。但我就反而希望,每一個睇到我呢篇回應嘅人,都要對號入座

有人話,做人要有品,有風度。究竟乜嘢喺有品?乜嘢喺風度?

唔好見我成日問嘢,就以為我滿肚謎團,我嘅思維,都唔知幾清晰。例如,乜嘢喺冇品?背後講人是非,算唔算冇品?我諗好多人,第一個反應,都會話算嘅。咁不如問下各位,有冇試過背後講人是非?冇?同朋友講呢?冇?同摯友呢?冇?咁同近親呢?同另一半呢?唔好話我知冇,同另一半講嘅嘢,分分鐘唔出得街啦!

如果你同另一半講人事非,而佢竟然話番俾當事人知,搞到你俾人鬧,咁唔知邊個冇品?好多私人對話,根本就唔應該出街。正如早前,唔知邊個咁冇品,將某群組嘅 WHATSAPP 內容公開,搞到曾主席好尷尬。又正如,上次特首選舉果排,我雖然撐唐,但佢將人地閉門講過嘅嘢爆出嚟,都好冇品啫!出動解放軍?關埋門,講下唔得?使乜咁認真?但喺公開咗,就變成另一回事啦!

公開對人、對事作出批評,好平常,不過真喺要注意用詞,用詞不當,亦可以變得好冇品。例如,粗口或者類粗口,好似唔知乜字母果啲,就真喺唔好用啦!好耐之前,我响度用過低唔知乜,結果俾 Admin 叉咗。當時我有啲微言,但因尊重呢個場,之後都唔再用。其實,果個詞語,又唔喺粗口,只喺大家尺度唔同,但既然喺咁,選擇尊重番個主瑒,冇乜蝕底啫?唔通好似班黃虫咁,郁下就擺言論自由上枱咩,做人點可以咁冇品架!

講到風度,法子兄曾經話過,預測唔準唔重要,最重要喺唔準果陣,不失風度。我真喺要一讚法子兄,佢講過就算,唔會死纏爛打,呢啲就喺風度。我地大家都喺自由人,唔好講到自己,好似受咗唔知幾大屈辱咁。呢個世界,好大,好廣闊,邊有人咁得閒成日屈你?成日覺得自己受屈,幾叻嘅才子,都會變成一個流氓。我真喺覺得好可惜!同我講風度?不如我借果一面鏡俾你,照一照自己,睇下你自己咁寫法,幾有品,幾有風度?

兩星期前,我發現博士一個專欄唔見咗,搞清楚後,原來喺一場誤會。點解我會咁著意?因為我認為,如果一個專欄作者,隨便因一時之氣,就刪除自己嘅專欄,都幾冇風度。當一個專欄被刪除,相關嘅所有回應箱內容,都會一併被刪除。唔喺淨喺專欄作者,會花心機寫嘢嘅,回應箱裡面,有唔少文章,都喺好用心嘅作品嚟架!唔通佢地嘅心血,俾你一個唔鍾意,就可以隨便蒸發哂?

關於我呢篇「召集」,之前已經講得好清楚,我一啲都唔希罕「第十個人」呢個稱號。都話,唔喺要焗大家一定要做勇士咯!我只喺請大家唔好淨喺响度爭拗個樓價,而失去對宏觀經濟嘅觸覺。希望大家明白,樓價只喺果,經濟先至喺因,關心經濟,比關心樓價更重要

坦白講,我有少少失望,有啲朋友,唔喺冇嘢講,只喺唔响呢度講。難道,响我回應箱度寫,又有政治考慮?又喺言論自由嘅問題?或者,喺我自視過高,連泛泛之交都不如啦。

定喺,又唔知,邊個冇品,邊個冇風度?
43. 蘋果財經 2015-08-11 01:15:51
聯儲局副主席:通脹回復正常前不加息



聯儲局第二把交椅、副主席費希爾(Stanley Fischer)今日接受傳媒訪問時,指聯儲局關注低通脹情況,揚言會待至通脹回復正常水平前,儲局都不會加息。其言論拖累美元升幅收窄,商品價格止跌回升。美匯指數最新僅升 0.1%,報 97.682。紐約 9 月期油最新倒升 21 美仙,報每桶 44.08 美元;倫敦 3 個月期銅從六年低位反彈,最新升 0.15%,報每公噸 5181 美元。

報導來源:蘋果財經
建立時間:2015年08月10日 20:04
44. (cc) 2015-08-11 10:32:17
珍惜香港兄,如你所講,預測正確與否只是果,理據才是最主要部份,最值得討論地方。
就算今年美國加息,香港都不會加。因為之前美國減,香港冇跟。而且,連祖國也準備QE,可想而之D錢幾平。
美國是否加息,不是只看經濟因素,可以是政治因素。


45. 路人皆知 2015-08-11 11:26:15

在歐、日及大陸瘋狂QE 下,美國沒有條件加息!

尤其是大陸為了救股市及經濟,看到和看不到的QE 規模將會是前所未見的,大量熱錢將湧港,香港息率完全沒上升壓力,樓市將有新一輪升浪!

珍惜香港兄支持你繼續發表你的寶貴意見!


46. 珍惜機會 2015-08-11 12:16:26

回珍惜香港兄以下這句:

"因為我認為,如果一個專欄作者,隨便因一時之氣,就刪除自己嘅專欄,都幾冇風度。"

這一句可能就是你激怒博士的說話? 因他曾因氣憤說不寫。

你還寫:

"每一個睇到我呢篇回應嘅人,都要對號入座"

唔知對不對,只有天嘵!


47. 珍惜香港 2015-08-11 16:40:33
珍惜香港TO:46/F 珍惜機會

關於 42/F 嘅是非題,我已經作出咗最簡短同準確嘅總結,冇嘢好補充。

不過,閣下嘅言論,有潑火之嫌,所以我必須澄清。

「隨便因一時之氣,就刪除自己嘅專欄,都幾冇風度」:博士從來冇真正刪除過專欄,我唔會因為任何冇真正實行嘅氣言,而作出批評。刪除專欄者,喺另有其人,不過唔好問我喺邊個,我唔會答你。唔指名道姓,喺希望當事人(有嘅話)收到同反思,唔喺要為難或者攻擊邊個人。

「每一個睇到我呢篇回應嘅人,都要對號入座」:我已經响總結度寫得好清楚,的確喺有回贈對象,但唔好睇漏呢兩句:「從而帶出相關議題,希望大家反思」。任何矛盾,責任都唔會淨喺响一邊度,好多時,多方都有責任,甚至犯咗同自己指責對方一樣嘅錯誤。請大家各自對號入座,就喺咁嘅意思。

每一個留言者,都有自己嘅風格同原則,出文嘅原因,亦只有當事人至知。所以唔好亂估作者嘅企圖,更加唔好公開咁一口咬定,作者有乜嘢企圖,你九成估錯之餘,仲會引發是非爭議。舉個例,43/F 篇財經報導,喺我 POST 嘅,不過我唔講,唔知有冇人會知道我嘅目的?原來好簡單,因為我見 42/F 之後,太耐冇人回應,而我又擔心呢個涉及是非嘅留言太顯眼,所以就求其搵篇報導,塞咗响佢後面囉!

吓?咁都得?真喺唔好意思,我呢份人,就喺咁怪雞。

所以,我有時都會以非註冊身份留言,主要喺轉載一啲報導、或其他人嘅文章,但因考慮到版權,一定會標示來源同相關連結。大家對我,都有既定嘅立場同形象,如果用自己身份 POST,讀者就會將我嘅立場混埋入去,影響咗客觀性。況且,我亦會轉載一啲同自己立場唔同,甚至喺相反嘅文章,例如鄭立果篇,就喺我 POST,目的只喺想帶入唔同角度嘅評論。但如果用我嘅身份 POST,人地就會以為我 BUY 作者嘅立場,或者以為我想借人地嘅文章,帶出啲唔知乜訊息啦!

所以,都喺果句,唔明嘅話,唔好亂估!同埋,是非題,已經劃上句號啦!
48. 珍惜機會 2015-08-11 17:48:46

珍惜香港兄,我相信公開寫出來的文章,很多時不同人看有不同的理解,對於你所說的怪雞行為我覺得很正確,你只是想 monitor 或引導讀者循你的方向去吧!正如耶倫利用佢既渠道及招數引導市場返應一樣!

正好有些人看了會認為我潑火、有些人看了只視為荼餘飯後的趣事,但既然你那麼在意我尊重不會再提了。

最後人民幣今日失驚無神眨百分之二,加上所產生既預期美國今年應不會加息!


49. 珍惜香港 2015-08-12 02:56:01
珍惜香港TO:48/F 珍惜機會

人仔眨值,只喺反映市場需要,減息兼放水,點可以唔眨值?

所謂新常態,就喺全球各經濟體發展成熟之時,先洗未來錢之勢趨向極化,用嚟包底嘅新興市場又買少見少,結果形成增長放緩,舉債渡日,以致貨幣供應氾濫,市場走向薄利多銷嘅環球經濟現象。

基於新常態推算,各國排住隊 QE、減息,就喺預期之內。而債務危機、股災之類嘅金融波動,就成為將新常態推向完全體嘅趨化劑。

所以,阻止美國加息嘅,都唔喺突發事件,而喺自然生成,亦可以話喺預期之內
50. 北京新浪網 2015-08-12 03:18:42
摩通稱人民幣貶值無礙聯儲 9 月加息

摩根大通分析師表示,雖然中國採取讓人民幣貶值的行動,但依然預計美聯儲將在 9 月會議上加息,人民幣貶值不足以改變聯儲的加息步調。

來源:北京新浪網(2015-08-12 00:32)
52. 屋村師爺陳 2015-08-12 11:07:27
昨日11/8/2015人仔突大幅度貶值,
本人大膽肯定,美國加息步伐只能烏龜緩行。

明知加息係天方夜談,金主們就會如珍惜香港兄般說「變」,他們惟有「變陣」再催迫評論員們都無用,心灰意冷下,惟有「變陣」再作新一輪部署及準備~!

to:怒婦炒魚柳兄,我向你宣今年美國不加息,米說我係神又係鬼。嘻嘻
53. 初學者Tony 2015-08-13 07:26:56
唔會加息
54. 我是15樓 2015-08-13 13:47:07
蔡志忠 - 金管局出招 樓市被扭曲 2015/03/04
45. 珍惜香港 2015-03-05 00:14:38  
【珍惜香港】TO:大寶二寶、打工仔
我認識一對老人家,一屋自住,兩屋收租,全部都喺 10XX 建尺嘅三房單位。最近佢地加租之後,都喺比市租平 15%,兩屋加埋租金收入四萬有找,扣除管理費連埋其他七除八扣,淨袋唔夠三萬。一對擁有三間大單位嘅老人家,算唔算風光?原來退休收入都只喺咁,依家百物騰貴,其中一老最近身體唔好,仲坐咗輪椅添。

文亮言 - 為何創新高都是極低層單位  2015/03/14
48. 珍惜香港 2015-03-14 19:51:22  
【珍惜香港】TO:33/F Sino Tom
大部份收租佬,都好低調,佢地唔喺專業投資者,甚至唔可以講話喺投資者。上次提到果對老人家,坐擁三件大單位,退休收租每月都只喺淨袋唔夠三萬。Oscar 兄話,賣咗其中一間,下半世都洗唔完啦;引刀兄仲進取啲,話賣哂兩間,做人仔定期,食息都夠晒喎!但事實喺,你教埋佢地,佢地都唔會肯賣,點解?
當然,你亦可以話,我先至喺一廂情願,自以為市場嘅主流持份者,都同我好接近啫!咁究竟喺你啱,定喺我啱?可惜呢樣嘢,喺冇乜公開數據可以參考到嘅。所以,我果次都只喺憑呢十多年宏觀大勢嘅轉變,再加埋自己作為市場參與者嘅親身體會,推算出嚟。
就正如引刀兄話,或者張建宗同謝偉俊,都喺傳統收租佬嚟?如果一眾高官同議員,買樓收租,都只不過喺好似我講果種退休心態嘅話,好多疑問,喺唔喺就即刻迎刃而解?

---------------------------
*****引刀兄仲進取啲,話賣哂兩間,做人仔定期,食息都夠晒喎!******
****人仔而家玩眨值*****

55. 引刀一快 2015-08-13 15:30:58
十五樓嘅牛牛

依傢係咪牛市呀?
56. 引刀一快 2015-08-13 15:33:12
人仔會唔會跌50%呀?樓市會。
57. 珍惜香港 2015-08-17 03:17:15
珍惜香港

眨下眼啫,就已經半個月啦!

心大心細,結果都喺正式回應咗果篇文章(見附件)。唔寫响呢度,喺因為唔想影響個競猜氣氛,況且禮貌上,都應該要直接寫响果邊嘅。

原來咁多人,對我珍惜香港,咁唔了解。其實,我呢份人,重情義,就喺咁簡單

廢話少說,仲剩番兩個禮拜咋!轉軚嘅,仲嚟得切,未表態嘅,就要快啲啦!

希望各位擁躍回應!

