主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 25060    回應 : 39
蔡志忠
2016年2月24日
「3D辣招」何時撤?
 
蔡志忠
東區工商業聯會會長
港島工商團體聯盟會長 (2015-2016)

  去年十一、十二月份及今年一月份二手樓宇交投量均低於2千宗,創出有紀錄以來新低,相信今個二月份農曆新年的傳統淡季,肯定也是交投冰封。面對如此困境,經濟必受影響,相關行業從業員叫苦連天,於是減辣之聲又再響起。

  樓市百分百確定轉向,正式步入下行周期,然而樓價指數只是録得從高位回調10%左右,現階段政府是否應該減辣?或者放寬逆週期措施?這是一個值得探討的問題。上週金管局總裁陳德霖公開宣布,一旦確定樓市下跌,就會考慮適當放寬逆週期措施,即是放寬樓宇按揭成數。顯然,陳總裁和市場人士的看法不一,他還没有認定樓市正式向下走。

  外界均認為,財金官員和特首以及其他高官對樓市減辣態度不一樣,每當財金官員說要考慮減辣時,相隔一兩天,特首總會立即出來否認,可是這次陳總裁發表言論後,政府態度開始放軟,只派張炳良局長加以例牌否定。大家有時候會對政府施政產生混淆,其實認真想清楚,財金官員如曾俊華司長或陳德霖總裁,兩位所說的是樓宇按揭措施,而特首和一眾高官所提及的,則是捆綁樓市的「3D辣招」。

放鬆按揭  刺激經

  從政府高官的一些表態中,大家不難看出一點破綻。綜觀後得到結論,銀行的逆週期措施有機會放鬆,而撤銷「3D辣招」的道路還很遙遠。不過,在確定樓價下行的標準還沒有共識的情況下,金管局似乎仍按兵不動,或許要等到樓價從高位下跌15%至20%左右,金管局才肯輕微放鬆按揭成數。

  筆者認為,二千宗不夠的二手成交量已經代表慘淡的物業市道,樓價進一步向下跌是肯定的事,今天就算是輕微放寬按揭成數,只是幫助小部分上車者完成買樓願望,細價樓交投量或許會多一些,經濟運作或許會好一點,但是樓市趨勢仍然不會改變,樓價仍然會向下跌。陳總裁出招是推動經濟發展和幫助就業市場,外界評價一定讚多於彈。

  至於何時檢討樓市「3D辣招」,我想短期內大家還是死了條心罷了,CY政府明言樓市辣招是管理需求措施,香港樓市剛性需求巨大,政府出盡法寶才使樓價從高位跌了一成,萬一撤招令樓市回升,責任由誰負責?怎向反對派交代?政府要讓樓價下跌的意志堅定,如果樓價沒有下跌3成以上,恐怕難以動搖其立場。

  從經濟角度看,放寬按揭成數來刺激樓宇交投,對社會發展起積極作用,此乃無可厚非,就算是內地政府也頻頻出招救樓市,可以說救樓市就是救經濟。至於「3D辣招」何時會撤銷?16個月後再說吧,箇中玄機,下回分解!

 
我要回應
我的稱呼
回應 / 意見
驗証文字
 
1. 反AA 2016-02-24 13:27:12
地產代理只為自己諗而講歪理。

交投減少就等於市價肯定下跌,咁到講得出?

如果呢個理論屬實,咁更加唔應該減。否則一減咪會大升?

2. 同意 2016-02-24 13:41:01

同意蔡生講法: 大家死咗條心,唔駛要求CY撤招!

至於何時檢討樓市「3D辣招」,我想短期內大家還是死了條心罷了,CY政府明言樓市辣招是管理需求措施,香港樓市剛性需求巨大,政府出盡法寶才使樓價從高位跌了一成,萬一撤招令樓市回升,責任由誰負責?怎向反對派交代?政府要讓樓價下跌的意志堅定,如果樓價沒有下跌3成以上,恐怕難以動搖其立場。

3. Danny 2016-02-24 13:48:15

to:一樓"反AA"

閣下叫反AA,名正言順同AGENT過唔去,蔡生係投資者同業主角度寫文,非代表地代,閣下懂唔懂?都唔了解人家文章寫咩就加以批評,好無聊!

唔鍾意睇呢度就過主,費事影響呢度讀者質素!