[ 此文藏有一個附件,按此顯示附件內容 ]
58. 八十後 2015-08-17 13:13:39
不會
59. AC 2015-08-17 16:01:48

my guest is will increase rate for small amount like 0.25%

my reasoning is it has been talking too much, need to do some action to ensure credibility

but it may not be a interest rising cycle

after doing the small rise, Fed can talk again for quite a while

60. 我是15樓 2015-08-18 08:26:56
美國2015年内不會加息。
但香港樓市會升至150CCL, 然後回落。
香港經濟轉平稳。 樓市平穩回落至133CCL. 然後回升至2016年尾
61. 引刀一快 2015-08-18 09:43:30
錯咗到時咪又換馬甲囉。
62. 修道船 2015-08-18 10:23:37
D好友為左寸人,仲啱都可以換馬甲啦!法子PP都成日換馬甲又來攻擊淡友,你地睇唔到咩?
估中都咁冇品,估錯仲得了?
63. 元朗人 2015-08-19 23:12:51
這個網造就了—位明星,其他人衹是陪襯品,各位何用太認真或重情,互相尊重討論下便應滿足。珍惜香港兄要是有文章與眾分享,希望不要再等條件成立,快些上載吧。謝謝!
64. CD ROM 2015-08-20 17:28:25
珍兄呢個問題我真係諗左好耐, 加上撞正人仔忽然眨值呢個變數, 難度又加大左D~~~

答左先: 唔加!!!

但係我呢d低手就無謂加d乜野解釋係後面啦, 我相一樣野, 對美國佬來講, 口齒緊要淨Jetso緊要d??????
65. Ronald 2015-08-25 00:10:47
首先,我認為美國今年內會加息。

雖然美國債臺高築,經濟、就業、房屋等各類數據尚未造就條件給聯儲局加息,但基於聯儲局對(共和黨)另一方利益者的承諾,基於中美貨幣、貿易等多層面博奕,戰略上聯储局會決定美國今年加息。

過往有記錄的35年,加息對樓價的影響是,20%令樓價向下,80%沒影響甚至是樓價繼續向上。

若今年加息,我相信屬過去20%部分令樓價向下,因今次加息剛巧遇環球股市動盪,中國經濟急速回調及亞洲貨幣戰,加息有如點燃火藥引,一連串不利因素炸毀羊群般的置業者情緒,甚麼供求失衡、剛需、供應到不到位等等...,在過往急升急跌的歷史中告訴我們,這不起作用。
66. Schumpeter 2015-08-25 11:31:04
今年一定加息!9月唔加12月都加。
其實美國過去10年既大戰略係要防止中國掘起,而家係千載難得既機會,冇可能會放過!
美國已經出現比保護主義更可怕既重商主義,以屯積資金,原料再傾消去打擊對手,實力不足既巴西,委內瑞拉,俄羅斯都粉粉倒下,而家只剩金仔朝鮮同中國待宰!

係刀兄"剛剛需"論前面,作何"剛需"論都係不堪一擊,即時變成"剛衰"!
67. 向饭民说不 2015-08-26 00:08:49
还是那一句,楼价最终是由港币购买力决定。港币购买力是由创汇能力决定。今日高尚港人越来越像二世祖,将创汇看成魔鬼,反而对那些消耗外汇的活动看成公平。福利开支都是在消耗外汇,本来赚到外汇,比多点福利都正常,所谓work hard, play hard.
今日,人民币贬值了,香港创汇能力肯定减小,如果外汇不断流失,相信港币被攻击将是时间问题,到时就是楼价下跌的时候,而且永不超生,香港有的是高尚无竞争力的二世祖。
68. Max 2015-08-26 01:11:48
近幾日股市之波動,已足以證明美國今年唔會加息!除了匯率大幅波動,全球股市更是欲罷不能,美國佬憑什麼加息?講完。
69. Schumpeter 2015-08-26 19:51:39
中國經濟只係佔美國通脹1.6%,今年一定加息!

2015年8月26日

唐納文 宏觀分析

瑞銀

高級全球經濟師

唐納文: 最重要的中國數據-1.6%



人民幣動向只是小噪音

當我們詳細檢視並做出調整之後,會得出美國花在中國經濟活動上的比重為1.6%。因此,美國消費者物價指數有1.6%受到影響中國經濟活動的因素所影響。

如果你認為1.6%很小,請謹記,美國人的支出多半和中國的經濟活動並無明顯可見關聯性存在。住房是美國消費者物價指數裏的最大部分(超過40%),醫療保健和教育也是指數裏的大項。食物(中國不出口食物)則是另一個重要項目。最後,就算美國人購買真正中國製造的產品,身為消費者,他們還需要支付倉儲、經銷、零售商的經常性開支、店面助理的薪資等等──這些都是國內成本(主要是國內勞動成本)。美國的勞動成本約佔美國消費者物價指數的60%。

因此,有關美國利率方面,聯儲局的經濟學家將會着眼於國內的勞動壓力。中國人民幣的動向只是幾乎注意不到的背景噪音而已。也因此,美國很可能在9月時加息。

70. 向饭民说不 2015-08-29 01:23:47
樓上,問題美國佬已經感覺到強美金的壓力。加拿大人少了去美國消費。等等等。
71. 引刀一快 2015-08-30 04:23:40
To 66樓  Schumpeter兄

係刀兄"剛剛需"論前面,作何"剛需"論都係不堪一擊,即時變成"剛衰"!

謝兄台認同,我只不過係按住日常社會裏面嘅人情物理作一個簡單結論啫。

講多次:

住,係剛需

想賺錢,係剛需中嘅剛需

唔想蝕錢,係剛需剛需剛剛需......



72. 珍惜香港 2015-08-30 13:17:34
珍惜香港

各位朋友,聽日,就喺最後嘅投票日期啦!

大家果然喺非常關心香港嘅樓價,估美國加唔加息之餘,都會順帶提下。

但喺,如果唔先放下對樓價嘅主觀願望,就好難引出客觀嘅宏觀思維,做準確嘅分析。相信大家明白,美國聯儲局,喺唔會為咗要令香港樓價升或者跌,而去決定是否加息嘅,喺唔喺?

响二手成交偏低嘅情況之下,任何成交個案,都會好顯眼。較低價嘅成交個案,會俾唱淡者渲染成大市向下,而較高價嘅成交個案,就會俾唱好者渲染成大市向上。如果香港樓市,真喺下跌嘅話,大家點會唔知?就好似金融風暴、沙士、金融海嘯果陣,使乜要聽啲評論員唱至知?

美元喺國際貨幣,港元亦同美元掛勾,作為資金自由流動嘅開放型國際金融中心,美國加息,對香港經濟,當然會有影響。不過,香港嘅經濟,喺一把雙刃刀,作為長線投資者,態度,一定要積極正面

都喺果句,聽日就喺最後投票日期,轉軚嘅,仲嚟得切,未表態嘅,就要快啲啦!

希望各位擁躍回應!
73. AH-HO 2015-08-30 21:31:08
哈哈,deadline前趕得及。
後期先投票有著數,因為中國的匯率、利息等等都變左。
我估唔加。
74. 小師妹 2015-08-31 00:05:23
九月唔會加息
75. 惜緣 2015-08-31 01:03:24
今年不會加息
76. 打工仔 Andy 2015-08-31 07:37:03
珍惜兄,
寫得好! 

我估今年不加息! 
77. 占士 2015-08-31 10:55:02

珍惜香港兄,

就目前情況來看,我也估計今年不會加息!

78. 2011年開始 2015-08-31 11:12:24
不加息
79. 收買佬 2015-08-31 11:26:59
反其道,包坳頸,我估9月加!
80. 旺絲 2015-08-31 11:29:08

我估今年不加息!
樓唔升, 但租要升10-20%, 因為D人買唔起轉租!!
81. 引刀一快 2015-08-31 11:37:28
擔心加息,即係對價位冇信心。
82. 唔好再delete我 2015-08-31 14:43:19
2015唔會加
83. Schumpeter 2015-08-31 16:35:33
而家反而一面倒話唔加息,市場一定會比意外驚喜班好友!
港匯跌緊,港元太貴,又冇創匯能力,加唔加息都死。
加息只係令香港死得快D,唔係有6百萬投資移民,中山樓好過香港多多偣,但只係1/5價錢。
84. Schumpeter 2015-08-31 16:39:23
好友發放虛假信息,網上造謠,係中國要刑事強制,係中國香港刪post都好合理

內地《財經》雜誌社一名記者涉嫌夥同他人編造並傳播證券、期貨交易的虛假信息,被當局採取刑事強制措施。

另外,公安打擊網上造謠,至今查處197人。
85. To83 2015-08-31 17:44:57
係啊,所以請自重
86. Ca1on 2015-08-31 20:44:08
不會。
87. 潘朵拉 2015-08-31 20:47:45
唔加
88. PF Law 2015-08-31 22:57:52




所以there is a high chance that 2015 not only 唔會加息, but conduct QE4.
89. 珍惜香港 2015-09-01 00:02:52
珍惜香港

轉眼間,DEADLINE 已經到咗啦!各位對美國聯儲局,今年(2015)之內,會否加息嘅取態,簡列如下:

「會」:註冊 11 人,非註冊 5 人,共 16 人 .....
大胃IT人

Oscar Lam(今年 12 月加 0.25%)
朗晴(2015 年尾加 0.1%)
middle middle c1ass
元朗人(香港唔跟)
大寶二寶(第四季加 0.25%,香港唔跟)
新淡友(9 月加 0.1-0.125%,12 月或再加)
肥婆四(方便兄弟挘水,體現承諾)
Ronald(基於承諾同中美博奕之戰略考慮)
Schumpeter(難得打擊中國,人仔眨冇影響
收買佬(9 月就加)
Fianncial Anlyst(6/F
過來人(11/F
弓丨人一笑(37/F
Ann Lee(41/F
AC(59/F

「否」:註冊 21 人,非註冊 15 人,共 36 人 .....
珍惜香港
(基於新常態,抗加息事件自然生成
亮劍(一成機會美國夾硬加,香港唔跟
數據分析員
yyfan
x 息 x(預期效果已達,無須加息)
我是15樓CCL 上 150 回 133 再升至 16 年尾)
魚蛋仔
Joe(美國冇經濟好轉勢頭)
路人皆知(環球 QE,美國冇條件加)
初學者Tony
八十後
CD ROM(撞正人仔眨值,Jetso 緊要 D)
AH-HO(中國匯率、利息因素改變)
惜緣
打工仔
占士
2011年開始
旺絲(樓唔升租升 10-20%)
Carson
潘朵拉
十兄弟(話見美國客取消訂單喎)
cc(1/F
湯飯(3/F
TO so called financial anlsyt (not analyst)(8/F
HKTOM.COM(12/F
二叔公(13/F
yy(14/F
過路人(18/F
屋村師爺陳(22/F52/F
中年人(25/F
怒婦炒魚柳(26/F
anggie T.(34/F
珍惜機會(48/F
Max(68/F
唔好再delete我(82/F
PF Law(88/F

其他:註冊 3 人,非註冊 3 人,共 6 人 .....
歷史長河
(10 年內利率吾超過 4%)
小師妹(只喺話 9 月唔加)
引刀一快(總之樓市點都照跌)
hifi(5/F
(cc)(44/F
向饭民说不(67/F70/F

以上喺以表態先後排名,註冊者排先及加補充,仲包括埋連結,指番去各位嘅回應度,一目了然!

BY THE WAY,大家唔好奇怪,點解我加埋十兄弟上去。响編輯緊呢篇 89/F 競猜總結果陣,見 90/F91/F 彈咗出嚟;咁過咗少少,冇所謂啦!相信大家應該明白,9 月中就喺第一個會否加息嘅 MILESTONE,所以條死線定响 8 月底,已經好盡。

真喺唔好見芳間啲評論員,喺咁唱美國今年內加息,呢度嘅讀者,反而喺揀「否」嘅居多,佔咗約三分之二,比起揀「會」嘅多成倍,對真正嘅第十個人呢個題目,可能又要另作解讀。不過,希望各位唔好忘記,我提出呢個競猜嘅另一個目的,喺想大家先放下對樓市嘅主觀意志,退一步剖析一下宏觀大勢。

仲有,都喺果句,對於樓市,睇好睇淡,冇乜所謂嘅,但做人,千祈唔好咁黑心。成日想人 PK 呢種態度,最終只會自食其果。賺錢,從來都喺好難;擁有,亦唔喺必然。香港好多嘢,得來不易,希望大家珍惜。

至於競猜結果,幾時開估呢?

快則半個月後,慢則年尾,各位拭目以待啦!
90. 十兄弟 2015-09-01 01:45:10
我個美國客今日又取消多一張訂單,個市咁差,點加啊!今年無得加。
91. 十兄弟 2015-09-01 01:46:02
我個美國客今日又取消左一D訂單,個市咁差,加鬼加馬咩!今年無得加。
92. 引刀一快 2015-09-01 06:35:42
To,83楼  Schumpeter兄

中山三角有个几靓屋苑,未股灾前唔驶港纸500蚊呎,估计依家400有交易。
93. 占士 2015-09-01 10:35:22
多謝珍惜香港!
94. 歷史長河 2015-09-01 12:25:02
珍港兄,有心有力,令人敬佩!
95. 引刀一快 2015-09-02 01:11:16
呢鋪係我嘅喇。
96. yyfan 2015-09-02 07:25:49
to:十兄弟

其實今年美國水唔差,只係所有chains都比網購逼到無錢賺
97. CD ROM 2015-09-04 17:11:48
我收到風, 美國幾間大retail裁員潮tim ar............
98. 亮劍 2015-09-18 05:27:35
珍惜香港兄……

美國可能在今年加息嗎?

我估最多一成機會吧!