4. 東方竹 2016-02-24 13:52:31

放寬按揭成數,俾小業主有機會上車或換樓係好事,最緊要搞活經濟,銀行都要做生意,各行各業有生機,我贊成!

[筆者認為,二千宗不夠的二手成交量已經代表慘淡的物業市道,樓價進一步向下跌是肯定的事,今天就算是輕微放寬按揭成數,只是幫助小部分上車者完成買樓願望,細價樓交投量或許會多一些,經濟運作或許會好一點,但是樓市趨勢仍然不會改變,樓價仍然會向下跌。陳總裁出招是推動經濟發展和幫助就業市場,外界評價一定讚多於彈。]

5. 地產人 2016-02-24 14:00:07

漫長嘅等待,16個月後至撤招,很多人已經餓死了!

CY政府唔會咁絕情吧?等待嘅時間要咁長?

"從經濟角度看,放寬按揭成數來刺激樓宇交投,對社會發展起積極作用,此乃無可厚非,就算是內地政府也頻頻出招救樓市,可以說救樓市就是救經濟。至於「3D辣招」何時會撤銷?16個月後再說吧,箇中玄機,下回分解!"

6. 怒婦炒魚柳 2016-02-24 14:37:20
說到底,「逆周期措施」幫誰上車?年輕人?N無人?

所有700萬元以下的自住物業,按揭最高成數由七成下調至六成,並收緊部分供款對入息比率,調整所有700萬元以下的物業按揭,最多只借出六成,即以後所有1000萬以下的物業,最多只可做六成按揭,首期一律要支付四成樓價。

即話300萬樓,要有120萬首期,假若買樓人士申請按揭時,單位並非自用,又或屬於第二套自用單位,供款相對入息比率的上限,由現時的五成降至四成。

試問有多少基層手揸120萬Cash?

若堅持完置業夢,去馬9成上車,金管局多謝你承惠$11萬幾按揭保險費。

今日答案可以話比大家聽,最幫首置者上樓嘅,並非財金官員陳、曾、張,而可以肯定係各地產發展商一手老闆。
7. Danny 2016-02-24 14:40:31
審慎理財至係醒,我撐財爺曾俊華!
8. SHUN 2016-02-24 16:07:16
由高位落四、五成先啦!果D地代福皆都抵啦!哈哈哈!
9. 要堅持 2016-02-24 17:02:12
2015年11月18日
最安全城市 樓價難大跌
 
蔡志忠
亞洲地產董事總經理
港島工商團體聯盟會長

  法國巴黎發生史無前例的恐怖襲擊,事件震撼全球。最近先進的歐美國家經常發生類似的恐襲事件,難免令人感到擔憂,看來現今世界,平安要比財富來得更重要。有法國遊客老遠跑來香港避難,選擇這裡的原因,當然是以安全排第一。

  近期突然間多了不少人提及安全的重要性,是因為世界多災多難。伊拉克、敘利亞、黎巴嫩等中東國家戰火彌漫,無數人痛失家園,變成了難民;也有些國家或地區經常發生空難、地震、車禍等天災人禍事件,世界似乎變得甚不安寧,難道人類在走回頭路?

  世人追求財富、競逐名利,同時也熱愛和平、珍惜生命,兩次世界大戰對人類帶來的災難,後人仍然未能吸取經驗教訓。所謂怨怨相報何時了,今天無論有多少悲傷,不管受多大傷害,還是該回到正確的道路上,放下仇恨、停止戰爭、重建家園。

  話題回到香港,這個被世人評為最安全的大都市。有幸作為這個城市的居民,筆者不得不要自誇一番,這裡不單是一個富裕的地方,而且是世上最自由的城市,更難能可貴的是,這裡還是全球最安全的地區。難怪香港的房價居高不下,好地方有好風光,房價高昂自有其因。

樓市調整一下更健康

  盡管目前各方評論皆指房價應下跌兩三成,然而事實上,樓價指數卻只下調了幾點而已,想樓市大跌的朋友可能會為之氣結。沒辦法,給一點耐性吧,大家再齊聲唱跌,相信目標一定可以達到,說實在的,樓價下跌已是一種社會期盼,不跌,反倒是違背某些人的意願,社會似乎會變得不和諧。