加息永遠在下一次開會嗰陣,哈哈!
……………………………………………………………………


美國聯儲局公開巿場委員會結束兩日議息會議,決定維持利率於0至0.25厘區間不變。會後聲明指,當勞工巿場進一步改善,以及有信心通脹率會升至2%的目標,就會適宜加息。儲局又指,會密切注視外圍風險局勢發展。

今次政策決定的投票結果是以9票贊成對1票反對通過,里士滿儲行行長拉克投下了反對票。儲局指,經濟擴張步伐穩健,就業增長強勁且失業率偏低,通脹已進一步下滑且可能會繼續降低,但隨著就業改善及低能源價格效應暫時消退,中期通脹會上升。儲局特別指出,除了閱讀就業市場及金融市場訊息外,亦會留意國際發展。

儲局於今年餘下時間,尚有兩次議息會議,分别於10月及12月。美國聯儲局主席耶倫在會議後記招上表示,自上次會議以來,就業增長穩建,局方仍預計通脹的下滑壓力將消退,但近期全球發展可能給通脹帶來下滑壓力,但委員會對經濟前景看法未有重大改變。

她指出,當看到就業市場進一步改善及通脹回升時,才是合適的開始加息時機;首次加息後,貨幣政策立場還將保持高度寬鬆一段長時間美國聯儲局理事們同時下調未來兩年息口預測。在最新經濟預測中,17名理事中,有13人料2015年為合適加息時間,較之前增加兩人;另有3人則預期2016年才加息,有1位更傾向於2017年才加息。

理事又預期,至2015年底平均聯邦基金利率將升至0.375厘,低過6月時估計的0.625厘;並料2016年息口進一步升至1.375厘,亦高過早前預期的1.625厘;2017年則為2.625,亦低於6月時預估的2.875。不過,長期平均利率水平則為3.5厘。

當局又調高今年經濟增長預測,由6月時估計1.9%,上週至2.1%。儲局理事們又預料今年第四季失業率將降至5%,較6月時估計的5.3%有改善,核心通脹則維持於1.4%,稍高於之前的1.3%。

99. 引刀一快 2015-09-18 07:04:14
唔加息就好喇,咁就可以更加清晰地引證我嘅講法,美國加唔加息,樓市照跌!
100. 珍惜香港 2015-09-18 07:05:04
珍惜香港

叮!第一個回合,終於揭盅啦!


亮劍兄引刀兄,乜咁早?等埋你地,先至霸到呢個 100 號位咋,哈哈哈!

第一回合嘅答案喺:唔加住喎!

咦?咁個競猜遊戲,咪又可以再玩耐啲?由依家到年尾,聯儲局仲有兩次議息,下次十月底,而今年最後一次呢,就响十二月中,即喺話,仲有一至兩個回合,各位拭目以待!

耶倫話,唔加息,喺因為被「人地」拖住咗,尤其喺啲「新興市場」,估佢地唔到喎!佢仲調低埋對來年嘅經濟同通脹預測添。唉!最衰都喺果隻唔知乜「新興市場」,降準減息又貶值;喂!你唱到咁行加息,人地只喺送你一程,幫你加突咗少少啫,唔喺連多謝都冇句嘛?總之,都喺咁話,預期之內啦!

呢個真正嘅第十個人競猜,真喺搞得啱哂 TIMING。全球對於今次議息,聚焦到出哂火,各界對美國加息,簡直驚得要死。大家緊張咗咁耐,倒不如輕鬆一下,睇睇片先:

Copernicus.Galileo.Newton
101. 珍惜香港 2015-09-18 11:53:38
珍惜香港續 100/F

唔知大家估唔估到,點解我會放段片响 100/F 度?我從來都唔會放埋啲冇意思嘅嘢喎!

原來,真正嘅第十個人,真喺好唔易做!

各位有冇聽過,哥白尼(Copernicus),呢個學者?响佢年代嘅人,相信地球為宇宙嘅中心,而其他所有天體,都喺圍住地球轉,即喺所謂嘅地心說。哥白尼憑觀測同計算,推出咗日心說」,即太陽先至喺宇宙嘅中心,而地球只喺自轉,同埋跟其他行星一樣,圍住太陽公轉。不過,呢個哥白尼,又真喺幾膽小,到臨死果陣,至肯出版佢果本驚世嘅天體運行論。話說,佢都只喺摸咗一下個樣板封面,就咁去咗啦!

唉!佢就走得爽啫,之後啲 FANS,就真喺慘囉!五十七年後,布魯諾(Bruno),因為支持日心說,仲將佢發揚光大,結果俾宗教法庭冠以「異端邪說」罪,鑒生燒死。又再三十二年後,伽利略(Galileo)亦因捍衛哥白尼嘅日心說,被召到羅馬受審,最後被迫認錯之餘,仲終身軟禁,不得善終!

真正嘅第十個人,真喺好唔易做!

其實,如果你只喺估埋啲樓價會升定喺會跌,利息會加定喺唔加,咁你跟本就冇資格,成為真正嘅第十個人。

真正嘅第十個人,喺通過考察宏觀、微觀現象,推算出一套理論,去描繪事物嘅真相,而唔喺做埋哂啲乜嘢預測。所謂預測,只喺作為引證理論,眾多方法嘅一種。預測準,唔代表你套理論一定喺啱;預測錯,亦唔代表你套理論一定喺錯。要知道,呢個世界,好多嘢,喺存在變數。而當理論太過嶄新,又同芳間普遍認受嘅信念相違背果陣,就會受到攻擊、排劑、迫害,呢個就喺,真正第十個人嘅命運

雖然我以親身體驗、觀察,組織成新常態資源論,但世界之大,呢堆嘢,相信亦唔會喺我所獨有,又或者已經屬於現今經濟學裡面,其中一個派別。其實,做唔到真正嘅第十個人,唔緊要嘅,今時今日,要做到,莫講話超級難,就算俾你做到,都未必喺好事。

最重要嘅,就喺求真。百忙之中,不忘求真,求一個清醒嘅人生,就喺咁簡單。

好淡嘅爭持,輸贏嘅執著,真喺令人煩厭;幸好有呢個小空間,可以舒舒氣。希望各位,競猜、爭辯之餘,結果跑出之後,無論你估中與否、喜歡與否,都要尊重。因為,每一個跑出嘅結果,唔一定證明你啱,亦唔一定證明你錯,但呢個結果,代表嘅,就喺一個現實,問題喺,你睇唔睇得穿。

記得小時候,睇過一套伽利略嘅卡通,最後一幕,喺伽利略認錯之後,跑出廣場,向天大聲疾呼:地球喺自轉嘅!跟住個鏡頭退開去,直至退出太空,見到地球嘅轉動,再退出太陽系,見到包括地球嘅各大行星,圍繞住太陽公轉。呢一幕,令我非常感動。

大家唔好以為,我講到離哂題,連天文學都吹埋。

哥白尼,1517 年起,出過三版論文。當中嘅 MEMORANDUM,更成為貨幣量化理論嘅始祖,劣幣驅逐良幣嘅先驅。咁你話,我有冇離題?

熱切期待,第二個回合嘅結果!
102. 亮劍 2015-09-18 12:50:24
珍港兄……見你喺度講「舊屎」,呢度我又作個比喻:

某埠打緊仗,糧食出現短缺,記者問領導:「超市D米已經被人搶光,政府有何對策?」

手掌就話:「供應短缺係暫時性,呢家我們政府,已急市民所急,經已派船去泰國、大陸及越南運緊米來,下個月头有 10 噸,过多兩星期又多 15 噸,月底前再有 20 噸……」!

有個唔熟性但讀过書的記者仔就問手掌:「呢家超市D米被淘空,下個月夾埋先來大米 45 噸,即 1 万 包 5 公斤都唔夠,好似……」!

手掌就打断記者話:「我仲未計在外國收割緊、包裝中、種喺田果D,潛在供應係十万九仟幾噸先真」!

第二日所有報導標題就係:「本地大米潛在供應有成十万九仟幾噸,夠我們食 3~4 年」!
103. Oscar Lam 2015-09-18 13:05:11
亮剑兄,

沒那麼誇張,哈哈!

沒有粮食食会死人。現在还不至於很多人冇屋住要流落街頭,最多是住的環境差一點、小一點而已。
104. 亮劍 2015-09-18 13:08:33
OL 兄……
你想我死咩,我都唔係講楼。
105. Oscar Lam 2015-09-18 13:26:28
亮剑兄,

不好意思!我誤會了。看到你就好像看到楼,嘻嘻!
106. 引刀一快 2015-09-18 13:34:10
某埠打緊仗,糧食出現短缺,記者問領導:「超市D米已經被人搶光,政府有何對策?」

天文臺報道員插句嘴話:『大海嘯已經嚟緊,有米都要搵人食喇,一個大浪冚埋嚟搵阿水打仗咩?仲唔走?』

話音未落,天文臺報道員發現已經四野無人.....................
107. Oscar Lam 2015-09-18 14:07:43
珍港兄,

第十個人确實很難做,偶爾做一、二次還可以,但不能经常做。情況這好像是孔明的空城計,不到紧急关頭也不會用。

在投資市場,我寧願順勢而行。觀察市場的变化、人心的变化,再配合自己的實際情況,随機应变,果断行動。我相信,這樣比做第十個人的成功機會大很多。
108. 大寶二寶 2015-09-18 14:23:50
回106 刀兄

D人仲唔走哂去搶米咩,海嘯過後留返條命冇米食咪一樣死,早D儲定先嘛。夠多嘅話做埋批發仲得,一生富唔富貴都係睇呢舖咋……哈哈哈哈…………

共搶之,哈哈!
109. 引刀一快 2015-09-18 14:30:44
大寶兄

唔係嘛?同海嘯搏鬥博富貴?海嘯過後成地都係海鮮,慢慢執食到唔食就真!
110. 大寶二寶 2015-09-18 14:41:46
回刀兄

因為呢個報導員長期出口術,吹水唔抹咀, 廢噏咗三、五、七年,怕人搶貴米,D人都唔信佢講嘢喇。
111. Oscar Lam 2015-09-18 14:49:09
引刀兄,

最终才發現海嘯根本就没有來,但为時已晚,粮食已被搶完了。
112. 引刀一快 2015-09-18 15:04:00
正是,大家都覺得海嘯唔嚟,先至大批人被捲落海,喂肥晒D海鮮。
113. 引刀一快 2015-09-18 15:04:04
嘻嘻,講笑到此爲止,大家慢慢睇落去,大陸第二波快嚟。
114. 我是15樓 2015-09-18 17:51:57
2013年引刀已説第一波啦。現在2015-9-18日啦
115. 引刀一快 2015-09-18 18:44:10
嚟咗第一波喇,冇得逆轉嘅。
116. 引刀一快 2015-09-18 18:47:09
自稱15樓,你已經輸到出面,你食屎喇。
117. 引刀一快 2015-09-18 18:51:24
淨係識得扭曲人地嘅說話,我真係好好奇你係咩環境長大,咁得意嘅?
118. 我是15樓 2015-09-18 19:37:51
82. 引刀一快
2014-06-05 21:27:32
大陸冧市在即,我繼續睇淡,好多人攞97年情况嚟比,我覺得唔實際,理由好簡單,97年嘅災難性崩盤,今次唔駛學足,學三成都夠死。

138. 引刀一快 2014-06-05 23:45:36
to 法子兄

113我都唔怕118就更冇問題,既然你以118作爲基綫,咁就118囉。

係玩就正規D,2014年年尾,2015年年中,2015年年尾,2016年年中,各設一數,淨係2014年尾有乜用?

147. 亮劍 2014-06-06 00:05:41
引刀兄……本人並冇舖位收租, 不涉及利益衝突 ,但我看到特區政府對自由行旅客呢度全無方向,喺度藥石亂投,谷鬼氣咋!
另一方面 CCL在今年年底,会企穩於125点,而我估計CCL於下年及後年都看好,初步估15年係130、同16年係145,但17年会跌翻落去115甚至更低。

158. 引刀一快 2014-06-06 00:29:11
To 自我陶醉兄 

陶醉兄你前幾日提及嘅CCL我搵唔到,係邊日呢?

近日大陸樓市風起雲涌,我開電單車去巡點,睇到好多嘢,其實我就係唔太確定大陸對香港影響嘅滯後性有幾大,按道理,呢度收風比大陸民衆快D,但係幾時浮面有變數,否則,113我係夠膽買嘅。


18. 引刀一快 2014-09-28 20:51:21
低于118,低于118。

14. 引刀一快 2014-09-28 15:04:25
你都冇point,你又凴咩嚟頂我頸呢?
我一向主張賣自住樓,就係咁簡單。
如果呢個社會個個都淨係攬住間自住樓,個個都花一世嚟供樓,香港邊有活力?邊有出路?香港仲可以對大陸咁有價值咩?唔識你就收斂下,咪下下煩住人,借機會攝位出鏡喇。

31. 引刀一快 2014-10-07 10:02:11
懶人兄
我咁講其實係出于對呢個做媒嘅“醫生”有多少憤概,呢兩公婆嘅配搭,好戲劇,兩個都係市民大衆眼中嘅,既有學歷文化又有收入同人脈嘅典型,仲好經典咁,唔係醫生嫁醫生,或者律師娶律師,而係兩個咁令大衆羡慕嘅行業交叉,即係同老百姓、小市民講:“兩個行頭嘅人都買唔到樓,加埋都買唔到!”
如果咁様跨行業嘅婚姻都買唔到樓,樓就已經唔係起嚟賣架喇,係六合彩嘅獎品。
2009年,我喺大陸入咗貨,香港猶豫咗一下,冇入,但係回想當時,我唔係手頭緊張到怕供唔起,只係聽信基金佬嘅規勸,等跌啫。連引刀咁平凡嘅人都唔覺買唔起樓,咁呢對優皮夫婦又點會有困難呢!
119. 引刀一快 2015-09-18 19:47:52
自稱15樓,仲唔為我嘅準繩鼓掌?
120. 我是15樓 2015-09-18 20:19:32
19. 引刀一快 2014-12-31
我對2014年嘅樓價睇法就係係時候回落,CCL年中118,年尾就低于118,就係咁簡單。
就係估錯咗囉。我估錯CCL咪輸咗囉。
不過,我係輸咗一次,唔好夾硬話人輸十次,其它九次幾時發生過呀?
原因:
1,大陸經濟唔好,而且唔係一般人睇數據公報果種唔好,一定會發作。呢様嘢雖然今年嚟唔切表現喺香港樓市,出年一樣會嚟。
2,香港人普遍嘅競爭力同購買力,根本唔係好友睇嘅咁高,物價升幅高過薪水升幅,生活指數大降,當物業大比例落入所謂”强者“同埋冇定力嘅”剛需者“手上,冧市指日可待。
3,地産商唔再喞牙膏出貨,用行動表達對樓市睇法,唔通係見大家心急益大家咩。
引刀一快繼續看跌。

貼文預測推算分析正確。
引刀只是大淡友,我都想知幾時樓價回落,回落多少? 
回應:頂價四成,以118為凖。
但積極面對,已經上了車。
如果現在回落到CCL 100,上車客都不夠膽量買樓,2012年大家都叫樓價高過1997啦,現在比2012年又升了30%-40% 細價樓。
引刀你分析一下吧。
回應:依傢成交量低,你可以話因爲冇盤,而且往後都缺盤,但係成交量低意味參攷性同樣低。我認爲大陸人揸嘅會放,仲要係爆發式,香港樓市折點嘅扳機,好可能就係大陸人扣嘅。

121. 歷史長河 2015-09-18 20:37:56
小弟看帖不仔細?唔明珍惜香港兄的第二回合所指為何?
122. 珍惜香港 2015-09-18 22:10:32
珍惜香港

TO:104/F 亮劍

亮劍兄,講樓又唔使死嘅!雖然我話過,希望大家,先抽離切身嘅樓價議題,帶入較宏觀性嘅討論啫,不過我呢份人,都唔喺咁專制架?哈哈哈!

TO:107、111/F Oscar Lam

長線投資者,喺睇長線,短期嘅波動,喺唔會令到一個長線投資者,作一百八十度嘅改變;閣下果然喺一個審慎嘅成功投資者。

至於海嘯,你講得冇錯,根本就冇嚟過。風暴、海嘯、爆煲,喺會引發連鎖反應,同巨額撇賬。金融市場上,冧市嘅次序,先喺股市,跟住到股基、股債基、債基,再殺入債市,衝擊實體經濟,最後到樓市。早排中港股大跌,只能夠話喺資產大轉移,喺波動、調整,而唔喺真正嘅冧市。被吐現嘅資金,未見被蒸發,反而因為缺乏消化嘅出路,選擇性重新投入市場,令每一個階段之間,產生龐大嘅反抗動力。

TO:121/F 歷史長河

長河兄貴人善忘啦!

個競猜題目喺,美國聯儲局,今年(2015)之內,會否加息?所以:

第一個回合:九月中議息(啱啱過咗
第二個回合:十月底議息
第三個回合:十二月中議息
123. 歷史長河 2015-09-18 22:45:29
珍惜香港兄,多謝提醒,小弟上次猜的是十年期,所以忘記咗十月十二月二個回合。到時定會捧場。正如你說講,在這𥚃可以透透氣。
124. 歷史長河 2015-09-18 23:06:03
To 107 Oscar Lam, 
認同順勢而為,隨機應變。
125. 珍惜香港 2015-10-13 09:31:13
珍惜香港

各位,第二個回合,仲有半個月左右就揭盅啦!

喺時候又過嚟舒舒氣 .....

話說前日,財爺曾同耶倫會面,大家千祈唔好睇少呢場會面,耶倫嘅影響力,仲大過奧巴馬。今次耶倫咁俾面,無他嘅!正如我問,依家世界上,仲有邊隻 GDP 增長,得番兩三巴仙嘅成熟經濟體,冇欠人債,仲有盈餘?

揹住十八多萬億巨債嘅大國,聯儲局嘅主席,梗喺要會一會財爺曾,參考一下我地嘅理財哲學,順便睇下呢件未開發嘅肥豬肉,可以渣到啲乜啦。不過呢,我又唔太擔心噃,幾強悍嘅大鱷,遇正呢個,深不可測嘅太極高手,喺灑唔出乜花樣嘅!未見面,就率先响網誌出招,話會問耶倫個加息 SCHEDULE,仲睇死埋佢,會好似自己講樓市咁,開動人肉錄音機喎!吓?自踩式寸爆耶倫之餘,仲一次過咁,就自己以往,對樓市嘅所有評論,同大家交代一句:唔使咁認真嘅!

哈哈哈!財爺呢個人,真喺好得,不枉我封佢為,真正嘅大師

有人話,財爺成日估錯數;我就話呢,估錯數,先喺正常!俾你估中 CCL 又點?林一鳴估中恆指,咪一樣俾我寸佢,背後理據唔相稱?估數咁叻,不如估下,嚟緊六合彩開乜?如果你只喺就著,以往嘅數字模式,拷貝式咁,推算將來嘅數字,而唔喺真正去了解,推動數字嘅背後宏觀因素,咁你只不過,喺以果推果。

真正嘅大師,喺以因推果,唔喺以果推果。

我曾經指出,真正嘅大師,有兩個重要元素。咁究竟真正嘅大師,話唔話到俾我地知,幾時幾日,個 CCL 喺乜?個恆指喺乜?個頂响邊?個底又响邊?幾時入貨?幾時至沽貨?

真正嘅大師,喺俾唔到你,一個數字,或者一個決定;佢俾到你嘅,喺一個方向。

香港,需要嘅喺,一個正確嘅發展方向

幾個月前,响亞投行協定簽署儀式裡面,習近平同財爺曾握手,結果引起各方猜測,財爺會唔會選特首?如果佢真喺參選嘅話,我一定撐佢。

講番,真正嘅第十個人。有朋友話,美國加唔加息,根本唔重要,就算加,都唔會加得多。所以佢地認為,呢個競猜,好無聊,加息呢個議題,根本冇需要討論。我雖然提出咗新常態,亦同樣認為,美國响短期之內,唔會加息,就算加,都唔加得多,但我仍然非常重視,美國加唔加息,同埋幾時會加。

點解?

因為,幾叻嘅人,都只喺一隻井底蛙,大家嘅分別,只在於個井口幾大,同指向天嘅邊一部份。

熱切期待,第二個回合嘅結果!
126. 打工仔 Andy 2015-10-13 10:04:57
我估,美國佬今年無得加息,下年先算! 
127. 二叔公 2015-10-13 10:25:42
加息?遥遙無期。
128. 歷史長河 2015-10-13 12:34:04
珍惜兄果然魅力非凡,點擊率已經超過8萬,唔知是否新紀錄?

答案同上次一樣:十年內晤會超過4%。
129. 珍惜香港 2015-10-29 09:39:56
珍惜香港

叮叮!第二個回合,終於揭盅啦!

第二回合嘅答案喺:仲未加住喎!

今次呢個回合,又真喺幾悶蛋嘅,議息之前,市場已經預咗佢唔會加,所以喺 NO SURPRISE。依家個境,比起八月份果陣呢,簡直就喺天淵之別。記得當時,全城喺咁唱,講到美國响九月份,一定加硬息咁。

唉!家陣已經搞唔清楚,究竟邊個先算喺,「真正嘅第十個人」啦!

上次我提到哥白尼,喺想帶出兩個重點。首先,佢總結咗貨幣量化理論,成為當今經濟學一個好重要嘅基礎。簡單講,貨幣嘅值,喺唔會超過鑄幣嘅成本,即喺話,當印鈔成本趨向零,貨幣值亦會趨向零。依家要印鈔,真喺易過借火,响電腦入多幾個零,或者响張唔知乜票據上面,寫多幾個零,邊使乜嘢成本?原來,十六世紀嘅古人,一早就已經預言咗今日嘅 QE 啦!

另一個重點,就喺我成日講嘅,環球經濟新常態。我已經响 49/F,盡量用最簡短嘅表述,描繪咗呢個咁複雜嘅經濟環境:

所謂新常態,就喺全球各經濟體發展成熟之時,先洗未來錢之勢趨向極化,用嚟包底嘅新興市場又買少見少,結果形成增長放緩,舉債渡日,以致貨幣供應氾濫,市場走向薄利多銷嘅環球經濟現象。

呢個經濟環境,唔喺短期,亦唔會番轉頭,所以喺冇週期。增長放緩,喺全球性,亦喺呢個世界,每個地方,不斷進步,以及人類嘅生活,不斷得到改善,最終要達至嘅一個必然結果。最近,人行又玩雙降,但美國佬已經冇再好似上次咁,將自己加唔到息嘅理由,推咗去人地度。一切阻止美國加息嘅,果啲所謂突發事件,根本就喺預期之內,而呢個新常態,亦一次又一次咁,得到咗引證。

可惜好多人,死咬住以前嘅經濟模型,仲喺用緊過哂時嘅週期同波浪理論,去解釋依家嘅經濟現象,解釋唔到呢,就話啲嘢唔合理、唔正常。全球資金嘅流動性,只會越嚟越高,資訊亦只會越嚟越發達,如果呢個低息環境,真喺咁唔合理,咁唔正常嘅話,邊可能維持到成九年咁長?仲未肯面對新常態嘅,就好似哥白尼年代啲人咁,死堅持地心說,唔肯接受日心說。呢種人,永遠走响時代嘅後面,永遠覺得人地成功,只喺好彩,佢地錯過咗呢個九年,亦會錯過埋下一個九年。

當人地仲喺發緊夢果陣,我已經响度搵緊,下一個新常態,究竟會喺乜嘢嚟?於是,我提出咗資源論。如我所料,接受唔到新常態嘅人,更加接受唔到資源論。有啲人,仲喺死等緊一個災難嘅來臨,一個撇賬嘅出現,希望從中取利。我從來都唔發災難財,果啲擺住錢响度,等災難嚟到至入貨嘅,就喺想發災難財。我奉勸呢班人,死咗條心,借錢唔還,分分鐘搞到要還資源,睇下希臘就知。所以呢,唔好以為美國佬,仲夠膽死,會好似當年金融海嘯咁,玩多一次撇賬,至於我地中國人,就更加唔會咁傻啦!

尋日,金管局又注資,銀行體系結餘,已經由上月底嘅 3,443 億,升到 4,204 億啦!一個月內,多成 761 億,即喺足足兩成幾喎!响聯繫匯率之下,無論美元轉強又好,轉弱又好,港元都喺咁受歡迎,資金一樣不斷流入,喺唔喺又好唔合理?早前我响一篇提及財爺曾嘅長嘢裡面,反問咗兩條問題:香港作為一個,各方資金,自由進出嘅國際金融中心,都唔使搞乜停市機制,但點解美國反而要有?香港嘅實體經濟,冇因為股市大跌而受到衝擊,又點解?

呢方面,金管局真喺功不可沒,佢响金融同經濟實體之間,築起咗一道強大嘅保護牆。所以,點解我話,香港喺一件肥豬肉。要知道,呢四千幾億,喺以港元形式存在,同時亦推動緊港元資產嘅交替同更新。

今次,聯儲局維持利率不變,不過話,十二月仲有可能加息喎,咁就聽住先啦!呢個真正嘅第十個人競猜,果然要玩埋第三個回合,先至可以真正揭盅。芳間有評論話,美國大選年喺唔會加息,所以十二月果次議息,將會再一次成為全球焦點,唔會好似今次咁悶蛋啦!

都喺果句,幾叻嘅人,都只喺一隻井底蛙,大家嘅分別,只在於個井口幾大,同指向天嘅邊一部份。所以,希望各位,唔好睇少加息呢個議題。

美國加唔加息,同埋幾時會加,我喺非常重視,因為呢個將會喺,環球經濟新常態,一個好重要嘅里程碑。

熱切期待,第三個回合嘅結果!
130. 打工仔 Andy 2015-10-29 10:06:04
珍惜兄
下次議息係12月, 美国佬今次大把時間再搬龍门呀!

期待第三回合
131. 歷史長河 2015-10-29 11:18:33
珍兄,認同未來的日子將唔會睇到象樣之周期,緩慢上升將是新常態。

送句岳飛的話給等低買高賣的弄潮好手們:「莫等閒,白了少年頭,空悲切!」
132. 占士 2015-10-29 11:54:04

謝謝珍惜香港兄的分享!

133. Sugar 2015-10-29 12:00:18

#132 Hi,James Bond^^ Nice 2 C U~~

Also thanks 珍港前輩!!!

134. 八十後 2015-10-29 13:15:51
多謝珍惜香港前輩!