  筆者雖為樓市好友,但面對大眾的反高樓價情緒,也希望樓價有所回落。一方面,樓市調整一下更為健康,政府辣招得到奏效;另一方面,也安撫未買樓者的心靈,免得以後他們對樓市產生憤怒。社會上少一些不滿的聲音,對政府施政更為有利。

  不過,看事物要一分為二,大家希望樓價下跌的同時,也應該客觀面對現實,以宏觀的態度看樓市。中國人熱愛和平,堅決反對霸權主義,積極結交各國朋友,提倡不管遠親近鄰,都要守望相助、團結一致,如今可說是贏得了友誼。

  也正因為香港是全球最安全的地方,所以不斷吸引內地和外國投資者進駐。紅磡、灣仔和柴灣等全幢工商廈的破頂呎價成交,就是代表內外資金對香港投下了最信心的一票!

10. 地產人 2016-02-24 17:31:24

支持放寬樓宇按揭!

 [樓市百分百確定轉向,正式步入下行周期,然而樓價指數只是録得從高位回調10%左右,現階段政府是否應該減辣?或者放寬逆週期措施?這是一個值得探討的問題。上週金管局總裁陳德霖公開宣布,一旦確定樓市下跌,就會考慮適當放寬逆週期措施,即是放寬樓宇按揭成數。顯然,陳總裁和市場人士的看法不一,他還没有認定樓市正式向下走。]

11. 疾風之痕 2016-02-24 17:37:50
依家咩都政治化。香港人求仁得仁,房策也不可能不政治化。
1。英英要連任,一定不減辣。因為樓價指數仲未接近當年實施辣招水平,香港人買樓負擔仍大,依家減辣,市民會搵佢找數。另外,佢應該收緊某部份地產大亨權(支持唐營那些),因為好多施政遇到巨大阻力,都同唐營餘孽有關,如商會黨。樓市旺,地產佬講嘢都大聲啲。一日有辣招,地產佬一日唔好過。
2。財爺要進一步,更加唔會減辣,以免得罪人,特別是冇屋的市民。咁又怕唔怕會開罪地產佬呢? 當然唔會啦,大家諗下,地產佬要追都追英英啦,辣招係佢政剛嘛,點都搞唔到財爺。所以財爺唔減辣住,進可攻退可守。
3。陳總取消逆週期? 最易做到,但一定唔係依家做。因為財爺係佢呀頭。財爺嘅阿頭又唔想。
4。每個行業有週期,醒目嘅係食正個浪。地產冇得做,地盤好世界。人工好又可以強身健體。啲地產仔與期係條街争客打交,精力冇處發洩,不如去做下地盤,賺多啲錢好過,好過坐係到等運到。行內人話地盤佢有幾年好景。

12. 疾風之痕 2016-02-24 17:37:54
依家咩都政治化。香港人求仁得仁,房策也不可能不政治化。
1。英英要連任,一定不減辣。因為樓價指數仲未接近當年實施辣招水平,香港人買樓負擔仍大,依家減辣,市民會搵佢找數。另外,佢應該收緊某部份地產大亨權(支持唐營那些),因為好多施政遇到巨大阻力,都同唐營餘孽有關,如商會黨。樓市旺,地產佬講嘢都大聲啲。一日有辣招,地產佬一日唔好過。
2。財爺要進一步,更加唔會減辣,以免得罪人,特別是冇屋的市民。咁又怕唔怕會開罪地產佬呢? 當然唔會啦,大家諗下,地產佬要追都追英英啦,辣招係佢政剛嘛,點都搞唔到財爺。所以財爺唔減辣住,進可攻退可守。
3。陳總取消逆週期? 最易做到,但一定唔係依家做。因為財爺係佢呀頭。財爺嘅阿頭又唔想。
4。每個行業有週期,醒目嘅係食正個浪。地產冇得做,地盤好世界。人工好又可以強身健體。啲地產仔與期係條街争客打交,精力冇處發洩,不如去做下地盤,賺多啲錢好過,好過坐係到等運到。行內人話地盤佢有幾年好景。