您每次的文章都是非常用心及具有啓發性!
135. 元朗人 2015-10-29 21:24:12
珍惜香港兄

這論壇的可貴是能容納不同意見,但覺得三位高級會員再出文的可能性(暫時)不大。莫等閒,白了少年頭。請考慮改變出文的條件吧。
136. 歷史長河 2015-10-29 23:01:05
珍惜香港兄,茣再等待,請出手!
137. 珍惜香港 2015-10-30 01:42:13
珍惜香港TO:63/F、135/F 元朗人,136/F 歷史長河

兩位喺長期回應者,亦見證咗地產論壇嘅成立,及轉化成資深會員專欄呢兩個階段。所以,關於我以承諾,封印自己唔用專欄出文,並將封印之匙,交予三傻之手,箇中嘅來龍去脈,相信唔須要再詳細表述。

其實,我有嘢想寫嘅話,就算唔响專欄出文,都可以响回應箱出文,唔會影響我嘅分享,反正一向都喺咁。當然,我亦明白,兩者喺有分別嘅。

我的確有心事未了,而且相關嘅事情,亦尚未完結。現階段,我喺有須要遵守承諾,所以暫時唔想考慮呢個問題住。

早幾日,我已經回覆過長河兄,關於呢件封印之事,恐怕要到真正嘅第十個人完結篇裡面,先至會再作檢討,同作出交代。而所謂嘅完結篇,就暫定於第三回合揭盅之日
138. 歷史長河 2015-10-30 12:41:19
珍港兄,解鈴還須繫鈴人。要三傻返來,睇落要博士或綱主親自出面了!
139. 負利率 2015-11-05 20:39:46

耶倫稱下月有加息可能惟未決定

美國聯儲局主席耶倫在國會聽證會上表示,下月議息會議有加息可能,但目前仍未有決定。紐約聯儲銀行行長杜德利亦稱,同意耶倫的說法。

聯儲局上星期議息後發表的政策聲明,特別提到會在十二月議息會議上決定是否加息。

耶倫出席美國國會眾議院金融服務委員會聽證會,再次確認這個說法。耶倫表示如果經濟數據支持,十二月會議將會作出加息決定,但目前仍未有決定。

耶倫指出,即使當局十二月開始加息,加息步伐會是緩慢有序,利率逐步調升,不會對美國房地產市場構成打擊。她認為美國經濟表現良好,今年以來就業市場顯著改善,但承認近期就業增長步伐有所放緩,美國經濟的強勁勢頭,被全球經濟疲弱所帶來的影響抵銷,但整體上美國經濟面臨的風險仍然是平衡。

不過一旦經濟情況嚴重惡化,當局可能考慮實施負利率,刺激銀行放貸,但目前並無必要這樣做。聯儲局第三號人物、紐約聯儲銀行行長杜德利,在另一個場合發表演說時表示完全贊同主席耶倫有關十二月加息的觀點,他認為當局保持經濟均衡發展是非常重要,希望美國薪酬進一步上升,推動通脹率實現 2% 的目標。

來源:有線新聞(2015/11/05 06:11)

140. 歷史長河 2015-11-05 21:20:00
耶姐是真正太極大師,佢講咗三種可能,仲有第四種咩:
1. 加
2. 唔加
3.減。即負利率。莫非珍兄真的有水晶球?

唔知陶醉大師點念?
141. yyfan 2015-11-06 07:54:54
相信"如果“呢兩個字係近年最好用的字之一,基本上可以令任何吹水作大處於不敗之地
142. 歷史長河 2015-11-06 08:40:33
Fan兄,除咗「如果」,還有「一旦」!  哈哈,共勉之。
143. 歷史長河 2015-11-06 11:54:36
陶醉兄,點解我在里度問,你卻在邊度回應?

我都同意美國應該冇咩可能施行負利率,如果萬一行緊,肯定會有人提出重新評估聯匯制度。
144. 珍惜香港 2015-11-07 15:58:04
珍惜香港TO:143/F 歷史長河

不如,你問一下亮劍兄,點解唔肯响湯博士個場下面發言?我估,答案都喺一樣,不過再講白啲嘅,恐怕又會俾人話喺騎劫啦!哈哈!

我都唔認為,美國會响短期之內,實行負利率。不過,一個聯儲局主席,公開言論,喺具有指標性,同強大嘅市場影響力,所以一言一詞,都要經過深思熟慮,同充足嘅準備,絕對唔可以爆肚胡吹。如果冇必要嘅話,佢根本冇須要提,點解一定要講?唔通真喺睇過地產網咩!

所以,耶倫响國會聽證會度,公開提及負利率,一定有佢嘅目的。佢話,如果經濟情況,明顯地惡化(deteriorate in a significant way),任何包括(including)負利率嘅措施,都會被擺上枱。講真,佢又要提,又要講「包括」,即喺「唔一定」喺負利率,又要話「如果」情況明顯地惡化,之類之類,倒不如唔提算啦!

點解一定要提?

美國佬唱加息,唱咗咁多年,佢地嘅技倆,難道大家仲未睇得出?

正如,基於乜嘢條件加息,呢個「龍門」,喺可以搬嚟搬去,但美國佬,會唔會加息,幾時先至加息,同埋,最重要,佢真正嘅加息條件,都喺唔會話你知。

乜嘢喺「明顯地惡化」呢,喺冇定義嘅!今日,美國佬講得出負利率,就即喺話,佢已經有咗盤算,到真喺要實施果陣,就唔好話佢冇講過。至於,乜嘢喺「明顯地惡化」,呢個只喺「龍門」,而真正實施負利率嘅條件,都喺一樣,唔會話你知。

所以呢,千祈唔好以為,負利率,一定要响啲乜嘢「災難」,或者乜嘢「惡劣」嘅情況之下,先至會實施。冇事冇幹,但條件成熟,一樣可以被演繹成「明顯地惡化」。不過有一點,就可以好肯定:

負利率,一定喺對美國,自身有著數嘅,先至會實施。

吓?咪即喺講咗等於冇講?家陣,美國佬正喺密切注視緊,每一個曾經、正在、或計劃行負利率嘅經濟體,睇住佢地嘅動態,同埋一切相關嘅因果關係,擬定一旦實施負利率嘅話,個流程要點樣行,先最有著數。

長河兄提到聯匯;其實,香港呢粒彈丸之地,同時又喺一個,資金隨意進出嘅國際金融中心,好多金融項目,都喺以美元為基礎。所以,香港喺有須要,保持聯匯呢個制度,以確保金融體系嘅穩定。至於外圍因素,對本土經濟嘅衝擊,就以金管局築起果道強大保護牆嚟阻隔。呢個,就喺香港嘅特色,同優越之處。

所以,就算美國行負利率,都唔會衝擊到聯匯制度。美元轉強又好,轉弱又好,港元都喺咁受歡迎,資金一樣不斷流入,香港自己,話唔定已經行得負利率呢?睇嚟,我已經好間接咁,回答咗我响另一邊 54/F,最後提出果條,俾人話喺騎劫嘅問題。

呢個世界每一件事物,都喺因為須要存在而存在,至於是好是壞,其實只喺主觀角度嘅問題。如果美國佬,真喺冇事冇幹,冇「災難」,又唔喺咁「惡劣」,都失驚無神走去行負利率嘅話,睇怕又會有好多人,走出嚟大聲疾呼,喊哂口咁話,唔合理、唔正常啦!
145. 歷史長河 2015-11-07 19:36:23
珍兄,

講真,我也一直在想點解耶倫今次提負利率,我的考慮是講給國際對手聽多過內在考量。不過你講的更全面,對太極大師們的心理分析透徹。至於聯匯,認同以目前香港全局來看,仍是利大於弊,唔需改變。

看來你是低息塔利班,做債將會長做長有!

PS:恭喜點擊過9萬。


146. 九成經濟師預測 2015-11-14 18:46:26

杜德利稱很快滿足加息條件

美國聯儲局多名官員發言,包括副主席費希爾,與局內第三號人物杜德利等都同意短期內可以加息,只有一人反對。主席耶倫沒有表明立場,但稱要留意貨幣政策影響可能較以往大。

一天六名聯儲局官員公開講話,惟獨主席耶倫沒有談及下月會否加息,只稱要評估非常規貨幣政策工具對經濟和金融市場的影響。其餘五人當中,只有芝加哥聯儲銀行行長埃文斯表明,傾向更遲才開始加息。之後也要信守「緩慢加息」的承諾,確保市場清楚了解當局的意向。

副主席費希爾雖然沒有談及自己的意見,但就稱十月議息聲明顯示十二月加息可能是合理,通脹明年應該會回升。只是由於美元強勢,影響經濟及物價,整個加息步伐需要更緩慢。局內第三號人物、紐約聯儲銀行行長杜德利也暗示很快會開始加息。

連續兩次在議息會議投反對票的里士滿聯儲銀行行長拉克爾,與明年議息時有投票權的聖路易聯儲銀行行長布拉德都認為,現在就需要加息,更稱不應該過早「鎖死」加息步伐。如果經濟較預期強勁,就可以加快調高息率。

市場在美國公布強勁的就業數據後,就似乎已同意應該開始加息。《華爾街日報》調查發現,超過九成受訪經濟師預期,十二月議息會議會加息;只有個別經濟師認為,會待明年三月,甚至更遲才行動。

來源:有線財經(2015/11/13 10:07)

147. 歷史長河 2015-11-15 00:00:33
多謝樓上分享,該篇報導有兩句話比較重要,請自行解讀。

[主席耶倫沒有表明立場,但稱要留意貨幣政策影響可能較以往大。]

[只是由於美元強勢,影響經濟及物價,整個加息步伐需要更緩慢]
148. 打工仔 Andy 2015-11-15 01:08:11
路要行
工要開
飯要食
息要加
租要收


149. Bosco 2015-11-15 01:35:05
加息的意義是什麼?
以我既理解是為了壓抑通脹及防止經濟過熱。
但美國最新的通脹率聊勝於無,而且比較接近滯脹。
另外,實質工資同08年相比基本上持平冇分別!實體經濟冇出現加人工搶人的話,經濟是否出現過熱而去加息壓止呢?
我認為,12月會加0.25里最多之後橫行一段時間,直至通脹及實質購買力有明顯上升勢頭才會正式進入加息周期,但如果重陷衰退就會反高潮進入負利率及QE4。

注:現時聯儲利率是0-0.25%
加0.25里可以解讀為多少?自己諗⋯
150. 歷史長河 2015-11-15 11:49:36
Bosco 兄,加 0.25非同小可。如你借銀行500萬,每年要多付一萬多利息,每個月大約多付1000大洋。這可是小弟一個月的杯麺budget.
151. 歷史長河 2015-11-15 11:54:44
打工兄,所言甚是。

在邊度玩呀?已近歲尾,又是一個好年頭,玩開心點,唔好超速啊!
152. Bosco 2015-11-15 13:33:03
歷史長河兄,
關鍵是否進入加息周期,如果加息力度不足,不能夠把樓市推下來。
我相信下次樓市洗牌之時,就是財富進一步歸邊的結局。
個人來說,我不希望看到這個現象發生。
153. 歷史長河 2015-11-15 13:36:21
Bosco兄, 樓市歸邊一直進行中, 無論加息與否,人仔升值或貶值...........,這也是淡友一直攪唔明白的地方,不過你懂的。
154. Bosco 2015-11-15 13:49:20
歷史長河兄
我是懂的,所以感到十分不安及悲觀。這方面新加坡做得比較好,平民怨氣冇香港咁嚴重。
155. 歷史長河 2015-11-15 13:58:33
Bosco 兄,深層次矛盾只能靠政治解決,不是冇辦法,只是小弟承蒙祖訓,唔願公開談論任何政治議題。

話分兩頭,叢林法則乃自然規律,唔使過於不安。如有力則做點善事好了。

156. 向飯民說不 2015-11-15 14:45:04
154樓,香港有咩吾好,窮人住公屋,不需要交稅,全世界有邊度比香港好。
香港的問題是因為外部實力,有很多人拿了美分,日元,台幣,在web到散布負能量,跟著製作動亂,新加坡可以比這些外部勢力生存嗎?
我最近重新思考,原來這些外部勢力一直都在web,5毛系到了後期才出現
157. 向飯民說不 2015-11-15 15:00:19
154樓,就以地鐵服務為例,香港地鐵在世界上服務水平是很高,但是一樣被毒媒抹黑到一無是處。
158. 打工仔 Andy 2015-11-15 18:10:56
長河兄

今次坐時速200km 的高鐵, 哈哈!
159. 歷史長河 2015-11-15 20:23:14
打工兄,正所謂:

坐地日行八萬里,巡天遙看一千河;

快哉快哉!

160. Sugar C 2015-11-15 20:30:06

^^好詩,like!


161. 打工仔 Andy 2015-11-15 22:21:50
長河兄
小弟跟你一回,

長河兄: 
坐地日行八萬里,巡天遙看一千河;

打工仔: 
引力星輝醉河裡, 天影雲月現星河 ! 

162. 歷史長河 2015-11-15 22:29:44
哈哈,都成詩人了,好,可以幫助拉高香港小業主質素。
163. Bosco 2015-11-15 22:32:36
To: 156樓
如果個個人都好似你咁諗,懂得珍惜香港,基層市民知足,明白幸福不是必然就好了,最怕有人唯恐天下不亂⋯
所以我是十分支持香港要建多些公屋,作為安撫社會怨氣的工具。總好過搞得整個社會深層次矛盾顯性左出來,到時連累業主全部人都是輸家!
164. 向饭民说不 2015-11-16 11:00:46

楼上,实际上很多年轻人被毒媒洗脑。

今次法国事件,我在不同情他们了。他们自己打开了潘多拉魔盒,种咩因,得咩果。

还有我相信,如果中共不能压得住新疆回民,一旦他们能够作反,新疆汉人一定被屠杀。

学下黄尸歹一句话,97年前,世界是那么和平,点解97年之后,世界那么不和平。

165. 向饭民说不 2015-11-16 11:29:32

今日彭博新闻,

Japan Enters Recession as Economy Contracts in the Third Quarter

台湾也enters recessions,加拿大也是吧。

香港有咩唔好,其实香港在全世界的经济表现,已经是非常好。点解仲可以被抹黑。年轻人点解仲觉得民不聊天.

Bosco,香港现在有4成人口住公屋,不同新加波那种住组屋的, 不但没有政府补贴,自己还要交税,香港的公屋是需要纳税人补贴的.所以事实是60%住在私人楼,补贴紧40%住公屋的人,按这条formula,如果公屋人口不断增加,私人楼的业主压力只会越来越大, 私人楼价肯定更加高.


166. 無言 2015-11-16 15:30:01
無論香港行邊種制度,,都會有人不滿,,這是人類的天性,貪...!永遠站在自己褔利高地上。人素質高低只能控制自己貪念或多或少,,因此各種正統宗教教導我們怎樣處理好自己心魔。
其實樓價指數147出現在2019/2020年,社會怨氣就無咁多。每年平均7-8%升幅個人覺得太多數社會人仕接受。所以估計2017年年中或第三季前指數跌至107-117區域,之後逐年回升7%,約2019/2020回復至147。
167. 無通脹 美國點加息 2015-11-16 17:28:13
政•經•頑石不低頭
石鏡泉
經濟日報副社長兼研究部主管、電台財經節目主持人
 
無通脹 美國點加息
16/11/2015






前周五,因美國就業數據亮麗,市場咸認為美國加息無懸念。
在上周一筆者文則對此有保留,本謂上周二為文解釋,但因市場有其他發展,終未成文,但今天就不能不講,為何美國12月加息有難度。
今年12月美國加息的機會率可從美聯邦基金利率期貨的走勢得知,今年5月時,其機會率是2%,到公布10月就業數據前已升至50%,亮麗的10月就業數據公布後,加息的機會率已升至72%,但上周五這個機會率又回跌至64%,是甚麼原因促使市場認為美12月加息的機會率在消退?兩個原因:經濟和通脹數據。
美國是以消費來主導經濟增長,10月就業數據雖好,工資亦見有2.5%的年增長率(這或是因提升最低工資有關),但汽車銷售、普通商品和汽油銷量均見跌幅,抵銷了餐飲、家具和材料。整體零售銷售增長自2014年中以來一直放緩,自2015年中以來放緩速度更加快,這個原因亦簡單,美國工人收入增長少,消費也自然少。今周公布的消費物價指數對美儲局的加息決定,有重大作用,如果消費物價指數放緩,美儲局加息的壓力應會減退。
不少人看重了10月亮麗的就業數據,但就忽略了9月17日美儲局主席耶倫在議息會後公告會上的幾句話:"Two percent is our objective, we want to see inflation go back to 2 percent. "。
在當日之前一日公布的核心通脹率只為1.8%,不要少看這0.2%的差距,真是不易增上的。


失業率數據失真


關注通脹的,不止耶倫,還有儲局副主席費沙,前兩星期,和上星期,費沙在公開場合也講有通脹便加息,表面看,他也是加息鷹,但反言之,無通脹呢?
2013年6月,前任美儲局主席伯南克,立出了美儲局會加息的兩大門檻,失業率低於5.8%,通脹高於2%,但在2013年11月,美儲局會議紀錄提出了,由於勞工就業率低(即不少人不想打工,而退出勞動力大軍),自殘失業,你就不能當他失業率,故失業率低至5%也無大用,更加上近年美國工人工資加得少,變成是:「有工打,也有糧出,但糧不足,要食白粥」,美國工人如果食白粥尚可,可惜他們不是,結果就是:在麥當奴做Part-Time的工人,其時薪不夠食個漢堡餐,竟要自帶午餐,如此消費「勁」嗎?


美國加息只看通脹


就業這門檻雖已被廢,最尷尬的是,每當就業數據一好,人人就以為美儲局會加息,事實上美儲局的加息門檻應已變成單蹄馬,只看通脹。
有人分析過美儲局主席耶倫,自上任主席位以來,她講得最多的字是:通脹(inflation),較就業(employment)多出逾倍。不要以為這是口爽,要知耶倫是就業問題上的經濟專家,不講就業而多談通脹,明顯地是有潛台詞,要怎演繹?有兩個,一個政治上的,暫不講,一個經濟學上的,下詳。
傳統的資本主義經濟學,加息有兩個目的,通脹過高,或經濟過熱,但今時美國,兩個都沒有,根本沒有加息的迫切性,只不過之前伯南克及其幕僚於2013年6月時,仍揸住舊本子辦事,以為美國的自然失業率仍是5.8%,到之,等於全民就業,但今時這個舊認識是不合時宜的,故便只能當就業數據一好,就搬出全新加息門檻,歐洲不穩、中國不穩、市場不穩,如果這些藉口也不可以成為藉口時,怕要用氣候異變,不可加息了。


通脹達標三條件


亮麗就業數據會成為美儲局的尷尬時,美儲局就只好搬出通脹升至2%,但從9月17日耶倫所言,已開始為通脹率要升逾2%(至2.5%)才會加息。
說實在要美國通脹率升至該水平,有三個情況才可,
1.美國工人賺了大錢,再大花,又或肯刷信用卡去花,而全球製造業的庫存都被美國消費者消耗了,要加價,促使美國有強力的輸入通脹;
2.美滙大跌,油價大升,美國通脹必升;
3.美滙大跌,美債息急升。
前兩個因素出現的機會微,反之第三個因素不要以為不可以。世人是否對美元百分百信賴?一般人是,富豪不一定,假如不知為甚麼原因(原因其實一籮籮,不過今時不講了)。世人一旦棄美元,或棄10%美元,美債息急升,美儲局一定要加息,因為市場息已升,官方息如仍賴死不升,定會促使更多的美元流走,市場息必升。
反之,美國的庫存,卻大升,而目前的高水平,放諸從前,是代表會陷衰退,若是,美儲局敢加息嗎?
Zerohedge撰文指出,由於零售商補充庫存激增,9月份商業庫存跳升0.3%(見附表),顯著高於持平預期,為6月份以來最高位。零售商銷售同比增長1.7%,但零售商的庫存同比增長了5.1%。
銷售保持不變,但庫存率大升至1.38倍(見附圖),為金融危機以來的最高水平。
同零售銷售一樣,之前兩次庫存相對於銷售處於如此高水平之時,美國經濟已經陷入衰退。
168. 華富財經 2015-12-08 01:45:10

美聯儲 Lockhart:個人已經為加息做好準備

Lockhart 表示,支持加息的標準當前已經大量實現,美聯儲決定加息應非意外,分歧意味著美聯儲在貨幣政策的討論上是十分活躍的,未來的提高聯邦利率將取決於通脹是否上升,美聯儲可能在未來部分會議上決定暫緩加息;美國的經濟增速大體上是由自身推動,當前海外因素並沒有太多影響,有關對中國經濟增速前景的擔憂已經被證明是有些誇大了,中國將保持不錯的經濟增速勢頭,金融部門與新興市場正在為美聯儲加息做準備。


美聯儲布拉德:FOMC 沒在 9 月份加息可能是一個錯誤

布拉德表示,美國 11 月非農就業報告“非常強勁”,表明 9 月份決定推遲加息可能是一個錯誤,即便是在首次加息之後,美聯儲仍然應當將行動與數據掛鉤;一度擔心秋季會放緩,但實際情況卻並非如此;(對於美聯儲是否滯後於利率曲線這個問題)我們肯定能夠彌補未能提前加息的過錯,首次加息的時間節點可能並不是那麼至關重要。


梁兆基料美國本月加息機會大 人民幣明年或貶 2-3%

匯豐銀行亞太區顧問梁兆基表示,美國聯儲局於本月宣布加息的機會大,而市場估計加息幅度為四分一厘,他相信幅度將會溫和,對經濟下行壓力較小,他又預計,美國明年會再加息 2-3 次。

被問到美國加息會否影響企業發債,他回應指,由於市場已預期美國加息多時,相信即使加息,對債市造成危機的機會不大,企業仍會按個別需要發債,不過,他關注由於息率已有一段時間維持在近乎零的水平,若美國加息後,或會造成不可預期的波動。

他指,人民幣獲納入 SDR 後,相信短期的匯價會穩定,但長期仍有貶值的趨勢,預料明年人民幣會再貶值 2-3%;本港方面,他指出,港元匯價強勁,減輕入口通脹壓力,預料明年 GDP 增長 2%,若明年樓價升幅較今年小或出現下跌趨勢,通脹或會有下行壓力。


財爺:本港內需平穩 料全年 GDP 增長率為 2.4%

財政司司長曾俊華表示,第3季環球經濟出現波動,國際貨幣基金組織更三度下調全球經濟增長至 3.1%,為 2009 年以來最低的增速,外圍經濟環境嚴峻影響亞洲地區出口表現,本港第三季服務輸出按年下跌 1.3%,而環球經濟增長疲弱對香港的影響越來越明顯,但內需保持穩定,私人消費開支亦穩健增長,但由於經濟氣氛不理想,機器及設備購置按年下跌 10.5%,令總投資開支錄得跌幅,因此預計第四季經濟表現較差,全年經濟增長只有 2.4%,有信心可以達到。

他指,本港 8-10 月的失業率維持於 3.3%,而勞動人口按年上升 2.4 萬,由於預期明年環球經濟增速仍處於低速及不平均,將今年全年的通脹率下調 0.1 個百分點至 2.5%。

他指,市場本預期聯儲局將於下次會議宣布加息,但無論月內加息或下年開始加息,仍然存不確定性,困擾全球經濟,加上各國央行政策分歧,令國際貨幣環境更為複雜,對資金流向及金融市場帶來波動,他提醒市場,美元強勢,新興貨幣備受壓力,其風險不容忽視,預計短期內香港貿易仍存在不明朗因素。


陳德霖:美國好可能下周加息 資金或流出香港市場

金管局總裁陳德霖在一個活動致辭時表示,美國聯儲局將會在下周討論是否加息,若然加息將會啟動利率正常化進程。他認為,美國好可能會開始加息,相信美元強勢會持續一段時間,現時難以預料資產市場對加息的反應,但可以肯定將對新興市場造成影響,包括能源及商品價格下跌、資金流出、經濟放緩等,而本港亦將面對資金流出以及樓市下行壓力等。

他又指,金管局自 2009 年起,已推出 7 輪逆周期措施確保金融體系具有抗震能力,他認為,只要香港不自亂陣腳,加上擁有依靠內地的優勢,在內地堅持金融改革開放,加快兩地互聯互通的步伐,相信可以應對市場挑戰。他又指,過去 8 年美國就業市場的職位增加落後於勞動人口增長,雖然近期失業率下跌,但勞動人口參與率同時亦減少,而美國今次經濟復蘇力度只及過去幾輪經濟周期的一半。

他又指,環球多個市場推行量化寬鬆政策,但他認為,量寬會帶來多個副作用,包括令依靠利息收入的個人儲蓄者蒙受損失、大量資金流入新興經濟體,造成資產過熱、拉闊貧富差距等。

另外,他指出,暫時未見訪港旅客人數下跌與港元強勢有直接關係,因港元名義利率上升 6.6%,而同期珠寶鐘錶等奢侈品價格下跌 8%,而酒店房租則下跌 12%,認為物價下跌已抵消匯價上升的因素。


來源:華富財經(2015 年 12 月 7-8 日)

169. 阿思達克財經網 2015-12-08 01:54:09

加息如箭在弦,黃金利空出盡

上周五,大漲之後的非美貨幣普遍出現了小幅的修正,歐元以 0.57% 的幅度領跌;商品貨幣除紐元升 0.87% 之外,整體波動有限;美元指數反彈至 98.246。美股大幅走高,截至收盤,道指上漲 369.96 點,報 17,847.63 點,漲幅 2.12%;標普 500 上漲 42.07 點,報 2,091.69 點,漲幅 2.05%;納指上漲 104.74 點,報 5,142.27 點,漲幅 2.08%。2 月黃金期貨上漲 22.9 美元至 1084.1 美元/盎司,漲幅 2.2%。

市場在過去一周主要由央行政策主導。歐央行不出所料延長了 QE 期限及下調銀行存款利率,但僅僅達到預期下限。市場的失望溢于言表,歐元爆升推動了黃金的初步反彈。隨後,周五公布的美國 11 月非農就業增加 21.1 萬人,高于預期的 20 萬。同時 10 月數據上修爲 29.8 萬人,兩個月合計增加就業超過 50 萬。在如此强勁的就業數據下,美聯儲已經沒有理由把首次加息再推到明年。而從近期官員的言論來看,12 月加息也是水到渠成。

然而金價在跳水後出現了急升,最高沖至 1,088 美元。因此前加息預期已經充分消化,這是一次典型的 “買預期,賣事實” 反彈。獲利盤將金價推升至下行通道頂部之上,進而引發了更多的空頭回補。結合此前愈發明顯但遲遲未見效力的 RSI 底背離,這在技術面上不難解釋。而美聯儲在 12 月加息之後,應該也幷不會急于在明年 1 月再度行動,因此就目前而言,黃金確實利空出盡。

周綫圖上,上周的陽燭完全吞沒了前一根陰燭,爲較强烈的轉勢信號,利好後市。不過日綫保利加通道頂部 1,094 距現價不遠,短綫或遇到反復。本周重要數據不多,主要關注美國 11 月零售銷售,PPI 及 12 月密執根大學消費信心指數初值。

來源:阿思達克財經網(2015/12/07 11:48)

170. 珍惜香港 2015-12-08 11:43:03
珍惜香港

轉眼間,呢個真正嘅第十個人競猜,已經接近尾聲。

又要提一提大家,下個禮拜四,將會喺第三個回合,即喺最後一個回合嘅揭盅。記得我响上個回合度話過,十二月呢次議息,將會再一次成為全球焦點。果然,芳間嘅評論,又再一面倒向加息呢個預期。比起八月份,我啟動競猜果陣呢,今次更加一面倒,何止全城唱加息,簡直就喺,當正美國佬,已經宣佈咗加息啦!