13. 反AA 2016-02-24 17:53:32
To 3樓danny

地代打手
你又有咩質素? 
14. 反AA 2016-02-24 17:55:26
支持8樓SHUN

叱呢啲至係有質素我讀者。3樓danny一唔啱聽就叫人過主,仲獨裁過北韓
15. 反AA 2016-02-24 17:56:33
支持12樓疾風之痕

地代無飯開可以轉去做地盤
16. SHUN 2016-02-24 19:07:06
地代為左開單、尤其做新盤、佣金特高、所以不惜講反話、連中原老板施先生都認為今年至少跌1成啦!仲死撑、不知所謂、真係把x經紀佬!
17. 要堅持 2016-02-24 19:18:25

樓市將現小陽春

  筆者大膽預測過了農曆年後,樓市將出現小陽春,原因是樓價於幾個月內有了顯著調整,購買力也累積了一段時間,一些本地剛性的需求,例如:樓換樓、年輕人結婚和家庭分支買樓的需求釋放出來後,樓市成交量會變得暢旺。當然,樓價不會立刻回升,事實上也不具備回升條件,在港府明言希望樓價下調,以及加息陰影籠罩之下,過了小陽春後的樓市,可能又會重回跌軌。

  那邊廂,美國加息不代表其經濟已經完全復甦,今年內能否再加乃未知之數;這邊廂,香港沒有跟隨美國加息步伐,正顯示不怕資金向外流走。這到底為什麼?筆者認為,歐洲、日本、甚至中國還在實施量化寬鬆政策,美國的強美元只是一種外表姿態而已。

18. 要堅持 2016-02-24 19:23:18
只要堅持,任何辣招不需撤
19. 蕭峰 2016-02-24 21:44:28
映御和高逸華軒的銷售成績,已經顯示小陽春。


20. 是政治市 2016-02-24 23:17:52

外界均認為,財金官員和特首以及其他高官對樓市減辣態度不一樣,每當財金官員說要考慮減辣時,相隔一兩天,特首總會立即出來否認,。。。。。。

現在香港樓市是政治市, 如果樓市撤辣, 各路政敵就會聯手推跌樓市, 制造經濟動盪, 達到選舉目的, 所以, 大家不需要幻想樓市會咁早就撤辣招。。。

21. 真真薯片 2016-02-24 23:36:29
啱啱睇電視

沙田河畔花園245呎賣310萬

樓市跌夠未? 真係要睇689有幾離地
22. 地產人 2016-02-25 00:30:31
樓上,講嘢客觀一啲,唔好知道無地產人反駁,就語無倫次, 大家理性啲!
23. Danny 2016-02-25 00:50:23

針對地產代理冇意思,亦無須理會地產代理有冇生意,樓上吃過地代虧係閣下嘅事,私人恩怨別在這裡報.

宜家大家講香港經濟,講就業市場,減唔減辣對香港整體利益如何?咁樣合理啲!

24. 舍神 2016-02-25 00:51:36
一如租管..........要轍, 是以幾十年計的!

25. 東方竹 2016-02-25 03:56:27

作者文章文筆暢通,言之有物,評論持平,沒有針對任何人.

不明白某些廢青針對佢甚麼,買唔到樓需要發吓囉嗦?在這裏罵地產代理是指桑罵槐,無理取鬧,風馬牛不相及.


26. LYC 2016-02-25 11:53:40
真兄,河畔最新成咗間3.6M. 根本2手冇盤放出來,都唔知點解新聞咁多劈價,小小低價已經好快被好友掃晒,CCL好快會反映出來!
27. 并 2016-02-25 15:34:38
2015 年 9月 
https://www.youtube.com/watch?v=EgJfviDFUYA 

齊小姐: 抽到樓好開心好似中咗六合彩咁
呢個樓盤唔會摸頂
九千幾蚊一呎渣麻 
你話九千幾蚊會唔會摸頂吖?[slick] 
買樓o既原則係你買入個一刻就已經要賺咗錢架喇[slick] [slick] 

2016年o既今日 

映灣園套三房海景戶劈價165萬沽

中原地產東涌區首席區域營業經理范偉康表示,成交為映灣園5座高層G室,實用面積809平方呎,建築面積1080平方呎,3房套房加多用途房,享機場全海景兼園景,原業主於1個月前開價750萬元放盤,見市況慘淡,曾多次落價,1周前最新叫價為688萬元,新近一口價再劈103萬元,今早將單位以585萬元沽出,實用呎價7231元,建築呎價5417元,1個月內共減165萬元;上月底同類單位以680萬元成交,不足1個月樓價下跌14%。 

http://ps.hket.com/content/1377148/%E6%98%A0%E7%81%A3%E5%9C%92%E5%A5%97%E4%B8%89%E6%88%BF%E6%B5%B7%E6%99%AF%E6%88%B6%E5%8A%88%E5%83%B9165%E8%90%AC%E6%B2%BD
 