話說,耶倫連續兩日,暗示會短期內加息,仲話本月加息喺「現實選項」添。神山直樹,呢位日興資産管理首席戰略投資顧問,更加指明,美國十一月非農就業人數高過預期,年底加息「已成定局」。而利率期貨亦顯示,下星期加息機率「接近八成」。就連俾我封為真正大師嘅財爺曾,都响政府網誌度話,大部分人會預期,聯儲局十二月正式踏出利率正常化嘅第一步,就好似一套全球關注嘅「長篇連續劇」,觀眾早知嘅結果終於要上演咁。

至於金管局總裁,陳德霖呢,當然都唔執輸啦!佢亦講到明,話預計美國下星期就加息,唔單止喺咁,佢仲講埋一大堆危言聳聽嘅說話,嚇你一大餐,之後再叫各位,唔好自亂陣腳喎!

嘩!真喺好似打到嚟咁,唔知大家驚唔驚?

記得我啟動競猜之後,湯博士睇過呢度嘅回應,見到話唔加息嘅人,比加息嘅人多,於是就認為,我唔算喺第十個人。依家到咗尾聲,响咁一面倒嘅環境之下,唔知我仲算唔算有資格,成為「真正嘅第十個人」呢?哈哈哈!不過,原來仲有少數人,例如石鏡泉,都有質疑美國點加到息,但都喺果句啦,只提出質疑,唔敢直接否定。

今次呢鋪,真喺唔嘢少,下星期議息嘅結果,喺加,定喺唔加,意義都非常重大,因為美國佬嘅真面目,即將揭開。所以點解,我一開始就已經話,揀八至十二月呢段期間,向大家提出競猜,喺最 RIGHT TIME

不過,上次各位勇士表態,已經喺成三個幾月前。過咗咁耐,仲要大家堅持不變,好似有啲講唔過去咁。所以我決定俾各位一次轉軚嘅機會,時限定响嚟緊週日,而未表態嘅回應者,亦歡迎响呢段期間加入競猜

* 最後轉軚日期:2015年12月13日(星期日)
* 最後加入日期:2015年12月13日(星期日)


首先,當然要再重申,我喺睇死美國佬,今年之內唔加息啦!

依家,已經到咗關鍵嘅時刻。我要聲明,無論最後回合嘅結果喺點,呢個「真正嘅第十個人」競猜,都會正式結束,唔會延伸到 2016 年。

所以,呢個喺最後機會,俾大家轉軚、加入,而各位亦千祈唔好怕瘀。轉軚,唔代表你衰咗,敢於轉軚,先至喺大智大勇嘅表現,如果立場有變,又唔敢承認呢,反而喺懦夫行為。仲有,我希望上次表咗態嘅各位勇士,無論會唔會轉軚,都再回應一次,重新表明立場。而各位亦請放心,我呢份人,好均真,你點樣回應都好,回唔回應都好,你冇寫到明嘅話,我喺絕對唔會咁冇品,老屈你轉軚嘅,哈哈哈!

期待大家嘅回應!
171. 歷史長河 2015-12-08 12:03:01
唔加. 另外十年內加息唔會超過3%,都有可能先加再減。

重申:唔加息唔係好事,資金會繼續等待情況明朗化。
172. 長期讀者Y 2015-12-08 12:04:25
之前無投過,我投:
今年老美不加息!

173. 大寶二寶 2015-12-08 12:36:50
珍兄

我叫緊糊,点會轉呔?我剩係想知估中有咩獎品啫。哈哈哈哈……

共等之,哈哈!
174. 二叔公 2015-12-08 12:37:24
我信期貨佬,要轉軚,加 quarter。
175. yyfan 2015-12-08 13:22:13
唔加

但希望佢會加,否則一定世界動蕩
176. 亮劍 2015-12-08 13:35:43
世界經濟疲不能興,各國滙價對美元不斷創新低,而反映經濟興衰的油價就跌到一仆一轆。
美國呢陣要加息唯一理由,就是「做人要講口齒!」
話咗今年加;那可待下年!!
177. Sammy 2015-12-08 13:36:20
睇死美國佬,今年之內唔加息!
178. 惜緣 2015-12-08 13:37:17
珍港兄

維持睇法,今年不加息。
179. To 176. 亮劍 2015-12-08 13:54:05
   

       Missed you.



180. 無奈 2015-12-08 13:56:02
加1/8,附帶聲明,將會非常緩慢。
加1/4,附帶聲明,隨時會減息。


181. 向饭民说不 2015-12-08 14:27:56
看到 ate dog shit 的公民党,香港庆幸有689,否则,香港真系要跟台湾ate dog shit。

台湾的民粹令到建好的核电不能开,大巨蛋烂尾。所有基建stop。不过台湾人要ate dog shit,是他们自己的选择。我地香港吃花生,鄙视他们。

但是香港班公民党ate dog shit为了自己的利益,要令港珠澳大桥烂尾,要令高铁烂尾,要令3跑起唔成。

班公民党全部都是律师,不知道生活艰难,不知道香港就来被边缘法,仲对香港加多脚。

公民党全部都是人渣。
182. AH-HO 2015-12-08 14:46:02
維持我的預測,唔加。
183. 向饭民说不 2015-12-08 14:46:37
楼上,美国佬不加息是不可以的,在不加息,联邦储备局就没有权威了。美金分分钟暴跌。所以点都会加一点点。当然不可能多,因为全世界经济都好差。根本没有一个经济火车头带动。
184. 打工仔 Andy 2015-12-08 14:46:56
維持今年不加息!
185. 佛過大佛寺 2015-12-08 15:04:36
唔加息,估錯就將筆名倒轉來寫。
186. Jerry 2015-12-08 16:56:19
加息0.25,之後唔加或蝸牛咁加
187. Sugar 2015-12-08 17:02:05
同#186Jerry一樣:今年加息0.25
188. 肥婆四 2015-12-08 20:26:36
加硬!理由任佢講,總之要收人皮。
189. Gordy 2015-12-09 06:27:08
唔加。
190. 引刀一快 2015-12-09 06:29:20
加唔加樓價照跌!
191. 打工仔 Andy 2015-12-09 08:52:34
引刀兄

應景 ! 哈哈哈!
192. Joe 2015-12-09 23:14:25

差D忘記左,再講一次,唔加。
193. 魚蛋仔 2015-12-09 23:19:52

哈哈!我都不变。加!

194. 2011年開始 2015-12-10 00:45:52
不加
195. Oscar Lam 2015-12-10 07:30:02
珍兄,

現在不是估加不加息的問題,而是估加多少息?

可否加上一項,如果加息,加多少?這樣可能更加準確。嘻嘻!

在下估美國今年加息0.25%。
16. Oscar Lam
2015-08-07 13:16
更準確一些來說:

美國今年12月加息0.25%。
196. Oscar Lam 2015-12-10 07:32:44
16. Oscar Lam
2015-08-07 13:16
更準確一些來說:

美國今年12月加息0.25%。
197. Oscar Lam 2015-12-10 07:34:51
以上是在下之前估的。目前依舊有效。共加之,嘻嘻!
198. 估神 2015-12-10 16:48:05
美國佬會加0.15%應酬大家!

199. 估神 2015-12-11 20:14:01
珍兄:
懇請賜教……美國佬希望萬劍歸宗,盡收全球資金,可以唔加息都達到嗎?:-)
估神

200. yyfan 2015-12-13 08:13:29
只要留意下近日債市發生緊咩事,就知道加息真係一次都嫌多,除非美國佬可以做到置身事外,全世界出事都唔關他事啦
201. 新抱仔 2015-12-13 10:44:06
加。見到美債不跌反升,感到開始埋單的情況
202. 珍惜香港 2015-12-13 22:19:34
珍惜香港

TO:149/F Bosco、172/F 長期讀者Y、177/F Sammy、180/F 無奈、185/F 佛過大佛寺、186/F Jerry、187/F Sugar、189/F Gordy、198/F 估神、201/F 新抱仔

歡迎加入!

TO:174/F 二叔公、171/F 歷史長河、183/F 向饭民说不

暫時一位轉咗軚,兩位本來無凌兩可嘅表咗態。

TO:173/F 大寶二寶

可能正因為估中冇獎,所以吸引唔哂所有註冊者參與啦!哈哈哈!

TO:176/F 亮劍

又喺呢個似是而非嘅答案?我一樣會將你歸類為「否」喎!

TO:171/F 歷史長河

呢個真正嘅第十個人競猜,第三回合之後,就會正式結束,玩唔到十年咁耐。不過,閣下嘅預測,仍然會紀錄在網嘅。

TO:195/F Oscar Lam

根據依家大部份嘅市場預測,閣下嘅贏面好大,而你亦似乎假設咗,今次一定會加。都喺果句,第三回合,已經足以揭開美國佬嘅真面目,所以,加幾多,已經唔再重要,亦唔喺今次競猜嘅主題。

同樣地,閣下預測加 0.25%,喺會紀錄在網嘅。

TO:199/F 估神

萬劍歸宗,唔一定合乎美國佬嘅利益。加息,喺要「長遠付出」去爭取剎那間嘅好處,除非美國佬,真喺有條件食得起。如果加咗之後,短期內減番,市場對美元嘅信心就會盡失,衰過唔加,所以呢,倒不如出口術算啦。

加息嘅利弊,喺好複雜嘅議題,不過我可以用一個假設去演繹。加息推低美債,再以公開市場操作回收舊債,咁就可以賺番前債嘅成本。再加上前債已經喺超低息,即喺變相將前債,再推低到零甚至負利率回收。呢個做法,等同要美債投資者,為美國嘅債務埋單,同搶錢冇分別。但如果出口術,就已經可以達至相同嘅效果,咁點解要真喺加息,斷自己後路?

TO:200/F yyfan、201/F 新抱仔

兩位都喺睇債市嘅表現,但結論就相反噃!哈哈!

各位,我會將 DEADLINE,延至嚟緊嘅凌晨兩點。四個鐘頭之後,我會為大家嘅選擇,再作一次總結。
203. 小師妹 2015-12-13 22:35:10
今年不會加
204. yyfan 2015-12-13 22:54:42
新抱仔睇嘅係債市對加息嘅預期,我睇到嘅係加息對債市嘅影響,全球資金放係邊度最多?咪債市lor,睇下加息點樣影響債市,基本上可以知道決策者應該點做
205. 珍惜香港 2015-12-14 02:03:46
珍惜香港

轉軚、加入嘅 DEADLINE 又過埋啦!各位對美國聯儲局,今年(2015)內會否加息,最後取態簡列如下:

「會」:註冊 16 人,非註冊 8 人,共 24 人 .....
大胃IT人

Oscar Lam(12 月加 0.25%)(重申 0.25%
朗晴(2015 年尾加 0.1%)
middle middle c1ass
元朗人(香港唔跟)
大寶二寶(第四季 +0.25% 香港唔跟)(叫緊糊
新淡友(9 月加 0.1-0.125%,12 月或再加)
肥婆四(方便兄弟挘水,體現承諾)(重申加硬
Ronald(基於承諾同中美博奕之戰略考慮)
Schumpeter(難得打擊中國,人仔眨冇影響
收買佬(9 月就加)
Bosco(11 月中加入,話 12 月加 0.25%)
無奈(新加入,加息 1/8 慢加,1/4 隨時減番)
Jerry(新加入,加息 0.25% 之後唔加或蝸牛式)
Sugar(新加入,今年加息 0.25%)
新抱仔(新加入,美債不跌反升,開始埋單)
Fianncial Anlyst(6/F
過來人(11/F
弓丨人一笑(37/F
Ann Lee(41/F
AC(59/F
二叔公(13/F)(信期貨佬,轉軚加 0.25%
向饭民说不(67/F70/F)(權威因素
估神(新加入 198/F 加息 0.15% 應酬大家

「否」:註冊 25 人,非註冊 16 人,共 41 人 .....
珍惜香港
(基於新常態,抗加息事件自然生成
亮劍(一成機會夾硬加,香港唔跟)(重申?
數據分析員
yyfan重申但希望加息
x 息 x(預期效果已達,無須加息)
我是15樓CCL 上 150 回 133 再升至 16 年尾)
魚蛋仔重申唔加
Joe(美國冇經濟好轉勢頭)(重申唔加
路人皆知(環球 QE,美國冇條件加)
初學者Tony
八十後
CD ROM(撞正人仔眨值,Jetso 緊要 D)
AH-HO(中國匯率、利息改變)(重申唔加
惜緣重申唔加
打工仔重申唔加
占士
2011年開始重申唔加
旺絲(樓唔升租升 10-20%)
Carson
潘朵拉
十兄弟(話見美國客取消訂單喎)
歷史長河(十年內利率吾過 4%,或加唔過 3%
長期讀者Y(新加入)
Gordy(新加入)
小師妹(只喺話 9 月唔加)(重申今年唔加
cc(1/F
湯飯(3/F
TO so called financial anlsyt (not analyst)(8/F
HKTOM.COM(12/F
yy(14/F
過路人(18/F
屋村師爺陳(22/F52/F
中年人(25/F
怒婦炒魚柳(26/F
anggie T.(34/F
珍惜機會(48/F
Max(68/F
唔好再delete我(82/F
PF Law(88/F
Sammy(新加入 177/F
佛過大佛寺(新加入 185/F 估錯倒轉筆名寫

其他:註冊 1 人,非註冊 2 人,共 3 人 .....
引刀一快(總之樓市點都照跌)(重申題外話
hifi(5/F
(cc)(44/F

註冊 41 人:39% 會(16 人),61% 否(25 人)
表態 65 人:37% 會(24 人),63% 否(41 人)


今次再利用市場壓力,誘使各位轉軚,結果都喺失敗。呢度嘅讀者,到咗最後階段,仍然揀「否」嘅居多,佔約三分之二,同之前一樣,跟市場一面倒傾向「會」嘅現象相反。

睇嚟,响呢個場度,我做唔到真正嘅第十個人啦!哈哈!

熱切期待,最後一個回合嘅結果!
206. 珍惜香港 2015-12-17 03:25:39
珍惜香港續 205/F

距離結果,只剩番最後一刻咋!唔知大家緊唔緊張?

今次,美國聯儲局,受到嘅壓力,喺近十年,咁多次議息以嚟,最大嘅一次。呢鋪呢,真喺要買定花生等睇戲啦!此時此刻,全球嘅市場,唔喺「預期」佢會加息,而喺「當正」佢已經加咗,可謂史無前例。

加,即喺要頂硬上;唔加,就要露底!

如果,响咁嘅環境之下,都唔加息,咁好多嘢,就不言而喻。但喺,加嘅,又會代表啲乜?好簡單,加息,即喺話,美國佬响環球金融嘅舞台上,已經喪失咗領導地位,唔到佢選擇。好多人以為,美國可以借助加息,重奪話事權,其實,失去,就喺失去,仲死要抓住嘅話,只會失去得更快。

所以點解我話,美國佬嘅真面目,即將揭開

記得舊年九月果篇,環球經濟新常態之一,裡面我曾經暗示,持有垃圾債券嘅基金,尤其喺美債基金,開始要睇緊啲;半年後,我再提一次,仲發出咗最後警告。其實好多嘢,我唔想講到明,因為唔一定準,而我亦唔想倒人地米。最近,好多債基都出咗問題,尤其喺美債基金,當中有隻 Third 唔知乜仲話要收皮添。

美債基金出問題,已經蘊釀咗超過一年,加唔加息,都喺阻止唔到。我提出真正嘅第十個人競猜,仲要揀,八月份,年尾前,呢個 TIMING,喺有重大嘅意義。簡單講,無論最後嘅結果,喺加,定喺唔加,我都已經贏咗,點解?好難解釋,或者可以話,我揀咗呢個 TIMING 囉!

我之所以响最後一刻之前,出呢篇回應,喺因為有啲內容,揭盅之後喺唔會再提。

喺時候大覺瞓啦!

註:啱啱寫完呢篇回應,結果就出咗。算啦,都喺瞓覺先!
207. Ronald 2015-12-17 05:15:53
我中了
208. 亮劍 2015-12-17 08:34:16
珍港兄……不如開個 2016 年美國夾埋加唔加倒一厘,及香港加唔加倒半厘息好不好?
小弟首先表態,美國 2016 年可能加多 0.25 厘;而香港跟加 0.25 厘!
209. CD ROM 2015-12-17 10:03:25
出來認一認輸.........................

唔緊要, 亮劍兄你開個局, 大家都玩得開心!!!
210. 歷史長河 2015-12-17 10:10:40
認輸
211. 惜緣 2015-12-17 11:42:13
認輸先……

同意CD ROM兄,不如亮劍兄開局,在下相信大家一定會玩得更加開心。

共待之!
212. 珍惜香港 2015-12-17 12:01:17
珍惜香港

叮叮叮!最後一個回合,終於揭盅啦!

最後回合嘅答案喺:加息四分之一厘

哈哈哈!就大家嘅取態,答案,喺出人意表;而市場呢,就喺眾望所歸!

今次嘅大贏家,喺 Oscar Lam大寶二寶,兩位都喺第一次表態,就估中最後一刻先加 0.25%。另外,值得一讚嘅,就喺二叔公,好勇猛咁,於最後一刻轉軚,仲估中埋加幾多。真喺恭喜恭喜!

而我,呢個睇死美國佬,今年之內,加唔到息嘅死硬派,當然就喺輸咗

不過,更重要嘅,梗喺衷心多謝,各位嘅參與!

亮劍兄,我話過,呢個真正嘅第十個人競猜,第三回合之後,就會正式結束。其實,呢個 POST 已經出咗差唔多成四個月,好多表咗態嘅朋友,都唔知仲有冇追緊。就睇今次最後揭盅,截至呢個時刻,只有 5 位出現過,其他有關加息嘅回應,都去哂湯博士果邊。我嘅號召力,去到今日,已經喺咁上下,唔可以再玩落去囉。

不過呢,如果有亮劍兄嘅號召力,咁就唔同哂啦!不如劍兄,將你提議嘅,來年美國同香港加幾多息,响呢個專欄度,開一個新嘅競猜,你肯出馬嘅,大家一定會捧場,玩足一年!

今日,就美國加息,陳德霖話(03:44),大家要為港元利息上升,同埋資產市場可能作出嘅調整,做好準備喎。坦白講,如果你到今時今日,先至開始做準備嘅話,就已經太遲。

我話,提出呢個競猜,仲要揀,八月份,年尾前,呢個 TIMING,喺有重大嘅意義,呢方面,我有時間、有 MOOD 嘅話,會再同大家分享。不過,我想帶出嘅喺,預測,有幾準,有幾中,唔喺最重要。每個人,一生裡面,為自己嘅將來,都做過無數嘅預測,亦唔喺次次都準。問題喺,你响預測嘅過程之中,有冇憑每次跑出嘅結果,不斷修正自己嘅睇法。最難嘅,唔喺估錯果陣去修正,呢樣個個都識。但估中呢,你會沾沾自喜,更加肯定自己一貫嘅睇法,還是對自己再嚴厲啲,搞清楚估中嘅背後理據,喺唔喺真喺你諗果隻?

今次美國聯儲局,受到史無前例嘅壓力,已經代表咗,環球經濟,開始進入另一個階段。所以,加唔加息,喺冇乜分別。至於來年會唔會再加,加幾多,拭目以待啦!

總之,2016 年嘅投資環境,將會非常嚴峻。年幾前,我已經開始準備,你呢?

好多時,作為旁觀者,依牙鬆鋼,好似好爽。但如果你喺當局者,前面有 N 咁多條路,當中有唔知幾多條,喺死路,咁唔知你又會,揀邊條嚟行?定喺企定唔敢郁?唔郁,可能仲死快啲喎!

真正嘅贏家,唔喺睇你點估,而喺睇你點行動!

再送多次各位,一曲抉擇

真正嘅第十個人」競猜,正式結束,祝大家,乘風破浪,更上一層!

火影忍者:抉擇
213. 打工仔 Andy 2015-12-17 12:50:22
認輸!
214. 歷史長河 2015-12-17 13:17:19
再次認輸, 心服口服。
215. 小師妹 2015-12-17 13:21:22
輸了……但已準備好迎接嚴峻的2016年!
216. I am ready. 2015-12-17 13:29:58
我也準備好了
217. Gordy 2015-12-17 15:09:52
我認輸。
218. middle middle class 2015-12-17 15:22:39
珍兄,我一直有支持你啊!  不過,我上班的公司/所在嘅行業前景非常黯淡,加上不學無術,所以冇乜回應啫。

219. Sammy 177/f 2015-12-17 17:29:06
認輸
220. 2011年開始 2015-12-17 17:40:22
認輸
221. 東網專訊 2015-12-18 01:53:26

息魔殺到:聯儲局或將擴大逆回購規模

【on.cc東網專訊】聯儲局將聯邦基金利率目標區間上調 0.25 個百分點,至 0.25% - 0.50%,同時詳解如何通過 2 種利率來設定區間的上限和下限。

1、聯儲系統理事會一致同意上調超額存款準備金利率(IOER),由 0.25% 上調至0.5%,2015 年 12 月 17 日生效。0.5% 的 IOER 將成為銀行系統利率的上限。

2、隔夜逆回購利率提高 20 個基點至 0.25%,從 0.05% 上調至 0.25%;並取消每天 3,000 億美元的下限;換言之,或將擴大逆回購規模。通過這一機制,聯儲局以其持有的美國國債作為抵押進行隔夜拆借。

聯儲局表示,逆回購計劃的總規模將取決聯儲局目前持有的美國國債數量。聯儲局相信,大約有 2 萬億美元美國國債可用於該計劃。聯儲局並未明示如此龐大的逆回購規模將維持多長時間,但此前曾有聯儲局官員暗示,逆回購的規模將逐漸縮減。

上述運作表明聯儲局影響借貸成本的方式出現重大轉變。近幾十年來,聯儲局都是通過買賣美國國債來調整聯邦基金利率。由於金融危機爆發後大量準備金流入金融系統,這一方式的效果受到影響。

聯儲局官員認為,新工具能夠幫助聯儲局控制短期利率。

聯儲局未就其 4.5 萬億美元資產負債表的長期計劃發表評論。聯儲局稱,將繼續利用到期美國國債的收益來購買新的債券,以保持所持國債數量的穩定。

來源:東網專訊(12月17日 12:50)

222. 橙訊 2015-12-18 02:10:43

【唔使驚】金管局跟隨加息 銀行利息未加

【橙訊】美聯儲局宣佈加息 0.25 厘,金管局跟隨其加息腳步,宣佈加息 0.25 厘,而銀行是否跟隨加息才是大眾關心的問題。不用擔心,匯豐、星展香港、渣打香港等多家銀行,先後宣佈,最優惠利率將維持不變。

匯豐銀行今日宣布,該行的最優惠利率將維持不變,保留在目前的 5% 水平。匯豐對上一次於 2008 年 11 月 10 日改動最優惠利率,當時減息 25 點子。同時,匯豐給予港元儲蓄存款戶口的利率將會維持不變,儲蓄存款 5000 元以下無利息,5000 元或以上年利率 0.001 厘。

匯豐香港區行政總裁施穎茵表示,美國聯邦儲備局的公開市場委員會剛宣布加息 0.25 厘,是市場預料之中。由於香港銀行體系資金仍然充裕,本行決定維持港元儲蓄存款利率及最優惠利率不變。我們會繼續觀察金融市場的情況,有需要時會檢討港元存貸利率。

多家銀行維持最優惠利率不變

施穎茵續指,除美國利率走勢外,本港金融市場的資金流動也會影響銀行存貸利率。市民適宜留意利率變動下對其債務負擔的影響,盡早作出風險管理的準備。另外,渣打香港亦宣佈維持香港利率不變,最優惠利率維持目前 5.25 厘水平,港元儲蓄戶口利率亦維持不變。

星展香港企業及機構銀行總監兼董事總經理張健生表示,現時本港銀行流動資金結餘充裕,港匯持續高企在 7.75 水平,認為短期香港同業拆息未必需要跟隨美國上調,星展香港維持最優惠利率不變,亦維持按揭利率不變。他認為,加息對香港會有影響,但如果加幅不超過 1 厘,對整體經濟影響不會太大。至於香港何時加息,他說要視乎美國是否繼續加息、加幅,以及資金流向等情況。

中銀香港高級經濟研究員卓亮預期,明年美國會加息 2 次,每次幅度 0.25 厘,由於美國已經歷一段較長時間的復蘇周期,料未來的復蘇動力或會減弱,加息周期或會在 2017 年終止。卓亮又說,本港的流動性充裕,有延後加息的條件,但相信長遠本港息率與美國息率的走勢一致。由於預期美國的加息幅度溫和,相信不會對本港樓價構成太大壓力,料明年樓價會有單位數跌幅。

中銀香港發展規劃部副總經理鄂志寰表示,由於加息在預期之中,故對市場衝擊有限,雖然新興市場的資金外流會加劇,但由於新興貨幣匯價已提前作出調整,加上新興國家的外債佔外匯儲備比率較低,料不會因而引發金融危機。

銀行加息對市民影響有幾大?

美國加息對市民供樓會有多大影響?假設一個樓價 500 萬元的單位,承造六成按揭,供款 30 年為例,以現時息率 2.15 厘計,每月供款近 11315 元,全期總利息超過 107 萬。如果銀行跟隨加息 0.25 厘,每月供樓要 11698 元,多出 300 多元,全期利息就要多付超過 13%。假如出現加息周期累積加息一厘,每月供款約 12892 元,會比現時多 1500 多元,全期利息會增加至超過 164 萬,即要多付超過 57 萬元利息。

來源:橙訊(2015-12-17 16:14)