28. Ca1on 2016-02-25 16:11:12
回27樓

東涌已經勁遠, 仲出名空氣差. 佢仲買個距離東涌站勁遠嘅新盤, 跟住俾成萬蚊一實呎, 想贏都難啦.
29. 并 2016-02-25 16:46:15
 曹仁超過身 !
30. 毛毛 2016-02-25 17:47:23

LYC兄所講既360萬果間河畔係1月尾入田土廳, 即係11,12月左右賣左,唔係最新!! 真兄果個310萬新D,不過310萬果間係低層

31. DSY 2016-02-25 18:02:54

自成一隅,租務靠機場及本區已經有不錯的收益,當然講緊未有升薈及東環之前。但多左供應的同時,交通等亦有開放的預期(港珠澳大橋,屯門海底隧道等),雖然都有可能反而流向屯門,需要再看。

至於空氣,我因新家裝修臨時住過一陣,至少我不覺得差,好過中環!而且我非常喜歡周邊環境,東的人也感覺因為生活節奏相對CBD較慢而更溫和易相處!

如果caribbean coast實尺跌到6000我會入一間收租

32. LYC 2016-02-25 18:34:15
成交日期2月尾,CCL未反映。低層都3.1M,尺價唔低呀,顯示劏房還有市場,住房需求強大!
33. 神算 2016-02-25 19:06:27
希望河田畔花園單交易可以帶動ccl爆升啦!
34. 政治社會 2016-02-25 20:20:58

《經濟通通訊社25日專訊》《信報》公布,首席顧問曹志明(曹仁超)於2月21日逝世
,享年68歲。曹仁超為本港著名資深投資分析家,在《信報》服務42年。
  曹仁超,起名自信報財經新聞《信報》創辦人林山木之手,用於《信報》專欄《投資者日記
》的作者筆名,該專欄是集體撰寫及創作結合而成,其中金錢財務點評由曹志明負責,政治社會
等花邊題材由林山木及信報其他職員負責。
  曹仁超這筆名早被議定為《信報》資產,但曹志明多次在傳媒中,挺自使用曹仁超名義作公
開活動,引起林山木極為不滿。林山木於2009年09月02日在《林行止專欄》專欄作出嚴正澄清。(eh)

 

35. 哈哈 2016-02-27 00:29:56
民生喺社會永遠係係經濟之上,如果有人唔同意我祇可以講一定唔會命長
36. Ca1on 2016-02-27 10:30:42
冇經濟,何以有民生!香港冇咁多外匯,咁細地方冇天然資源點樣七百幾萬人,啲綜援點出?股市印花稅一日少則幾千萬,多則幾億,香港又冇消費稅,薪俸稅率又低,啲錢真係變出嚟?

香港資金自由出入,樓價飆升係美國QE嘅必然結果,呢個網站多年前亦好多人講過。政府為咗防止外地人炒貴香港樓,已經推出咗甘冒被指自由經濟倒退、辣無可辣嘅3D辣招,炒家立時絕迹,但推出後樓價仲係上升咁多,可見係供求失衡、外圍環境同資金帶動居多。年輕人可以做嘅,正如曹仁超所講,係做上一代人唔識做嘅生意去發達,去打低上一代人,例如美國嘅互聯網產業同相關嘅新興富豪就係最佳例子。
37. 茍然殘喘 2016-02-27 12:44:46

哈哈 此人袛會咀咒他人不長命, 誰人長命天曉得...

搞經濟的人都是勤奮的人, 此類人辛勞必長壽, 因為充滿生命力, 懶惰的人等待他人的施捨 民生的剩餘物才可以苟延殘喘.....懶蟲難以長壽...

 

38. 江河 2016-02-27 19:28:27

好文欣賞!值得回味!辣招暫時冇得撤!正確!

39. to 37/f 2016-02-28 18:44:48
哈哈,又睇下邊個長命

發展經驗衹會另貧富懸殊加劇,貧富懸殊最後衹會發起戰爭,歷史已經證實.

熱切期待